قصة صديقتي مضاوي مع ام زوجهااا .. اللي متضايقه من ام زووجها حياها

معلمة متألمة

معلمة متألمة

~◦ღ( مميزة قسم الإستشارات الزوجية )ღ◦
إنضم
2011/04/14
المشاركات
1,003
بنزل لكم قصة صديقتي.. بصراحه اكثر وحده علمتني ان الزواج مسؤولية وتحمل وصبر خصوصا اذا الزوج روعه هذي صديقتي..

اسمهااا : مضاوي

خطبها ولد عمهاااا اللي كان يموووت عليها كانت بثالث ثانوي عمرها 18 ومحمد ولد عمها23 كان عسكري.. وطوال الاسبوع بالدوام مايجيها الا بالويكند..

تزوجت مضاااوي بعد الاختبارات ع طوووول.. وزوجها ميت وطااااير من الفرحه فيهاااا لانه خذاها عقب حب خشوووم كان خاطبها رفيج ابوووها وابوها كان موافق وولد عمها نشب لهاااا وقال خيروها بيننا وانا راضي باختيارهااا.. المهم انها اختارته ع فريج ابوها..


بليلة الزواج امه منكدة عليهااا مناديته بليلة العرس تعال بس لعانه تبي تضايقهااا .. لانها ماتبي ولدها ياخذها تبيه ياخذ بنت خالته وهو قال اسف انا ابي مضاوي مابي غيرها..

المهم من اول ليلة زواااج بدت معاناة مضاااوي مع ام زوجهاااا اجازتة زواجه شهر وسافروا براااا واستانسوووو يوم بقا ع دواه يوم رجعوااا ..
رجعوا اليوم بالليل وبكرة كان دوامه 6 الصبح...

راح منها سبوووع وجاها الخميس من اول ماراح ش سوت امه فيها كانت تسكر باب المطبخ عنهاااا تخيلووووااااا ... والبنت تموت من الجوع ولما تروح لاهلهاااا ع طول عالمطبخ ووزنها نزل 20 كيلو ... وزوجهاااا يقولها شفيج ليش شكلج جنج مريضة ,,,, كانت تقول له ماتعودت ع بيتكم واشتاق لك ولهلي ... المهم انه خبر خير مايدري ش يصير وراه... ماعلمت زوجها ولا علمت اهلها ولا اي حد.. كان الويكند عندهااااا احلى ايام عمرها تموا ع الحال 4 سنين.. وهي كاقالت لاهلهاااا ولا له .. ماكانت تقول لحد الا انا وكنت اسغرب منهاااا اقول لها مايصير.. تقول لي هذي امه وش تبيني اقول له...؟؟

صارت تشتري لها توست وشبيس وعصاااير وهيتر للتوست وكاتل للماي .. وكانت تدعي ربي يفرج همهاااا ويكفيها شر عمتهاااا خلصت اول سنة وكانت حامل بالساااادس بيوم زواجها الاول وخذ اجتزة سبوووعين وسافر معاها ايطاليا وجنت العجووووز وبغت تنجلط... ورجعوا وطلعت السبوعين من عيووون مضااااوي.... والعجووووز تدري انها ماتعلم محمد .. وهالشي اللي مخليها مستغربه ولا بعد العجوز ماقالت ياحليلها مضاوي ماتعلم ولدي ولا تحط بيننا مشاكل.. بعد هالشي مابين بعين العجوز ولا شفع لمضااوي عندهااا..

وكل يوم كان محمد يحب مضااوي موت وهي اكثر منه والعجوووز كل ماشافت حبهم يزيد زودت الجرعه على مضااااوي...

بكملهااا لكم بكرة الصبـــح...

سوري والله مابي اشوقكم ولا لي هدف فيه بس مضطرة...

الصبح الساعه 8 انتظروووني قصـة تنكتب بماي الذهب...
​
 
موعدنا عالتمانية الصبح.............. صبّح صبّح ياعمي الحاج​
 
معقوله فيه حريم يسوون كذا ببنت الناس اش هالقلب اعوذ بالله
ننتظر.................
 
ننتظرك حبيبتي اذا ماسافرت والله قهر نفسي اعرف الباقي
والله انا اسغرب من بعض الاخوات يعني اذا ماعندك وقت كافي
عشان اللي تبين تقوليه انتظري للوقت المناسب لك واكتبي كللل شي براحه وروقان مو نحطه اجزاء
موفقه تقبلي مروري ​
 
صباح الخير...

اسفة ع التأخير بس ظرووووف مو على كيفي..

كانت العجوووز مقهورة من حبه لهاااا ومقهووورة انه ما اخذ بنت اختهاااا طيب ياشيخه الرجال تزوج وزوجته حاملو هي عارفه انه مايبي غيرها (( بصراحه بعض الاهل مـــــــــرض)) يعني لو اخذ بنت عمه ماعجبهم ولو اخذ غريبه كلوه وكلوها )) وش الحل يعني..!!

المهم رجعوا من ايطاليا وكانت دايم متواصلة معااااي شلونج يامضاااوي... وشلون ام محمد.. تقول والله مالي الا ربي ادعي ربي يهديها ويمملكني قلبها ...

وكانت تقول لمضاااوي وين بتتنفسين بالاربعين عندنا ولا عند اهلج... قالت مضااوي عند بشوف محمد ورايه اللي بيمشي...

هنا العجوووز ولعت ليش..؟؟ كانت تبي تشوف وشو راي مضاوي وتسوي عكسه...

رجع محمد بالويكند وكانت تقول لمحمد وضاوي موجوده وش بتسمي اللي ببطن زوجتك..؟ قال هي اللي تعبت فيهم مو انا هي اللي بتسميهم... وليته ماقالهاااا ... انفجرت العجووز انت مب رجاااال انت رخمة ... شلون ماتسمي عيالك تبيها تسيطر عليك... ومضاوي موجوده ودموعها ع خدها من حزنها ع محمد.. وقامت لغرفتها وبكت وعلى طول وراها محمد ودخل وشوي الا العجووووز مكسره الباب عليهم طق... تعال اطلع انت مب صاحي بجيب لك مطووووع...؟؟!!! ومحمد خلاص قفلت معاه...

ويقول لمضااوي تكفين لاتخذين بخاطرج ع امي تراها كبيرة وانتي عارفه الكبااار... وكانت تقول له اصلا امك فديتها ماشفت شي يضايقني منها وترى هالموقف اللي صار عادي بس انا ابكي عشانك... وقال لها يعني مو عشانج..؟؟ قالت لا هي حسبة امي.. ويقوم محمد وينفجر من البكااااا يقوووول منين طلعتي لي يامضاااوي... قسم بالله لو تزوجت حد غير مستحيل اعيش معاها نفسج...

وقالت لمحمد انت اللي سمهم مو انا قال معصي محد تعب فيهم غيرج انتي انتي اللي بتسمينهم...

ودخلت شهرها وجابت ولد وقال لها انتي سميه... قالت طيب وسمته ع ابووووه خالد ... وهو يقول لهاا انتي سميتيه عشان اهلي لايعصبووون صح..؟؟ كانت تحلف له براسه تقول لا والله مو عشانهم عشانك وعشان ابوك اللي جابك... وشرالهااا فيلا وأثثها بدون لاتري واول ماطلعت من الاربعين خذاها ووداها له وقال لها هذي هديتج.. وباست راسه وقالت له ماكان له داعي... حبيبي.. انت اكبر هديه من ربي.. قال لهااا مايسوى ترابج... الحمدلله انج طلعتي لي بالسلامة ماكان يهمني غيرج...

وسافروا عقب سبوووع هي وهو والنونو راحوا تركياااا وقعدوا سبوعين.. واول مارجعوا بيتهم ثاني يوم الصبح ماشافوا الا العجووووز جايبه اغراضها وقالت حق محمد ماقدر ابعد عند وهو وجهه مافيه اي معالم من الصدمة وطلعت لها مضاااوي وقالت لها يمه حيااج هذا بيت محمد و بيتج.. (( ع فكرة ماكانت تدري العجوز ان البيت باسم مضااوي)) وقال لها محمد لا والله مو بيتي هذا بيت مضااوي.. الا تصااارخ العجوووز وشو بيتهااااا ليه تكتبه لها بكرة بتطردك بالشااارع يالخبل .. انت منت بصااحي يالمسحوووور .. ومضااوي سااكتــه,,,, وراحت داخل.. ودخلت وراها العجوووز ودخلت اغراضهااا وقالت لهااا حطيني بغرفة استاهلهاااا وحطتها مضااوي بسويت غرفتين ودريسينغ روم وحمام وبلكووونه اكبر سويت بالفيلا... وكنت اقولها مضااوي انتي نادره.. وقالت لي مايصح الا الصحيح مستحيل اللي يزرع توت يحصد حنظـــل.. ومحمد يستاهل حياتي كلها مو بس معاملتي لامه...

ومضاوي جاب لها محمد طباخ وخدامتين وسايق قال لها محد بيوديج غيري كان يغار عليها موت ماكانت تروح الا الويكند.. والعجوووز ميته قهر وكانت تحاول تفرقهم ويوم عجزت انها تطفش مضااوي جات لها بالطيب وماكنت نيتها طيبه كانت تبي تزوجه بنت اختهاااااا ومحمد مهب حولهااااااا كلللش.. وصارت تعزم بنت خالته بالبيت... شراايكم...!!
بس لانها شريرة هالعجوز ماقدرت اتحمل انها تمثل انها طيبه.. ورجعت لمشاكلهااا

وانا اقول لمضااوي بعد بتسكتين !! قالت وش تبيني اسوي..؟؟ اعصب واتضااايق .. مسحيل ابين لها هالشي لاسباب واجد اهمها مابيها تعرف ان هالشي مضايقني يعني ماتحرك فيني ساااكن لان لو بيت لهم بيتعمدونه دوم ..وانا معجبه بهاا وبنفس القت مستغربه.. ومابي اسوي مشاكل ببيتي ويتضايق محمد ويصير لبيت مصدر مشاكل لمحمد وهو اصلا مصدر راحته... (( ذكــيــة وصبــورة... نادر اللي بتسوي مثلهاا ))

جا يوم من الايام وبنت خالته حاولت اتمادى وتطلع من سويت خالتها بدون غطااا ويابلفيت انها كاشخه وبيشوفها محمد وبيطيح من طوله ... جاتها مضااوي وقالت لها انتي ف بيتي ف لو سمحتي مكااانج بس سويت خالتج ماتطلعين منه الا للباب .. تكلمهااا وهي هاديه وواثقه من روحهاااا

عاد العجوووز انفجرت ونادت .. وجا مسكين ع وجهه مايدري ش صاااير.. واول ما وصل قالت له زوجتك البقرة تطرد ريم من بيتك...
قال لها وريم تسمع : اسمعيني.. مضاوي شيخة الحريم كلهم ولاتغلطين عليهاااا يمه.. بعدين ماسوت غلط صاادقه شلون ترضى اتمشى بدون غطا ف بيت مو بيتهااا..؟؟ والبت مو بيتي بيت مضــاوي.. ولها الحق تطرد اللي تبي منه...

ومسك يد مضاوي وقال لهااا تعالي خلوود يبيج... وراح والعجوووز ضغطهااااااا فوووق...

يعني ماتعرزم بنت اختها الا بالويكند وقت جيته من الدوااااام... ومايقعد الا هاليومين عند زوجته وولده..

واليومين عند مضااوي كانت اسرع من الثواني وباقي الاسبووع ثقيل ومايمشي..

وصارت مضااوي تنادي خواتها اللي اصغر منهااا ينامون عندهاا ويروحون الويكند والعجووز مب عاجبها الوضع وقالت لها شلون تعزمينهم ينامون عندج وانتي مارضيتي ريم تكمل زيارتها لي... قالت لها مضاوي يمه فديتج خواتي مب عند غريب ف بيت اختهم .. وكانت تنزل مضاوي عند العجوووز هي وخواتهااا عشان ماتملل العجووز وكانت تقول ماوي والله انها تكسر خاطري .. كنت اقول لمضاوي انتي ماتعصبين منها ومن حركاتها.. تدروون ش ردت علي..؟؟ كانت تقول اي شي يضايقني كنت اروح ع طول اتوضا واصلي ركعتين واقرى اللي اقدر عليه من القران.. وترووووووح ضيقتي.. ودايم اقول هي عجوووز وخاطرها يضيق بسرعه وولدهاا بصراحه ماكنت الومهاا وكنت احط لها العذر.. عشان تمشي حياتي واعرف ان ربي مب مضيعني.. لاه وصانا بالاحسان ودامني اطيع ربي فانا بميعة ربي وفي حمايته..

المهم راحت الايااام والعجوووز مامل ولا تكل ولا تمل من مضايقة مضااوي.. وكان محمد كل ويكند لما جي يسال مضاوي شلون امي معاج تضايقج بغيابي صح.. كانت تقول سبحان الله بالعكس عادي جدا ودوم اقعد معاها انا وخواتي .. هي يمكن لما تشوووفك معاي تزعل ويضيق خاطرهااا ولما انت بالدوام كلللش العكس..

وكان محمد يستغرب وصدق ان امه بس تضايق مضاوي بوجوده..!!

حملت مضاااوي كان عمر خلووود سنة وطااار محمد من الفرحه والعجوووز كانت تقوووول يوم عرفت.. لاتستانس لا واجد حريم جابوا البكر ولد وعقبهاا بنات... قال لها محمد لا انا ولا مضاوي ولا انتي يمه اللي نختارهم هذا من ربي ومن بطن مضاوي يعني يسوى رووحي عندي... مو لو تجيب بنات .. لو تجيب منغوووولي ماتضايقت .. اي شي من ربي حلـــو....

ربي لايغير عليهم يارب...

العجوووز فقدت الامل من محمد بسالفة انه يطلق مضاوي او يتزوج عليها .. فخطبت ريم بنت اختها لولدها الثااني كان عمره 21 وريم 20 وزوجتهم وانتقلت العجووووز عند ريـــــــــــــــــــم... :)

وارتاحت مضاااوي..
صارت مضاوي بحملها الثاني بالشهر الرابع وراحت للدكتووورة وطلعت حامل بتوأم... وبكت مضاوي من الوناسه.. وماعلمت حد الا محمد حتى اهلها ماعلمتهم .. ومحمد محد قده..

وكانت مضاوي تزور عمتها ام محمد كل ويكند مع محمد وتودي خلود معاها لجدته وكانت العجوز شوي اهون على مضاوي لانها كانت تبي ريم عند حد عيالها وصار اللي تبيه..

وكانت تهدي عمتهاااا بين فتره وفتره ومحمد مايدري ماكانت تقول له اسالها ليه..؟؟ كانت تقول لي انا سوي لربي مو لمحمد .. لان مضاوي تعرف ان العجوز مستحيل تعلم محمد باي شي حلو عن مضاوي..

المهم راحت الاياام وولدت مضاااوي وجابت : سعود وسعد .. ومازارتها ام محمد ولاباركت لهاااا

لانها كانت مشغوووله مع ريم مشااااكل وهوااااش وخلصت مضاوي الاربعين وراحت لعمتها عشان تشوف العيال.. وشافتهم واستانست ..وكانت تقول لمضاووي لاتخلوني تعالو لي... دوم..

تقول لي مضااوي ان ام محمد صحتها ماصارت مثل اول وتكسر الخاطر.. وحتى محمد لاحظ هالشي..

ويوم من الايام تعبت العجوووز وودوها المستشفى وقالت لمحمد واخوه ناصر وريم نادوا لي مضاوي ابيهاااا.. وجاتها مضاوي.. وطلعتهم كلهم قالت ابيها بروحهااا وطلعوا وبكت العجوووز وقالت لها مضااوي الليس سويته فيج سوته ريم فيني... تقفل عني الثلاجة وتطلب لها ولزوجها العشا ومايجيبون لي.. ومضاوي تبكي.. وتقول لها يمه تعالي عندنا انا ومحمد بيتنا مفتووح لج وخليهم وتعالي لنا انتي الداخله واحنا الطالعين..

والعجوز تبكي تقول مالي وجه وماستاهل طيبتج.. ونادت محمد وطلعت مضاوي وقالت لمحمد ترى يوم تزوجتها كنت اقفل المطبخ عليهااا وماتاكل عشان كذا تشتري لها الشيبس والتوست والعصاير ..

تكفى ابيكم تسامحوووني انت وياها ..ومحمد عيوونه مليانه دمووع ونادا زوجته ولم عليها بالمستشفى وباس راسهااا قدام امه وقال لها ليه ماعلمتيني باللي امي سوته وليه كنت اسالج وتقولين لا مايصير شي بالعكس كل امورنا تمام..

كانت تقول له هي حسبة امي ويكفي انها سبب وجود اغلى انسان بحياتي..

اي نسيت اقول لكم تعب العجوز كان عندها هبوط بالضغط والسكر من قلة الاكل..و الدكتور علم ناصر ومحمد وراح ناصر لزوجته وتهاوش معاها وقال لها اخذي اللي تبينه من البيت واطلعي برااا انتي طااالق..

..

وراحت العجوووز لبيت مضاوي ومحمد وحطتها مضاوي ف عيونها طبعا نفس قبل..

رجعوا البيت وبعد سبوع بالضبط اخذ محمد وامه مضاوي وراحوا لمزرعة فيها فيلااا واسطبل خيل ودخلوها وقال لها محمد هذي هديتي لج وامي شاركتني فيهاااا تقول ابي اعوض مضااوي...

ومضاوي تبكي تقول يمه ماله داعي انتي حسبة امي.. والعوز تبكي وتقول اللي سويته فيج مايسويه كافر وانتي حتى ولدي مادرى به الا مني.. وماخليتيني كنتي تواصليني وتجيبين لي عييالج وتواصليني وتهديني ومحمد مايدري.. انتي ذهب يامضااوي وانتي بنتي اللي ماجبتهاااا (( ع فكرة العجوز ماعندها بنات
وكانت تقول مضاوي عمتي ماعندها بنات عشان هالسبب كانت تقسى علي وتغار من حب محمد وحبي لانها ماجربت البنات وماكنت الومها))..

وعقبهااا بسنة تعبت العجوووز مرضها الاخير اللي ماتت فيه.. وماتت ويوم فتحوا وصيتهااا لقوها كاتبه بيتها وعمارة عندها باسم مضااوي تقول مابي تحتاج حد بعد عيني... هذي لها ولعياالها.. الحين العجوووز لها 3 سنين متوفية...

وجابت مضااوي بنت وسمتهاااا ع امه عائشة والحين حامل... وعلاقتها مع زوجها كل مالها وتحلى ماشاء الله عليهااااا ربي يحفظهم من كل شر...

بناااات انا كتبتهاااا لكم عشان تستفيدوووون وترى مايصح الا الصحيح... مع لعانتة العجوووز وشرها اللي فيها بس كان الطيب اللي تسويه مضاوي تارك اثر كبير فيها حتى لو مابين فيها بس مرد يجي يوم ويبين ..

ربي مايضيع اللي يطيعه...

الاحسااان ثن الاحسااان ثم الاحساااان..و ربي تستعبدين النااااس باخلاااقج وحسن عشرتج...

كتبتها لكم للفايدة..

وكل وحده ام زوجهاااااااا شريرة اتحملهااا عشان تمشي حياتها وحطي ف بالج الشي ان اي طيب تسوينه لو ضاع عند الخلق مستحيل يضيع عند الخالق...

الحياه هذي مزرعة اي شي تزرعينه بيجي يوم وتحصدينه.. فأي حد يزرع مر لا يتوقع انه بيحصد توت .. انتبهي لاتحصدين شي ماتبينه...

حتى لو مابين طيبج بام زوجج بيبني في زوجج وعيالج وحيااتج صدقوووني من تجربتي وتجربة غيري...
والذكي مو بس اللي يستفيد من اخطاءه الذكي اللي يستفيد من اخطاءه واخطاء غيره...

تمنياتي للجميع بتسخير ازواجكم ووالديهم يارب..

عندي قصص واجد صايرة لصديقاتي ولهلي وناس اعرفهم بحاول اكتبهاااا للفايده ..

تحياتي للجميع : معلمة متـألمة​
 
صباحكِ كله خيرات و مسرات,,
مشكورة على هذه القصة المعبرة,,
ومعاكِ حق,,المعاملة الحسنة,تذوب الحجر,,
والكلمة الطيبة,,لها مفعول السحر,,
والإبتسامة,,صدقة طويلة المدى لصاحبها,,
أما الهدية,,عربون المحبة,,
و ركعتين بالليل,,تدعي فيها رب العالمين بما تتمنين,,سر حياة مطمئنة,,
الله يعطيكِ ألف عافية,,ويسعدكِ دوم بكل خير,,ويوفقكِ بكل خطواتكِ,,اللهم آمين,,
 
(حتى لو مابين طيبج بام زوجج بيبني في زوجج وعيالج وحيااتج) والله انك صادقه وعن تجربه
يسسسسسلموا قلبوا
 
زين والله. إذا الموضوع من وراه بنايه كل وحده بتصبر خخخخخخخخخ.
 
احلى خوخه

رحى
وينك حبي

الاميرة الناعسة

تسلمون ع المروووور.. وعلى التعليق الاروع..

هههههههه جنة ربي يضحك سنج مثل ماضحكتيني ...

هذا مو من العجوووز هذا من رب العجووووز.. ترى الصبــر في الضراااااااااااء يابنات عند ربي مهب هيــّن ترا اجره وثوابه وثماااره اكبر ....

والرسول يوم يقول اقربكم مني منزلااا يوم القيامة احسنكم اخلاااقااا ماقالهاا من عبث ولا من شي بسيط
حسن الخلق وحسن العشـــــــرة تذّوب الحديــد...

بالتوفيق للجميع​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل