للكفاح عنون وعنوني عبير

  • بادئ الموضوع بادئ الموضوع امول 66
  • تاريخ البدء تاريخ البدء
كملي ترى احس اني مقهوره:icon28:
 
راح طلال خذا ارفيجة سليمان وراح كلم اخو انوار و خطبها رسمي من اهلها .
وكان سالم اخو انوار مستغرب من طلب طلال ​

سالم : طلال ليش تخطب انوار وهي اكبر منك بـ 7 سنين و عندها ولدين شنو عيب زوجتك ؟؟؟​

طلال : زوجتي اكذب ان قلت ان فيها عيب ما تنعاب ام فهد و مو مقصرة معاي ولا راح القى مثلها بعد .
بس انا حبيت انوار و بطلبها بالحلال
انا ريال ماشي سيدة و ما عندي لف ودوران ما غلطت بشي​

سالم : هي كبيرة و هذا قرارها بس بشرط
ما تتزوج انوار الا برضى ام فهد ( عبير ) ما نبي اختنا تبدي حياتها بهدم بيت وحدة مو مقصرة و تخاف الله .
دق طلال على عبير و كلمها : ها اشقلتي ما راح اترجاج ابي قرارج الاخير
عبير : انا قلت اللي عندي يا انا يا هي انت اختار القرار بايدك انت مو انا .
وسد التلفون بوييها ​
 
لاتوقفي بليز
كم باقي وتخلص القصه
ياليتك تنزليها مره وحده لانها طالت
 
امووووووووووووووووووووووول نفسي اعضك القصة الى فيهاا خيانه ترفع ضغطي بس اكيد اسلوبك حلووو بالقصص والله حركاات من ورانااا بس بسرعه الباقي وش صااار خذاهااا ولا لأ جعله الهدايه من الله
 
images

امممممممممم هاذي انوار
كانت سمرة طويلة ونحييفة لبسها وايد متحرر و تارسه ويهها مكياج ملامحها ناعمة تفاجأت عبير و اسبقتها عالصالة و شافت طلال تركهم مع بعض و مشى
طبعا عبير كانت مو كاشخة لابسة نفنوف قصير عالركب و لامه شعرها ليه فوق بس شكلها مرتب واحترت من حركة طلال و جرأة الصخلة اللي جايه عندها بكل وقاحه تخطب لروحها .
من غير مقدمات تكلمت انوار وكانت حد الثقة انوار : صدقيني انا حبيتج قبل ما اشوفج من كثر طلال ما يمدحج و انا ما الومه بس صدقيني انا مو ضارتج وراح اصير اختج الكبيرة
انا ادري انج مستغربة من جرأتي لزيارتج بس صدقيني كان ودي ما تكشين مني ولا تحسيبني خرابة بيوت انا تطلقت من قبل و خربت بيتي وحدة و مارضيت تشاركني وحدة بزوجي لانها خاينة و اطلعت معاه بالحرام و تطلقت ، صدقيني انا و طلال بدينا بس اعجاب متبادل من الطرفين و تبادلنا الارقام بحكم دوامنا و ما توقعنا ان علاقتنا تتطور و انا ادري انه متزوج ولا تشوفين لبسي و مكياجي انا ملتزمة بصلاتي و بدينيو كلمت شيخ دين و نصحني يا أنهي العلاقة بالزواج او انسحب من حياته .
و فضلت اني انسحب من حياته .
ويوم نقلت من دوامي ليه قسم ثاني تفاجأت انه جانا البيت و كلم اخوي و طلبني رسمي . وحدة بوضعي عمرها 35و مطلقة و عندها ولدين و جاها خوش ريال مثل طلال نفس المجال نفس الميول وخلوق و متمسك فيج بشكل مو طبيعي و هذا اللي خلاني اوافق عليه اكثر انه ما يتنازل عنج لو شيصير و قايل لي هي ثم هي ثم هي بعدين انتي .
لو انتي بمكاني تردينه ؟؟؟؟
صدقيني انتي اللي داخلة وانا اللي طالعة
و اذا حسيت اني بضرج راح انسحب من حياتج
بس قلت ما يمنع انج تتعرفين علي و تساليني كل اللي بخاطرج و انا مستعدة اسمع لج من غير ما اعترض .
عبير : ما عندي أي اسئلة الا سؤال واحد
انتي جيتي شقتي من قبل ؟؟؟
انوار : ئيه الشقة انا و طلال اثثناها طبعا خدمة مني لاني مهندسة تصاميم داخلية يعني مهندسة ديكور .
ليش ما قاللج ؟؟؟
مي خالف هو خايف يزعلج ما تعرفين غلاتج عنده .
عبير :ولا آنا .
انوار : استأذن انا


 
شفتى يا خيال كل هاذ علشان تقنع عبير في حبها لزوجها وهاذي قمه الجرائه
 
اوووووووووووووووم القهررر


ياويل ويل ويلي


بآنتظااااااااارك امووووووولهـ
 
تسلم يدينك حبوووبه بانتظارك على أحر من الجمر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل