لتقريب المسافات بينك وبين زوجك ...تفضلي غاليتي .....

[ღ لحن الحياة ღ]

حياكم الله جميعا منورين الموضوع ................​

 

[ღ لحن الحياة ღ]

اسلوبج واااايد حلو و الحين يالسة اسوي التمرين مال 14 يوم و لو عندج تمارين ثانية خبرينا لان احس فيني طاقة سلبية ابا اطلعها


مشكووورة و الله يازيج مليون خير

هلافيك عزيزتي
فيه تمارين كثيرة بنفس الطريقة فمثلا::

أكتبي في ورقة اذا وضعت زوجي في المقارنة مع احد سوف يكون هو الأول)..طبعااااا

وتقرأينها باستمرار كما في المثال الاول بكذا راح
ترين زوجك مميز بنظرك بعد مدة معينة .....
وكل ما أردت شي تعملين التمرين بالرغبة اللي تبينها
مثلا انت اشتكيتي من العصبية الزايدة تكتبين في الورقة
انا تخلصت من عصبيتي وصرت رايقة وكرري الى ان
تحصلي على ذبذبات ايجابية واقتناع
اتمنى وصلت الفكرة :22:​

 

[ღ لحن الحياة ღ]

نـــــــــــــــوااصـــــــــــــل :::​

​

​

​

ونكمل موضوعنا محل ماتوقفنا عنده//

خامس طريقة استقبلي المصاعب بالحوار

ركزو معي اخواتي... الجزء هذا طويل نوعا ما ياترى هو في مصاعب راح تواجهنا ؟؟ او واجهتنا وانتهينا منها؟؟

طيب فيه غيرها سيجري؟........

اسئلة كثيرة يمكن تطري على بال الكثيرات ... انا اقوول لكم ياخواتي ....

نعم ....

مافي اسرة سعيدة 100%... ومافي اسرة خالية من المشاكل .....

والمشاكل وجهين ... سلبي// ايجابي

ممكن تكون مشاكلنا سبب تعاستنا

وممنك تكون سبب في ان الحب يتوطد ويتعمق اكثر....

طيب هي مشاكل! معقووله المشاكل توطد الحب!!

معقوله.. لان الحب مايتعمق الا اذا تعدى الزوجين المشاكل والمصاعب (مع بعض) >>عرفتوا؟؟حبايبي ....


عشان كذا احنا نقول __ وانا مؤمنة بهذا الشيء... حب فترة الملكة ماهو
مقياس يخلينا نقول انه

(حب بلا مشاكل او مصاعب)

لان الشخص اللي قدامك مانعرف معدنه لحد الحين ...​

​

​

واحسن طريقة لاستقبال المشاكل ولمصاعب هي( استخدام الحوار البناء )

حوار<< .........حب........>>> بناء

كلمة (حب ) تتكون من حرفين الحاء والباء .... خليهاااا تذكرك بـــــ( حوار بناء )​

وللحوار البناء بين الزوجين 3 قواعد رئيسية :::

​

​

1.الإفصاح بدقة عن مشاعرك.

2.الإستماع بإنصات للطرف الاّخر .

3. تقبل مشاعر ورأي الطرف الثاني حتى لو كانت المشاعر والآراء مختلفة عنك .

إذا هالشروط ماتحققت >> الحوار غير فعال ومامنه فايدة _______ والزوجين بيكونون بحاجة لتدخل اطراف

متخصصة (( واحنا نتمنى قد مانقدر اننا ماناصل لهالمرحلة )) .. طبعا لاتنسين عزيزتي ... تعطين زوجك فرصة انه يتكلم ..
ولازم بيكون في تنازل عن رأي ( سواء رأيك أو رأي زوجك) اذا في راي اصح منه...
​

​

خلونا نشررح القواعد الرئيسية الـ3::

1. الإفصاح بدقة عن المشاعر.

​

​

صارحي الزوج انك محتاجة انك تتناقشين معااه في موضوع معين يعنيك .. مثلا::

صارحيه بأنك تبغين شوية اهتمام عاطفي// او رغبة في الجلسة معاه
لمدة اطول.../ خلك صريحة معاه..

ولاتدورين وتلفين لان الصراحة في مثل هالمواضيع مثلا مطلوبة جدا ...

عبري عن مشاعرك بصراحة :**انا خايفه**..** انا اغار**...** انا محتاجة**.... ** ودي اقعد معك وقت
**.... الخ ... لان التعبير عن المشاعر بيخليك صادقة مع نفسك اولا .. وبترتاحين...

لاتكبتين مشاعرك لانه خطأ... وتدرين لييش خطا ؟؟؟ لان العواقب مكلفة ___ الكبت ماراح يحل مشكلة ولا راح يوصل للطرف الثاني اللي انتي تبينه .. واللي تبينه ...
وهنا اقصد المشاعر __ماراح يسوي من تلقاءنفسه..........

وعشان تصارحين باللي في نفسك وتفصحين عنه بدقة ..
لازم تتكلمين بتأدب ولطافة ....

وحاسبي لاتكون في صراحتك تجريح للزوج .. قولي رايك بلطف وشو شوي...

الإستماع بإنصات للطرف الثاني

المقصود هنا ( افهمي وتفهمي زوجك) وذكرنا عشان تفهمينه لازم تسمعين له....

كلنا نعرف نسمع.. لكن مو الكل يعرف يستمع ... لان الاستماع فن ... وفي فرق بين تسمعين وتستمعين..

قلنا ان الاستماع فن .... وهو سهل... اسمعي زين وافهمي وبعدين قولي رايك ....

القاعدة تقووول :: افهم قبل ان تفهم...


في دراسة تأكد ان اغلب المشاكل الزوجية .. سببها تافه ... هو سوء اتصال

وتأكدي عزيزتي .. ان الاستماع صفة الناجحات .... وان الله اعطاك اذنين ولسان واحد....

فاستمعي ضعف ماتتكلمين


3. تـــــــــــــــقــــــــــبــــــــل الرأي الاّخر.

احنا كمجتمعات شرقية ... ماتعلمنا او اقدر اقول مانعترف بها هالنقطة ...
واكيد انتو معي ...

ومتبعين قاعدة (( كل شخص يخالفني الرأي ... يعني هو عدو وخصم لي )) .
وهذا غلط كبير... لان يمكن اللي يخالفني شخص احبه كثيييررر ....

والقراّن الكريم ذكر خلافات زوجات النبي صلاة الله وافضل سلامه عليه ... لكن ماتغير شي من حبهم له عليه الصلاة والسلام ...
ولاحبهم له رضوان الله عليهم جميعا ...

خلي صدرك وسيييييييع ... وتقبلي رأي زوجك خاصة اذا صارحك بمشاعره ... اشلوون بتتصرفين لو جاء مثلا

وقال لك:: ( انا عندي مشكلة بالفراش)...( او عندي رغبة بالزواج) او اي شي ماتتقبلينه

تعودنا كحريم ... نستقبل مثل هالامور بالصراخ والعويل ... الشي اللي يخلي الزوج يكتم على كل شي

ومايتكلم ..... والكتمان قنبلة موقوته....

الصراحه ... يقولك عن اللي يكرهه احسن من اللي يكتمه ... خليه يفكر معاك بصوت عالي ....

خليه يتكلم .... اعرفي مشاعره ... اعرفي اسبابه والنتايج اللي يبي ياصل لها ....

وبعدين ...... ناقشيه بالبدايل ....

وانتبهوا ياأخواتي ... لو وحده زوجها صارحها بشي في نفسه ... تروح تقول للغير ... خلي كل حاجه بينكم ....

.... ولاتعايرينه باللي قاله لك ... بالعكس شجعيه وخليه يتكلم ويعبر ...​

فيه نقطة مهمه .... ابيكم تعرفونها أخواتي ..... خاصة بالحوار..



​

​

وهي المفاهيم السابقة اللي شايلها كل طرف عن الزواج ومعتقداته ...

يعني انتي جاية من بيئة وعندك خلفية معينة عن الزواج ... زوجك كذا .. جاي وعنده معتقدات عن الزواج

(( انصحكم بقراءة كتاب : الرجال من المريخ والنساء من الزهرة))
مفيد جدا بالهخصوص..
​

مثال ::

​

​

زوجين يشوفون ان الحب مهم في الحياة الزوجية ... لكن لكل واحد فيهم له مفهوم مختلف كليا عن الحب.

الزوج يشووف ان زوجته تحبه لما تستمع له ...

الزوجة والله تشوف ان زوجها يحبها لما يقعد معاها وقت اطول وهكذا ...

وهذا المثل موجود بين الازواج...

لذلك.. عليك تفهمين وتعرفين مفاهيم الزوج خاصة تجاه المشاعر المهمة بالنسبة لك ...



تمرين كمثاااااال

نفذي جلسات التحاور

كل اللي عليك انك تعبين جدول بمواضيع

حددي الوقت مثل الجلسة بيوم على الاقل وكل ماانجزتي جلسة حطي عليها صح ... واكتبي انجز...

دوني اي ملاحظه مثل اي ملاحظة مثلا لم ينته النقاش بعد .. تم تأجيل النقاش الى مابعد... مناقشة...

بعد كل جلسة ... سجلي الملاحظات في ورقة مستقلة ... عن اهم المفاهيم والنتايج وبعدين الأعمال اللي تبين تسوينها.........
​

​

​

وان شاء لله نكمل ماتبقى .....


يـتبـــع

تحياتي.......


​

 

[أنا والزمن]

الله يعطيك العافيه
موضوع رائع ننتظرك بكل شوق

 

[ღ لحن الحياة ღ]

سادس طريقة :: اظهري اهتماما بجسده ومظهره....

من المتعارف بيننا كإناث .. ان نلقى المديح والمجاملات اضعاف مضاعفه ....يعني لو سألتك عزيزتي....

متى اّخر مرره سمعتي فيها مدح لك؟؟ اللي بتقول اليوم... او من شوي ... او بالكثير امس ....

لكن لو سألت أخوي او اي رجل اّخر ... لاتستغبين لو قالك ( ولا مرة !) ... او اذكر انه الشهر اللي فات

.... اختي امدحتني او قالت لي شي ....

لان الحاجه هاذي متعارف عليها واحنا نشوفها طبيعية ...

الدراسات ماذا تقول ؟! تقول ان الاولاد ويقضون نفس الوقت اللي تقضيه البنت قدام المرايا... بس ايش اللي يميز ؟! ان البنت تلقى المديح اكثر ... او يمكن هو مايلقى على كشخته ومظهره اي كلام او تعليق؟!
​

بس على فكرة اخواتي //
ترى الرجال يحتاج لمن يمدح جسمه ومظهره بالضبط مثل ماتحتاجينه انتي...

يعني لو انتي كنتي كاشخه ومظهرك واااو ورايحة لحفلة ... اذا مالقيتي المديح من زوجك ... راح تلقينه من اي احد موجود بالحفلة ... صديقاتك .. صديقة امك ...
اي احد...

لكن الزوج اذا مالقى الاهتمام والثناء من البيت ... نادر مايلقاه برى البيت ....

مسكييين الرجال ... صح ؟؟

يعني تخيلي خواتي ... يمشي الرجال وملابسه مكلفه غالية ... الغترة مكوية ... الثوب من أروع مايكون ... وتفصيله مرتب ... والعطر من كثر تركيزه تشمينه من بعد اميال .....غير الجزمة الله يعزكم كلها ذوووق؟؟؟

.... يعني يسرف ويبذر في الأخير مايحصل لا كلمة ولاثناء حلو ...لاااااا

((حنوا على ازواجكم يامتزوجات))
لان اذا مامدحتيه ولقى وحده غيرك تمدح فيه !!!!! اعتقد تعرفين
اللي راح يصير .......

امدحيه في كل شي .. كشخته .. ثوبه... بسمته.. ضحكته.... ريحته .... وقفته ... مشيته

رجولته..... ايديه.... الخ

لاتنتظرين لحد ماتسمعين التعليق من غيرك... انتي ابتدي ... وقولي اللي عندك بكل ((صدق)).... مو تقولين يسلملي هالطول وهو قصير انتبهي !!!!ههههههههه

وانتبهي ::: لاتمدحينه مره وحده انتهزي الفرص المناسبة ​

​

تمرين بسيط ::::

هاتي ورقة واكتبي العنوان ( صفات عظيمة في زوجي ) واكتبي فيها الاشياء اللي عند زوجك ..

واي ملحوظه او صفه تقدرين تثنين عليها... وكل شي يشعر برجولته

​

​

الفقرة الجاية :: اكتشفي السر العظيم والمخبأعن الرجل!!!!!!

تحياتي ......

​

 

[dorar]

حلو..حلو متابعتج

 

[رجاتي]

موضوع اكثر من رائع وفي هذا الوقت نحتج لمثل هذا التذكير جزاك الله الف خير

 

[نرجسيه-]

جزاك الله خير انسانه اكثر من رائعه ومبدعه

 

[عاشقة رايقة]

ماشاء الله تبارك الله

موضوع رائع

وكاتبه اروع

جزيتي كل خير​

 

[روحي فدوه له]

كلمااااااات روعه
وكاتبه اروع
ننتظرك يا قلبي
ويعطكي الف عافيه​

 

[mمناتيm]

كيف اعرف ان زوجي ش ج غ ش

 

[لين99]

رائعه يا دموع السحر باين انك بارعه في البرمجه اللغويه العصبيه استمري ونحن معك متابعين

 

[توفي اللزوزة]

موضوع راااااائع
واكثر من رااااااااااائع يعطيكي الف عافية
يلا كملي الموضوع تحمست له

 

[حبيبه فالح]

موضوع راااائع

بإنتظارك يالغلا

 

[هند بنت عتبة]

والمشاكل وجهين ... سلبي// ايجابي

ممكن تكون مشاكلنا سبب تعاستنا

وممنك تكون سبب في ان الحب يتوطد ويتعمق اكثر....

طيب هي مشاكل! معقووله المشاكل توطد الحب!!

معقوله.. لان الحب مايتعمق الا اذا تعدى الزوجين المشاكل والمصاعب (مع بعض) >>عرفتوا؟؟حبايبي ....

صدقتي الغالية بعد مرض ولدي زاد التقارب بيني وبين زوجي وانحلت مشاكل كثيرة كانت بينا

وعسى ان تكرهوا شيئا ويجعل الله فيه خيرا كثيرا​

 

[هيوومه]

جزاج الله الجنة ماشاءالله على هالموضوع ناطرتج

 

[majesto]

جزاك الله خيرا
بصراحه موضوع جدا مهم... و استفدت منه كثيد خصوصا انه زوجي من النوع الكتوم
في انتظار المزيد أخيتي


​

 

[CHANEL90]

ما شاء الله عالموضوع جداا رائع​

 

[ღ لحن الحياة ღ]

أخواتي الغاليات ::

dorar
حيـاك الباري .... وشرفني مرورك
رجاتي
وايـاك يالغلا شاكرة مرورك الطيب
نرجسيه-
تسلمين يالغالية وحياك الرحمن
عاشقة رايقة
سلمت عزيزتي وياهلا ومرحبا
روحي فدوه له
شرفني مرورك عزيزتي وانتظروني

 

[ღ لحن الحياة ღ]

كيف اعرف ان زوجي ش ج غ ش

تفضلي أختي وأتمنى لك الفائدة :::​

http://www.niswh.com/vb/showthread.php?t=109230​