-------لكــــل زوجـــــه بتموت من الهمـــــوم على زوجـــها-------(دعوة للتحرر)

يسلموا يا أغلي موضوع مميز و اختيار موفق

جزيت خيرا غاليتي

نــــودي
 
فعلا كلام صحيح مافيه شك
لكن المشكلة انه انا قوية شخصية وماحب انه يفرض رايه علي
وهو كذلك نفس الشى ودائم المشاكل بيننا عند اي امر والنتيجة بعد عشرين سنه زواج وصراع صرت اكرهه واعيش معاه بدون اي احساس فقط من اجل الأولاد
 
m.moaz قال:
فعلا كلام صحيح مافيه شك
لكن المشكلة انه انا قوية شخصية وماحب انه يفرض رايه علي
وهو كذلك نفس الشى ودائم المشاكل بيننا عند اي امر والنتيجة بعد عشرين سنه زواج وصراع صرت اكرهه واعيش معاه بدون اي احساس فقط من اجل الأولاد
أنقر للتوسيع...

هذا اكبر غلط ممكن ترتكبه المرأه كلنا عندنا شخصيات قويه ونقدر نمشي كلامنا على الكل بس الزوج لازم تجيبين راسه باللين مو بالعصبيه وفرض الراي..انا دوم لما اشوف زوجي مصر على شي اقوله رايي وبعدين اخليه يسوي اللي يبيه واكون في قمة سعادتي لما يرجع ويقول انه اختياره او رايه كان غلط واني كنت على حق وان ما قال هالشي يكفي نظراته وتعابير وجهه لما اسأله..الرجل يعاند ويكابر حتى لو كان يعرف انه على غلط ..فعامليه كطفل خليه يغلط وبعدين صلحي له غلطه وبعد فتره بيتعود ياخذ رايج بدون ما يفكر..مرات الزوج يصر على شي ويبيج تسوينه مثل انه يمنعج من زياره اهلج ان طاوعتيه فتره وبعدين كلمتيه في الموضوع بيلين ليشش؟؟ لانه يحس انه مشى كلامه عليج وما في مانع الحين يخليج تسوين اللي تبينه..واكثر هالامور تصير في بدايه الزواج بس بعد فتره اقلها 6 شهور الموضوع يتغير..اختي استمتعي بحياتج وبزوجج وما في شي ممكن ينهي حياتج الزوجيه اذا في اراده وتجديد وتغيير وكله بيدج لان الله خلقج ذكيه وعطاج مقومات تساعدج..الله يهديكم ويصلح بينكم..ويسخركم لبعض..​
 
ما شاء الله عليكــ ..درر ويرد الروح ورفع المعنويات

الحمدلله كيف كنا وكيف صرنا بعد الاستقلال

والله ما في احلا من الاستقلال

اعجبتيني كلمة زوجة كلنتون تبغى تقول له انها هي اللي وصلته الى ما وصل اليه >>>صح

اسمك على مسمى أغلى الغاليات

نظرة جديدة

 
انا زوجي اذا عاملته بالمدح والكلام الحلو تهدا عصبيته ,هذا اكتشفته الحين , لكن احيانا مالي بارض له ؟؟؟؟؟ انا مابا اعشقه ,احيانا احس عمري قويه واحيانا ما احس عمري اعرف اصرف, احيانا مادانيه لانه يتماذا في عصبيته وايد ؟؟؟؟ابا احب نفسي ولا افكر فيه ابدا لو يسوي ما يسوي ؟؟؟؟كيف ؟؟؟ارجوج ساعديني ؟؟
 
نظــ جديدة ــرة قال:
ما شاء الله عليكــ ..درر ويرد الروح ورفع المعنويات

الحمدلله كيف كنا وكيف صرنا بعد الاستقلال

والله ما في احلا من الاستقلال

اعجبتيني كلمة زوجة كلنتون تبغى تقول له انها هي اللي وصلته الى ما وصل اليه >>>صح

اسمك على مسمى أغلى الغاليات

نظرة جديدة
أنقر للتوسيع...

صح يا يالغاليه ..ولاحظي ان خيانته لها مع مونيكا انتشرت في كل مكان ومع ذلك صبرت ولا انكسرت وهذا يحتاج قوه وصبر وثقه في النفس..ما طلبت الطلاق ولا هدمت بيتها بالعكس نمت طموحها والحين تسعى للرئاسة..:smoke1:
تسلمين على مرورج ونشرعبير كلماتج الرائعه في الموضوع..
​
 
جميل كلامه ولكن الزوج بيده ايضا الصلاحيات وحسب مزاجه تروحي ولا تجلسين تزورىة ولا تتعلمي بدورة او مدرسة غير العزائم اى وقت والنقد المنرفز كل دقيقه ولازم تجاملين الكل علشان خاطره رضيتى ولا بكيفك
كيف بالله تكونى سعيده ومبسوطه هذا ليش تعلق عاطفي لا هذا تحكم وتسلط مزاجى وبمقابله بعد لاعواطف ولا هم يحزنون لو تعيشي مع اخوك او اهلك ابرك
ليته يعينا حل

نشتكى من تقيد الحريه الا بامر هالمحرم للى حرمنا من الدنيا وبدون مقابل.؟؟؟
 
اجمل شعور قال:
انا زوجي اذا عاملته بالمدح والكلام الحلو تهدا عصبيته ,هذا اكتشفته الحين , لكن احيانا مالي بارض له ؟؟؟؟؟ انا مابا اعشقه ,احيانا احس عمري قويه واحيانا ما احس عمري اعرف اصرف, احيانا مادانيه لانه يتماذا في عصبيته وايد ؟؟؟؟ابا احب نفسي ولا افكر فيه ابدا لو يسوي ما يسوي ؟؟؟؟كيف ؟؟؟ارجوج ساعديني ؟؟
أنقر للتوسيع...

حبيبتي كيفي نفسج مع مفاتيح زوجج..لا تقولين مالي بارض له..تبينه يكون مثل ما انتي تبين سوي اللي هو يبيه وبعد فتره قلبي الموجه للي انتي تبينه باللين والسياسه:idea:..حبيبتي..ما في حد يقدر يمنع نفسه من الحب كلنا نحب ازواجنا ونعشقهم بس بعد ننمي فينا الطموح ونهتم بنفسنا وما ننسى نفسنا في زوبعه الزواج وننسى شخصيتنا اللي عشناها 20 سنه قبل لا نتزوج..هي الفكره انج تعرفين حدود هالحب وتوقفين عندها وما تنسين نفسج..يا ما زوجات اهملو في نفسهم وكان كل همهم زوج وعيال ومطبخ وبيت..وحتى لو لبسوا او تزينوا كان للزوج مو لهم وفي الاخر انصدمو في ازواجهم وهنا انتهت سعادتهم لانهم ضيعوا نفسهم في محاوله لارضاء الزوج ونسوا يرضون نفسهم وبعدها عاشوا في هم ومشاكل وكدر في محاوله لارجاع الماضي اللي هو اصل المشكله..
حبيبتي حبي زوجج واجذبيه بس لما يغلط عاقبيه بانج تحسسينه ان هو مب اخر المطاف وانج انثى مستقله طموحه ناجحه وقويه مو انسانه ضعيفه تغرق وهو طوق النجاه وغصب عنج بتتمسكين فيه..​
 
قوةالشمس قال:
جميل كلامه ولكن الزوج بيده ايضا الصلاحيات وحسب مزاجه تروحي ولا تجلسين تزورىة ولا تتعلمي بدورة او مدرسة غير العزائم اى وقت والنقد المنرفز كل دقيقه ولازم تجاملين الكل علشان خاطره رضيتى ولا بكيفك
كيف بالله تكونى سعيده ومبسوطه هذا ليش تعلق عاطفي لا هذا تحكم وتسلط مزاجى وبمقابله بعد لاعواطف ولا هم يحزنون لو تعيشي مع اخوك او اهلك ابرك
ليته يعينا حل

نشتكى من تقيد الحريه الا بامر هالمحرم للى حرمنا من الدنيا وبدون مقابل.؟؟؟
أنقر للتوسيع...

اي عنده الصلاحيات لكن عندج الذكاء والدلع واللين..خليه يظن انج تسوين اللي يبيه لحبج له ولكن انتي خلي طاعتج له اجر ولوصولج لغرضج منه..يعني لو قالج ما تروحين لبيت هلج مره مرتين ثلاث رابع مره لما تكلمينه ودمعه في عينج من الشوق لاهلج بدون مشاكل او عصبيه بيحن وبيحس بالذنب وبيخليج ..بتقولين ذل لا هو مو ذل هذا ذكاء..لان بعدها بيعطيج الصلاحيه لج..لان اللي براسه طاح..اعرفي مداخل زوجج وادخلي لقلبه منها ..​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل