لتقريب المسافات بينك وبين زوجك ...تفضلي غاليتي .....

[ღ لحن الحياة ღ]

أول الطرق::​

حبي زوجك حب مطلق::​

تذكرون لما تكلمنا في بداية الموضوع عن الحب.. وذكرنا أنواعه.. ومنها .. الحب المطلق:::​

جاء الدور لكي نطبق هذا الحب المطلق..كيف؟؟؟؟​

يعني حبي لزوجي لازم وركزو على كلمة لازم.. يكون حب مطلق بدون قيود ولاشروط..​

حبي زوجك مهما صدر منه.. يمكن تزعلين.. تعصبين.. تنقدين.. تحزنين.. معه وعليه بس ولا شي...يأثر على حبك له..
ولازم تأكدين هالشي له.. ​

​

مثال على ذلك::​

زوج وقف أمام ( المرايا) :.. وقال لزوجته :: تخيلي لو أنا أصلع؟؟​

ممكن تجاوبه زوجته( اسم الله عليك توك صغير) أو ( خل عنك الوسواس وإذا صلعت يحلها الف حلال وياكثر ​

عمليات زرع الشعر الرخيصة والفعالة).. بس الزوجة الذكية واللي تحب حب مطلق بتجاوب (حتى لو صلعت​

ياحبيبي ماراح يتغير شي.. راح تكون حبيبي مثل ماأنت الحين)​

******************​

​

شفتوووووووو الفرق؟!:22:​

​

كذا نبيك تكونين مع زوجك.. وكذا نبغى حبك له.. يكون حب مطلق..​

كلنا سمعنا عن زوجات تخلو عن ازوجهم يوم فلسوا!! او يوم انسجن وتخلى عنه المجتمع..​

وتأكدوا ان مثل هالزوجات.. ماعرفو معنى الحب المطلق ولامارسوه...​

للمرره المليون اكرر:: حبي زوجك حب مطلق:: ​

حبيه اذا احسن وكافئيه بالأحسان...حبيه اذا ساء وكافئيه بالغفران والمسامحه.. حبيه اذا اعطى وكافئيه
بالشكر... حبيه اذا قصر .. وكافئيه اذا ستر...​

وحطو في بالكم خواتي.. ان اللي تحب زوجها ماتتكلم عن زوجها بالشينة مثل مانقول في العلن وقدام الخلق​

... ولاتكشفي له سر......... وكلامها عنه كله بالخير...​

--------------------------------------------​

يتبع بإذن الله انتظروني .....:32:​

 

[fatima1985]

جميل جدا


ننتظر الطرق العمليه

تابعي غاليتي

 

[ღ لحن الحياة ღ]

الطريقة الثانية::
كوني ذكية في اختبارات زوجك

من الحاجات اللي لازم تنتبه لها الزوجة:: ان الزوج يختبر حب زوجته له كل يوم تقريبا ... بوعي..وبدوون وعي


أعطيكم مثاال::::​

تعطلت سيارة البيت اللي يستخدمها السواق عشان يودي الزوجة والأولاد.. اضطر الزوج في ذاك اليوم انه

يوديهم لبيت اهلها وفي الرجعه ترجع مع سواق بيت اهلها...

وهناك قالت ام الزوجة:: يابنتي لازم تصلحون سيارتكم.. مب زين كذا تضلون بدون سيارة..

ولما رجعت الزوجة للبيت واقعدت مع ابو العيال قالت له:: (امي تقول لازم تصلحون السيارة)

ممكن هذا الزوج يختبرها عشان يعرف وزن كلمته عندها.. فيقول لها( انا اشوف ان نأجل الموضوع شوي على

الأقل لين الشهر الجاي اضمن أن توفرت السيولة المادية وتوفرت عندي........ أشرااايـــك؟)

الزوجة لما ترد عليه بس عاد امي قالت) >>> ماراح تنجح

لأن ردة فعله بتكون ياأما بيعصب من خلال رده : ( يعني كلامي ولا كلام الوالدة؟)

...... أو بيكبت.. وطبعا ردة الفعل المكبوته تكون أشد خطورة.. فانتبهي عزيزتي الزوجة..


​

وتذكري :: طاعة الزوج مقدمه على الوالدة وغيرهم شرعا وعرفا..​

الطريقة الثالثة::
كوني مستمعه جيدة:::
يجي وقت على الأنسان.. يبي من يسمعه.. وهاذي حاجة اساسيه له.. فما بالك بالزوج اللي محتاج اكيد

لإنسانة تحبه وتفهمه وتسمعه لامن بغى يتكلم وتأكدي عزيزتي ان الزوج لو مالقى اللي يفهمه في محيط

بيته.. راح يدور عن ذاك الشخص.. ويمكن عن زوجة ثانية أو عن علاقة ثانية!لاتستغربين ولاتستبعدي هالشي

لذللك انتي اللي لازم تفهمينه وتسمعينه...

نسمع عن حريم متزوجات من سنين وتلقين الوحده تقول:: انا مافهمته لحد الحين::

وانا اقولها متى بتقررين تفهمينه؟!او وش كنتي تسوين طوول هالسنين؟؟

والصراحه اللي مافهمت زوجها مهما كانت مدة زواجها.. اسمحو لي أقولها::
انتي ماتسمعينه عشان تفهمينه:
​

ان السماع والانتباه واجب عليك كزوجة؟


لأنه ليس من الأدب ان الزوج يتكلم سواء في موضوع مهم او غير مهم.. ويتفاجأ بالزوجة سارحة في عالم ثاني مثلا! او منشغلة بالطفل اللي بيدها او المجلة او اي شي ثاني

لذلك أخواتي::

متى ماطلب منك زوجك الانتباه... انتبهي له واسمعيه.. ولاتنشغلين بشي

الا بعد ماتستأذنين::

يعني اعتذري منه وقولي له: ( ممكن حبيبي نأجل الموضوع لوقت ثاني.. أو بعد ماأخلص الشغله اللي في يدي)

على شرط لما تفضين.. ترجعين تسألينه عن الموضوع نفسه....... معاااي؟

وتأكدي عزيزتي...ان الزوجة الي ماتسمع زوجها وتفهمه راح تواجهه متاعب عاجلا او اجلا..

لأن الأستماع فن.. تعلميه عشان تحافظين على زوجك للأبد طيب وشلووون اسمعه..

بسيييطه...::

لما يدخل اسأليه عن شغله.. اسأليه عن طموحاته واهتماماته...

ابو فلان ! وش اللي تتمنى تحققه؟

وشلون كان شغللك اليوم؟

والأمثلة كثيرة...
​

لكن انتبهي عزيزتي الزوجة لاتكثرين من الأسئلة!!!!


يعني لو سألتيه وتجاوب معك.. استمري معاه لحد ماينهي كلامه..

واذا ماتجاوب وقفي ولاتسألينه.. لأنه يمكن يكون تعبان اوماعنده رغبه في الكلام او مشغول باله في موضوع معين..

يتبع بإذن الله ...تحياتي .......​

 

[فشفااشه]

يسلموووو قلبي على هالكلام
بس يارب تعطينا طولة البال ونقدر نطبق

>>بس ماقلتي لنا وش فايدة التمرين؟؟؟

 

[رحـى]

صباجك ورد يالحلا,,
موضــــــــــــــــــــــوع و لا أروع ,,
متــــــــــــــــــــابعتك بلهفة مشتاقة,,
إلهي يجزاكي الجنة بالآخرة,,وبما تريدين بالدنيا قريبا وهنيئاً وبكل بركة,,اللهم آمين يا رب العالمين,,

 

[أنا كل ما أريد]

شكرا عزيزتي على الموضوع الرائع جدا

التمرين يا فشفاشه فائدته انك تقنعين نفسك بالشي اللي تكتبينه
وتراه نااااافع جدااا حتى لو على شيء بعيد المنال او صعب انه يتحقق
انا شخصيا جربته في مجال وظيفتي والحمدلله جاني اللي اتمناه بالضببببببط

 

[نور ميثاء]

جزاك الله كل خير
​

 

[حنين احمد]

جزاكي الله خير

 

[ابي اراضيه]

رووووووووووووعة ..
مرررررره متحمسه أنا .. موضوعك آعطآني آمل ..
كملييييييي فديتك ننتظر البقيه ..
جعل ربي يسعدك .. ​

 

[لميسm]

تسلمين
الله يدخلك الجنه
ويسعدك دنيا وآخرة
كلالالالالالالالامك درر​

 

[دلع 2010]

اللةيجزاك الجنىة سلمت اناملك ياريت تتكلمي عن الأمور المادية كيف تنحل بين الزوجة وزوجها شكرا لك

 

[احبه ولكن!]

الله يجزاش الجنة ونعيمها متابعة معاش

 

[ღ لحن الحياة ღ]

مــســـــا ء-صباح:: الـــــــــخــــــير :32:جميعــااا...



اليوم أبزيد الجرعة شوي يالله كل شي يهون عشان عيون الحبيب

رابع طريقة أكثري عليه الثناء والمدح

تعرفون لما يجونكم اشخاص.. ودايما يرددون : وشو اللي فيني ينحب ؟ أنا احس نفسي عادية؟

أو ماعندي جمال؟ أو ...أو ... وقتها ايش بتسوووين ؟ أكيد بتحاولين ترفعين معنوياتها وبتجاملينها ... صح؟

لا من قال ( الا ماشاء لله انتي جميلة.. او انتي ذكية .. وعندك حاجة مو موجودة في الغير... بتقولين

هالكلام خاصة اذا كان الشخص يعني لك الكثير.. صديقة / أخ/ أخت/ حتى الزوج

نعم........... الزوج تدريين ليييش؟

لان في ازواج يجونك مو عارفين ولا حاسين بذاتهم لا مع زوجاتهم ولا اعيالهم ولا في وسط بيتهم طيب

وين بيحسون بهالشي؟

أنا أعلمك؟؟

انتي تعرفين تجاملين وتمدحين فلانه وغيرها .. صح طيب خلي هالمديح والثناء كله لزوجك....

تعرفين عزيزتي::

ان المديح والثناء صفة من صفات الناجحين والسعداء...

بعض الزوجات .. مايحسون بالنعمة اللي عندهم من مسكن .. مصروف... سكينة... اولاد .. الخ

طيب ياعزيزتي الزوجة المتذمرة ... ليش ماتشكرينه على نفقته؟؟ على دفعه للإيجار مثلا؟

اشكري الزوج دايما.. واذا شرالك حاجه ولا لأولادك حتى لو كانت حاجة بسيطة... سندويتشات او عصير ...

اي شي...

اشكريه .. وهالكلام للمتزوجات فقط.... بعد المتعه الجنسية ( بطريقتك الخاصة اكيد) .. او اذا حضنك وباسك

.... او عامل عياله بحنية....

امدحيه دايما لكن تخيري الاوقات .. امدحيه قدام عيالكم ...
​

مثلا

قولي: لولدك:: ابووك قووي ماشاء لله
او قولي لبنتك: ابوك ماحد مثله

او قولي له هو وعبري له ... خلي هو الــــyour hero>>البطل اللي مافي مثله...

لاتقولين امزح عليه... بالعكس انتي كذا تحسسينه بذاته.. وانك مفتخره فيه لانه كذا وكذا ....

تدرون عزيزاتي... ان لو الزوجة امدحت واشكرت زوجها على كل
حاجة حتى لو كانت بسيطة وكل شغلةحتى لو كانت بسيطة....
وش بتكون ردة فعل زوجها؟ الاحسان لها...

لأن الرجال من طبعهم ( خذوها نصيحه) يحفظون كل تصرفات المرأة... ويردونها... لها في مواقف ثانية..

غير انك لما تقومين بالهشي ... بتكونين وفيه... ياسلام ! من منا ماتبي تكون وفيه لزوجها .. تحفظ له كل فعل طيب وكل قول حسن ..
وتذكر له هالشي ولغيره....
​

(( يعني عزيزتي لما تقعدين مع خواتك او خواته وامه( اهم الاشخاص) لاتطرين لهم زوجك الا في الخير

وامدحيه .... بتكبرين في عينه وعينهم....​

​

​

انتظروني مع الطريقة الخامسة بإذن الله ....
​

 

[الدنياقصيره]

جزاك الله خيرآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ...................


كلمات راااااااااااااااائعه ونصائح من ذهب واسلوب مشوووووووووووووووووق,,,,,,,,,,,,,,,,

تحياتي لك يافيلسوفة بلقيس.....

بإنتظارك يا عسل.

 

[ღ لحن الحياة ღ]

أخواتي الغاليات ::

fatima1985
حيــاك الله عزيزتي
فشفااشه
ياهلا غاليتي وبإذن الله تحصلين على الارادة لعمل كل امر فيه فائدة لحياة زوجية سعيدة
اما الهدف من كتابة النقاط هو احساسك الباطن وقناعتك بحدوث ماكتبته فسوف تحسين بشعور ايجابي يجذب لك ماتريدين ان شاء الله
رحـى
يشرفني مرورك يالغلا ومرحبا فيك في متصفحي
أنا كل ما أريد
حياك المولى عزيزتي شاكرة توضيحك الرائع للهدف من التمرين

​

 

[ღ لحن الحياة ღ]

نور ميثاء
وإيـــاك يالغالية شاكرة مرورك الطيب
حنين احمد
وإياك وياهلا ومرحبا عزيزتي
ابي اراضيه
ان شاء الله تقدرين تراضينه والله يوفقك يالغلااااا
لميسm
وإيـاك عزيزتي شاكرة طلتك اللطيفة

​

 

[باور قيرل]

بجد موضوعك جداً رائع


و أنا في أشد الحاجة له

الله يعطيكِ العافية و يقويكِ

 

[اماراتية دلع]

اسلوبج واااايد حلو و الحين يالسة اسوي التمرين مال 14 يوم و لو عندج تمارين ثانية خبرينا لان احس فيني طاقة سلبية ابا اطلعها


مشكووورة و الله يازيج مليون خير

 

[هند بنت عتبة]

يعطيج الف عافية​

 

[ميراليان]

موضوعك قمة في الروعة شكرا لك