لكل زوجة تعاني من ام زوجها نصيحتي لك

  • بادئ الموضوع بادئ الموضوع رازيا
  • تاريخ البدء تاريخ البدء
كلامك جميل يارزايا بس فيه مثااااليه متعديه الحدود حنا بشر ولنا احاسيس مو علشانها ام زوجي اكون حيطه هبيطه والله عندها عزومه وبناتها رصه بالمجلس وهي بالمطبخ جربت اني ارح اساعدها والله يابناات غسلت كلللللل مواعين المطبخ ملاحظه العزومه في رمضاان يعني المواعين كثثثثثثثثيره خلصتها وبناتها متكيااات بامجلس وام زوجي راحت تاخذ لها نعيسه ااااه تقول السكر ارتفع بعد الفطور طيب بنااتها مالها حق عليهم وللاسف يسالوني وش قصدك بالحركه !!اي حركه!!تدخلين المطبخ وتغسلين الموعين !مع العلم اني والله تبت مااساعد بشئ لانهم اذا زارزني ببيتي ولاكانهم يعرفوني والشغل الى فوق راسي ولاهامهم !!:8: ام الزووج مالها حق على مرت ولدهاا اذا كان لها بنااات:6: رزايا معلييش كلامك مو في الواقع الرسول صلي الله عليه وسلم لما امر لفقراء انهم يرافقو ابل الصدقه ليشربو من حليبها وعلم انهم سرقو الابل امر بجلبهم وتقطيع ايديهم وارجلهم هذا والله اعلم
 
بالنسبه للهدايا والله اذاجبتها لها تقول ليش وايش عندك !! ايش عندي يعني تمشين لي معامله بالوزاره !!ااااااه بس لما اعزم ام زوجي تقول ماني فاضيه ولا مالي قدره للزيارات واتفاجاء للناس لها قدره وتزور القاصي والداني وانا اذا قلت بزورهم تقول لزوجي مالي شده لتنظيف البيت كلم خواتك اذا بينظفون تعالو والقهر الطعس يكلم خواته بالله نظفو البيت ابي اجيب المداام خيييييير ماعاد ابي اروووح لهم خلهم على وصخهم اووووووووووووف
 
انا مع احتراام ام الزوج لكن بذل الغالي والنفيس في سبيل ارضائها وعلى حساب صحتك ووقتك لا والف لا اصلا لن ولن تنظر لي باني بمكانت ابنتها حتى لو ان معاملتي احسن والطف من معاملت بنتها يضلالقرد بعين امه غزال اااااااه
 
رازيـــــــــــــا سلمـــــــت أناملك.. وعساها ماتنعرض ع نــار...

مبدعه دائما كما عهدناك..


اختي قلبي مفقود..... للحين فيه ناس يخدمون!! ماعندهم خدااامه...

خدامه بالبيت وانتي راعية الكلمة فيه المفروووض..

ربي يعينج ان شاء الله..

موضوع رازيا مش مثاليه... هذا واقع وربي اشوفه بعيني... واشوف اكيد عكسه..
المفروض زوجج له كلمته والحق مايزعل لازم خواتج يساعدونج والا اطلعوا بروحكم..

بس ام الزووج اذا انتي مش ملزومة فيها (( لاتنسين اني زوجة واحد ملزووووم فيهم دامهم ع قيد الحيــــاه.. ))مو خواته انا اقول امه وابوووه... والباقي مب ملزومة فيهم...

انا استغرب ان فيه ناس بهالاحساس.. برمضان ومحد غيرج بالمطبخ!! الله يهديهم ..

ام الزوج وابوه حقهم على ولدهم ملازمتهم ومعاملتهم الحسنى.. والزوجة تعين زوجها على برهم عشان يبرونها عيالها هي وزوجهااا..

حاولي تتفاهمين وتشرحين له .. مايشووف بعينه!!!! ربي يعينج ع خواته وربي الدنيا ماتسوى انتي بنتهم الحين ع الاقل عشان اخوهم وربي لعيون اخواني حريمهم ع راسي من فوووق واهم شي راحتهم...

وامه وابوووه ربي يعينكم يارب ع برهم .. مقدره وحاسه فيج... ربي يفرج همج ويسخر لج كل قاســــــي..

تحياتي..

معلمة​
 
قلبي .. توني انتبه لردج الثانــــــي ..

عجبتني معامله بالوزاااااره...

ربي يسخرها لج.. وربي تقدرين تملكينها وترى الطيب مايضيع والله ان تحصلينه قدااااااام ومردهااااا لج...

هذي قصة صديقتي مضاووووي فديتهااا .. بتفيدج..

http://www.niswh.com/vb/showthread.php?t=331685

وحطي ب بالج شي واحد الطيب مع ام الزوج مستحيل يضيع قسم بايات ربي ان تلقينه قدااااام...

عليج بالصبر وطولة الباااال... ربي يشوووف صبر عباااده ويفتخر فيهم... بايمانهم وصبرهم ع اقداره عليهم.. ربي مايحرمنا هالشرف يارب..

تحياتي​
 
جزاكي الله الف خير
انا كنت من المتضايقين من تدخل الحماه في الحياة الزوجيه
وكان اول موضع اكتبه في هالمنتدى معاناتي من حماتي
بس بفضل الله وبفضل الاخوات الي نصحوني
والله والله صرت احبها كثير واذ جرحتني اعتبر الجرح من امي وليس من حماتي
والحمدلله ان قدرت اعرف اتعامل معها
موضوع رائع جزاكي الله الف خير
​
 
وايد ايينا من أم الزوج ,,,,ونتحملها ...........الله يهديها بس

بدل عن تقربنا من بعض تحاول تفرق
 
كلامك درر​

بس ماتخيل عمري اقووووولها يا امي​

عمتي هيه

جزيتي خيرررا وفميزان حسناتك​
 
كلامك صح .. بس بصراحة مو مثل امي لو امووووووووووووت ...


وليش الحماة تفضل بناتها على حريم اولدها ؟؟ لو بتعتبرنا مثل بناتها صح .. ممكن بس تفرق بيننا ؟ ليش ؟
انا حماتي مو مقصرة معي بشيء بالعكس مرررررررررررررررة طييبة الحمدلله .. بس احيانا احس بقهر لما اتذكر بعض المواقف ..

وجزاك الله خيٍر .
 
بس يا حبيبتي لما انتي بتحبيها وتحترميها وتراعيها وتامرين زوجك انه يحسن لها ويزورها

علما انكم ببيت واحد

ومع ذلك تشوه صورتك قدامه خصوصا بغيابك

عوض انها تسعى لتقريبكم تسعى لتبعيدكم وتتمنى تقنع ابنها ان قراره بزواجه منكي كان خطا وانه كان لازم يتزوج بنت اختها بنت خالته يعني

؟؟؟

شنو رايك اللي انتي تبوسين ايدها وراسها وتمسحين على رجليها وهي تغتابك وتفضح اسرارك ؟؟

لما انتي تقدرين تعبها وتربيتها لزوجك وتشكرينها هي ما تقدر اللي انتي تسوينه في سبيل ارضاء ابنها

وتغاااار اذا شافته حط يده على كتفك ؟؟؟

ما لقيت حل غير الصبر
 
بارك الله فيك يا اختي وجزاك الله خير

انا اتحمل ام زوجي مثل الجبال ماتحملت الارض
​

 
جزاك الله خيراً رازيا والله يجعله في ميزان حسناتك يارب ​

واتمنا اشوف موضوع يوصي الحموات على زوجات ابناأهم ويعتبرونهم مثل بناتهم مو تجي الحماة تتأمر على زوجت ولادها وتحرش فيه عليها غير الكلام قدام الناس الي يقهر بدل ما تستوعبها وتغفر لها الزله أنا الحمد لله الله رزقني بحماة في العشرين سنه الاولي من حياتي زي العسل الله يرحمها ويغفر لها ويسكنها فسيح جناته كانت حكيمه إذا صار مشكله واكيد مو معها مع بناتها الله يهديم هم الحموات موهي غيورات كانت تعالج المشكله وتنهي الخلاف بدون ماتحسسني أنا وسلفاتي إنها منحازه لأحد كنت اخجل من نفسي إذا اخطأت بسبب حبها لي لاكن لو عندت وتحاملت عليه لأزعل وانقهر منها ،، الأن أناخطبت لولدي وإن شاء الله اكون حماة حنونه محبه لزوجة ابني لأني زوجته ابي اسعده مو انكد عليه وعلى زوجته وبرضه البنات الموأدبات بيحترمون اهل زوجهم ويقدروهم ويعكسون تربية اهلهم لهم نسأل الله تعالى أن يوفق الجميع لمافيه الخير والصلاح.. ​
 
للرفع
الله يعطيكم العافية
 
قد تجدين بعض السلوكيات التي لا تعجبك من حماتك ،( أين نذهب؟ما نصرف ولماذا؟)الشغالة
فاعتبريها مثل والدتك. وارحمي فيها الكبر، واصبري على أخلاقها وصفاتها وغيرتها أحياناً منك، ونقدها لك أحياناً أخرى، ولا تجعلي ذلك سبباً للمشكلات، ولكن اصبري عليها وعامليها بالإحسان حتى وإن أساءت إليك..
تذكري دائماً فارق السن بينك وبين أم زوجك، واعلمي أن اختلاف العمر والجيل سيكون له دور في اختلاف الآراء والتصادم في بعض الأمور، فقابلي ذلك برحابة صدر، واعلمي أنك بحاجة ماسة لوجود أم زوجك بجانبك، ولا تظني أنك ستستغني عنها يوماً ما، حتى لو كان أهلك بقربك، فالعلاقة الطيبة مع أم زوجك مهمة جداً.


اصنع من الليمون شرابا حلوا



جزاك ربي جنة وحريرا على ماقدمتيه لنا يا رازياااا
 
جزيتي خير لكن والله هو الشاهد سويت اغلب الي قلتيه ولافاد
ولازلت ادعي ان الله يسخرهم لي بعد زوجي اهو السبب في اغلب ال
القطيعه الي بينهم الله يهديه ويعين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل