قصه غلطه عمري يوم حبيتك

الحالة
مغلق و غير مفتوح للمزيد من الردود.

مرشهرين ورهف كل يوم ترسل رسائل غرام لسامي وكل يوم ترسل له صور كلها رومنسيه كانت تكلم سامي الساعه ست الصبح ويجلس يكلمها وهو يفطر وصارت تلازمه طول الوقت وتسولف معه وهو مبسوط على هالوضع وصار يسميها القلب الحنون لأنها معه حنونه تنسيه الدنيا ومافيها صارت تسمع سوالفه وتاخذ منه برنت كامل عن الأشياء اللي سواها وكان يكلمها عن صفقاته وخساراته يعني بالعربي تعود على وجودها في حياته وقررأنه يتزوجها لأنه حس أنها تفهمه ومايدري أنها كانت تدرس حالته لأن شغفها بعلم النفس خلاها تتعمق بشخصيات الناس وأولهم سامي.
وفي يوم من الأيام سامي طلب منها توصف له شكلها رهف توها تستوعب أن سامي أكيد يبي وحده جميله مثله.
وكان يقول ماهمني الشكل أهم شي الأخلاق وبس , وبعد مده قرر يقابلها في بيت أهلها.
وافقت وراحت للسوق وشرت له عطر حلو وساعه ماركه وغلفتهم أما سامي ماراح أقول لكم وش بيجيب
بخليها مفاجأه.
كان سامي بالسياره يغني وبحبك وحشتيني وبحبك وانتي نور عيني ....ألخ وهوطاير من الفرحه
ماكان يسمع أغاني لاكن رهف خربته لأنها تموت بشي أسمه أغاني وفي بالها أن الرومنسيه ماتتم بدون أغاني
وكانت تغني له لأن صوتها بالأغاني حلو.

يتبع>>>>>>>

​
 
ـــــــــــ
اللقاء الحاسم قرب ياأما بيتقبلها أوبيرفضها
قال لها أنه عند الباب وفتحت له الباب وكانت لابسه بلوزه ورديه مزخرفه بلون الفوشي وكانت مفتوحه عند الصدر وتنوره فوشيه مزخرفه بالوردي وصندل كعب لونه وردي ومخطط بفوشي وشعرها فالته .
دخل سامي وكان لابس ثوب وعقال وشكله خققان رهف خقت على يده البيضاء وفجأه مسك يدها وباسها بنعومه وطالع وجهها وأبتسم على خجلها ومد لها ورده حمراء وقال:هذي هديه بسيطه مني.
رهف ضيعت نفسها يوم شافت وجهه وتورطت لأنه ماسك يدها وماتركها.
قالت له: تفضل .
ودخل وراها وهويشوف كل شبر بجسمها ويقز من فوق لتحت وعجبه جسمها لأنه رزه
وهي تمشي قدامه كان قلبها طبول ودخلته للمجلس وجلس عشان يشرب قهوه ويوم أنحنت لتاخذ القهوه شافت عيونه طالعه من مكانها لأنه كان يطالع منطقه محضوره وقفت ومدت له فنجال وحطت قدامه طاوله صغيره وكان يقز صدرها لأن صدرها مليان وهي رازته مثل رزه صدر هيفاء وهبي, فصار سامي مرتبك لأنه ماقد دقق بحرمه أوطا لع أحد فلذلك كان يشرب القهوه وهويتعرق من الربكه.
جابت له رهف كاس مويه قال: جاء في وقته كنك حاسه بعطشي.
وأبتسم لها وقال:يسلملي هالجسم وهالطول وبدى يتغزل بجسمها وهوتوهقت لأن سامي صارت أنفاسه متسارع
وقال لها: ودي أضمك.
ورهف رفضت وراحت جابت له الهديه اللي شرتها له وقدمتها له
أسترخى سامي على الكنب وقال:وش رايك نقدم الزواج ونخليه بعد شهر.
رهف:أنت قلت الزواج بيكون بعد ماأنهي دراستي .
سامي:بماانك على ذمتي أنسي موضوع الدراسه.
رهف بضيق:انت صح زوجي, انحرجت من هالكلمه وسامي حس بقشعريره من هالكلمه
رهف :بس انا مقدر أترك الدراسه لأنها مستقبلي.
تعكرمزاج سامي:أوكيه خلاص فكينا من هالسيره المهم ياقلبي بصراحه أنا من قبل سنه شفت في محل لبس حلو مايصلح إلا للمتزوجات وكانوا معي خواتي وأمي ويوم طالعت اللبس بغت أمي تفقع عيوني وطرتني من المحل ومن يومها وأنا أقول بشتريه لزوجتي بس أنتي وش مقاسك لأجل أشتريه لك عاد عساني القاه أذكر أنه 2000ريال يسمونه لانجري.
من سمعت رهف هالكلمه وهي خايفه لأن سامي صار يتغزل في جسمها ويتنفس بسرعه ويطلب منها تضمه لاكنها رفضت هوصح زوجها لاكن مابعد صار زواج.
شفتو كيف لماتكون الوحده ملكعه كيف تتصرف
حس سامي أنها ماتبي تضمه فقرر يطلع لأنه حس بضيق وأستأذن منها وطلع وراح يشم هواء بعد المعركه اللي خاضها مع رغبته للقضاء عليها وبعد ماهدت رغبتهأتصل عليها
رهف:هلا.
سامي:أهلين حبيبتي بصراحه أشكرك على رفضك أني أضمك لأني بصراحه ماقدرت أقاوم لذلك طلعت.
رهف لزمت الصمت.
سامي:أعذريني بس شي طبيعي شاب أعزب إذا شاف إغرائات أكيد بينجرف ورا أحاسيسه ليشبع رغباته لاكن الحمدالله أني تداركت الوضع وطلعت المهم أبي أسألك وجاوبيني بالله هذا وجهك الحقيقي يعني هذا لونك ولا حاطه مكياج.
رهف: حاطه مكياج.
سامي بضيق:خلاص شوي وأكلمك وسكر.


يتبع>>>>>>>
​
 
ــــــــــ
سامي طلب أنه يشوفها وشرط عليها تطلع بدون مكياج وطلعت له وأنصدم كيف بيعيش مع وحده شكلها أقل من عادي وهوملك جمال فكر بنسله اللي بختلط وبيصيرون عياله مثل امهم فجأه قرر قرارمصيري
وطلب من رهف الإنفصال لاكنها رفضت لأنها أستهلكت المهر وهوإذا طلقها بياخذه عاد من وين بيجيبون له مهر وهم على قد الحال, والأهم من ذلك أنها حبته.
بدت تقل إتصالات سامي لأنه يبيها تحفظ كرامتها وتوافق لأنه مايبي يقطع رزقها عشان ماتجيه عقوبه
وبعد ماشاور صديقه اللي يثق فيه قرر يجرب هالزواج وإذا ماصلح يطلقها .
ومرت الأيام ورهف نحفت من الهم والضيق وجاها فقردم حاد وتنومت في المستشفى ووصل الخبر لسامي ويوم راح لها لقاها مثل الهيكل من النحف ضاق صدره لأنه قفل جواله شهرلأنه مايبي يكلمها وماتوقع أن يصير فيها شي أمارهف فكانت نايمه وموحاسه باللي حولها.
أم رهف مسكت سامي على جمب وقالت له:أنا قلبي حاس أنك ماتبيها أسمع ياولد الناس أن كنت بايع بنتنا روح من باعها بعناه وكل شي صار بسببك لها شهر وهي ماتاكل وضايق صدرها حملت هموم وهي توها صغيره على الهم لاتجاملنا ماتبيها تكلم
توه بيقول ماأبيها قال : لاأنا أبيها وشاريها بعد.
مايدري ليه قال هالكلام يمكن لأنه راحمها بالرغم من إصرار أم رهف على سامي بالسؤال لاكنه اكد أنه يبيها

يتبع>>>>>>>
​
 
ههههههههه حلوة
المهم أبي أسألك وجاوبيني بالله هذا وجهك الحقيقي يعني هذا لونك ولا حاطه مكياج.
رهف: حاطه مكياج

ضحكني الموقف مادري ليش

يا دكتورة لا تزعلي انا ما قلت الكلام ألى عشان انبهك و بس خفت انه أخذت القبول من البنت و كتبتي قصتها

واذا الكل راضي خلاص ما علينا

حياتهم و هم احرار

و بالعكس سردك للقصة حلو و منمق

و متابعه لك و كلي تشويق

:)
​
 
الله يعين رهف على بلوها

لو انا رفضت هل زيجة من اول

الرجال شاف شكلي بدون مكياج وقفل تلفونه شهر

والله ما يهمني اتطلق نفس الوقت

اهم شي كرامتي

الله يعينها مسكينة
 
نعسااااااااانة بس قلت ابشوف الدكتورة حطت جزء ولا لا
وااااااااو حمااااااس الجزء شوقتيني اعرف النهااااية .....
بإنتظارك،،
 
يآليت ماتطولي علينآ او تكتبيها مررة وحدة~! حمستينآ مافينا صبر :*)!
اتمنى تكون نهاية سعيدة للطرفين مع ان عنوان القصة يقول العكس :(,
!/​
 
يعطيك العافيه سبحان الله بهذا الزمن كل من يدور
على البياض والزين والجمال صحيح ان الله جميل
ويحب الجمال ولكن جمال الروح والاخلاق افضل
واحسن ولان جمال الشكل بارز ويرى بالعين المجرده
وجمال الاخلاق ما تظهر الا مع العشره ولكن الاول
الناس تفضله بالبدايه ومع العشره يبقى الثاني ويذهب الاول
والامر يحتاج الى صبر وتروي وما اقول الا الله المستعان​
 
قصة روعه وتحكي واقع الشباب
وان ومع كلام الاخت نبراس الشرق صار الشباب
ما يدرون الا على الجمال ونسوا قول الحبيب عليه الصلاة والسلام
( ..............اظفر بذات الدين تربت يداك)
متابعينك يالغلا لا تتاخري علينا
 
الحالة
مغلق و غير مفتوح للمزيد من الردود.
عودة
أعلى أسفل