اخت حلم يوم ارد على الأخت الحمد لله ماعرضت على سنة الله اللي هي الزواج بالعكس فيه من تزوج اربع بس ولله مافي الزواج من الثانية إلا كسر للأولى وانا عاشرت زوجات اوليات اذا سكتت عن حقها من البدايه سيطرت الثانيه وحلت مكانها والمركب مايمشي فيه ثنين وليتها تحل مكانها وبس لا للاسف تطالب بحق الاولى ولله هذا عن تجربه وبلا مبالغه ثنتين من خواتي وصديقاتي صار لهم مثل كذا إلا من رحم ربي
حتى الرجل اذا انتي سكتي حس انه من حق الثانية وهي وش ذنبها ومن ذا الكلام
اذا انتي طالبتي من البدايه خذتي حقك واذا تنازلتي توالت التنازلات
اختي الزوجه الأولى ولقربي منهم عانت ولله المستعان صديقتي طلقها بعد تسعة اطفال والسبب الظلم اللي شأفته ومطالبت الثانية بالحقوق على قولتها الين صارت هي اللي تجئ وكروت الدعوه للمناسبات تأخذها الثانية وزيارات الاهل الرسميه لها والاستراحات وياويله اذا سمعت بعزومه او زياره وان الاولى اللي دعيت لها
والرجال مسكنها قريب ويوم الثانية مقابلها وهي لا
وحتى يوم سافر خذ الثنتين الأولى ساكنه بفندق 7 نجوم والثانية شقه تجيب المرض في المدينه المنوره ولاولى ينام عندها ويقول اجلسي عند أطفالك لأيزعجوني ويطلع يصلي الفجر في الحرم ويروح يكمل عند الثانية ويمر عليهم الظهر متروش ومتعطر ويأكل لقمته ويروح يصلي في الحرم ولا تشوفه ماتت من القهر ويوم طالبت بحقها قوم عليها ألقيامه عشانها سكتت
وطلعت منه خافت على نفسها من المرض النفسي وشرت راحتها وطلقها بعد العمر
واختي طنشته وتركته لان الثانية قويه وهي اللي جابت الأولاد وأختي معها 3 بنات وبعد ماجا بت الثانية ولدين جابت اختي ولد بعد ماكان يناديها ام البنات نصرها ربي
لاكن ماشفع لها لان الثانية حاكمته وتركته لها وعاشت في بيتها لعيالها وطنشته حتى رقمه شالته من جوالها والحين يتمنى تعطيه وجه بس هي طابت نفسها منه
اللي شافت اختي الثانيه اعظم بعد ماكبرو عيالها استأجرت البيت وتركت له الجمل بما حمل وماصبرها على المر إلا عيالها ولا الظلم نهشها ولله أنها شافت الحين النصر من ربي
وغيره وغيره
انا ماطالبت بمخالفت شرع الله لا انا والحمد الله أكثر من يتمسك بدينه والحرص على عدم المساس للشرع بس الله يحب المؤمن القوي لا المؤمن الضعيف وقالها الشيخ صالح المغامسي يجب المؤمن مايسكت عن حقه صحيح مايظلم بس لسكوت عن الحق الله مايرضى فيه
ويوم قلت للاخت ليش يتزوج ليس اعتراض ولكن استنكار لزواجه وهو مرتاح في بيته لان الزواج ولله لو كان زوجاته حمامات سلام فيه دمار ومشاكل وتعب نفسي للزوج وزوجاته والأبناء
ويم طالبت بحقها عند الحموله أيضاً كنت صادقه لان مستحيل ترضى أنها تقهر نفسها وتحرها بمقابلها والغيره الله يرحمنا موجوده ولا احد ينكرها وماراح تتحمل تشوفها ومافيها شي لو احترم الزوج وأهله رغبت الأولى في عدم شوفت الثانية ماصار مشاكل
والرجل العاقل اللي يبعد زوجته عن بعض ولا يذكر الأولى للثانية ولا الثانية للأولى اذا راح للأولى يحسسها ماعنده غيرها والثانية كذلك وصدقيني راح يتقبلون الثنتين وضعهم بعد كم سنه ويصير الأمر عادي ويمكن يحبون بعض بسبب عدله
للاسف الزوج هو الضره
والحمدالله اللي في المنتدى نساء عاقلات ولا اتوقع ان احد بيضر نفسه ويعرضها الغضب الله والمسئله من رب العباد
عشان طالبت من الأخت تحفظ حقها ( وما يلفظ من قول إلا لديه رقيب عتيد )
اختي انتي أكثر وحده عانيتي من زواج الزوج ولله أني ادعي لك في ظهر الغيب
مهما كان المؤن مايطاوعه قلبه يشوف اخوه في محنه ولا يساعده والدعاء بظهر الغيب من عظم الاخوه