كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
الف سلامه عليك ياعسل ان شاء الله ماتشوفى شر
 
ما تشوفين شر يا رييييييييييل ليييييييييييدي..
طهور ان شاء الله..
بس من جد هالنادية طايحة حظ و ما تخاف الله..
 
الله يعطيج العافيه على هالقصه اللي بجد تستحق القراءه والتأمل
وفي الاقوى من ناديه والافصل منهاا وانا برايي لو كل زوجه كانت اهي نفسها راح ترتاح بحيااتها يعني قبل الزواج اهي نفسها عقب الزواج والا ليش اعجب فيها وتزوجها؟؟

بصراحه باثنينهم كسروا خاطري بالقصه شريهان اللي فقدت زوجهااا وناديه اللي حاولت اتحافظ على عشيقهاا :(
بس اكيد بالنهايه ما يصح الا الصحيح ونبي شريهان ترجع لزوجها وناديه تكسر قلبها واتقوي ايمانها وتتزوج واتعيش حبها بالحلال..

مو كل العشيقات مثل ناديه في منهن يحبوون بصدق وهذيل انا اعتبرهم ضحاايا!!
ننتظر تكملة القصة بفارغ الصبر يـا reallady و القصص اليايه اللي وعدتينا فيهم ^_^
ما اتشوفين شر يالغاليه..
 
مشكورة حبيبتي موضوع جميل ومميز لاحرمك الله الاجر
 
الله يعطيكي العافية يا غالية على موضوعك الحلو.

ولكن عندي سؤال معليش فهمي على قد حالي

ما معنى ستريبتيس دانس ؟؟
 
:icon1366:كتبت أمس رد من خالص أعماقي و لكن لم أجده اليوم
إنا لله و إنا إليه راجعون
بكل الأحوال إبداعك فوق الوصف غي السرد و تحليل الشخصيات و التعامل معها و توجيه القدرات و إرشاد من تاهت في الطريق
بارك الله لك و فيك و جزاك الله خيرا فقد إستفدت جدا مما كتبت تابعي

ننتظرك بود و شوق لما تكتبين :icon26:
 
أنا اليوم أول مرة أشوف الموضوع وقريته كله مرة وحدة لأنه مشوق والأسلوب أكثر من رائع وجزاك الله عنا وعن شريهان وعن كل من ساعدته خير الجزاء.(سلامات وطهور لا بأس عليك إن شاء الله)
 
في انتظار الباقيه علي ناااااااااااااااااااااااااااار وانتظر ردك الخاص
 
فعلا موقف صعب جدا
والقصه فيها فوائد كثيره لكل زوجه ,,,بس ألي ما أقدر افهمه كيف تضغط المر اه على أعصابها وترجع لزوجها والذي يعاشر أمر اه اخرى بالحرام!!!!!!!!! شي مرعب يغلطون ونتحمل
والأخت ألي قالت أ ن ناديه تكسر الخاطر !!!!!!!! بصراحه أستغربت كثيرررررررررر هي عايش معاه بالحرام وحرمت الزوجه من حلالها فكيف تكسر خاطرك
 
تحيه لكل من كل قلبي :icon26: فقد لمست من حديثك حبك للخير :bye1: أسأل الله ان يسعدك ويوفقك لما يحب ويرضى

في أنتظار البقيه :clap:
 
ورود الزوجة وخزت أصابع الزوج بأشواكها

اتصل الزوج على أخته وسالها : انا جم مرة اقول لما تطلبين ورد من المحل لا تدفعين اتصلي علي أول شي ، وأنا اكلم المندوب ويصير على الحساب (ذلك كون أخته طالبة لا تعمل)، ردت الأخت : أنا ماطلبت ورد متى طلبت ورد؟؟!!!،استغرب الاخ وشكك شلون خلاص مو مشكلة حصل خير انا ادق عليه هالمندوب الظاهر مخرف ، اتصل الزوج على نادية وسألها : رفيجتج تقول رايح لها ورد من مريم اختي مريوم تقول مادزت شي شلون جي ، ،ردت نادية : مادري شدراني اهي تقولي من المعزبين واسمها مريم وماكو مريم اعرفها الا اختك عندكم مريم ثانيه اخاف وحده تصير لكم والا شي ، رد الزوج: لا ماكو مريم الا اختي ولو في احد اكيد من البعاد ويعني ماعندهم فكرة انه عندي محل ورد ، ردت نادية: والله مادري يمكن اختك تجذب ماتدري ، رد عليها ويقول : ليش تجذب لايكون البنت الي تعرفها بالنادي سلكها فيه شي (يعني انا ) ؟!!!!بعد تقولين معطتها ظرف خاص الله يستر (كل من يرى الناس بعين طبعه) ، ردت نادية : لا والله مادري عنهم بس ماعتقد حرام المدربة ماشفت عليها شي انا اصلا بس شكيت فيك انته قلت اكيد بينكم حب بعد مايندرى الله العالم وضحكت ، رد العشيق: اوكي خلاص خليني اتاكد من المحل (سبحان الله السالفة ترى صغيرة وسخيفة لكن الفضول القاتل شوفوا شنو يسوي)، اتصل الزوج على المحل وسأل المندوب (محمد) منو الي داز ورد حق المعهد يوم الجمعة ،رد محمد : زوجة حضرتك يا سيد فلان..... اهي اللي بعثت ورد، اتصلت علي على الموبايل قبل لا نفتح المحل الصبح وقالت لي اجهز ورد وانها راح تمر علي تكتب بطاقة ،وتدفع لي الفلوس مرة وحده المهم جت وكتبت البطاقة وحطتها بظرف متسكر وقالت لي انه في معهد .... الصحي ، وكمان دفعت الفلوس ، وقلت لها لا يا مدام خليه على الحساب لانه حضرتك اللي قايلي بس هي رفضت وقالت : هذا شغل خاص فيني ماله شغل في زوجي وبعدين انا اساعدكم بعد هم مدخول حق زوجي وضحكت،رد الزوج: انزين ماتذكر شنو اننكتب على البطاقة ، رد المندوب: والله انا الي اعرفه انه هيا اتصلت على المعهد وطلبت وحده مدام ويظهر قالوا لها مش موجوده لانها عطتني رقم التلفون وقالتلي اتصل جيك كل شوي وشوف توصل امتى ؟؟؟!! صمت الزوج وخرج ،طبعا خرج كالصاروخ للمنزل ، ولم يتصل على نادية كل يخبرها بالتجديدات ليش يا ترى لأنه الموضوع بدا يصير متوتر شوي (الفضول قتل القطة) وقطتنه الحين قاعدة تموت شوي شوي طبعا تموت من الخوف ولو يدري مادخل نفسه في هالدوامة ،لأنها قامت تفر في مخه والأفكار تطاير في كل مكان ، واهم فكرة ماعلاقة زوجته شريهان بمعهد ..... ؟؟!!!! وصل البيت ودخل على شريهان الي كانت قاعدة في الغرفة ويا بنتها الصغيرة وتلعب مثل الياهل كانوا مشغلين فيديو كليب ويرقصون ، نادا على شريهان وقالها :تعالي شوي بكلمج، راحت شريهان طايره سعيدة معتقدة انه يقولها هالكلام بس شفرة جدام بنتها عشان يسحبها الغرفة ،تقولي شريهان:دخل الغرفة يا فلانه وكان في عيونه خوف توتر ،وبنفس الوقت مكابرة ،ومشاعر مختلطة ،شوي ترجل وسألني ،انتي دازة ورد حق معهد ..... ؟؟!! وبابتسامة (عشان يخفي الخوف الي بقلبه) ،ردت عليه:ايه ليش ؟؟!! ،رد عليها :زين سؤال ليش دفعتي فلوسه ،ماخليتيه على الحساب ،ردت: بضحكة عادي زوجي وحبيت اساعدك يعني هذا جزاي وبابتسامة، اها عموما مشكورة ماقصرتي ، انا الي استغربته انج مشتركة في معهد .... ماكنت ادري ،اهي وقلبها يرقع خايفة تقول:ليش حلو النادي وانا احبه ماتشوفني كل اروح له عيل بالله هالتدلع والترقص انا من وين عرفته غير منهم ،والي انته حبيته J ،رد الرجل بصوت جاد ، وليس غاضب(سياسية يستخدمها عشان يسيطر على الموقف فلو عصب ممكن تيي عليه أصابع الاتهام وعلامات استفهام، فهو لايدري ممكن تكون زوجته تدري عن شي وساكته ،ووومكن تكون غشيمة فاللي عليه الحين انه بس يمنعها من انه تروح هناك وبس من غير الخوض في أي مناقشات قد تنتهي بخسران الطرفين) ،وقال:لو سمحتي يا فلانه هالنادي مابيج تروحين له مرة ثانيه فهمتيني !!؟؟،ردت عليه :هاا ليش فيه شي ، انا مشتركة 6 شهور حرام اضيع علي جي .. رد عليها : وبنظرة حازمة قال: انا ريال واسمع من الريال واعرف انه هالنادي سمعته مو زينه وانا بصارحة مابيج تروحين هناك سمعتي فهمتي .... (طبعا فلم هندي ماعليكم منه،الريال ميت من الخوف فقد وخزت ورود الزوجة أصابع الزوج باشواكها والآن ماعليه إلا أن يتحمل بصمت وان يحذر منها أشد الحذر وإلا لا يدري ما قد تكون العاقبة؟؟!! ).. ردت شريهان: انشالله بس عيل جي لازم اوقف اشتراكي ،توقفينه تحركينه سوي اللي تسوينه بس لاتروحين هناك ،ردت وبنظرة يملئها حزن:انشالله ،بس انا هم لازم اروح اشوف لو يكنسلون الاشتراك ويردون لي فلوسي ، واخذ اغراضي من الخزانة لانه مؤجرة خزانه انا هناك... خرج الزوج من المنزل وقال انا رايح الديوانية تبين شي ، قالت له :لا مابي مشكور اله معاك ، وعلى طول راحت شريهان ورفعت سماعة التلفون وقالت لي :فلانه عن الي صار في البيت انا اعتقد انه اكتشف من المندوب هذا ماشالله عليه ماينحط في فمه شي ؟؟!! انا هني دارت فيني الدنيا وتوهقت قلت يوووه امبيه رحنه فيها (يوووه يا طول لساني مرات ياربي ) ،المهم الحين ابي اعرف اشلون اوقف اشتراكي والا لو يردون لي فلوسي واغراضي بالخزانه الله يخليج ؟؟!! قل لها انتي لازم تيين تطلعينهم انا ماقدر وعن الفلوس لو ترجع والله مادري تسألين الادارة بس ماعتقد في امكانيه ، طبعا اثناء تحادثنه في الهاتف ،الزوج بالطريج اتصل على نادية وقال لها :أي طلعت اختي الله يهداها وماتبي تقولي تقولي تبي تساهم في المحل يعني تقول تبي تزيد مدخولي ويضحك ،نادية ردت وقالت: شفت قلت لك ،بس والله لو انته جان ذبحتك انا شكيت فيك بصراحة لحظتها ..... نعود لشريهان وحديثها معي : كانت تتكلم وقلبها يتقطع تقول ويه الحين شسوي تدرين هذا المكان الوحيد الي اقدر اروح له واغير جو وياكم ويا البنات ،قلت لها :تدرين شلون لا تقطعين فجاة وقفي الاشتراك انتي الحين عنج شهرين تقدرين توقفين اشتراكج 6 شهور صح ؟؟؟ ،قالت : ايه 6 شهور وماوقفت ولا يوم انا كنت مخليتهم للصيف عشان يمكن اسافر وياه والا اتفرغ له، (سبحان الله ذكرت سابقا بان نادية تخطط أيضا للصيف انه تسافر معاه) ،رديت قلت لها :خلاص اوكي انا بوقف لج شهرين كاملين وانتي عاد الله يهداج كلمي بهدوء بين فترة وفترة يمكن يحن قلبه ،بس ترى علىف كرة انتي لازم تيين توقعين على فورمة الاشتراك باجر ضروري والا ترى يروح عليج جي حرام ،قالت: اوكي انا باجر امر عليج ازرق امر بيت امي اقط اليهال وايي وبصراحة فيني رقصة ضحكت برقص شوي ارفه عن نفسي وارجع (تدرون هالكلمة سمعتها وايد من نادية ) ، جاء ثاني يوم ويت شريهان سلمت وابتسمت كانت حزينة ولكن مبتسمة،قلت لها : ها ترى وقفته لج شهرين كاملين قالت :مايخالف ماعندي مشكلة بس تعالي يصير اغير؟؟!!! قلت لها ليش:لأنه عندي موعد تقييم صحي الاسبوع الياي ومابي اكنسل لانه انا الحين بنظام غذائي معين ويا الاخصائية ، ومابي اضيع موعدي انا بروحي بالغصب حصلته قلت لها ، اها صح صاجة ،فقلت اقابلها من عقبها يبتدي توقيف الاشتراك على الاقل اعرف شنو اسوي بالبيت بروحي بالفترة الي بغيب فيها ،قلت مو مشكله ياقلبي خلاص على راحتج ،ردت: الحين انتي متى حصتج اليوم: قلت لها بعد ربع ساعه تبين تقعدين شوي ويانا على الاقل رقصة وحده وروحي بس فضفضي ،قالت لي:أي واله بس ها على شرط ابي الموسيقى هذيكي الي انا احبها مو طبول تصك راسي ابي مزاج ههاهاها ،ضحكنه وراحت تبدل ملابسه ، ظليت انا على الريسبشن ودخلت المكتب اطلع السيديات الي باستعملهم والا نادية توها نازلة من غرفة الاثقال وبايدها التلفون واقفة يم الاصانصير والريسبشن ،تقول:هاااااااااي انتي وينج وكان بايدها التلفون تتكلم فيه ،ردت عليها شريهان : انا والله موجوده بالدنيا بس شنسوي بعد تدرين مشاغل ،ردت نادية : أي والله الله يعينج ، انا عندي ولد واحد ومطلع عيني فما بالج انتي الي ماشالله اكثر من واحد طبعا انا طمرت من مكاني وقلت شنو ولد نادية عندها ولد ؟؟؟؟؟؟؟؟؟؟؟؟؟؟؟؟؟؟؟؟؟؟ ردت عليها شريهان قالت:ماشاللله انتي عندج ولد مو مبين كلش ن ردت نادية وقالت ادري: (واااثقة من نفسها وتدري) انا ولدي عمره 12 سنة سم الله عليه ريال وانا في قلبي شنووو 12 سنة،ردت شريهان ماشالله انتي متزوجة يعني : نادية أي متزوجة ،هني طلعت من المكتب وقلت نادية ترى سوري بس قطيت اذني سمعتج تقولين عندج ولد ولا مرة سمعتج تييبين طاريه قالت لي :ايه بصراحة مادري وضحكت ، شريهان قالت ماشالله مو مبين عليها ،ردت نادية وانتي بعد يا فلانه هم مو مبين عليج عاد عيالج حلوين مثلج ،ردت شريهان : والله مادري حلوين علي وإلا على بو العيال وضحكت ،ردت نادية وقالت: خلاص انا الحين مستعيله ابي اروح ابدل حق الصف بس مرة ثانيه بشوف صورهم وتعالي لا تقطعين .... أنا في قلبـــــــــــــــــــــي نعــــــــــــــــــــــــــــم صور ،بس الحمدلله شريهان موقفة اشتراكها يعني ماراح تيي لفترة طويلة وهالفترة اهي الي نادية بيخلص اشتراكها فيها لانها ممكن تسافر ويا الحبيب !!! المهم دخلنه الصف ورقصنه رقصنه وشريهان دشت وسبحان الله على نهاية الصف اتصل زوجها وقالت لازم اروح الحين ،بس نادية ماشاالله اللبس مال الرقص الي لابسته وايد حلو ،التفت انا قولت أي حلو انا بعد عجبني ،ضحكت نادية من بعيد وجبلت اهي ورفيجاتها وقربوا ،ردت نادية:تامرين عليه مدربتي ،قلت لها : لا عليج بالعافية ،ردت شريهان تدرين :كنت عندي واحد مثله بالضبط هدية من لبنان يابي لي اياه زوجي بس،قاطعتها نادية: ووويه هاها انا بعد زوجي يايب لي ياه من لبنان هذيك السنة ،ترىىىىىىىىىىىىىىىىىىىىىى ماشالله عليه ،ردت شريهان برد أحرق قلبي كثيرا :أي انا بس مالي مادري وين ضاع هذيك اليوم ادور ادور مو لاقيته بعدين قلت يمكن قطيته ويا الهدوم الي اوزعهم مادري بس ترى حلو عليج ماشالله بابتسامة(الزوج أخذ اللبس كي يلبسه لعشيقته) .. خرج الجميع وراحت شريهان لبيتها ونادية لحياتها .... وانتظروا فللحديث بقية

تحيـــــــــــــــاتي
REALADY:in_love:
 
التعديل الأخير بواسطة المشرف:
الف شكر يا رييييييييييل ليدي
الله يسخر لج و يوفقج..
 
متااااااااابعييييييين بشغغغغغغغغـــفف
 
الحالة
مغلق و غير مفتوح للمزيد من الردود.
عودة
أعلى أسفل