كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
الله يغفر له ويرحمه ..
 
عضم الله اجركم في اميركم ولله اني فرحت بردك لي مممممممممممممممشكوره وكملي انا معاكي يا مبدعه
 
بعد غيبه قصيره رجعت بشوق أطل على القصه وحبيبتنا صاحبتها
سلامتك ياقلبي ماتشوفين شر
ورحم الله موتانا وموتى المسلمين أجمعين
وبعدين ياقلبي ترى كلنا نفقدك مو بس الأخت الغاليه ( مدى الحب )
الله لايحرمنا منك
 
كوني أنت العشيقة واستعيديه منها ...العنوان كذا افضل لانها هي السارقة وانت صاحبة الحق !!!

جزاك الله خير ياعمري على كل ماقدمتيه ...وهكذا يجب ان تكون كل منا
تمسح دمعة محزونة
تسليها
تنورها
تطبب عليها وتاخذ بيها
وماأجمل أن ترى البسمه على محياها ...وكم حولنا من المحزونات الضعيفات
الله لايحرمك الأجر ياغالية
 
الأخت غريبة زمانها ، شكرا على التلعليق على العنوان و،وكلن يا أختاه قصدت أني اكتب اسرقيه منها أولا لأنه العشيقة تعتبر هذا العشيق شيء من ممتلكها الثمينة (الكماليات مثل: الذهب ، الألماس ، الساعات) ،وهذه الكماليات لو سرقت منك راح تنقهرين وتتألمين وتضايقين ،لأنك دفعتي ثمنا باهضا كي تشترينه(ثمنها الباهض عند العشيقة هو :وقتها،جمالها،نفسهاأنوثتها،غرورها)،بينما لو قلت استعيده منها ،راح تصير وكأنها استعارك منك هذا (العشيق)وسترجعه لكي بكل سهولة وتتنازل عنه بدون أن ترضي حتى غرورها أو نفسهامتى ما طالبتي به انتي يعني في نظرها كأنها لا تستحق هذا الرجل أو اي رجل يعني انسانه لا تستحق الحياة ،وكانها بدت مصلحتك على مصلحتها

وارضاء النفس أولا سمة من سمات العشيقة

المغزى الثاني من العنوان ،نوع من أنواع التشويق للاستقطاب القارئات :)

وأخيرا شكرا حق كل من شارك معاي وعظم الله أجركم في والدنه ورحم الله جميع المسلمين الأحياء والاموات
 
w6w2005041919345643d1e4f8.gif
 
اهلا بك صديقتنا الغالية
اتابعك بشووووووق واحس بطاقة عجيبة لما
اقرأ ما تكتبين فأنت عفوية ولكن تذكرين اشياء مهمة
بس لي طلب عندك
ويالبيت ما ترديني
ياليت تكبرين الخط على رقم 4 او 5
تدرين احنا حريم كبار ونظرنا على قدنا
ولما اقرا كتاباتك على كثر ما اسعد
بان المقال طويل على قد ما يضيق خلقي من صعوبة القراءة
وتلقيني من الولع اقراه كلة ولا افر عيوني لا يمين ولا شمال
بس بالآخر احولللللللللللل
ها يابنيات منو تشاطرني الازمة؟
ههههههههههههه شكرا لك مجددا
ودمتي لنا مدربتنا الغالية
​
 
السلام عليكم
تتقدم بالعزاء للاخت ReaIady
لله ما اعطى و له ما أخذ و انا لله و انا اليه راجعون
اللهم أسكنه فسيح جناتك و اغفر له و تجاوز عن سيئاته
اللهم ابدله داراً خيراً من داره و أهلاً خيراً من أهله و اسكنه الفردوس الأعلى
آمين
 
وينك متشوقه لباقي القصه وهل اذا انتهيتي منها راح تبدين بوحده غيرها ...؟؟
 
أول مرة أشوف القصة اليوم وقريتها كلها قصة رائعة ومؤثرة انتظر النهاية بفارغ الصبر بارك الله في مجهودك مع بطلة القصة وما تقدميه لنا من الفائدة،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،:icon30:
 
عندك حق
لازم نرسم الابتسامه دائما ع وجوهنا
ونجري ع ازواجنا بفرحه عند عودتهم فذلك يرضيهم
مشكووووووووووره
 
الشعرة التي قصمت ظهر البعير

شكرا أولا لكل من شاركني بالتعازي وعلى التعليق بالموضوع وها انا ذا اكمل قصتي...
خرجت شريهان من النادي وعادت بالأسبوع المقبل اتصلت علي وانا بالمكتب وقالت لي :انتي يايه اليوم النادي ، قلت لها: أي انشالله ، قالت :اوكي عشان ابي اشوفج ابي نقعد ويا بعض شوي تدرين ماراح ايي فترة طويلة وعندي كلام وايد ودي أقوله ،قلت لها زين انا صفي اليوم الساعه 7 يعني على الخمس انا يايه انشاللله ،تواعدنا انا معاها وجت شريهان معاها ولدها الكبير ،وقالت هذا ولدي الكبير شوفيه ،قلت لها :ماشالله حلو بس مايشبهج كله ابوه ضحكت وقعدنه نسولف ،تقول شريهان :تصدقين يا فلانه على سالفة الورد ريلي كان ويهه مخترع وميت من الخوف وادري انه خايف اني الاقيها هني ، وانا بسوي الي يبيه وماراح ايي النادي ،بس قولي لي عفيه تعرفينها والا لا ،رديت عليها : لا يا شريهان ماعرفها ويمكن اكون اعرف شكلها بس ماعرف منو اهي بالضبط ، بعدين اسمها غريب صراحة ولا مرة عرفت وحده اسمها نداء عندي بالصف ،قالت : والله مادري انا هذا اللي جكيته انه اسمها نداء ،قلت لها: انزين انتي اشلون عرفتي وين جكيتيه ،تقول : تخيلي كنت مرة طالعة من البيت ورحت مع عيالي ومريت عند ادور على نوادي صحية عشان شوي اتحرك مع اني مو متينه بس ابي اتحرك لياقة لانه على قولته اني بالسرير ماعرف اتصرف ويابسة مافيني ليونه ، سبحان الله انتي تدرين انا بيتي بعيد بس مادري شنو اللي جرني عندكم مع انه المعهد الفلاني .... اقرب لي ؟؟!!!!جيت انا ورفيجتي بسيارتها لأنه مالي خلق اسوق، دخلت النادي عندكم وخذيتوني لفيتوا فيني النادي وطلعت ،وانا طالعة ركبنا السيارة و مشينا حنا نمشي مرت يمنا سيارة بورش عنابي وماشوف الا واحد انا بغيت انط من الدريشة ، ومعاه وحده وجهها كان مو مبين لانه كانت منزلة مادري شيله والا شعرها نازل لي جدام الظاهر كانت تلبس الجوتي مالها تكرمين،التفت على رفيجتي وقلت لها :امبيه هذا بو فلان لا لا وانا اصرخ وقلبي يرقع ،قالت لي صديقتي:انتي من صجج هذي بورش انتي ريلج من وين له بورش ،قلت لها:لاا لا انا متاكده عفيه اخذي فوق تحت عفيه ،قلتها يا فلانه وانا قلبي يتقطع وموقادرة ابجي من الصدمة،رجعنه خذنه فوق تحت وانتي تدرين شارعكم هني كله زحمة على ماوصلنه الا اهو بروحه بالسيارة وبدخلة البنت للبناية البيضة الي جدام هني ،قلت لها :ماشفتي شكلها؟؟ قالت: لا جان زين ، بس شفته دخل البقاله اشترى اغراض يعني اللي لاحظته كيس في اكل وطلع راح العماره ..... وقفت شريهان عن الحديث في لحظة صمت، وعيونها تبرق نولكن الدموع تنزف من قلبها لا من عينها وكانها تعيش اللحظة الآن،قلت لها سبحان الله شلون مانزلتي من السيارة تقول وقتها قلت :لو نزلت من السيارة راح تصير فضيحة وصراخ وخناق وانا مو مستواي انزل لي هالمستوى المنحط ،وثانيا ماهانت علي نفسي لأني خسرت من نفسي وايد وايد معاه ارد اخسرها اكثر بالموقف هذا ،تركته يكمل ليلته وانا رحت ويا رفيجتي كنت ساكته طول الطريج ولكن اتنهد ،قالت لي صديقتي:فلانه اكيد مافيج شي حسبي الله ونعم الوكيل والله اني مو مصدقة وبرمضان بعد لا حول ولا قوة الا بالله ، شهقت هناوقلت:برمضـــــــــــــــــــــــــــــــــــــــــإن ،قالت :نعم برمضان انا احمد ربي اني سكت يومها ولا سويت ولا شي ورجعت البيت ويا عيالي قاعدة عيوني كانت تدمع وبنتي تقولي يما شفيج قلت لها مافيني شي بس بروح انام ، رحت غرفتي وظليت ابكي ابكي ابكي ابكي واقول ليش واتحسب ، قلت لها :واي ماشاله عليج الله يصبر انشالله ،بس انتي اشلونج وياه الحين اكيد احسن انشالله ،قالت لي : والله نص ونص اا من عقب الدورات الي رحتها وكلامي معاج تغيرت وايد ماقمت اهتم ، وهذا الي مخوفه ،أي صج ماكملت لج شلون دريت انها هني ،قلت شلون : ،تقول: انتوا كنتوا مسوين خصم على اشتراك السنة انه بالشهر ندفع قسط شهري 76 دينار لو اشتركنه عن طريق بطاقة فيزا صح ،قلت لها:ايه وكان معاه زيارة مجانية قالت:بصراحة الزيارة المجانية مادري عنها ،بس اتصلوا علي بالبيت البنك: قالوا لي انه قاعدين يتصلون على زوجي عشان الاشتراك مال المدام عليه مشكله والحبيب مايرد،قمت قلت للموظفة :ليش شنو المشكلة ،قالت:يا اختي الفاتورة عليها اسمين واحد ممسوح مو عدل والثاني عدل ،قالت لي حضرتك :المدام ،وعشان تتاكد قلت لها العنوان الي عندهم والتلفون (عنوان البيت)المهم قلت لها :الاسم مثل ماهو على البطاقة المدنية ياقلبي والي مع الفاتورة ،لانه عرفت منكم لما يينه نزور النادي انه الفاتورة لازم يكون معاها البطاقة المدنية عند التسجيل(ماشالله عليها)،قالت لي :لكان مدام نداء اوكي ياقلبي شكرا ؟؟ّّّّ!!!،قلت لها : ايه صح صح هذا الاشتراك نزل فجاة بعدين شلناه صارت عليه مشاكل بالاستقطاعات البنكية ،قالت : بس وصلتي خير من هني انا عرفت ،قلت لها وويه شلون جي سبحان الله ،قالت لي: اهو ماتوقع انه يصير جي ياقلبي وحبل الجذب قصير،قلت لها: أي يومها المدير المسؤول عن هذا العرض استقال عشان جي صارت مشاكل على التوقيعات على هذي العقود فوقفوها(مصائب قوم عند قوم فوائد)، سبحان الله هني طبت علينه اخصائية التغذية وقالت ها ماتبين الموعد مالج :قالت شريهان اكيد ابي عن اذنج يا فلانه شوي وارجع مو تروحين عفيه احس اني خففت من اللي علي J بابتسامة، رحت انا الرسيبشن هني وفي بالي بس افكر في الموضوع طلعت ملف نادية وجيكت عليه بالكمبيوتر طلع العنوان الي حاطته نادية مزيف وعرفته من رقم تلفون البيت الي حاطته مت تبع منطقة السكن الي اهي ساكنه فيها وشي ثاني الاسم على البطاقة المدنية غير عن الي على الفاتورة (نداء/نادية) وتذكرت عندما سألتني اول مرة عنها الزوجة قلت لها اني ماعرفها وسكتنه لم تصر الزوجة على الموضوع ربما لانها كانت محرجة ،ونادية هي الي اعطتني اسم الزوجة بالكامل ،كيف عرفت نادية انه الزوجة بالنادي (ماشالله عليها تصلح محقق شرطة) ؟؟؟ دخلت علينه رفيجة نادية وهذي بعد مصيبة مثل نادية لي قالت ابي هالشي تييبه تييبه وتييبه ،سلمت وقالت: ها يا فلانه في عندنا صف اليوم والا لا لأنو بصراحة اليوم جاي عا بالي ارقص رقص واتعلم عرس رفيقتي قريب ؟!!!
قلت لها يلا انشالله يهنيها ،ودخلت للنادي ،يت نادية من داخل وكعادتها متكشخة وقفت عند الرسيبشن وبعدين راحت تتكلم بالتلفون على الكنبة يم مكتب الاخصائية قعدت وكان قاعد يمها الصبي الصغير ،سكرت التلفون ، وقالت للود :أنت شسمك ياحلو :استحى تتكلم وانا اطالعها واحاتي الله يعلم فقط ماهو شعوري ،ياحليله منو ولده هذا تسال ،انا سويت روحي ما اسمع ،يت المديرة وشافت الصبي وقالت:بلغتها الاجنبية هذا الولد حلو ماشالله عيونه لونها حلو ملونه منو ولده ،ردت نادية وقالت :انا احب العيون الملونه اموت عليها ،وقعدوا مع الصبي طلعت شريهان :وقالت اااااااااه انتي هني شفتي ولدي هذا واحد منهم ،قالت نادية: ايه ماشالله شحلاته يهبل صج ياخذ القلب انشاله ياربي الله يرزقني واحد جي عيونه ملونه ،ردت شريهان :انشالله ياربي ،بس انتي عندج ولد وبصراحة صدمتيني هذيك اليوم مع اني ادري انج متزوجة بس من كثر ماشالله ماشوفج كله مثل البنات ماصدق يروح عن بالي ، قالت نادية : بس هم ابي ولد ،انضمت للحديث معنه رفيجة نادية :وقالت أي انشالله يانادية لما يصير الي في البال وضحكوا ،قالت شريهان :الله يعطيها الي في بالها ،وهني انا اطالعها وعيوني كلش ابي ابجي ،قالت نادية : شسمك ،رد الولد بتردد وخجل،وامه تقوله يلا ماما قول عفيه عليك عشان تعطيك كاكاو،اسمي فلان فلان الفلاني ..............................هذا وللحديث بقية
 
الحالة
مغلق و غير مفتوح للمزيد من الردود.
عودة
أعلى أسفل