-------لكــــل زوجـــــه بتموت من الهمـــــوم على زوجـــها-------(دعوة للتحرر)

جزاك الله خير اختي والمقال والله رائع وصيحيح
ميه بالميه :clap:
وان المفروض الوحده تعيش عشان نفسها اولا
لكن مسألة السفر
لو كنت بسكت له في كل مره واقول كيفه انا
راح اسعد نفسي باي طريقه ولا يهمني
وش راح استفيد لا سمح الله لو جاب لي مرض؟؟؟؟
ساعتها راح اكره حتى نفسي اللي اسعى اني احبها
:shutup:<<<<<<<<<<<<وحده تتكلم عن حالتها
 
احترنا كيف نعامل الزوج ان ركضنا وراءه ما اعطانا وجهه وان تركناه راح دور على غيرنا
 
هنودي55 قال:
الله يسخرك لك زوجك وتكونينن قرة عينه الوحيده بردتي علي قلبي بردك الرائع
ابغا استشيرك اخيتي انا الان اتجسس علي زوجي وارقبه وتعبت من هذا وش رايك اتركه وريح نفسي وارجؤ منك تدخلين علي موضوعي انقذوني وبردن علي قلبي
أنقر للتوسيع...

حبيبتي انتي تتجسسين عليه لكن هل حصلتي شي ضده حاليا؟؟ شوفي يا قلبي ان كنتي تبين تدخلين في مواجهه معاه لازم تكونين اقوى من جذيه عندج دليل قوي يعني مثلا تسجيل او فيديو وخله يشوفه او يسمعه وبعدها لازم تعرفين كم جمله بالضبط بتقولينها له بدون نقاش او حتى تعطينه فرصه يلومج قولي كلامج بقوه واحترام ومن بعدها طلعي من الغرفه ولا تعطينه ويه هني هو بيستحي على وجهه وبيحاول يغير فكرتج عنه والرجال ترى ما يذبحه الا السكوت اذا كان هو الغلطان لان اذا تكلمتي بيحط كل العيوب فيج وبيبرد خاطره وبيقلب الموضوع عليج.. اختي ملي حياتج بسعادتج لنفسج وسعادتج بعيالج وخليه يفكر وين راحت ام فلان قبل كانت وكانت..بتقولين يمكن بيتم يروح لها بيسوي وبيسوي سفريها وهو مجبور يجيب غيرها وصدقيني بيفكر قبل لا يعيدها..الهدف من هالمواجهه انج تعرفينه انه طاح من عينج وانتهى والتطنيش بيخليه هو اللي يركض وراج وان ما ركض وراج ما تكفيج سعادتج وثقتج بنفسج وفرحتج بعيالج..للاسف بعض الازواج متعتهم يخلون الزوجه تركض وراهم بحركات المراهقين..والزوجه نتيجه تربيتها لتبعيه زوجها وهي مغمضه تروح ورى هالشي وما تنتبه وتتعب طول حياتها عشان ترضيه وتملي عينه ما تدري انه مرات هو يهرب من كثر حبج له وتعلقج فيه وكثر اهتمامج وكل هذا يطلع على وجهج وجسمج لانج بكل بساطه من كثر الهم ومحاوله ارضائه بتهملين في نفسج وبيشوف غيرج..​
 
لموسي4 قال:
جزاك الله خير اختي والمقال والله رائع وصيحيح
ميه بالميه :clap:
وان المفروض الوحده تعيش عشان نفسها اولا
لكن مسألة السفر
لو كنت بسكت له في كل مره واقول كيفه انا
راح اسعد نفسي باي طريقه ولا يهمني
وش راح استفيد لا سمح الله لو جاب لي مرض؟؟؟؟
ساعتها راح اكره حتى نفسي اللي اسعى اني احبها
:shutup:<<<<<<<<<<<<وحده تتكلم عن حالتها
أنقر للتوسيع...

حبيبتي احنا ما نقول نهمل الزوج لا نقول خلي اخطاءه له لا تذبحين نفسج من الهم والبحث عن عله فيج عشان تعطينه عذر لخيانته او زواجه او الى اخره من عيوبه..حبيبتي عززي ثقتج بنفسج اجذبيه بحبج لنفسج مب بحبج له..بعض الازواج اذا شافو زوجاتهم ميتين عليهم يستسهلون الغلط ويقولون مردها بترضى وبترجع انا بروح العب بذيلي وهي اول ما ارجع بتجيني ركض عشان ترضيني وزياده الخير خيرين هي تعرف اني اخونها ولما ارجع تسكت وتتزين لي عشان ترضيني..وهذي اصعب حاله اذا الزوج عرف انه مرته تعرف وحطت اللوم على نفسها واستسهل الامور لان زوجته بكل بساطه زادت اهتمامها به عشان ما يطالع غيرها يعني بالعربي يوصل له مسج يقول كل ما خنت بتحس هي بالذنب وبتحاول ترضيني اكثر وانا الكسبان..حبيبتي اذا انتي متأكده بأنه يخونج حبج لنفسج بيمنعج من انه تخلينه يلمسج قبل لا يفحص نفسه..اي الله امر بطاعه الزوج وان احنا ما نرده في الفراش بس لما الزوج يكون زاني وفي احتمال ان هالشي فيه ضرر لج وممكن يجيب لج مرض من حقج تطالبينه بانه يروح يحلل كل ما رجع من سفراته لين ما يحس على دمه..الله ما يرضى بهالشي انج تموتين عشان زوج زاني..​
 
نبراس الشرق قال:
احترنا كيف نعامل الزوج ان ركضنا وراءه ما اعطانا وجهه وان تركناه راح دور على غيرنا
أنقر للتوسيع...

للاسف هذي فكره غلط ومزروعه فينا وهي اللي تخلينا ناخذ قرارات غلط ..الحل هو الوسطيه في كل شي ..اهتم فيه ادلعه احبه بس مو اكثر من نفسي لان نفسي اهم من اي شي ثاني لو بكرى تخلى عني؟؟..جمالي اللي اهتميت فيه هو اللي بيزيد ثقتي في نفسي.. وصحتي اللي بتساعدني اعيش حياتي مرتاحه وشغلي اللي بيأمن استقلاليتي وعلاقاتي باهلي وصديقاتي اللي بتسد فراغي هو ممكن يرجع لما يحس بالخساره ويتحسف لكن انا ما راح اتحسف عليه و على السنين اللي ضيعتها بس عشان ارضيه ونسيت نفسي لكن لو هو اصلا يشوف ان مستحيل حد يفكر فيني كانثى لان بعد اول ولاده زاد وزني واهملت نفسي وكشختي صارت مختصره في الجلابيات ويومي كله ضايع عليه وعلى اطفال ومطبخ وتلفزيون بيقول تحمد ربها انا مستحملها من بيستحملها للاسف اغلب الرجاجيل جذيه خصوصا بعد ما طلعت لنا الفضائيات باشكال وانواع من المغريات والرجال فاتح عيونه ويقارن..قولي لي ليش لما اي زوجه تنفصل عن زوجها تحس ان حياتها انتهت لان الوحده تهمل نفسها في الزواج تهمل جمالها شغلها علاقاتها كل شي يختفي اول ما تتزوج بالاصح حياتها صارت مو لها صارت تابعه لمخلوق اسمه رجل ونست نفسها واذا طلع هالرجل صارت حياتها مالها هدف فانتهت..​
 
سلمتي علي الكلام الدرار والله ياختي اعرف نفسي ماارح اقدر اوجهه وتعبت نفسيتي من التجسس حتي الخروج من البيت بديت مااخرج لما اخرج اكون علي اعصابي حتي اللي يشوفني يسالون انت بعالم اخر لما ارجع للبيت ابد بتفتيش لو تسمعين دقات قلبي في ذلك اللحظه كانه راح يطلع من قوت دقاته وجسمي يكو ن مولع نار حتي الان بدت احاول اقنع نفسي اني مريضه بالواسواس وانفصام في الشخصيه حتي ابرر لنفسي اني اللي شفته كله خيال
 
هنودي55 قال:
سلمتي علي الكلام الدرار والله ياختي اعرف نفسي ماارح اقدر اوجهه وتعبت نفسيتي من التجسس حتي الخروج من البيت بديت مااخرج لما اخرج اكون علي اعصابي حتي اللي يشوفني يسالون انت بعالم اخر لما ارجع للبيت ابد بتفتيش لو تسمعين دقات قلبي في ذلك اللحظه كانه راح يطلع من قوت دقاته وجسمي يكو ن مولع نار حتي الان بدت احاول اقنع نفسي اني مريضه بالواسواس وانفصام في الشخصيه حتي ابرر لنفسي اني اللي شفته كله خيال
أنقر للتوسيع...

اختي لا تبررين له اي تصرف ..لكل غمضي عينج وكانج ما تشوفين عشان نفسج مو عشانه الا لما تشوفين شي واقعي قدامج وفي وقتها انظري له بنظره تدل على انه طاح من عينج واطلعي من المكان هذي النظره بتكون كافيه لامثاله..وممكن عشان ترتاحين تسفرين الخدامه وتجيبين غيرها ..تعرفين لا تفتشين من وراه وطلعيه من بالج عشان ما يصير فيج شي..في البدايه الموضوع صعب بس الاصعب انج تعذبين نفسج وكانج الغلطانه وهو عايش حياته ولا يحس بالذنب..ومن اليوم طبقي هالشي الحقي على الباقي من ايام عمرج لا تضيع في هم وكدر خلج قريبه من ربج ومن نفسج وعيالج وباذن الله بتقدرين خلج قويه ومرنه لا تخلين هالامور تكسرج..​
 
روووووووووووووعه تسلمين .. من اجمل مقالات قرأتها بالمنتدى ...

ثقه .. استقلال .. تفاؤل ............:icon30:
 
مشكوره اختي على المقاله الحلوه انا عن نفسي مرات احس اني مستقله عاطفيا وما يمديني الا وارد له وكلي وله حتى تفكيري ما يوقف بالتفكير بهذا الزوج؟؟؟؟؟؟؟؟؟؟؟شو اسوي عطيني الحل ؟؟؟؟؟؟
 
السلام عليكم
بصراحة المقال وايد عجبني
شكرا جزيلا حبيبتي:)
 
كريوم قال:
مشكوره اختي على المقاله الحلوه انا عن نفسي مرات احس اني مستقله عاطفيا وما يمديني الا وارد له وكلي وله حتى تفكيري ما يوقف بالتفكير بهذا الزوج؟؟؟؟؟؟؟؟؟؟؟شو اسوي عطيني الحل ؟؟؟؟؟؟
أنقر للتوسيع...

حبيبتي مو غلط انج تحبينه وتولهين عليه بس الغلط تسخرين قلبج وتفكيرج ويومج كله له وتنسين نفسج..يعني عطي نفسج الاولويه وبعدين بو الشباب..​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل