قروب للوالدات لتوديع الكيلوغرامات الزائده

[...ليووونه.....]

انا خلصت اربع شهور وابي اسوي نظام وانزل وزني
عندي نظام ممتاز ومخصص للمرضعه بس ابي اكون قروب عشان نتشجع مع بعض
بالنسبه للرضاعه انا ارضع طبيعي بس في الليل وطول النهار صناعي مايرضى ولدي يرضع من صدري الا لما يكون نايم ويصحى في الليل ارضعه ويرجع يكمل نومه
وعلى فكره النظام من اخصائية تغذيه بس ابي تشجيع ونكون قروب مع بعض
وحتى رجيم التمر والبن مفيد للمرضع ومسموح فيه صحن سلطه وتفاحه

 

[...ليووونه.....]

على فكره يابنات وانا قاعده اكتب الموضوع دق علي جوزي قال انا جايب معاي عشى
المشكله مو هنا المشكله اني متعشيه عالاخر
مايمديني اكل من الاكل اللي جايبه هههههههههههههههههههههههه
انا وزني 64 وابي اصير 54
وهذا الطفل الثالث
وانا زعلانه لانو في ولدتين السابقه رجعت بدون ارجمه بس تخفيف ورياضه
وعلى فكره من اساسيات الرجيم
1- التخفيف
2- الرياضه والحركه
3- الاستمرار
4-5 وجبات
5- الابتعاد عن المقليات والحلى والشوكولاته والمعجنات

 

[سميتك بغلاي]

ياااالله انا اول وووووحده

تكفين امنيتي اننننننننننننننننننننزل


الكيلووووووووووووجرااااااااااااممممممممممممممماااااااااااااات

حرمتنا اللبس أهئ أهي

ياااللله حنا ورااااكي انا جربت اللبن والتمر مره نحفت بس مادومت عليه ماااااااااااااافيه عزيمه

 

[...ليووونه.....]

اي والده تجد صعوبه في انقاص وزنها تتبع ارشاداتي وباذن الله حتنحف والحلو في النظام انه من اكلنا موطلبات وماياثر على الرضاعه اختى سوته ونحفت مره والكل يسالها مع انه مافيه حرمان و6 وجبات
يالله ياحريم

 

[ميمي33]

واو ليووونه نستناك ابي انحف وزني 63وابي انزل 5او7 كيلو الحقينا انا بع عندي رجيم العنب الاسود بس لمده خمس ايام يعني فطور غداء عشاء كلها عنب يتعمل في السنه مره وحده هذا من عند طبيب قالتلي وحده عنه وهي نزلت 6 كيلو يمكن بكره ابدا اذا الله راد همتكم يابات النحف زين

 

[مسز شوكلت]

ممكن تعرضي ايش هو الرجيم .. لآن جسمي صار دمااااااااااااااااااار بعد الولاده

وصراحه دوي انضم معاكم .. لكني ما ادخل النت كثير .. بس حابه اشارك لو من بعيد

 

[...ليووونه.....]

واو ليووونه نستناك ابي انحف وزني 63وابي انزل 5او7 كيلو الحقينا انا بع عندي رجيم العنب الاسود بس لمده خمس ايام يعني فطور غداء عشاء كلها عنب يتعمل في السنه مره وحده هذا من عند طبيب قالتلي وحده عنه وهي نزلت 6 كيلو يمكن بكره ابدا اذا الله راد همتكم يابات النحف زين

انا انصحك لاتسويه لاني جربته جدا ينحف بس مجرد ماترجعي تاكلي
يرجع سويته مره 9 ايام زمان نزلت بس مااكملت اسبوع الا رجع بس انا واهلي سوناها لتنقية الجسم من السموم

 

[...ليووونه.....]

ياحلوين كل وحده تكتبلي وزنها الحين كم
ومن شروط الرجيم الرياضه يوميا ساعه هذا كلام الاخصائيه
(مع صعود الدرج 5 مرات طلعه ونزله تحسب مره
ورياضة البطن 20 -50 حسب المقدره ) هذاالاقتراح مني

 

[جوريال مكة]

حياااااااااااااااتي جا في وقته
انا وزني 87 طولي 169
ودي اصير على الاقل 65

انا معاكم

 

[سميتك بغلاي]

حبيبتي وزني بعد النفاس 80
حاليا 77
الامنيه 60
ياقلبي ياليت تشرحي تمارين البطن

 

[بروق الود]

وانا كمان ودي انزل قبل ما احمل كان وزني 60 وبعد الحامل صار 90 نفسي وزني يرجع زي قبل ​

 

[اساس الغلا]

معااااااااااااااااااااااااااااااكم وبقوووووووووووووووة
طولي 163 ووزني 65 وقبل الحمل 54
ودي يرجع مثل قبل
اهيئ اهيئ الجينز مايدخل
وياليت تطرحين مشكله تشققات البطن والي جربت شي مفيد تقولنا

 

[...ليووونه.....]

ياحلوين الله يبلغ كل وحده مرادهاوتوصل للوزن اللي تبغاه
لازم تعرفو ان انقاص الوزن والوصول الى
الوزن المثالي مايجي بيوم وليله
وانتو اكيد قراتو تجارب البنات وشفتو اللي نزلت 20 واشخاص اكثر كلهم اجتمعو على شي واحد وهو الاستمرار
ولايطلع الوزن لان المعده صغرت واتعودت لفتره طويله
على الاكل القليل والنظام مو احرم نفسي اليوم واكل بكره كل يوم في اكل بس معتدل فيطمن الجسم اذا مااكلت هالشي اليوم اكله بكره مو يحس انه في حلقة حرمان فيخزن الدهون
على فكره انقاص الوزن هدف
فلازم نجزاه حتى لايصيبا الملل والياس
فلو وحده تبي تنقص 20 كيلو
وسوت حميه لمدة اسبوع ونزلت كيلو حتشوف انو باقيلها كثير ويمكن ماتكمل او تلجا للارجمه السريعه الا بعد ماتتركها تزيد دبل اللي نقصته
فلو جزاتها كبدايه خمسه فكيلو مقابل 5 حلو مره
اتفلست عليكم ومسختها >>ههههههههه
حاانزل النظام
عشان نبدا السبت واللي عندها سوال تسالني
السبت الموافق
16-7-1432ه

 

[جوريال مكة]

على احر من الجمر

 

[ميمي33]

ليووونه انابس عندي كرش اخاف بكره انحف وكرشي ماينزل يمه والله شكلي يصيرتحفه :19:

 

[ميمي33]

لاتتغلين نزلي الموضوع بسرعه نبي نلبس الفساتين

 

[...ليووونه.....]

الاتصال ضعيف كم مره اكتب ويتمسح والنظام 6 وجبات كلها خيارات
ادعولي الله يهديلي زوجي وبناتي
والله كتبت الموضوع العصر على اساس اكمله بس عرفت خالي تعبان رحت ازوره ومن رجعت فتحت الاب وقاعده اكتب واتمسح

 

[...ليووونه.....]

بسم الله الرحمن الرحيم
يارب ساعدني انا واخواتي على انقاص اوزاننا
يارب بلغنا مرادنا
برنامج غذائي متوازن للمحافظه على الوزن الصحي المرغوب للسيده المرضع
الفطور:-
اختاري وجبه واحده فقط:
1/2 شريحة توست بر
2شريحه جبن اصفر قليل الدسامه
حلقات من الفلفل الاخضر الرومي والطماطم
كوب عصير فاكهه طبيعي

2/ساندوش مكون من رغيف صامولي بر
بيضه مسلوقه
حلقات من الخيار والطماطم
كوب عصير فاكهه طبيعي


3/ساندوش مكون من رغيف صامولي بر
قطعه جبن ابيض قليل الدسامه في حجم اصبعين
حلقات من الفلفل الاخضر الرومي والطماطم
كوب عصير فاكهه طبيعي

4/نصف كوب كورن فليكس
كوب حليب قليل الدسم
حبة تفاح اوكمثرى بدون نزع القشر
حبة جزر أو خيار

5/2حبة فطيرة بالجبن
كوب عصير فاكهه طبيعي
حبة جزر أو طماطم

6/ساندوش مكون من رغيف صامولي بر
2ملعقه اكل لبنة قليلة الدسامة
حلقات من الفلفل الاخضر الرومي والطماطم
كوب عصير فاكهه طبيعي

7/2 حبة فطيرة بالزعتر
كوب زبادي قليل الدسامة
كوب عصير فاكهه طبيعي
حبة خيارة

 

[...ليووونه.....]

وجبه خفيفة:-
بعد تناول وجبة الافطار بساعتين او 3
اختاري وجبه واحده فقط:-
1-كوب حليب او لبن قليل الدسم
من 2-3 حبات بسكويت شاي ساره

2-كوب حليب او لبن قليل الدسم
حبه واحده شابوره

3-زبديه مهلبيه او كاسترد

4-كوب حليب او لبن قليل الدسم
قطعة كيك ساده في حجم الاصبعين

5- كوب ايس كريم زبادي خالي الدسم

6-كوب حليب قليل الدسم مع ملعقة صغيرة نسكافيه اوشاي
قطعة كيك ساده في حجم الاصبعين

7-كوب لبن قليل الدسم
حبة شابورة

 

[...ليووونه.....]

حااخذ استراحه واكمل لكم
عشان ولدي يبكي