كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
سامحوني اخواتي الكريمة فوقتي ضيق جدا لأني اعمل بوظيفتين وارعى طفلتين جميلتين ولكن لا تخافون انشالله التكملة يايه قريبا سامحوني على التأخير :blushing:
 
حبيبتي لا بأس لكن ...
بليييييييييييييييييز لا تتأخري فنحن على أعصابنا ننتظر ما حصل مع شريهان وزوجها
تحياتي لك..
 
الله يعطييييييييييييج الصحة والعافية....
افيدينا....
يسلمووووووووووووووووووووو
 
أبغى أسأل هل ستنزلين الآن الجزء الجديد حتى أنتظرك أمام الشاشة
أم لا ؟؟
 
بانتظار ياريل ليدي بس عاد الجزء الباقي خليه دسم مليان لا تقصري معانا
 
معاك وننتضر التكمــــــــــــــــله ان شاء الله
الله يكون في عونك ويساعدك​
 
قصة رائعة.....
بارك الله فيك....
واعان الله شريهان...
 
طبعا نادية لعبت لعبتها وعارفه انها بتييها مشكلة ،وبتنحل هالمشكلة عاجلا ام آجلا ،طار لها الزوج طبعا عقب المشكلة اللي بينه وبين زوجته وراح يقولها عن اللي صار وكان ميت من الخوف يحاتي ،تقول نادية :ياني الشقة وكلش كان متضير ويحاتي ، سألته وانا عارفه : شفيك يا بوفلان عسى ماشر ، رد عليها .. مافني شي بس تركيني شوي بحالي .... تركت نادية الرجل بحالة ولم تسأله مرة اخرى (اسلوب ذكي ، فهي تعلم جيدا بان الأسد جالس في عرينه يتفكر ويفضل الا تقترب منه او حتى تداعبه )، ولكن بعد فترة خرج الأسد من سكوته وعاد للتحدث شيئا فشيئا ،وراحت هي تسترسل معه بالحديث ،وقالت له : يا بوفلانه احنه قبل لا نكون احباب احنا ربع، صح ياقلبي واهي تمسح على رأسه ، رد: عليها : تذكرين اخر مرة كنا انا وياج فيها ،قالت له :ايه وقلبها طبعا طاير من الفرح ؟؟؟ ، رد: اخر مرة تلفوني دق على مرتي بالغلط ومادري شلون انا ماحسيت فيه مع اني اتذكر اني شلته من مخباتي لما فصخت الغترة والعقال انا حريص على هالأشياء بذات ؟؟؟ مادري شلون انا صراحة احس اني بنجن ، قالت له : بفلم هندي طبعا امبيه شنو صار سمعت كل شي يافضيحتنه (متقصده تسايره بالفلم كامل عشان توصل للمعلومات الي تبيها )،رد عليها : المراة تركت البيت الحين ولاهي راضية ترجع اتصل عليها ماترد ، والوضع غريب مادري مادري شسوي مادري اهلها يدرون مايدرون هالركود هذا مو طبيعي، ردت عليه وقالت له : لاغريب ولاهم يحزنون على شنو غريب بعد زوجة جكت ريلها يخون شنو متوقع انها تسوي اكيد بتضايق ، وانته الحين لازم تختار يا اما تصلح الموقف معاها والا انك خلاص تنهي اللي بينكم ، التفت عليها وقالها : انتي شنو عبالج سهل يلا بس اطلق وخلاص يبا اصحي انتي بالكويت ، هذا وراه نفقه سكن خدامة وغير مصاريف ثانيه ، انالازم القى حل حق هالموضوع ولو مالقيت كل شي خلاص راح ينتهي الي بينه مانقدر نكمل مع بعض ، طبعا اهي سمعت مانقدر نكمل مع بعض جن جنونها شلون هذي نادية هذي الانسانه الي تستحق انها تعيش هذي الي من حقها بعد تكون محبوبة ومرغوبة صحبتها ،ردت عليه :ينتهي شلون ،عموما براحتك انته منت مجبور علي تبيني حياك الله ماتبي الله ايوفقك (لعبة ذكية جدا ،انا عايشة فيك ومن غيرك شرح موجود) ، نظر إليها الرجل وقال لها : انا رايح حق مرتي لازم أصلح الي صاير ، وخرج الرجل وتركها لوحدها ،لا اخفيكم شعور نادية لحظتها كان في قمة الحزن والأسى على نفســــــــــها،العزيزة الغالية كيف يحدث لي هذا ولكن لن أستسلم أبدا وهذا الرجل لي انا وانشوف منو يضحك بالاخير ....

مرت الأيام وانقطعت اخبار الزوج عن نادية ، وتدرون والمفاجأ ان نادية كانت تأتي إلى النادي يوميا وتلعب وتضحك ولا جنه في شي صاير ، وانا استغرب ، وبالمقابل اشتركت شريهان في نادي اخر وكانت تذهب يوميا وفي طريقها تتصل علي ونسولف ونضحك كانت انسانه ثانيه ، إلى ان اتى اليوم الي قالت لي فيه شريهان ،ترى يا فلانه ريلي اتصل على بيتنه والحين الأهل تدخلوا بالموضوع يبون يعرفون وانا مابي اتكلم ، قلت لها : فلانه خلاص ماكو الا المصارحة والنقاش معاه ،مهما يكون يروح يرجع زوجج ،قالت لي : زين شسوي يعني اتصل عليه ، قلت لها : اممم لالا لا تتصلين عليه صبري خليني افكر لج بخطه ، وارد عليج ، اتصلت عليها وقلت لها : لقيتها قالت لي شنو : قلت لها انتي مو حاطة بالملف مالج ارقام تلفونات ؟؟ قالت لي ايه قلت لها انتي حاطة رقم زوجج صح ،قلت لها: الحين احنه قاعدين ندز مسجات عن عروض للاشتراكات كان بمناسبة عيد الحب راح ادز مسج حقج وعلى كل الارقام الي موجوده في ملفج والي من بينهم طبعا رقم زوجها ، قالت لي : انزين وبعدين ، قلت لها: ماتدرين يمكن لما يقرى المسج يحن قلبه الله العالم ، وبصراحة انا ماكنت متاكدة من الخطة بس يمكن يتذكر أو يفطن ... طرشت المسج وبس ،دقيت عليها ها دق عليج والا لا ،كلمج والا لا
،ردت علي لا والله ليمة الحين ماتصل كيفه براحته(الكلام تغير ، هني يبتدي مفعول السحر اللي ذكرته لكم من قبل ) ،سبحان الله يا بنات الانسان الله رزقه عقلين الأول العقل الواعي والثاني العقل الباطن ،وبصراحة انا هني مو بصدد اني اشرح وظيفة كل واحد منهم ، ولكن ابي اوصلكم الوظيفة الي قاعد يقوم فيها العقل الباطن حاليا بعقل زوج شريهان ،زوج شريهان حاليا يشعر بحالة عدم الأمان وبفقدان ماكان يعيش فيه ،وكلمة براحته تعني عنده تفسير واحد بعقله الباطن انك انته الخسران لو تركت ؟؟؟ وهذا التفسير يصير عند كل انسان بطريقة اللاشعور فيفزع هذا الشخص نحو احتواء الشي الذي قد يخسره ويبتدي يركض وراه من غير مايحس ) ، وطبعا واهي تكلمني والا تقولي لحظة خط ثاني
ضحكت وقالت امبيه لا لا اهو اهو وكانت تقول يايايايياياياياي وتصرخ مثل الياهل ، قلت لها :ثقلي عليه وكلميه بعقل وحطي في بالج ضبط الاعصاب والتكلم بهدوء ودبلوماسية ، وموجني اشوفج تبجين صيري الاسد انتي هالمرة ،قلت لها يلا يلا قبل لا يسكره (سكرنه الخط وكنت بغاية السعادة ، لدرجة لاتوصف كنت احس انه قلبي بيطير فوووووووووووووووووووووق بالسما ويرد يرجع كأني راكبه مرجيحه (دورفه بالكويتي ) خليكم معاي وتعرفون الباقي فللحديث بقية



تحياتي
 
ااااااااااااااااااااه الاحداث يا ريل ليدي جدا مشوقه وانتي الله يسامحج لاعبه باعصابنا
بس عن جد احداث القصه عجيييبه

وانا بعد ودي اسال مثل سؤال بشوريبعد مده من الزعل هل اعاتب الريال والا اخليه على راحته اشلون اخاااف ان يتمادى
ارجو منك ان تنورينا
 
لاتخافين على اختج شريهان قدها وقدودد انشالله

بشوري قال:
يازين الانتصاااااار

بس تو باقي......

طيب ياريل ليدي ماأعطيتيها اتجاه محدد للحديث ؟؟؟؟

يعني لو أنا مكانها..ماأدري أقعد أقوله أنت أهملتني وأولادي وووووألومه

ولاأسامحه بعد شوية لوم وعتاب _بس أخاف _بعد مايرجعها ترجع ريمه لعادتها القديمة_

ولا كييييف يكون الحديث رادع وقوي ؟؟بدون مايرجع ويقول هذا أنا تبيني ولا مع السلامة؟
بعد هو ماوده يخسر نادية وحتى اللحظة الاخيرة وده يصلح الوضع؟؟

والله البلشه
أنقر للتوسيع...




أخواتي العزيزات مثل ماقلت هناك العديد من المواقف بالقصة اختصرتها ولم اذكرها لضيق الوقت ولطول القصة ولكن ،واختي الكريمة لا تخافين على اختج شريهان ترى اهي قدها وقدود :showoff:
 
عتابك للرجل يعتبر يكون كحلوى السكر على قالب الحلوى

نور البنور قال:
ااااااااااااااااااااه الاحداث يا ريل ليدي جدا مشوقه وانتي الله يسامحج لاعبه باعصابنا
أنقر للتوسيع...
نور البنور قال:
بس عن جد احداث القصه عجيييبه

وانا بعد ودي اسال مثل سؤال بشوريبعد مده من الزعل هل اعاتب الريال والا اخليه على راحته اشلون اخاااف ان يتمادى
ارجو منك ان تنورينا
أنقر للتوسيع...




حديث الزوجة هنا يجب ان يكون كقطع السكر على قالب الحلوى ، فهي لابد ان تكون حذرة في اختيارها للأولوان والأحجام(سياق الكلمات نغمة الحديث، والكلمات نفسها) المناسبة من قطع السكر التي تزين الكعكعة(الحديث) ، والحديث هنا تكلمه كأنه طفل صغير وماننسى الهدوووء ، وضبط النفس عند الحديث الحديث يكون عتاب ولكن على الخفيف لا فيه اي نوع من التوبيخ او العنف ولكن جدي يفرض نفسه ،أسلوب 1+1=2 الصديق للصديق :cupidarrow::blush-anim-cl:
 
الحالة
مغلق و غير مفتوح للمزيد من الردود.
عودة
أعلى أسفل