** قروب جمالي يحلى برشاقتي ** (80 - 89)

دلع كتبت الرد طالعي فوق
ماشاء الله وريفو واصلي دايت حلو ان الواحد يعطيك ثقه
 
يومياتي ليوم الاثنين

الفطور
7 تمرات + قهوة عربية+ حبةسمبوسه+ حبة دونات
و ثلاث ملاعق شوربة
العشاء
حبة دونات + كاس شاي
السحور
شابورة


الرياضة
بالنسبه لشغل البيت 4ساعات=40
رياضة البطن 150 = 15
بالنسبه للصحه الداخليه
شرب3 او 4 لتر ماي=20
بالنسبه للاسترخاء والتامل=10
التثقف ف النت=10
 قراءة كتاب مفيد = 10
شرب اعشاب = 10
التوقف عن الاكل قبل 3 ساعات من النوم=20
لعبة مسلية = 10
بالنسبه للجمال
شاور كامل للجسم=10
ترطيب اليدين =10
ترطيب الارجل =10
مكياج عطور إكسسوارات=10
تفريش الاسنان 3 مرات=10
الالتزام
بالنسبه للالتزام بالريجيم=20
الالتزام بتنزيل اليوميات=20
السؤال عن العضوات=10
تنزيل موضوع مفيد=0
المجموع = 245
الحمدلله على كل حال
 
أمس يابنات رحت عند وحده قالت لي قصة جارتها قصة مأساويه
تخيلوا جارتها أول مانخطبت سحرتها وحده كانت تبغى زوجها كان لما خطيبها يجي لديرتهم تمرض مجرد دخوله تخيلوا
وجلست 5 سنوات البنت مسحوره من شيخ لشيخ لحد ماراحت عند شيخ واعترف الجني بالبنت اللي سوت لها السحر والحمدلله طابت وتزوجت بيوم الزواج كان زواجها هي وأخوها بليله وحده وهم رايحين للقاعه سووا حادث هي وأخوها وزوجته انقلبت بهم السياره
صارت بهم كسور بس اخوها وزوجته تكسرت ايديهم وركبوا لهم أسياخ
هو وعروسته طبعا تزوجوا وسافروا للحفر هنا
وجاء أبوهم يزور البنت وولده وزوجته وسوا له زوج بنته عزومه
اليوم الثاني صار عليهم حادث مات الرجال وولده وزوج بنته الله يرحمهم جميعا
البنت جلست ببيتها تقضي العده وجا واحد من إخوانها جلس معاها لحد ماخلصت العده ويوم خلصت سافروا وبالطريق صار عليهم حادث وماتت البنت لحقت بزوجها وأخوها وأبوها لاحول ولاقوة إلا بالله
القصه قالت لي جارة البنت هذي الله يجبر قلب أمها يارب .
الله يرحمهم برحمته ويرحم موتانا .
 
اها والله غريبه احسبه زين
اهيء اهيء وانا طايحه فيه لي سنه
 
حتى أنا أمس رحت لوحده
ولي منها شهرين
قالت لي نحفانه مره
مع إنه بالميزان مافي فرق عن آخر مره شافتني بس بالشكل مبين مره وبالملابس فيه فرق كثير .
 
يالله ياريري والله تحزن الله يرحمهم اجمعين ويصبر اهلهم
ويرد كيد السحره في نحورهم
والله السحر والعين والحسد كثرت هذي الايام الله يبعدنا عنها
حصنوا انفسكم يابنات
 
يمه القصة حزينه وتخوف ياربييه
احس ماكنها صدق
سبحان الله
الله يجبر قلب امهم
مصيبه لاحول ولاقوة الا بالله
الله يصبرهم
 
يادلع خلاص الحين عرفتي لاتشربين منه ايام الدوره
ريري صح كلامك لمن يشوفونا يقولون كذا والميزان مايبين بس الرياضه لها دور وهي اللي تثقل الميزان لاننا نحرق الشحوم وتنبني مكانها عضلات ويصير الجسم مشدود ونحيف
 
وااه ياريري والله قطعتي قلبي الله يرحمهم جميع ويصبر قلب امها الدنيا تخوف واحنا كل يوم نسمع قصص وعبر الله يلطف بنا ولا يفقدنا غالي
 
ايوالله تحزن عن جد كنها خياليه بس والله صارت صدق
الله يرحمهم جميعا ويكفينا شر السحره والعين .
 
الورده والله معك حق
بس امي مصلحتهم وماحبيت اردهن ومااكلهن
عشان كذا لولاحظتي
ماتسحرت ولاتعشيت يعني كل اللي اكلته حبتين دونات وحبة سمبوسه
بس الله يستر اذا شفنا الميزان
 
بنات صلوا الضحى لاتنسوا .
سبحان الله والحمدلله ولاحول ولاقوة إلا بالله والله أكبر.
 
دلع إنتي ماتسوين تمارين غير رياضة البطن حاولي لوتمشي نص ساعه عالأقل معاها يعني امشي بعدين سوي تمارين البطن بعدها مباشره .
 
دلع & ولع قال:
الورده والله معك حق
بس امي مصلحتهم وماحبيت اردهن ومااكلهن
عشان كذا لولاحظتي
ماتسحرت ولاتعشيت يعني كل اللي اكلته حبتين دونات وحبة سمبوسه
بس الله يستر اذا شفنا الميزان
أنقر للتوسيع...
لا مادام من يد الوالده كليها الله يخليها لكم ويطول بعمرها على طاعته
ومايخرب ريجيمنا الا اذا رحنا لاهالينا ننحرج منهم بس مادام نرضيهم يارب نحرق سعرات اكثر هههههههه
 
بس ياورده اخذ حبوب الرمان بالعسل تشيل الكرش وتضيق من تحت مجربه اقري تجارب بالنت
 
اوكيه بنات استاذن وان شاء الله اكتب يومياتي من اليوم اللي هو الثلاثاء لان بيكون مر عالدوره 3 ايام واقدر اسوي رياضه
سبحانك اللهم وبحمدك اشهد ان لا اله الا انت استغفرك واتوب اليك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل