للكفاح عنون وعنوني عبير

  • بادئ الموضوع بادئ الموضوع امول 66
  • تاريخ البدء تاريخ البدء
روووووعه القصه
والله يعينا على الانتطار
 
شكرا بنات على تعليقكم وبنات ماقلتو شنو رايكم في عبير ومدى صبره في تحمل المشاكل ابي تعليق
 
اموووووووووووووول
جنج بطيتي علينا عسووولة​
 
ابشرووو يابنات راح اكمل اليوم ومعليش على التاخير بسبب ظرووف طاره
 
يوم من الايام اتصلت سارة رفيجة عبير وكانت مرت ارفيج طلال سليمان و قالت لها عبير لازم اشوفك
رحبت فيها عبير و جهزت روحها لاستقبال سارة
و استغربت عبير ان سارة مو على طبيعتها ​

اسألتها سارة عبير ليش ما تحملين ؟؟؟​

قالت لها عبير الحمدلله عندي البنت والولد و ما صدقت اكبروا عشان ارتاح​

قالت لها سارة لازم تفحصين انا اعرف دكتورة زينة​

قالت عبير احنا نمنع ما نبي عيال استغربت سارة و سالت عبير منو اللي يمنع بالضبط​

عصبت عبير و قالت شي الفرق​

قالت سارة لا لازم اعرف ​

قالت عبير طلال هو اللي رافض احمل الحين ليش شي السالفة ؟؟​

قالت لها سارة امنتك لا تقولين اني قلت لج راح ينهدم بيتي ​

قالت عبير اش صاير حرام عليج لا تلعبين باعصابي​

قالت سارة طلال وده يتزوج لانج مريضة و ما تحملين و قال لي سليمان زوجي لمحي لزوجة طلال ختتعالج من غير ما تفشين سر طلال و من دريت الحين ان طلال مجذب على سليمان وانتي ما فيج شي احتريت و قلت لج
ا
هني عبير انصدمت و حتى الدموع تحجرت بعيونها​

قالت لها سارة انا اتصرف لا تبينين لطلال ارجوج لا ينهدم بيتي​

المهم عبير بجت و بجت ​

و دخل طلال و قال لها اشفيج قالت مريضة
اوديج الطبيب قالت لا ​

وما يدري ان طعننها بقلبها و صخنت عبير من صج و ​

ارتفعت حرارتها و بما ان عيالها معطلين عن المدارس تمووا عند جدتهم ام طلال
و عبير تبجي بحرقة من الغدر مو من الالم وخذت اجازة من الدوام
و طلال نفس العادة يروح بيت اهله يجيب لها الشوربة و ​

ييقعد بالصالة يجابل التلفون و عيونه تلمع من الحب ولا يدري ان عبير درت باللي يخطط له من شهووور .​

عقب 3 ايام طابت عبير و جرح قلبها ما طاب ولا جابت سيرة و قاعة تفكر اشلون تسترد طلال وما تبي تتهور​

واللي زاد الطين بلة اختها عايشة زعلانه مع زوجها واقعدت عند امها تطلب الطلاق
اش راح تسوي تواجه طلال و تقعد مع اختها عند امها ​

وكلام الناس واخوها احمد اللي ما يرحم
اش راح تسوي لازم تفكر مليوون مرة قبل لا تقرر أي شي .​

مشت الامور طبيعي ولا كأنها تدري و من يطلع طلال ​

تطلع اللي بقلبها و تبكي بحرقة و مر اسبوع و عبير للحين ما تكلمت ولا تصرفت خصوصا وان طلال صاير حنوووون و رومانسي معاها و كأنه حاس ان عبير حاسة بشي .​
 
كانو الياهال نايمين عند جدانهم و كانت عبير بروحها في الشقة جاها طلال و قال لها : لبسي خنطلع نتمشى بالسيارة قالت اوكي البست و اطلعت معاه
قالت له وين رايحين
قال لها ولا مكان
بس ابيج بموضوع مهم
ومن غيرر مقدمات قال لها عبير انا مالي غيرج
انتي زوجتي وام عيالي و ماراح القى مثلج لا بجمالج ولا اخلاقج و لا طيبة قلبج
بس موب بايدي انا ما اتحكم بقلبي
ما املكه
قالت له عبير خير طلال اشفيك شي مسوي
قال انا احب سامحيني و مو قادر اطلعها من بالي صورتها 24 ساعة ببالي مو اقادر افارقها و يوم افارقها اصير مينون
قالت عبير انت اش قاعد تقول طلال انت من صجك ؟؟ تتكلم جد والله وليش تقول لي

قال طلال ما لي غيرك وانتي الوحيدة اللي تحبيني من غير مصلحة تحبيني لذاتي
وقالت له عبير و هذا جزاي يا طلال
قال لها والله موب ايدي رحت العمرة و استخرت و حبيتها زيادة والله موب بايدي ، انا قاعد اتحطم كل يوم و اتعذب .
قالت اشلون تعرفت عليها ؟؟
قال زميلتي بالدوام
قالت يعني تشوفها كل يوم
قال ئي اشوفها كل يوم
قال بس والله انتي اصغر واحلى
كل هالحوار و هم بالسيارة ما وعت عبير و انتبهت انهم ادخلوا من ارقى المناطق و قاعد يفتر حول قصر كبييير و فخم حييل و أشر طلال على زاوية البيت و قال طلال : عبير شوفي هاذا جناحها

انصدمت عبير و ما تحملت و دموعها تهل مثل الشلال
قال لها والله والله مو قادر اطلعها من بالي
قالت عبير والمطلوب
قال لها اتزوجها على سنة الله و رسوله
انا ما احب الحرام واطلبها بالحلال
وتمت ساكته عبير
قال لها قولي شي
قالت شا اقول مبروك
مثلا
تزوجها بس تطلقني ما تشاركني فيك وحدة ثانية

قال لا ما تشاركج انتي الاصل و انا فهمتها ان الأولوية لج
شنو شروطج شنو اللي تبينه انتي راح يصير
راح أاجر بيت عود و انتي بتظلين تحت و هي فوق و راح ناكل سوا و نطلع سوا و نصير عايلة وحدة وانتي تامرين واحنا ننفذ .

قالت عبير : انت قررت و خلصت و لقيت البيت و قاعد تخطط معاها اشلون انا اعيش حياتي ؟؟؟؟؟؟؟؟؟؟
انت ليش ما صارحتني من الاول
ليش انا آخر من يعلم

قال طلال عبير انا قلت لج انتي الآمرة الناهية ما ارح اترجاج
انتي عاجل فكري بكلامي و استخيري اسبوع و عقب يصير خير
انا مو طالب منج الا استخارة اسبوع
ثلاثتنا نستخير اسبوع
وعقب نقرر بس صدقيني ما راح اظلمج والله انتي اغلى ما املك

عديـم القلـب و الاحسـاس خـايـن مثـل هالنـاس
حسبتـك مخلـص ووافـي لقيـتك مالك أي اسـاس
تجرحنـي و لا تبـالي ولا ترثـي لحـالي
قلبـك ما عـرف غـالي و حبـك جنـه ما تنـداس

حبيبـي بانـت عيـوبك لا تـراوغ في اسـلوبك
ثوبـي ماهـو بثوبك و انـت من دون هالاجناس
اتبيـع من شـرى حبـك عـلا في قـدر قلبـك
ذنبـي ما هـو بذنبـك اغليتـك بلا مقيـاس

ترانـي و الله مستغنـي عن حبـك و صدقنـي
حيـاتك لا ما تلـزمنـي حيـاة الشـك و الوسـواس
و بلقـى بالبشـر ثانـي من بعيـونه يرعـاني
دام انـت تتحـداني بحطـم في رجـاك اليـاس​


 
متااااااااااااااااااااااااااااابعه بشوووووووووووووووووووووووووق​
 
بهالاسبوع قامت تصلي و تستخير و تدعي من كل قلبها ان طلال يرجع لها
وكان طلال مدلل عبير بهالاسبوع كل يوم مفاجأها بشي
ورد يدزه الدوام ، كيكة ، مطعم راقي ، مسج حلو
وعبير تفكر قاعد يسوي كل هذا عشانها
ليش ؟؟؟
اش كثر يحب االي بباله عشان يساحلها لهالدرجة ؟؟؟؟؟
و تبجي و تبجي و مترددة تخبر امها و لا لأ
اشلون تقول لامها ، امها ناقصة هم و تخاف يرتفع ضغطها و يصير فيها شي .
الحين مو وقته ، بيخطبون لاخوها احمد يعني لازم تخرب فرحتها ؟؟؟
وقالت اسكت واتوكل على الله ، واشوف اللي كاتبه ربي راح يصير .
المهم صار الاسبوع و جه يفاتحها بالموضوع مرة ثانية​

طلال : عبير لازم تتعرفين عليها اكثر
اسمها انوار مهندسة مثلي اكبر مني بس ما يبين عليها ما شاء الله ، !!!!!!!!! ومطلقة ولها ولدين
و عيالها راح يتربون مع عيالي
انا طول الايام لج و يومين بس لها
والايام انتي تحددينهم على هوااج ، تبين نعلن الزواج نعلنه
ماتبين نعلن عادي مو لازم احد يدري ، المهم الشي اللي يريحج حبيبتي .​

أي شرط أي طلب انا حاضر و انوار ما راح تقصر معاجراح اجمعكم سوا بمطعم و تقعدون بروحكم تتعرفون على بعض و اذا ما ادخلت قلبج راح اهون بس شوفيها و قعدي معاها ، ما اطلب منج الحين الا تقعدين معاها و ابيج توافقين باقتناع عشان ما تلوميني ليش انا حبيتها .
تبجي عبير ولا تتكلم
وطلال عصب عليها و قال تحجي قولي شي لا تعذبيني لا تبجين قولي شي .​

قالت عبير : لا تحرجني ولا تحرجها ما ابي اشوفها ولا اتشرف اني اقعد مع هالاشكال انا مو موافقة استخرت وما ارتحت
ما ابي مو غصب​

قال لها بترضين غصبا عليجشفتيها ولا ما شفتيها انا ماخذها​

قالت له منو ماسكك روح لها باللي ما يحفظكم​

قال طلال عبور سمعي انا اقدر اتزوج بالسر بس انتي ما تستاهلين اغدر فيج
والله لو حسيت اني راح اظلمج راح اطلقها
قالت له طلال ما ابي خلاص
ما اقدر هاذي حياتي و حياة عيالي راح اتحمل و احارب عشانهم
عصب طلال و كسر اللي جدامه ومشى​


ليتك تموت الـــــــــــيوم وارتاح أنـــــــــــــا منك ...
يرتاح قلبن بالخيانه طعنتــــــــــــــــــــــــــ ـــه ..
ليتك تموت وبلون الأســـــــــــــــــود أكفنـــــــــك..
واطوي معك صفحة عذابن رسمتـــــــــــــــــــــه..
ليتك تموت وداخل القبر أنا ادفنـــــــــــــــك ...
وادفن مع الجثمان جرحن جرحتـــــــــــــــــــه..
ليتك تموت ومحدن درى عنــــــــــــــــــــــــك..
غير الخفوق اللي وفالـــــــــك وخنتـــــــــــــــه..
ليتك قبل ماتموت في صدرك أطعنـــــــــــــــك..
وأصيــــــــــــــح بأعلى صوتي وقول حقي اخذته..
يلعنك قلبي والاحاسيس تلعنـــــــــــــــــــك..
يلعنك دمعن صادقن لك نثرتــــــــــه..
جننتني ياجعل ربي يجننـــــــــــــــك..
لا وحسايف ليلي اللي سهرتــــــــــــه..
منت بكفو قلبن له سنين صــــــــــانك..
منت بكفو اللي من اجلـــــــــــــك فعلته..
غدار .. خاين خنت قلبن مأمنـــــــــــــك..
قلبن عطـــــــــــــاك الحب وبيدك ذبحته..
وش موقفك لوكنت انا اليوم خاينك
وش شعورك لو فؤادك غدرته..

 
يجب تسجيل الدخول أو التسجيل كي تتمكن من الرد هنا.
عودة
أعلى أسفل