مديــرتي وقصـــتها العجيـــبه لبنات بلقيس وبس

الحالة
مغلق و غير مفتوح للمزيد من الردود.
هاه لايطول الانتظار يااغاليه
 
يااااا هلاااا بالغلاااا سلة فوااااكه
متاااابعييينج يالغلااا
 
وحشتينا سلة فواكه اتمنى تكوني بخير وصحه ونور المنتدى بوجودك
 
هلا بالغاليه مشتاقين لك ولمواضيعك
 
والله يالاسنان ماتنتهي سالفتهن الله يشفيك ان شاء الله وحنا بالانتظار
 
شوقتيني وااااااااااااااااايد
ابى اوصل للنهايه السعيدة ^^
بس اخاف اطولين فالعيادة :40: الله يعينج
 
هلا بالغاليات شكرا على السؤال لاتخافون علي مجرد سوسه لعينه وانشالت بدون رجعه ان شاء الله ..
المهم تقول مديرتي وخلنا نسميها تفاؤل انها بدت حياه جديده وطلعت من الشركه الي كانت تشتغل فيها الى هذا البنك الي الحين هي مديره فيه وكانت موظفه عاديه في خدمه العملاء لكن مثل ما تعرفون رواتب البنك عاليه, حاولت تفتح لها مشروع حلو يدخل عليها ربح بما انها ماعندها اي التزام وفتحت لها محل يعني تجاره خاصه..
وقفت على ريولها وحست ان الحياه حلوه بدون مشاكل او عوار راس او زواج وقررت انها تكرس حياتها حق هالبنت وعشان تربيها تقول كانو ينصدمون لما يعرفون انها مطلقه وعندها بنت الشكل والجسم يدل على انها بنت بنوت , لكن هذا النصيب وكل هذا وابو بنتها ما فكر حتى يسال او يعرف اخبار بنته وسمعت انه تزوج وطلق مره ثانيه لكنها عمرها ماحاولت تشوه صورته جدام البنت او تدعى عليه او تسبه وكانت تدعي له بالهدايه , مسكينه بنتها تخيلو ان عمرها ما شافت ابوها البنات الي بكبرها الاب يوصلهم الحضانه ويدلعهم ويشتري لهم ويطلعهم ويسفرهم وهي عمرها ما كحلت عينها بشوفه ابوها تخيلو موقف الام الصعب يعني تقول انه ميت وهو على قيد الحياه او تقول انه مسجون وتخلى بنتها تتعقد فقالت لبنتها انه مسافر وماراح يرجع الا بعد فتره ...
المهم صديق عمها كان يحاول ويحاول انه يوصل لها باي طريقه , مره من المرات تفاجأت فيه عندها بالبنك يطلب قرض , سوت له الخدمه وتعرفون اجراءات القروض يعني لازم يحضر مره او مرتين او اكثر , تقول ماتدري شلون دخل قلبها ,,حتى انها تنتظر عمها يوصل لها سؤاله او اي شي عنه ...
اخر مره طلب يتقدم لها وافقت بس طلبت تكلمه بالاول , قالت له ان بنتها عندها بالدنيا مستعده تبيع كل الدنيا عشانها وان كان شاريها ويبيها لازم يحطها بعين وبنتها بالعين الثانيه , قالها ان بنتها راح تكون بالعينين ,, استخارت الله وفكرت وشاورت وشافت ان الريال ما ينعاب وتوكلت على الله ...
طبعا كل هالفتره هذا الرجل ما تزوج نصيبه مادري شلون يعني اما يتقدم لوحده وتتم كل الاجراءات ويتفركش كل شي او يتقدم لها ويكتشف انها عندها علاقات او او او, يعني كان نصيبه على عكس عم تفاؤل لانه تزوج في سن صغير وتوفق في زوجه صارت مثل الاخت لتفاؤل ..
تزوجو وطلب منها ان ياخذون البنت معاهم شهر العسل لكنها هي رفضت لان من حقه ان يتمتع فيها كزوجه بدون اي اطفال او عوائق وهذا ابسط حقوقه خلت البنت عند عمها وزوجته وسافرت معاه , كان انسان رائع بمعنى الكلمه ,, حبته وحبها وندمت انه ماكان نصيبها من فتره , تقول اخيرا ابتسمت لي الدنيا بعد التعب الي شفته مع الاولاني , كان زوج بمعنى الكلمه , رجعو من السفر وعاشت معاه ومع البنت وماشافت الا كل خير واطيب معامله لبنتها , كان يشتري لبنتها الهدايا والالعاب واحن عليها حتى من الاب , هالانسان عنده حنان وحب مو طبيعي في قلبه للاخرين , حتى اهله الي في فالبدايه كانو شوي معارضين زواجها منه لما شافو طيبتها وذوقها حبوها وصارو يوصون ولدهم عليها , يابنات اي وحده مطلقه او تطلقت بسبب ظلم زوجها او خيانته او معاناتها معاه مهما طال الزمن تتأكد ان الله بيعوض صبرها خير وتتوكل على الله , تقول تفاؤل لوحده معانا تطلقت وكانت تبكي ليل نهار على نصيبها انها لما تطلقت اسودت الدنيا بعينها وحست ان حياتها انتهت لهالحد وحست ان خلاص مستحيل انها تتزوج او ان احد يرضى بها لانها مطلقه وفي مجتمع ما يرحم , ولو تزوجت اما راح تتزوج شايب او تكون زوجه ثانيه عمرها ماحلمت انها راح تتزوج واحد عمره ما تزوج وتكون معاه بهالسعاده ..
انا ماشجع على الطلاق لاسمح الله بس هالكلمات يمكن تكون بلسم لجروح كل مطلقه عشان تعرف ان الله رحيم بالعباد والدنيا ليلحين بخير ...
المهم تفاؤل بعد سنه من الزواج حملت , وكانت اكبر فرحه يوم دخلت لغرفه السونار مع زوجها وقالت لها الدكتوره ان في بطنها اثنين مو واحد ,, حضنوا بعض هي وزوجها من الوناسه وقاموا يصيحون ,, نفسيه بنتها تغيرت كثير عن قبل صارت تسمي زوج امها بابا وتحبه وماترضى الا هو الي يوصلها الحضانه وماتنام الا بحضنه ولا تاكل الا معاه ..
بدأت تفاؤل تثقل وتجهز لولادتها وهالمره بتكون عكس المره الاولى زوجها حبيبها ابو عيالها مستحيل يتخلى عنها مثل الزفت القبلي الله لايبتلي اي وحده منا بواحد مثله ...
وهي في الشهر التاسع خذت اجازه عشان ترتب اوضاعها قبل الولاده , ودعت زوجها الصبح قبل يروح الشغل .. وكانت تعبانه من الحمال ونومها ثقيل يعني تنام الى الظهر قعدت على صوت الباب يدق يدق بقوه الخادمه تقول لها طلعي بابا فلان برا تقصد عمها , طلعت وشافت عمها واخوها يقولون لها اتصلو بها كثير وما حصلوها طلبو منها تروح معاهم وتاخذ البنت والخادمه خافت ورفضت قالت لازم اخبر فلان تتصل بزوجها ومايرد ..
راحت معاهم بعد الحاح وهي تسال طول الطريج صاير شي ؟؟ في شي ؟؟ وكل افكارها ان امها صار لها شي او ماتت لانها كبيره بالسن ومريضه ..
وصلت البيت شافت امها موجوده , يابو لها كاس ماي وقالو لها سمي بسم الله على طول قالت لهم فلان صاير له شي ؟؟ قالو لها فلان عطاج عمره..
تقول ما قعدت الا انا بالمستشفى وياتها حاله مو مصدقه الي صار وتظن انهم يكذبون عليها اخر شي اكتشفت مع الاسف ان هالشي حقيقه لانه ماجاء لها المستشفى ...بعد اسبوع مسكينه ياتها الام الطلق واخيرا بتولد
بنات وهي تقول لي انا والبنات القسم الياي كلنا عيونا دمعت ماكان ودي اقوله بس كتبته عشان كل وحده عندها زوج تحمد الله على وجوده في حياتها مهما كانت سيئاته لان لو شنو لو غاب عنها لاسمح الله راح تحس بوجوده وقيمته ...
تقول وهي بغرفه الولاده بالطلق كانت تولد وتصيح على زوجها , تخيلو بنات وضعها الم طلق بطفلين و الممرضات كل ساعه يسالون عن ابو الطفل وهي فاقد اعز انسان بحياتها الي تمنت وجوده في هاللحظه بالذات , تقول كنت ادفع واصيح وابكي باعلى صوتي مو من الم الطلق تقول ماحسيت بالالم حسيت اني محتاجه اهم شخص في هاللحظه اهم شخص اول ما اولد يتحمد لي بالسلامه ويبوس راسي ويشوف عياله ويضمهم ,, اي وحده عندها زوج مهما كانت عيوبه تحمد الله انه موجود بحياته ما تحاول تزعله او تضايقه مهما سوى ترا الدنيا فانيه ...
حتى الممرضات اشفقو على حالتها وقامو يمسحون على راسها ووحده منهم قامت تبكي عليها يوم شافتها ..
تقول في ولادتها ببنتها على الرغم من ان زوجها القبلي ما سال ولا جاء ماكانت متهمته لانها مظلومه ومتاكده ان الله معاها وكانت منتظره تشوف بنتها على الرغم من الالم الي هي فيه و طول عمرها كانت تتمنى ان زوجها يكون واقف يمها ويحس بالمها لكنها انحرمت من هالشي ..
تتذكر كلامه ان راح يسميهم على اسم ابوه وابوها تتذكر كل تخطيطاته لقدوم هالطفلين , مسكينه بنتها يات على هالحياه وماشافت ابوها واخوانها مثلها ..
بنتها مرت بحاله نفسيه بسبب فراق زوج امها الي اعتبرته ابوها صارت ماتنام ولا تاكل وكله تصيح ,, عسى الله لايذوق اي طفل مراره اليتم ياارب .
بنات لازم اقوم انام تعبت من الكتابه تصبحون على خير بكره اكمل لكم مابقى الا القليل
 
ربي يعينها ويعوضها خير

متابعه سلوله
 
الله صبرها ويجزيها الجنه وياه انشاء الله
لكن الله يسامحج
صيحتينا ع تالي الليل
 
الحالة
مغلق و غير مفتوح للمزيد من الردود.
عودة
أعلى أسفل