السلام
انا زوجي شرقي شمالي وانا غربيه جنوبيه
عقدني
ما يحب السوق ويقول انا ما احب امرتي تروح لسوقه على انه حاشرني عن السوق
مع هذا يعيرني بالسوق دايم
وامه واخواته يوديهم ويجيبهم لسوق وهو ما يقول لهم شيء
حتى برمضان لما وداني عشان اتقضى راح معي
والفلوس بالقطاره ووداني مرة وحده
والله اول لبسي كشخه:2: وانسق واعدل واحسن منهم لبس والحين خواته احسن مني لبس
وامي تشتري لي الاغراض اللي ناقصتني
واشتري البلوزه والبسها مره وبعدها اكرها وما البسها لاني اشتريها بسرعه ومن غير نفس
والله صرت اكرهه لبسي
واخذ من خواتي بلايز واكرفهم اكثر من بلايزي
كرهني حتى بالسوق
والحين خايفه بوجه عيد الاضحى انه يسوي فيني نفس الحركه
اللي بالعيد اللي قبلوه تعبت منه
على انه اول ما يقصر على بالفلوس بس الحين صار ما يعطيني
من كثر ما اهله يقولون وين تروح فلوسك ((وفلانه ما تاوي لك))
يعني ما ترحمك وقالولها بوجهي شلون من وراي
كيف اتعامل معه عشان يعطيني مبلغ محترم واشتري كل اللي نفسي فيه
ويتركني بالسوق اتقضى براحتي بدون شوشره
مع العلم ان حنا تونا سكنا شقه جديده وعليه مصاريف ممكن يأجلها بس ما راح اتنازل عن حقوقي
وطبعا من ضمن المصاريف اهله اللي يركض لهم
واذا طلبته شيء قال ما معي وهو حتى الالعاب الغاليه يشتريها لاخوانه
انا قبل ما اعرف المنتدى بديت اضعف من كثر خناقه على وصرت سلبيه وحسيت اني فشلت بحياتي حتى ثقتي بنفسي راحت من كثر ما يهزئني
ولما عرفت المنتدى تعززت ثقتي بنفسي وصار ما يهمني .. وما اكثر كلام معه على اي خلاف
كلمة ورد غطاها ... وان شاء الله بكمل دراستي حتي لو ياصل عمري 40 وبدور على وظيفه لو راتبها 100 ريال
بس عشان اثبت نفسي واقدر اوقف نفسي بدون ما انذل له
انا عمري 26 وهو 28 ولسى ما رزقنا باطفال دعواتكم لي يالغوالي بالذريه الصالحه
وزواجنا له 3سنين ونص
ابيكم تساعدوني باقرب وقت لاني شايله هم كيف اتعامل معه واطلبه منه غير هواش :a049:
