لقيت في جواااااااااله علموني وش اسوي قبل لا اكلمه

[~ princess ~]

بنات انا قد فتشت جوال زوجي ولقيت رسايل لوحده معينه من بلده عربيه معينه

بس هذا كان الرسايل قبل الزواج مسحت الرسايل وبس


والحين بعد زواج سنتين الا شوي شفته راسل لها رساله ( رساله عاديه دينيه ) > اهم شي رسلها يعني بداية العلاقه


اول كانت هي تطنشه وهو ناشب وهي ارسلتله اول انها تقدره وتحترمه وتبي تقطع العلاقه وبس


والحييييييين شفته راسلهااااااا يابنااااااات دقيت على الرقم وصارت بنت دلووعه بعد

انا ساكته واسمع لها وهي تدلع تقول الوووو الووو اهلييين وتمطط الكلام اهم شي سكرت بعد ماعرفت انها بنت




بناااااااااااااات انا دعيت ربي قبل لا انصدم انه يلهمني الصبرررررر

الحمدلله يابنات



رجلي يحبني والله بس ليش يسوي كذااا!!

المهم انه شمالي شرقي وانا جنوبيه غربيه


ابي اااخذ مووووقف قوووي معه عشان لا يعيدهااا ما ابي اسكت واصير مغفله


ماراح اكلمه الا اذا اقتنعت من ردوودكم



ادعووولي تكفوون وجعل رجالكم ما يشوفون غيركم يااااارب

 

[om-madaly]

شوفي انتي لاتبينيله انج داريه بسالفته وحاولي تعرفين من رقمها منو اهي وين تشتغل وكل شي عنها عشان تعرفين اذا هي بنت لعوب مقزرتها عالرياييل ولا حاطته براسها وهمن عشان تعرفين سر انعجاب ريلج فيها وفتحي عيونج عدل ولا تبينيله انج عارفه وحاولي تتمييعين عليه يمكن هالشي اللي عجبه فيها

 

[القلب المهجور]

الله يلهمك فعل الصواب

 

[زوجة صحفي]

الله المستعان 0 00والله مادري شقولج غير اني ادعيلج ان ربي يسخرلج زوجج ويبعد عنه بنات الحرام ويسخر لنا ازواجنا وجميع المسلمين00امين يا رب العالمين

 

[الجروح]

لا تناقشيه ولا تكلميه

افرشي سجادتك كل ليلة بالثلث الأخير وادعي ربك يصده عنها وعن أمثالها

واكثري من الاستغفار

وربي ما بيخذلك

 

[ام كوشه فوشيه]

زين انها هي تبي تقطع العلاقه

 

[~ princess ~]

ما ودي اكلمها وش اقولها؟؟ وهي مو معطيته وجه


ياربيييه ضايق صدري

 

[MISS ARMANI]

الله يكون فعونج انشالله .. حاولي تعرفين السبب يمكن مل من الروتين و حن لأيام زمان حاولي إنج اتجددين فحياتكم ، و أنا من رايي إنج تواجهينه و تعرفين السبب منه !!​

 

[مازال عندي امل*]

كل مشكله ولها حل

اذا تبين الحل صدق:
- الزمي الاستغفار طول الوقت في ناس توصل فوق 20000 الف مره باليوم
- حصني نفسك واستودعي زوجك
- خلي اذاعة القران الكريم شغاله في بيتك
- عليك بقيام الليل والالحاح بالدعاء وكمان استغلال اوقات اجابة الدعاء
- اكثري من ذكر الله وتلاوة القران الكريم وبالذات سورة البقره فاخذها بركة كل يوم او كل ثلاث ايام
- عليك بالصدقه قدر استطاعتك لو يوميا بريال
- اقري القصص عن كل ما ذكرت وستعلمي ان البشر ان عجزت فرب البشر لايعجزه شي في الارض ولا في السماء فقط عليك المداومه والثقة بفرج الله وعدم استعجال الفرج

واسال الله لك السعادة بالدنيا والاخره

 

[~ princess ~]

مشكورين بنات


بس ما ابي اسسسسسسسسكت بيستغفلني طوول المرررر


حراام عليكم اول خيانه تواجهني وماعرف شلون اتصرف تصرف ينفع للشمالي الشرقي


انا اللي في بالي اواجهه ببروود تاااااام

افتح الرسايل المرسله يعني بسوي اخفف من رسايله احذف المكرر ( هو كل فتره يقول امسحي المكرر)

بعدين بقوله وش هالرقم ؟ احس بيصرف ويلف ويدوور

بقوله هالرقم شفتك تراسله بتاريخ قبل زواجنا وسكت عشانه قبل زواجنا ولا لي حق اتكلم بس مسألة انك ترجع للرقم هذا شي ثااني!!!

انت تبي تخرب حياتنا بيدك ؟
لأني انا ما تحمل هالشي ولا اي وحده بالدنيا تحب زوجها تتحمل تعيش مع واحد يخونها ؟

بكره ربي يعاقبك في بنتك !! تشوف فيها يوم ما يعجبك . . الله يمهل ولا يهمل . .
ممكن ربي يعاقبك فيني انا مين يدري؟
لو انا سويت مثلك هل بترضاها ؟

فكر فيها وراجع حساباتك


. . بس بنات بعدين؟ ؟ مثلا تأسف وش اسوي؟ على طول ارضى ؟ ؟ وش هالحاااله تكفوون شوروا علي ضااايقه وما ودي اغلط

 

[مشتاقه للماضي]

؟؟؟؟؟؟؟؟؟؟؟؟؟؟؟؟؟؟؟؟
اذا واجهتيه بتتعبين واااااااااايد وان سكتي قهر

 

[~ princess ~]

لا اله الا الله

 

[إن شاء الله خير]

يا الله يا قلبي مثلي
انا عروس وهو اكتشف اني لعبت بتلفونه ومسوي الحق علي اني نبشت ف خصوصياته
وقالي اذا تبغي تردي بيت اهلك ظبي اغراضك وروحي بس انا طبعا ما رحت ما أبغيها تاخذه مني أنا الأصل أنا زوجته
ما ادري كيف اتصرف دلوني الله ييسر اموركم

 

[أحمر وأخضر]

لا إله إلا الله محمد رسول الله..

 

[مزوح وتروح]

واجهيه وخلي كلامك معاه قوي وحسسيه بكبر اللي سواه ولا تتساهلين في كلامك !! ولا يحس منك بأي ضعف
قولي له المفروض اللي زيك وربي اكرمه بالعيال ماعاد يفكر إلا فيهم وفي مستقبلهم!!
وقولي له خسارة توقعتك بتحترم تربية أهلك.. بتحترم زوجتك وأم أولادك مو تخونها مع وحده تعرف عشره غيرك!!
صدقيني كل ماحس بحدة كلامك واصرارك على انو جرحك واهانك بتصرفه هذا كل ما حاول يهديك ويعترف لك بخطأه!!
صديقه لي مرت بمواقف من زوجها كلها خيانه مرات يعتذر ومرات يحملها الغلط >> تخيلي
ومره فاض فيها الصبر وكلمته ورفعت صوتها طبعا ما افتعلت الصراخ لا هي أساسا ماعادت تحملت تفاهاته تقولي والله صار زي (( البس _ القط)) ويقولها اناعارف اني غلطان يابنت الناس وسكت وماعرف يرد عليها !!

 

[هيووووونه]

الله يكون بعونك ويسخر لك زوجك
ويبعد عنه بنات الحرام الي مايخافون من الله

 

[الزوجه الاوليه]

الله يكون في عونك وش جاهم هالرجاجيل تخبلوا يتركون الحلال ويروحون للحرام الله المستعان بس وادعي في ها الساعه المباركه من هاليوم انه يرده لكي ردا جميلا وزوجي وكل زوج لزوجته ويغنيهم عن الحرام

 

[أنفاس الليل]

حبيبتي لازم تواجهينه لكن الاهم تختارين الوقت المناسب للمواجهة ؟؟
انا من رايي لاتستعجلين واصبري يوم يومين يمكن يتضح لك اشياء انتي غافله عنها
ولا تبينين له شئ عشان ماياخذ احتياطاته ويكون حذر بكذا ماتقدرين توصلين لشئ
لحدماتقررين الوقت اللي تواجهينه فيه ...الله يريح بالك ويسخر لك زوجك ..

 

[الدلوعه ميمي]

الله يفرج همك

 

[نــور2010]

فرصة دام انه يقول لك احذفي المكرر يعني ماعنده مانع انج تمسكين جواله وتقرين رسايله
كلميه بهدوء عن الموضوع وقولي له والله احبك ولا ودي بوجود اي وحدة تكون بينا وتخرب حياتنا
الحمدلله احنا عايشين بسلام وحب وان شالله طول عمرنا نبقى سعداء مع بعض
الله يهديه ويصلحه ولا يشوف عيرج يارب
حاولي تتفنين في اغراءه وتكلمينه عادي ولا تخلين الابتسامة تفارق محياك
لانهم يحبون الوحدة مفرفشة ومبسوطة وما يحبون النكدية
الله يوفقج يارب ويسعدكم