معلومات Sarorasarah
- إنضم
- 25 نوفمبر 2017
- المشاركات
- 381
- مستوى التفاعل
- 281
- النقاط
- 0
بارك الله فيك مافي اي مشكلة على العكس عجبني كلامك
كنت نصحتك ترجعي على بيتك أم سارة
وأيضا في وقت روقان تعتذري وتقولي خانك التعبير وما كان قصدك تهديده
أي إنسان عنده يحترم نفسه ما يرضى يعيش تحت التهديد
تخيلي لو كنت أنت من يتم تهديدها
شلون كنت حسيتي أم سارة ؟
بعرف جدا اللي وصلك لهون
وأعذرك حبيبتي
ولو كنت مكانك ربما عملت أسوأ
لكن الغلط يبقى غلط
ولو كان يهمني هالانسان
أنا كنت اعتذرت
لما تروح نوبة الغضب
أبدا أبدا ما أنصحك تصبري وتتحملي
اللي وصلك لهون هو هذاااااا
اقعدي مع نفسك
اعرفي شو بدك
وعيشيه
زوجك لا يقف في طريقك
بل أنت من تقفين
مخاوفك
وساوسك
اعتقادتك السلبية
أفكارك القديمة
لازمك نهضة
لازمك تقلبي حياتك
وإلا هذه الرغبات
وهذه الأمنيات
وهذه الأحلام المكبوتة
رح تكتب نهاية زواجك
في جملة قرأتها في كتاب سيدونا
بقسم الأهداف
ذكرني بك جدا
الجملة بما في معناها
" التنكر لرغباتنا لا يجعلها تتلاشى ، بالعكس إلى أن نعترف بها وإما نحققها أو نتحرر منها ستبقى تلتهم أعماقنا "
رغباتك الحقيقية مازلت بعيدة جدا عنها أم سارة
من أنت في الحقيقة أيضا
السفر والدبلة و ... الخ
هذه قشووووور
زوجك ربما أناني أم سارة
لكن من ليس بأناني ؟
كلنا انانيين لكن بنسب مختلفة
هل حقا أنت لست أنانية ؟
كل موضوع تفتحيه هو سلسلة من
أريد ، أرغب ، أتمنى ...
مو أنانيته هي العائق هنا
ضياعه معك لأنك ضايعة عن نفسك
مو عارف شو يرضيك
وربما وصل لنتيجة
أنك امرأة لا يعجبها العجب
وأصابه الإحباط
كل هذا لأنك مشتتة
الكلام سهل ، لكن الفعل أبعد ما يكون عن السهولة
أعلم ذلك حبيبتي ، لأنني أنا نفسي مازلت تائهة عن نفسي
ومازلت أحاول الاقتراب منها
بس مع كذا ، كل ما علي أن أدلك على الطريق
تابعيني بجدية لو أحببت في مواضيعي في قسم أنت
ومعذرة لو أثقلت
اوكي بعرف انو المشكلة فيني صحيح
وعندي رغبات مكبوتة داخلي وماقدرت حققها
الطلبات المادية اختي خضرا بطلبها لانو الشي الوحيد اللي بيلبيه لي ، بقصد اي شي معنوي مافي ، مابسترجي اقوله نطلع مشوار نتفسح او نروح شي مكان او يظل معي بالبيت او يتركني اشتغل او مارس هواية برا البيت كل شي جوابو الرفض
فالشي الوحيد اللي بيفهمو لغة المال وما بيرفض بس بيأجل
عموماً انا نفسي مو راضية عن نفسي وعن طلباتي لانو مو هاد نوعي ، انا مو انسانة بتهمها الماديات بس هو خلاني هيك
لانو بشوف المال بيروح على اشياء ما بتستحق ولا بتفيد مستقبلا
بالنسبة للسفر كنت ما بفكر سافر معو بس لانو حارمني من المكان الوحيد اللي اطلبه منه لاداء فريضة العمرة صرت بدي نكد عليه سفراتو وصرت طالب اني سافر معو
كل انسان اناني وانا كمان بفكر بحالي وشو بدي
صحيح كل تحركاتي وتصرفاتي غلط وبعترف بس تعبت يا خضرا من الحرمان
الحياة مش مراة بالبيت قاعدة ناطرة زوجها لاخر الليل تيرضى عنها ويرجع ينام ، بس بعد شفت كتير مواضيع بهاليومين فهمت اني لازم اغير نظرتي للامور
لازم اتغير صحيح ما بقدر اجزم اني تغيرت فعليا لحتى يرجع وشوف حالي
صرت انظر للامور اني انسانة عندها طموح وراح توصله
انسانة بتقوم بواجبها لنفسها وبيتها وولادها وزوجها
انسانة زوجها مو مسؤول عن اسعادها
انسانة ما بيزعلها زوجها شو بيعمل بس راح اعبر عن رأيي وشو بدي بكل جدية وما راح كون ذليلة لحدا
عموما هاليومين تخلصت من كتير من مشاعر سلبية اتجاه زوجي ، وصرت احاول ما اقصيه وبفكر بوعي
اختي خضرا يعني بتنصحيني ارجع بهالوقت لبيتي وجهزلو الغداء وشيك على حالي
او اتركو ليرجع قبل بعدها بروح