لكل زوجة شمالي شرقي إليك مفتاح قلبه

الحالة
مغلق و غير مفتوح للمزيد من الردود.
اضم صوتي لصوت مترو>>حتى انا زعلانه خخخخخ
هم عارفين انه الكلام ببلاش واننا محتاجين لمسات حضن ....الخ
لكن هم يشوفون انه غلط يعودونا ويقولوا كلام حلو عشان مانتمرد عليهم>>هذا كلامه لي بداية زواجي
هو في حل يااما نستغنى عن عاطفتنا ونتاقلم معاهم
يااما نبكي على حظنا
 
الحق بيكون مع الشمالي
انا ابشركم
بيتي فندق للشمالي
يجي يتغداء ثم ينام
يطلع العصر ولااشوفه الا عند النوم
ومدري متى اتكلم معاه بموضوع
حتى قلت ابغى السوق وهو على الغداء
قال اجلي الحوار قلت متى اشوفك
هههههه
قال عند النوم تخيلو واااء

طيب انا ما اعبس بوجهه بالعكس احيانا نادره اكون متضايقه
وجد الجنوبيات ياقلبي عليهم يحبون الطلعات والوناسه والفرفشه مو قابعات بالبيت لقصد السجن:(

انتظر نسخه من المفتاح:(
 
مضبوط مضبوط الشمالى فعلا بدو المثاليه فى كل شى ابتسامه علىىىىىىىىىىى طول بما انى جنوبيه غربيه كنت بالاول مستنيه البادره بعد ماعرفت شخصيتو هالمحروووووووووس اصبحت انا سيدة الموقف بجداره​
 
حتى أنا مليت من حياتي بس أريد أسولف وأطلع ما ريد حنان ولا أحضان
ف أيام خطوبتي قلتله أهم شي عندي أدوووور قال ولا يهمك وماشفت شي
أنا قبل زواجي خواتي مسميني تدمر فعلا إسم على مسمى

 
ضحكت الدنيا ..

فعلا حتى زوجي قالي نفس الكلمه !!!!!!!!!!!!!!!!!!!!
احس انه يبغى يربيني عرفتي اللي يبغى يعودني على نظام معين عشان يرتاح طول عمره ؟؟

يعودني على نظام معين و روتين معين ..
يعودني على عاطفه معينه احيانا احسه يقاوم مشاعره ؟؟؟ يكون حتى هو محتاج رومانسيه لكن يكابر و ممكن يتصدد عني يومين ثلاثه كأني اجنبيه عنه و خايف على نفسه من الفتنه و الخطيئه ههههههههههههههههه

و حتى بالفلوس يعودني على نمط ضرف معين ما يرهقه ماديا ..

حتى مره كنت احكي عن شخص و زوجته و طريقه حياتهم نقيض حياتنا ما شاء الله الله يهنيهم ..
و كنت مستعجبه ان هالشخص قريب من زوجي جدا و لكن زوجي ما شاف اي شي من رومانسيتهم اللي زايده عن الحد لدرجه كأنهم مراهقين ..
و يوم قلت له انكر كل كلامي و انه نظرتي غلط و يوم شاف الادله و البراهين ههههههههه << كنت مستعده بالاسلحه ابي افتح عيونه !!
انفجع و قال جايز بس هو غلطان !! عطاها وجهه من البدايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا انهرت و بغيت اموت حسيت كلمته سكين بصدري !؟؟
وش اللي غلطان و عطاها وجهه من البدايه يعني الرجال غلطان انه رومانسي و انه ما يخجل بالتعبير عن حبه لزوجته و ما همه الناس !!؟؟

حسيت صدق بحجم العناد و الكبرياء الغريب اللي عنده !!
يعني اذا جت زوجتك و عبرت عن حبها لا تعطيها وجه اثقل عليها عشان و لا تعودها انك تبادرها الحب !!

طيب ليش اجل تزوجتها ؟؟؟ ليش تتعب من مجرد شعور انها ممكن يخف حبها لك ؟؟
تناقض غريب اساسه الانانيه ؟؟!!

 
ياحياتي ياجنوبيات :32:

اقولكم شي ماتصدقون كنت جنوبية غربية

وزوجي شمالي شرقي

صرت شمالية غربية

وزوجي صار شمالي شرقي غربي

( بالله كيف تجي مادري ):10:

المهم مع العشرة اكتشفت شخصيته الحلوة

وحبيته بعيوبه

وتخلصت من كسلي وكثرة الاسترخاء

والرومانسية الزايدة

وصرت نشيطة واحب الشغل ومااحب اضيع وقتي

كملت دراستي وتوظفت

وانشغلت بشغلي وبيتي ونفسي واولادي

وهو صار يدور كلمة حلوة ويتمنى اعطيه وقت :31:



والحين الحمد لله الامور تمام

قولوا ماشاء الله تبارك الله

يمكن انا تغيرت

من كثر ماشفت بحياتي من مصاعب

وهو عايش حياته ولا درى عني

ابدي بنفسك والله النشاط حلو والزوج مو كل الدنيا

والرومانسية الزايدة بلشة

وكثرة الطلعات مافيها غير ضياع الوقت ويمكن ذنوب

الف شكر لصاحبة الموضوع


​
 
من بعد ما عرفت وفهمت الشمالي اكيدتطلع الجنوبية هي الغطانة
وكمان زي ماقالو الاخوات هوا بشوفك انتي بتعطي بعدين يعطيكي
ولو مبسوط منك بلا حدود بس لا يزعل بيقلب الدنيا حريقة ولا يرضى بسرعة
طيب انا بدي خبراتكم دحين
انا سرلي تقريبااا 5 سنوات متزوجة وكنا بالخارج وووو
والان نحنا بالسعودية مستقرين وسارلي سنتييييييييين
ولا فرش لي البيت غير اللهم المطبخ وغرفة النوم واهلي الله يخليهم جابولي حق الصالون غرفة الضيوف يعني
بس وللان ما فرشلنا شي وكل حلالة عند امو هية نقلت بيت جديد وفرشهااا كلو تقريبااا هوا الي جايبلها اثاث البيت وكلو من اغلا المعارض
بس ماقلي وانا عرفت بعدين بالصدفة من امو
طيب
انا اايش اسوي عشان اخلية يشتريلنا باقي الاثاث
مع العلم انو بيتي كبير ماشاء الله 6 غرف وصالتين
وانا حاولت معاة وقلي بعدين دون ذكر اي اسباب

معليش سامحوني طولت عليكم
هادي اول مرة اكتب
وفرط كل الشريط
 
يابنااااااااااااااااااات اسمعوني
طبعا زوجي شمالي شرقي وانا جنوبية غربية ومتزوجين لنا 8سنوات

والله مافهمته زين الا بعد ماعرفت صفات هذا النمط وانو خلقة كذا
وبما إننا احنا جنس النعومة والرقة والحنان والكلمةالحلوة
لااااااااااااااااازم إحنا اللي نبدأ دائما مع الشمالي
خصوصا ان الشمالي شهم ووفي وكريم وتعبيره يكون بالفعل مو بالكلام
انا كنت بالأول..ازعل لآنه مايدلعني..او يمدحني..او يشتاق للقاء الحميم
وكنت افكره شخص باااااااااارد ماعنده احسااس..وبنفس الوقت اقول احسن عشان اضمنه مايخونني
بس مع الوقت والتراكمات صار موقف وبدأت اشد وهو يشد لين رمى كلمة عليّه صحتني
(قال بديت اكرهك..لأنك انتي كرهتيني فيك)
صُعقت من كلامه هذا ومارديت بولا كلمة ورحت غرفتي وهو طلع من البيت وتجمدت افكاري واحاسيسي
يعني سبحان الله لما نطق..قالي كذا!!
طيب ليه..ودعيت ربي
اللهم افتح بيني وبينه بالحق وانت خير الفاتحين
وقمت انظف البيت واشغل نفسي فيه عن التفكير
ورجع البيت وانا ساكته..قال الله يعطيك العافية قلت الله يعافيك
حسيت ان ربي بجانبي واني بديت امشي عالطريق الصح
بنت اختي سبق ودلتني على هالمنتدى الطيب وعلمتني عالبوصلة الشخصية
بدون ماتدري وش اللي صار بيننا
قرأت صفاته
وتغيرت معه 180ْ ماشاءالله تبارك الله
صرت استقبله بابتسامه واهتمام واصبحه بكلام حلو وامسيه بكلام حلو
وكللللله يرمز ل إن صحته وراحته ووناسته عندي أهم من اي شيء
وصرت امسجه بدون مايطلب لآن الشمالي يموت عالمساج وكان اول يشحذني وانا ارفض مالي حيل
كمان شديت همتي في البيت نظافة وبخور وتدقيق في الأماكن اللي يجلس فيها غالبا زي غرفة النوم والصالة
كل شيء صرت اوقت له زين قد مااقدر

وألحين يالله لك الحمد وين كنت ووين صرت ماشاءالله لاقوة إلا بالله
(امانه اذكروا الله)
الزبدة
إني لما تغيرت معاه..تغير معي
وصار يستحي مني ويحشمني ..وإذا حس انه زعلني بسرعة يستدرك ويتاسف

انا أحس مفتاحة
إظهار إحترامه وتجسيد حبه في تصرفاتي بالأشياء اللي يحبها

كل وحدة تعرف وش يحب زوجها تسويه من نفس طيبة وتشوف كيف بيتغير معاها للافضل ان شاءالله

واكيد بإنتظار المفتاح على طريقة عشوقة
وعواااافي لكم كلكم يارب
 
OM NABEEL

زوجي كل فلوسه لاهلللللللللللللللللللللله فقع مرارتي

بس حرام لما يزيد من ورا اهله ما يقصر فينا خخخخخخخخخخخخخخخخخخخ

ما ادري ويش عقدة اهله هالشمالي الشرقي لا وتيجي عليه فترة يقول اهله محمليني فوووق طاقتي

اقول في نفسي طبعا عشان ما اقدر اقوله: انتي معطيهم وجهه زياااااااااااااااااادة

بس اصبره واقول اهلك معليش واتحمل ومن دا الكلام

الله المستعان

اعتقد الشمالي الشرقي ينفع معاه الزززززززززززززززززن >>>>>>>>>>اسلوب ابو زوجي الززززززززن وهو ينصااااااااااااااع للززززززززززن​
 
نسيت اقولكم ان اهم مفتاح للشمالي الشرررررررررقي هو



المدح ......... المدح .............المدح
​
 
بوسي بالعكس..الزن مايحبه الشمالي
وطلباتك خليها من بدري عشان يحسب حسابك دائما وهو بينفذها لك
وبالنسبة لأهله فصح الشمالي اهله عنده بالدرجة الأولى
بس مايهمني...المهم عندي يكون معي كويس ويلبي احتياجاتي
 
مستنين المفتاح
حبيباتي ما قلتولي ايش اسوي؟؟؟؟
في موضوع اثاث البيت
معليش بتقل عليكم بس لازم نستفيد من الخبرات
 
ام نبيل

هذي النقطة اللي يعقدني فيها ولسا مالقيت لها حل
ومازلت مناضلة فيها بس باسلوب يناسبه وهو الإقناع

كل فترة اذكره واحط مبررات عشان يقتنع لآنه اذا مااقتنع ماراح يجيب
حتى لو كانت اشياء اساسية


والله ييسر
 
صحيح كلامك الله يعطيكي العافية حبيبتي والله يعيننا عليهم
شكراااااااااا


مازال البحث جاري عن المفتاح
 
سلام عشوووقة طيب ابالك انا كل شي ان شاء الله اصبر علية واحب اقولك اني شايلة الشمالي شيل بس المشكله لا عصب سبني كلام وصخ مرررة وهذا الي يجنني كمان ينكر كل شي اسوية او سويته له يعني يطلعني حرمة نحسة وكمان مالي اي فايدة بحياته المصيبة ان وقت الزعل يقولهااا
وكمان في وقت يكون خلص الزعل بس انا اكون زعلانة منه عشان كلامة بدل ما يعتذر يكلمني باسلوب شيين وانا اعند وما اصالحة بس عادي اقوووم بامورة الا النوم وانا ما ادري وش فااايدة التجريح رغم اني اسكت واقولة تراني اقدر ارد عليك بس واثقة من نفسي ما همني كلامك وكمان انا احترم نفسي وارفعها عن ذي الافاظ السوقية وكمان حبيبي ترى ما تهمني بس اتاكد اني ما راح اخليك وراح اخذ حقي عن كل كلمة قلتها
تعرفين وش يرد انا ما سبيتك انا اتكلم عن الحريم بشكل عااام
اخر مرة من زعلنا جلس يحاول يجيني وانا نااايمة بس انا ارفظ ويحسسني انه مشتاق لي ولما جاء وصمم علي قلتلة انا زعلانة منك لانك امس جرحتني كثير بس اتاكد اني ما اسمحلك تغلط علي واني لو سكت بمزاجي بس انا قلت باخذ حقي منك حتى لو عطيتك فرصة هذي المرة بس مرة ثانية باخذ حقي دبل منك وحتمال تخسرني من جد لاني تعبت من سبك لي تصدقي وش قال
قال انا ما احس بنفسي وبالي اقولة وبعدين انا ودي انتصر عليك باي طريقة بس اطلع من الموضوع وانا منتصر فلا تركزين علي وانا معصب
وبعدين انا اشوف بلاوي بالشارع ومصايب من الحريم وابي انبهك اني صاحي وكمان احذرك
يعني اسلوووبة غلط بدل ما يوصل المعلومة ويطلب السماح بشكل صح لا يضل يسب ويعصب ويزيد زعلي علية يعني يبي يكحلها عمااااها انت وش رايك وويش الحل معاااه
اسفة لكثر الكلام خخخخخخخ لعلمك انا كنت دايم سلبية مع زوجي بس الحين بعد ما عرفت هذا المنتدى المميز عرفت التعامل معاه وصرت احسس زوجي اني لو بتنازل او اسكت او اصبر عن اي شي ابية يكون بمزاجي انا موغصب عني وبصراحة حسيت بفرق لاني من اول اسكت عن طلباتي غصب عني الحين لالا بمزاجي ولو بغيت شي اصمم لين اخلية يجيبة ببساطة ومندون كثر زن او مشاكل لانه يحس اني ما راح اعطيه فرصة ثانية وما راح اتنازل عن طلبي بي طريق او باي سبب الا اذا اقتنعت بالسبب
ما شاء الله تحسنت حياتي كثير بفضل الله ثم المنتدى فياليت تعلميني كيف اتخلص من هذي المشكلة ولا اخلية يغلط علي او ينكر دوري واهميتي او يحسسني اني مالي فايدة او تحسين انه يقول كذا بس من ورى قلبة وكيف اتاكد من شعورة نحوي​
 
انا كمان مشتاقة اعرف المفتاح منك يا عسل انا في انتظارك واسال الله العظيم رب العرش العظيم ان يجعله في ميزان حسناتك...........​
 
om nabeel
انا كنت زيك بالزبط بس استفدت كثيير من المنتدى اعرفي نمطك ونمط زووجل وابدائي شوي شوي بالتغيير
ادري بيكون صعب بالبدايو بس ان شاء الله بيتعدل
وترا الي اعرف ان الشمالي الشرقي مايحب الحرمة الي تتنازل عن اشيائها بس باسلوب حلو اطلبية وعطية فرصة ومدة معينة يعني كل شهر او كل شهرين شي ولا تنسين تمدحينه عند صديقاتك او اهلك اذا جاب شي وحسسية ان اشيائه مرررة حلوة وان ذوقة حلو
يعني رقصية بصدق بدون ما تسخرين منه ترا هو ذكي يفهم ويحس من تصرفك اذا صااادقة او لا
اطلبية بشكل مباشر بدون لف ودوران وحسسيه ان البت وجهه بيقولون بيت فلان مو بيت فلانه انا ما ادري عنك وعن زوجك بس اكلمك بشكل عام
عشان كذا تعمقي بدراسة الشمالي اذا كان زوجك شمالي والخوات بالمنتدى ما قصرو بس ابدائي بنفسك عدين زوجك اسفة للاطاله وان شاء الله اكون افدتك بشي
​
 
الحالة
مغلق و غير مفتوح للمزيد من الردود.
عودة
أعلى أسفل