اسطوره زمن
New member
- إنضم
- 2010/08/03
- المشاركات
- 4
بسم الله الرحمن الرحيم
عزيزاتى عضوات مملكه بلقيس ماادرى من وين ابدا اعذرونى على لخبطتى بالحكى لكن صدقونى ماجيت الا ابغى حل منكم وراجيه فيكم خير ان شاء الله مشكلتى كبيره وهمى كبير بالبدايه انا متزوجه لى سنتين وحامل عمرى 24 وزوجى 31 من تزوجت وانا وزوجى بمشاكل مالها اول ولاتالى من شهر العسل وحنا بمشاكل مايمر يوم الا ودمعتى على خدى عجزت افهمه كل شئ فيه معقد انسان عصبي وعنيد مايرضيه شئ حنون مع الناس واهله ومعى قاسي احيانا واحيانا طيب بعد سنه من زواجنا اواكثر بدت تهدا مشاكلنا بس الحين من حملت بالذات وهى راجعه يطنشنى دائما سهران ااه ماادرى ايش اقول اذا صارت ادنى مشكله عصب علي وطنشنى ونام او طلع ويعاقبنى بالصمت او الصراخ يحاول يسيطر علي بكل شئ يبغانى بس انفذ عقابه لى ماتتخيلون قد ايش يعذب احاول اصبر واتحمل بس دموعى تغلبنى واذا بكيت طنشنى وتافف مني على رغم غصب عنى مااعرف ايش اعمل معاه وش الحل لو اتكلم مليون صفحه ماوفيت الكلام ولا اللى بقلبي ابغى افهمه ابغى اعيش بدون مشاكل انا حساسه ومع الحمل زادت حساسيتى وزاد بعده عنه على رغم انه يبغى اطفال ويحبهم بس من حملت وهو بعيد والله الهم ذبحنى وكسرنى دموعى ماتجف لاليل ولانهار احيانا يعصب على اشياء تافهه يجرحنى كثير كلمه حلوه مااسمعها منه جلسه مااجلسها معاه واذا كلمته بموضوع بعده عنى وتعامله معاى عصب وتنرفز ولايعترف بخطئه ابداا احيانا هو اللى يغلط وانا اللى اتاسف والله تعبت ارجووكم ساعدونى لو بكلمه محتاجه اى شئ منكم يااخواتى انتم الوحيدين اللى شكيت لهم بعد الله لحد هاللحظه دموعى تخونى ومو ادره اوقفها ابغى اعرف زوجى من اى شخصيه شمالى ولا جنوبى والا ايش ابغى الحق على نفسي قبل مااموت من الهم احاول انسى مااقدر عايش معى بقلبي وبحياتى واللى فى بطنى معذبنى اكثر انه ابوه والله انا احبه كثير ولو مااحبه مااهتميت بس فعلا حياتى كل يوم تنهار مانى قادره اسوى شئ اعذرونى واسفه طولت عليكم بس اتمنى منكم رد سريع ولكم دعوه من قلبي
