كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
بالانتظار يا ريل ليدي
 
ريل ليدي حبيبتي تسلمين على اهتمامك لتكملة هذه القصه .... ومتشوقه اقراء كل القصص الي راح تكتبينها في المستقبل..
والله يوفقك يا حلوه... وبليييييييييييز خلصي هالقصه بسرعه ولا بطرشلك صورة حمود وهو زعلان.... :)
 
واااااااااااااااااااااااااااااااع.. ما فيه تكملة......
ننتظر على احر من الجممممممممممممممممممممممممممممر.
 
جزاك الله خير يا ريل ليدي والله اني اكتشفت مفعول الكلام مع الزوج بطريقه الصوت الهادي والنظره الناعمه والله ان لها مفعول السحر معاه الزوج يكره المراه اللي تبي بس تفرض رايها وتتهم الزوج وتلومه وتاشر بايدها وفوق هذا كله صوتها مزعج وعالي جدا بعكس اسلوبج بالحوار مع البوي فريند جربوا شوفوا

اشكرج ريل ليدي
متابعين
 
خلطة سحر نادية

تذكري أن ما جررررررررررررررر الرجل خلف نادية هو العمل السحري اللي مسويته ، وهو عبارة عن :
الكرة السحرية الكلمات التي تستخدمها
الطلاسم وهي الحوااااااااااار الذي لا يت الا بوجود الكرة السحرية
ذات نادية والتي تكون كيد الساحر التي تلف حول الكرة فتنوم العشيق تنويما مغناطسيا بحركات تنوميية بسيطة(ثقتها بنفسها،ذكائها،انوثتها،صداقتها)


تحياتي

Realady:in_love:
 
يا نفسي يا انته يا زوجي العزيز

تقول شريهان: رديت على التلفون وأول ماقال: الو ، كنت جني توني اعرفه تذكرت البداية بينه وشلون كان وقع كلمة ألو على قلبي أيام الحب، كنت احس بصوته وكانه يديه الخشنتين تدق على باب قلبي لتزيد من حرارة جروحي ، كادت دموعي أن تسيل من حرارة الموقف ولكن سارعت ثلوج عزتي لتجمدها ببردها القارس، فقلت له : هلا نعم تفضل وبكل برود ، رد علي وقالي : شلونج ،ليش ماتردين علي لما ادق علي بصوت سريع وفيه قليل من الغضب شنو انا طوفة هبيطة عندج نلعب احنه يهال (على قولة اخوانه المصريين خدوكوا بالصراخ عشان يغلبوكوا ،لكن ده كان زمان يا مسيو روميو) J، ردت عليه شريهان : وبصوت هادئ ،انته داق تتفاهم والا تتخانق يا فلان وبكل هدوء( شريهان بدات جملتها بكلمة ايجابية وقالت تبي تتفاهم ،قبل لا تقول تبي تتخانق ،هذا الاسلوب يكون بمثابة رذاذ الماء الذي يطفئ نار الغضب بالشخص الذي بينكي وبينه مشكلة ) ،طبعا الزوج هدى شوي واستغرب قالها : كموني بيه انتي من وين ووين تناديني بالاسم هذا ؟؟؟!!! وضحك ،ردت عليه هي وبهدوء ايضا وبدون ضحكة ولكن نبرة عادية جدا :مادري جذي طرى على بالي توه تذكرته وانا ماره يم محلات الجواتي وانته بكرامه ،رد عليها : يوم تضحكين علي تقولين اول مرة اسمع لون كموني تذكرين ، قالت له :ايه ، وسكتت (شريهان كانت متعمده بهذه الطريقة الهدوء والسكينه لأنه الرجل هني يبيها اهي اللي تبتدي الحديث فهو مجهز كل اسلحته ولكن بانتظار الهجوم منها فقط ؟؟؟، ولكن صاحبتنه الذكية لم تهجم فقد استخدمت معه اسلوب السلم حتى تكسب هي بالنهاية ،شريهان اللعبة الان بالنسبة لها مسالة ربح او خسارة ، يا اما تربح نفسها او تخسرها ، فلم تعد انته يا دنجوان no.1 في حياتي ، انا اريد فقط ان ارد اعتباري وبطريقتي ) ، زين انا بصراحة ابي اتكلم معاج وبصراحة ترى ابي اشوف اليهال وطالت المدة ؟؟؟ طبعا مو قاعد ايييب طاري الموضوع نهائيا لأنه خايف من ردة فعلها (وهذا غلط) ، ولكن شريهان عالجت هذا الموقف ، وقالت له : اليهال اكيد لازم تشوفهم هذولي عيالنا ،واما عن الكلام لإانا الحين متضايقة حيل وماقدر اتكلم ، وانته تدري ليش ،رد عليها : مو انا هذا الموضوع اللي ابي اكلمج فيه بكل مسكنة ، ردت شريهان عليه : الحين انا ماقدر اتكلم يا فلان باسمه الصجي ،انا متضايقة حيل ولازم ارتاح وانشالله يسهل اليهال ولا يهمك انا بوصلهم بيت اهلك باجر ماترد من الدوام الا واهم عندك بالبيت ، رد عليها: شقصدك ،بنرفزة، ردت عليه بهدوء ... مو قصدي شي ،قصدي قلت لك ياه انا متضايقة وابي ارتاح شوي ،عند اهلي ولا تحاتي محد يدري عن الي بينه الا انا وانته ؟!!! سكت الرجل ولم يتكلم ولا كلمة لقد احرجته شريهان بمعدنها الأصيل ، ردت وكملت الحين انا اخليك تبي شي ،قالها : :dunno:احححححححح بتنهد خلاص على خير انشالله مع السلامة .....،سكرت شريهان السماعة وظلت في مسفط سيارتها تبجي بالسيارة ،لأن الموقف الي سوته اول مرة تطبقه بحياتها فعشان جي تحس انها قاسية وانه هالشي يضايقها ، ولو بايديها كان قالت لا ابي ارجع له على طول بس الاختيار الحين بين نفسها وبين زوجها :icon1366:؟؟!!!!!! تابعوني J
 
اختي ريل ليدي والله شوقتينها باحداث القصة ونريد نعرف النهاية باسرع وقت فرجاءً لا تتاخري علينا لاني انا بعد ايام بنتقل بيت جديد ومافيه نت ويبالها شهر ليما يوصل الخط الجديد فلا تحرمينا علشان نستفيد .....
 
معاك ومتابعينك ابي اشوف وش نهاية هالفلن المئساوي ابي اشوف وش نهاية شريهان الطيبه ونهاية ناديه خرابت البيوت الي خربت على بيتها والان تدورلها بيت تهدمه ونهاية الاخ الفاضل الدنجوان هاذا لازم ما يفلت من العقاب ماتكتفي برجوعه لها وبس لا زم يدفع ثمن متعته وهجرانه وجرحه وخداعه ابي اشوف نهايته وان شاء الله تكون ماساويه عليه وحده عشان يدفع ثمن متعته وحقارته لو كان الحين تحت ضروسي فرمته فرم ولا حسيت فيه​
 
Realady أنا متابعة القصة ولكن بصمت ما شاء الله قصة فيها الكثير من الدروس جزاك الله خير .

سؤالي الحين شريهان قالت لزوجها إنها ما أخبرت أهلها باللي صار وبالمشكلة الحقيقية بينهم فهل هذا التصرف صح؟ لأنه بهذه الطريقة سوف يتنفس الصعداء قليلا بأنه لم ينفضح بعد وممكن يكمل حياته مع نادية عادي وحاط في بطنه بطيخة صيفي! يعني أحس المفروض يعيش في قلق إن ممكن تكون هي فضحته حتى ما يقدر يتهنى بحياته مع هذيك ويظل قلق.
هذا رأيي ما أدري شو رايك إنت بغض النظر عن موضوع شريهان يعني بشكل عام؟
 
أووووووووووووووووووووووف يلااااااااااااااااااااااكملي وينج عندييييييي فضول قوي الله يخليج كملي بأسرع وقت
 
الحالة
مغلق و غير مفتوح للمزيد من الردود.
عودة
أعلى أسفل