قصه غلطه عمري يوم حبيتك

الحالة
مغلق و غير مفتوح للمزيد من الردود.
واخوات سامي وحتى والدته أرادو أن أكتب لهم القصه لأني شاورتهم للأمانه وشجعوني وأخبروني ببعض الأموراللي تجهلها رهف​
 
حلووووووه يا ام رغوده كملي ونحن من بعدك نقرأ بحماس​
 
يالله يادكتووووووووووووووووره

حمااااااااااااااااااااااااااااااااااااااااااااااااااس
كملي​
 
ويييييييييييييييييييييييييييييييييينك دكتورة بلييييييييييييييييييييييييييييييييييز كملي
 
وااااااااو تحمست اكثر واكثر

يعني الطررفين من القصة يقروون قصتهم ذحين غريبة ،.،اول مرة احسها تسير ؟!!

على العموم متااااااااااااااابعين .ٍ
 
بئس الرجل الذي يعمل المعصية في الليل ويفضح نفسه بالنهار

ما كان ينبغي ذكر أنها كانت تكلم كل أمتي معافى إلا المجاهرون

أمل تقبل نقدي بصدر رحب لو لم تذكر الاسماء الحقيقية لابأس أما والوضع هذا فلا ينبغي

على العموم ننتظر باقي القصة والله يرضى عليك ويغفر لك ويرحم والديك لاتطولين علينا

التقطيع يفقد القصة بريقها وفائدتها
 
لا ما أقدر ع هيييك قصص....ام رغوده فديتك لاتطولين.....هالقصه..أكشن..
بنوتات هوصح انو موحلو ذكر الاسامي الخ..بس اصحاااااب القصه راضيييين لاتستعجلون ع النهايه
عشانك ام رغوده اول مره أتابع قصه ....بالتوفيق
 
هذا جزء بسيط اتمنى يعجبكم وبحاول اليوم أنزل لكم أكثر من جزء
بعد ماأنتهى سامي من أتصالاته الخاصه بالعمل دخلت عليه أمه وقالت له بحنان: سموي وأنا أمك وش في وجهك شاحب وليه ماصرنا نشوفك ولاالمدام نستك أمك حبيبتك .
سامي:وقف ومسك يدها وباس راسها وجلسها بجنبه وقال:لاوالله ماعاش من ينسيني أمي جنتي وناري ألا أقول يمه رهف زينه ولاشينه.
أم سامي:هههههههههه وأنت لين الحين ماشفتها صدق شرالبليه مايضحك .
سامي:بصراحه يمه أنا متردد في الزواج منها أحس أنها ماتصلح لي.
أم سامي وبدا وجهها يبان عليه الحزن تنهدت بضيق:وأنا أمك الغلطه غلطتي أنا اللي جاملتهم على حسابك لاكن أن كان هالزواج شرلك جعله مايتم , ولاتضيق صدري بهالكلام أن كنت ماتبيها علمنا ونكلم أمها وتنفصلون.
سكت سامي يفكر ثم قال: خليني أفكر وأرد لك بكره لأني الأن هلكان أبي أنوم.
أم سامي بضيق:إيه لأنك تكرف ليل نهار وماكأنك ولد عز الحين هالموظفين عندك وش شغلتهم أكيد أكل ومرعى وقله صنعا وكل شي عليك ياحبيبي ريح عمرك والله صار وجهك نحفان ولونك بهت أول خدودك مورده من الصحه الحين باهته وبعدين أبتسم عشان تطلع أحلى بالصوره هههههههه.
ضحك بألم وقال:مايديرالحلال إلا راعي الحلال ولوأعتمد على الموظفين مافادوني بشي لأن مالهم مصلحه في الشغل غير الراتب وأنا أكرف لأجل أأمن حياه عيالي مستقبلآ.
أم سامي مامرت عليها السالفه لاكنها مشتها بمزاجها لأنها لاحظت الإرهاق على سامي لذلك طلعت وسكرت الباب وهي موعاجبها وضع ولدها.
بعدماطلعت أمه قرر يتصل على رهف اللي جننته بصوتها وصاريتخيلها ملكه جمال وأنسدح على ظهره وهويتكلم بتعب واضح......

(في غرفه نوام أم سامي وأبوه):
دخلت أم سامي وهي متضايقه وتكلم نفسها بصوت عالي:والله محد صاحي بهالبيت كلهم أنهبلو واللي بيجيب أجلي هالسامي أوف الله يصلحه.
أبوسامي:ههههههه وشفيك انهبلتي.
أم سامي بضيق:ولدك سموي مايبي يتزوج رهف بعدماتملك قال ماأبيها.
أبوسامي وكنها جت من الله: انا أصلآ من البدايه رافض هالزواج وأحترمت قرار سامي لأنه يعرف مصلحته.
أم سامي:وليه أنشاء الله رافض هالعائله ترا لافرق بين عربي وأعجمي إلا بالتقوى يعني غناك لابيقدم ولايأخر.
أبوسامي : عارف بس الله يهديه أحرجني قدام الجماعه كل من قال لي من ناسبتوا ومن أقول عائله البنت كل واحد يفكرويقول وش هالعائله الغريبه مالقيتوا غلا هالعائله والله أن أكثرهم أعرضوا علي سامي بناتهم وانتي تعرفين بنات جماعتنا يخبلون الواحد وكل المواصفات الزينه فيهم.
أم سامي بعصبيه:وأنت وشعرفك.
ضحك أبوسامي:بدينا بالغيره المهم خلينا في موضوع ولدك أن كان مايبيها أنا بكلم أبوها ونلغي كل شي والله ماقدرت أحط عيني بعين أخوي عبدالله لأنه كان يبي سامي لبنته جنان وكلما شافني قال وش ناقص بنتي لأجل تدورون وحده غيرها شوفي حل لولدك ولارحت أكلمه الحين.
أم سامي:أهدا وبكره يحلها حلال سامي الحين دايخ وشكله نام.



يتبع>>>>>>>

​
 
اهلين حبيباتي بصراحه أشكركم على التشجيع والحماس وأحب أن أبين لبعض النقاد أمر بأن كل مافعلته بناء على طلب صاحبه القصه وهي من طلب مني ذكر علاقاتها المحرمه ليس من أجل المجاهره بالمعاصي لا لاكنها تريد أن يعتبرو البنات اللاتي يسلكون هذا الطريق أوبالأصح يودون تجربته
ان نهايته مأساسي وعقوبات
وللأسف هذه العلاقات جائت عقوبتها على رهف بعد الزواج لأن من يفعل معصيه لأجل التسليه لايسلم من العقاب ورهف تركت المكالمات لأنها أنخطبت ولم تتب توبه خالصه قالت تبت زلاكن توبتها ليست خالصه لذلك سلط الله عليها سامي
لاأريد تخريب الحماس ولاكن لكل كلمه أكتبها معنى خاص وبماأني دكتوره فأني لاأحب أن أكتب شي يسيء سمعتي
وبماأن سامي وأهله يتابعون القصه
فأنا حريصه على أنتقاء الكلمات المناسبه رغم معارضات رهف
وكل ماأكتبه ليس من افكاري ولاكن هذه قصه رهف وأنا كتبتها بأسلوب لبق لكي تتضح الصوره لجميع الأطراف ولوتعرفون ماسيحصل لرهف لما لمتوها على مافعلت
تحياتي وأنتظرو الجزء القادم وقد أضعه اليوم​
 

(في غرفه رهف)
من سكرسامي وهي تهوجس وتتخيل امور كثيره تتخيله جمبها تتخيله يحضنها فجأه وهي فيوسط خيالها رن الجوال وشافت أسمه أرتبكت وخذت مويه وشربتها بسرعه مرهه وحده وجلست تتنحنح لأجل تزين صوتها
وردت عليه بنعومه وقالت:ألوه.....
سامي أرتبك:هلا والله بعروسنا المصون اخبارك.
رهف:الحمدالله.
سامي:هاه حبيبتي ماوحشتك.
رهف مغصها بطنها شعور غريب اول مره تحسه وصار جسمها يرجف وصارت تحس ببرد بالغرفه مع أن الجو زين عندها.
سامي:ألو ....
رهف:هلا.
سامي:ماوحشتك.
رهف سكتت
سامي:ههههههههه أه يالله . قالها من قلب لأنه يحس أنه ضايع.
سامي:أوكيه حبيبتي أنا أتصلت لأجل أقولك تصبحين على خير لأني مانمت من الفجر والساعه الحين وحده ولوماانام بهلوس .
رهف ضحكت على تعليقه
سامي:يالبى هالصوت وهالضحكه وراعيتها أوكيه بيبي أكلمك بكره يالله تصبحين على خير.
رهف:وأنت من اهله.
سامي:باي.
وسكر قبل لايسمع رد رهف لأن غلبه النعاس بشكل غيرطبيعي.
ورجعت رهف لخيالها خدم وحشم وعز وزوج ملامحه مثل البنت وش تبي أكثر من كذا.

يتبع>>>>>>>


​
 
الحالة
مغلق و غير مفتوح للمزيد من الردود.
عودة
أعلى أسفل