كبسة آخر دلال مع دجاج مشوي بالصور طبعا
ياهلا الطيبات
هذي الصورة للتشويق وبعدين المقادير والطريقة
يالله بسم الله نبدأ
رز منقوع
بصل جوانح او مفروم
ملعقتين صلصة طماطم
خضار مشكلة
يحرك البصل في ثلاث ملاعق زيت ونضيف الباقي ثم نسكب الأرز وعليه الماء نتركه يغلي لاتنسون بهاراتكم اللي تحبها انا افضل الليمون الأسود والفلفل الأسود وكمون وبهارات مشكلة مخلطة
اتركيها بصفرية الضغط تغلي وبعدين قصري على النار وخليها ثلث ساعة تقريبا او حسب الأرز
اهلين أمرات تعالو تغذوا واياي
على مايستو ي الأرز نكون محضرين دجاجة من الليل مبهرة وعليها ثوم مهروس وليمون ومتروكة مع اللبن الزبادي
الصبح نحط عليها صلصة الشوي إذا تبون او صلصة صويا وملعقة كاتشب وممكن ملعقة عسل وزعفران
نحطها عالنار فوق الفرن على صاج او مقلى تيفال
نقلبها عالنار لين تستوي زين
نجيب فحمة مولعة ونحها بقصديرة صغيرة ومعها نصف ملعقة زيت ونحطها مع الدجاجة ونسكرها زين لين تاخذ الريحة
نسكب الجميع بصحن ونقدمها وبالهنا والعافية
ان شاء الله يعجبكم وهاي سلطة للي يرد علي
الحلا يالله حلوا
التعديل الأخير بواسطة المشرف:
اسم الموضوع : كبسة آخر دلال مع دجاج مشوي بالصور طبعا
|
المصدر : سفرة انيقة واطباق لذيذة
