تأخرت عليكن لكني عدت بتغير هائل
سأسرد لكم باقي أحداث قصتي
مر عام على خطوبتنا تركت فيه عملي من اجل التفرغ للتحضير للزواج وولزوجي وبيتي بعد ذلك كانت تلك الذكرى الاولى لخطبتنا ، وكأي انثى اردت ان احتفل بها لكن بطريقة شمالية عملية اردت ان اخرج قليلا عن الروتين كان هو منشغلا بالمكوث مع بعض الرفاق وقمت بالاتصال به
رد ببرود انه مشغول لا يستطيع محادثتي فتفهمت واثرت ان اهنأهه
_ مر عام على خطبتنا واحضرت لك هدية
قال بتملل
_ اممم ها .. اخلصي ..
_ لا تحدثني بهذا الاسلوب
_ انا مش فاضيلك
واغلق السكة بوجهي
غلى الدم بعروقي وتعصبت للمرة الاولى منذ عام واردت ان اثأر لكرامتي
اتصلت مرة اخرى فرد بتملل اكثر
_ هتفضلي طول الليل تتصلي ، قولتلك قاعد مع صحابي
_ اسمعني جيدا ، مهما كنت تظن قدرك عندي لا تسمح لنفسك ابدا بإهانتي
_ انتِ نكد
_ حكمك عليّ غير مقبول
_ متكلمنيش خالص لا النهارده ولا بكرة
واغلق في وجهي مرة اخرى
فأصبح دمي البركان الخامل الذي على وشك الانفجار
قلت في نفسي عام كامل وانا اتحمل منك ومن قريبتك ما لا يحتمل لكن تصل لاهانتي انا لا انسى ابدا الاساءة ولن اهدأ حتى اثأر لكبريائي المجروح
بعد دقائق قطع افكاري صوت اتصال نظرت قليلا علني استوعب ابهذه السرعة حكى لها ما حدث؟
كانت ابنة عمه .. رددت على الهاتف لأشل بلطافتها الزائدة عن الحد
_ اخبار الامورة ايه
_ تمام بخير
_ كل سنة وانتي طيبة يا امورتي يا كتكوتي انتي يا عسل يا اجمل وارق بنوتة في الدنيا
( اللهم طولك ياروح )
_ وانتي طيبة اشكرك
_ شوفتي انا فاكرة ازاي عيد خطوبتك اصل انتي متعرفيش انتوا غالين عندي اد ايه
_ ربنا يخليكي ( ياااااامررااارتي )
_ (خطيبك) كلمك؟
_ اكيد
_ معلش متزعليش منه انا بهدلته والله لما رد عليكي وحش قولتله انك في حمايتي وانه لو داسلك على طرف انا هقفله
_ ......!
_وازاي يقفل السكة في وشك حد يقفل في وش الطعم دا؟
_ ( لا كدا كتير اوي ) مقفلش السكة في وشي هو بس مشغول
_ بقا بدافعي عنه ، انا بقوله ديما هي بتحبك على ايه؟ بتحبيه على ايه دانتي احسن منه ميت مرة
_ اكيد بحبه لانه هيبقى جوزي
_ قوليلي هو جابلك هدية ايه
_ انا مش منتظرة هدايا هو هديتي
_ انا زعقتله وبهدلته وقولتله يعمي بدل ما تجيبلها هدية تتخانق معاها وهو قعد يقول مش عاوزها متلزمنيش وربنا اللي عالم انا اول ما شوفتك دخلتي قلبي وحبيتك كدا لله في لله عشان كدا بهدلته وقولتله بيوت الناس مش لعبة
_ ......
_ متعيطيش
_ مبعيطش
_ لا لا انا حاسة بيكي رجالة ما يعلم بيها الا ربنا سيبك منه انتي تستاهلي سيد سيده ولولايا ولولا كلامي معاه واني وقفتله مكنش هدا كدا
_ على فكرة مافيش مشكلة اصلا
_ ازاي دا منهار ومضايق بس بيني وبينك هو عنده حق في حد بيعمل عيد خطوبة مش لما تبقوا تتجوزا تبقوا تعملوا عيد جواز
_ ( حسابك معايا عسير ) ان شاء الله معلش مضطرة اقفل جرس الباب بيرن
واغلقت الهاتف نهائيا والشرار يخرج من اذناي
لي عودة