فكرت و قررت

الحالة
مغلق و غير مفتوح للمزيد من الردود.
السلام عليج يا بسمة أمل

وينج طمنينا عليج

كلنا بانتظارج
 
حسبي الله ونعم الوكيل لا حول ولا قوة الا بلله

حبيبتي اانا بعد مثلج بس الفرق انا كنت ناويه اشرد لكن الله حط في دربي رجل صالح ردني بيتنا وهلي يدورون عليه فقط اممي طبعا الباقين يبغوني اموت اللي هم خواتي واخويه كان يبيغيني انسجن في السجن بس الله ستر عليه وطلعلي اخو من الابوه شخصيه كبيره عرف بلقضيه هاي وسار وسكرها بسرعه واجبره اني يتنازل عنها قبل لا توصل المحاكم

ونفس الحاله تميت محبوسه في البيت 8 شهور لا اذوق الراحه ولا النوم بس امي واقفه معايه كانت ضدهم كلهم
وبعد حقي ماياني بلعكس اللي تسببو في ظظرري وفضيحتي وطعن شرفي كله وبلاغي في الشرطه خواتي والشخص الله يلعنه دنيا واخره ان شالله تخيلي سرت اصيح مثل الجمر كل يوم وكل ماطيح في مصيبه الله يطلعني منها لين ماطلعت وشفتلي شغل واشتغلت والحمدلله بعد عانيت من السب والالم والشخص هذاك اللي تسبب في ظررري تخيلو عرس ومستانس في زواجه وانصدمت لما عرفت انه تزوج قريب من شهر وهو من منطقة الهباب بدوي الله يغربله ان شالله يارب ويغربل خواتي حسبي الله عليهم ونعم الوكيل اللي فضحوني وشتتوني لكني صبرت وصمدت وغيرت حياتي كله كنت اصلي واصيح واختم القران الحمدلله لين ما الله فرجها شويه اني طلعت من الحبس واشتغلت وستويت احلى احسن عن قبل بس اللي بغيته يردلي ويستر عليه وهو سبب دماري الشامل والفضيحه ما يا من مرور السالفه سنتين كاملات وانا لين الحينه ما حد يكلمني من خواتي ولا اي حد بس امي طبعا وانا شاغله نفسي كله في الدوام والا النادي بس اما هذاك حسبي الله عليه دنيا واخره يالله يا ربي الجبار اتصيبه في جسمه وبدنه وماله وزوجته الي مستانس منها ويعله ما يذوق الراحه يارب الله يحرمه العيال الله يحرقه من راسه لين ريوله يتشوه الظالم وينحرم من الراحه ويدخل نار جهنم هو وخواتي حسبي الله عليها يعلها ما تتوفق دنيا والا اخره حسبي الله عليهم ونعم الوكيل بس ان يم شفت كلامج قلت معقوله في حاله اخس عن حالتي انا اللهم لك الحمد والشكر انك سترت عليه وماخليتني اتبهدل واشرد من بيتنا في ضيقي ولا اني انتحر ولا اني اتزوج الريال هذاك غصب عن طريق الشرطه ولا كان شو بيعاملني شو بيسويبي شو بيطلع منه كيف نهايتي وانا اصلا اهلي متخلين عني لكني وحيده في الدنيا هاي مالي غير الله وامي الله يخليها وبعد هي في حالها مسكينه لكن الله كريم اتريا الستر ورد اعتبار من الله الله ييببلي حقي منهم وينتقملي منه ومنهم قريب انششالله عاجل وغير اجل والله يفرج همج وكربتج اختي واثبتي نصيحتي لج وخلي الكل يولي ماعليج غير من الله اقرى القران وايد واختميه وادعي الله وصيحي وصبري الله يحط في دربج ولد الحلال ولا الرياييل مافيهم خير اصلا الله يفرج همج وتصيرين شيختهم وتذلينهم وهني يبداعقاب الله فيهم صبري هذيله كلهم ظلام حسبي الله عليهم ونعم الوكيل اشتغلي وووفري فلوسج واذا قدرتي كملي دراستج او خذي دوارات تفيدج داومي في بنوك او شركات خاصه تعلمي انجليزي وخذي دورات في الكمبيوتر وبيتج صكي عن الشباب والناس لا تخلين اي حد يدخل عندج غريب وكل ما تبين شي استخيري الله لانه مالج غير الله واذا قدرتي سيري العمر ه بحمله وصيحي وادعي الله ترا كلنا ياااين الدنيا وحيدين وبنسير وحيدين تعودي شو بتسوين بس كثري من قراءة سورة ياسين نصيحه مني وصورة الضحى والانشراح والبقره وادعي الله وعندج دعاء الهم والغم قولي الدعاء هذا انا كنت اكثر منه في حالت حبسي وضيقتي :

اللهم اني عبدك وابن عبدك وابن امتك ناصيتي بيدك ماضن فيه حكمك عدلن فيه قضائك اسالك بكل اسم هو لك سميت به نفسك او انزلته في كتابك او علمته احد من خلقك استاثرت به احد من خلقك ان تجلع القران العظيم نور صدري وجلاء حزني وذهاب همي وغمي يارب العالمين امييين
 
طرايف بارك الله فيك
بالنسبة للدعاء فيه بعض الاخطاء
والصحيح
...................او علمته أحد من خلقك أو استأثرت به في علم الغيب عندك ان تجعل القران العظيم ربيع قلبي ونور صدري وجلاء ...............الخ
والله يفرج همكم واكثرو من قول اللهم اجرني في مصيبتي واخلف لي خيرا منها
 
سلام عليكم

في البدايه ما تدرون كيف اني فعلاً مرتاحه بكلامي معاكم الله يجازيكن خير و ما قصرتن على اهتمامكن و تعاطفكن معايه وسوالكن عني انا و لله الحمد بخير تاخرت عليكم ضروفي الحاليه صعبه اشوي ولكن الحمدلله ردودن الاكثر من رائعه تبرد نيران قلبي اتمنى من الله العلي القدير ان يرزق كل وحده منك المغفره و جنة الفردوس اللهم امين طول عمري محرومه من الخوات مع اني عندي خوات من ابوبه و خوات من اميه بس ولا وحده منهن هميتها اة حتى فكرت تسال عني مع انهم يدرون بكل شي و يدرون بظلم امهم و ابوهم بس ما اقول غير الحمدلله

اعود
رفعت القضيه عليه و رضخت لليباه وما تتصورن الكلام الي قاله عني في المحكمه و هو و بكل براءه يتسال كيف اخلي بنتي مع وحده هذي مسيرتها وهو يقدم دايمن ادلته الكلاميه الجاهزه المدعمه بالشهود الملاعين ..............ولكن هذي المره الله رزقني بقاضي يخاف الله مراجع ملف القضايا السابقه و شايف كل شي وعارف ان الله حق الله يجازيه خيرا انشالله وين ما يكون .......... استمرينا حوالي اربع اشهر و النتيجه اني كسب القضيه بالحضانه غصبن عنه وبتوفيق من الله سبحانه و تعالىو الحمدلله كنت طايره من الفرحه انه خلاص بنتي باجر بشوفها و بستلمها من المحكمه مب مهم المكان المهم انها تردلي طول الليل ما نمت مره اصيح و مره الضحك مب عارفه شو بسوي وكيف بس الي كان المهم عندي اني اشوفها و بس

و من الصبح اول ما فتحت المحكمه بيبانها ان عند الباب و قعدت التريا و التريا و بدا الخوف يدخل قلبي و فعلان الي كنت الي خايفه منه صار مايا و تصلوا فيه و تصلوا و محد يرد و عقب سرت مع سيارة شرطه لين بيتهم و لقيته مسافر و يا بنتي تصدقون سافر الفجر وين ؟؟؟ اسالهم و امه و برود تقول ما ادري ما تدري انها ساكته عن الظلم وبلا سبب الله يكون في العون ....

تحطمت بس الشرطه قالوا عادي انهم يقدرون يطلعون وين هو سافر لانه هذا يعتبر اختتطاف حتى لو بنته و عرفوا عن طريق المطار و بلغوا السفاره في مصر انه مطلوب ولازم يتسلم للدوله و الله يطول عمارهم ما قصروا و تم الامر و استلمت بنتي الي حتى هذي البريئه ما سلمت منه علامات الضرب عليها واضحه و حتى حروق حصلت الله يعلم شو كان يسوي فيها و الا كيف كانت عايشه معاهم انكسر قلبي بس فرحت شوفتها طيرتني من على الدنيا
بنتي فديتها الي تبهدلت و ياي اخيرا خذيتها في حظني من متى كنت مب شايفتنها صدقوني كل الناس كانوا يطالعون شو صاير بس الله يعلم اشكثر كنت فرحانه الحمدلله طول الدرب وانا مب قادره اتخيل شو صار لبنتي بس كنت فرحانه و انا اوعدها اني لايمكن اتركها هذي المره لو اموت علشانها

ردينا البيت و انا ماسكتنها جنها بطير مني يتني مثل الحاله تكون نايمه عدالي و اقوم من الخوف احس انها مب عدالي و مرات احس انها ميته انش و اوعيها بس اتاكد انها تتنفس ارتاح من كثر ما كانت ابعيده صرت مب مصدقه انها عندي .

رديت للدراسهو اول شي اسويه حطيت بنتي في الحضانه علشان اتاكد انها محد بيشلها مني صح كنت اعيش فجالة رعب دايمه و الخوف من كل شي من الناس ومن المكان من حتى نفسي بس الحمدلله مشت حياتنا مده و كنا بالف خير

بس كأن السعاده او الراحه مب مكتوبه لي و انا في الدوام اتصلوا فيني الشرطه يقولن لي ان انا مطلوبه في المركز اسال ليش قالوا في المركز بعرف و تخيلوا نظرات الوظفين وتنغيزاتهم عليه والله و انا طالعه سمعت وحده تقول اكيد سوابق رديت لها وقلت الله يسامحج
المهم سرت و انا طول الوقت و الطريج ابا عرف و قلبي بنشلع من الخوف و الافكار توديني و تيبني كله افكر في ابو بنتي و اتصلت الحضانه اطمن على بنتي قالوا ان كل شي تمام اطمنت من ناحية بنتي عيل شوه اكيد لوقوا الحيوانات الي دمروني و ألف سوال و سوال صرت وايد وايد اوسوس المهم وصلت تعرفون منوه المشتكي ؟؟
كان ابويه المشتكي عليه........ تفاجأت والله و شو عاد قايل اني شارده من البيت و ماشيه بطرق ملتويه واني عاقه و منزله اسمه في التراب غيره من الكلام العسل الي ما يطلع الا من انسان منزوعه الرحمه من قلبه الله يسامحه انا بنته مب عدوه ما اقدر ادعي عليه خوفي من الله اكبر ما لي غير الله يهديه و يحس

والله اني ضحكت و الضابط يسالني ليش قلتله ما سمعت (بشر البلية مايضحك) رد عليه انه قرا ملفي الي في الشرطه وانه من الافضل اني ارد للبيت لانه شكلي جذيه غلط وخصوصا اني ضحية اغتصاب ولازم يكون هذا دافع للخوف من المجهول و اني ما اتم ابروحي و خصوصا ان بنتي عندي واني لازم اوفر لبنتي الي انا حرمت منه وهو الامان ولازم اكون قرب اهليه وان موقفيه جدام المحكمه غلط بيقولن ان ابوها يسعى و هو ترفض يعني كلامه صح والواجب طاعته وان وضعي وسط المجتمع مب صحيح نحن مب في دوله غربيه نحن في دوله اسلاميه ترفض انه الحرمه تعيش ابروحها !!!!!!!!!!!!
!!!!!!!!!!!!!!!!!!!!!!!!!!!!!!!!!!!!!

وهو يتكلم دمعت عيوني انا ولا ليله نسيت الي صار بس و هو يتكلم شفت احداث حياتي جدامي و غيره من الكلام الي كان قصده وانا واثقه انه مصدقني ومتعاطف معاي بس ما يباها تكبر و لاني حرمه و مجتمعنا ما يرحم سالته وين المجتمع وين ابويه الي ياي الحين يشتكي وينه يوم كل الي صارلي وين كان ؟؟؟؟؟؟؟؟؟؟

خبرته عن وضعي في بيت ابويه قالي انه بيجمعني وياه و بيصلح امبينا و انه بيكتبه تعهد هو حرمته على انهم ما يبتعرضون لي و وعدني شخصيا انه يتابع موضوعي اذا في شي

وفعلا لاقيت ابويه و الله اني شفت الغضب في عيونه شفت شي خوفني بس سكت

وافق و وافقت وشرطت إني ابني قسم خارجي لي بفلوسي واسكنه وهو ماله خص فيني واني اسكن من يخلص القسم مب الحين وافق وخذ تليفوني على انه يبا يتواصل معاي و يطمن عليه

وفي الليل اتصل فيني واقالي تردين البيت بس بشروط ما قلتها عندهم قلت له كنت متاكده خير
طبعا شورط وايد اهمها اني اشارك في مصروف البيت واني اعطيه نص راتبي ومالي خص في حرمته وعياله وما اطلع على كيفي لازم بشوره وافقت

بيني وبينكم الحياه مب سهله بدون حد انا فعلا كنت صيده سهله لكل الناس الي انفوسهم خايسه سواء بالكلام او بالأفعال و ياما شفت و سمعت وعانيت و جربيت

في هذي الفتره خبرتكم عن الريال اي ساعدني كان لايزال يتردد عليه سالته انه ليش ما نرتبط اذا هو يحبني ؟ ليش لا
تردد في البدايه لاكن ما طول انا رديت عليه انا ما الومه لو كانت الفكره بنسبه له غير مقبوله اكيد كيف هله بيوافقون على وحده مثلي وهو بعد وين شافني و ين لقاني مستحيل انه في يوم من الايام اكون انا في نظره ام لعياله انهيت العلاقه وعطيته الاسباب اني خلاص و ما بكون ابد سلعه ارخيصه واني برد لبيتنا وقالي انه ما بينساني و انه بيكون موجود في اي وقت احتاجه ما قصر دوره انتهى لين اهنيه

المهم بنيت غرفتين و صاله و حمام و مطبخ اصغير و الحمدلله خيت سلفه من البنك و دفعت المبلغ و اثثته وكان قسمي حلوا هادي مناسب لي و لبنتي كانت بنتي عمرها ثلاث سنوات و نص و انا 22 و بعدني فالجامعه وناويه اني اكمل

مسؤليه بس الحمدلله كملت و رديت عند ابويه وانا متامله الخير و الستقرار بعد الضياع ..................................

بس الله له حكمته وانا عمري ما اعترضت على امره كنت جاهله و اصغيره بس صدقوني كنت ولازلت املي بالله كبير بس بلي حولي أملي لاسف معدوم

وبدت صفحه يديده اول ما رديت بقولها لكم قريب وهي الصفحه ما قبل النهايه صفحه بدايتها سودا ونهايتها بتكون على ايدكن وأيادي استاذتنا الفاضله انشالله و سمحوووووووووووولي بالاطاله تراه مراحل و صعبه ماهي هينه علي ابدا وقلتها بختصار رغم انكم اتشوفونها طويله
احداثها بحذافيرها تمر بطيئه علي ثقيله على قلبي
اختكم الي صرتوا فعلا خواتي الي انا محرومه منهن احبكم في الله​
 
الله يشهد كيف دخلتي قلوبنا, فعلا نحن خواتج ومعاج على طول......أتمنى من الله عزوجل أنه يفك كربتك عن قريب ويعوضج خيييييييييييييييييييييييييييييييييييييييييييييييييييييييييييير,,,ودمتم على خييييييييييييييييييييييييييييييييييييير
 
حبيبتي (مالي امل) كلنا معك ولا تضنين نفسك ابدا وحيدة وقلبي معك وصدقيني مافي مشكلة مالها حل زي ما كل مرض له دواء لا تيأسي من رحمة اللة اتمنى لك كل الامل:bye1:
 
عمرك الان 22 سنه العمر كله ان شاء الله والله يحفظلك الغاليه بنتك وتتربى في عزك ان شاء الله تعالى
حبيبي مهما يكون الآتي فلن يكون بصعوبة مافات احبك ابنتي في الله والله يعلم. واشعر بأن فرج الله قريب
لا تيأسي ابدا وتأكدي ان الحق لا ينكسر مهما كان وانتي يا ابنتي على حق خلي الامل في الله اولا وحافظي على نفسك وابنتك ولا تحرمينا من اخبارك فقد اصبحتي جزءا منا نخاف عليه وندعوا له بالهدايه والتفريج والفرح بأذن الواحد الاحد
طمنينا عليك . كان الله في عونك ويسر لك امرك وفرج همك ونصرك ورفع راسك وبارك الله لك في نفسك وابنتك اللهم آمييييييييييييييييننننن​
 
ماشاء الله عليك زيدي ارتباطك بالله حتى تنجي بنفسك الحمدلله اللي خلصك من الشر أكثر من مرة وحسبي الله على من ظلمك.. لاحول ولا قوة الا بالله
 

اختي ماصارلك مقدر ومكتوب ومأجورة إن شاء الله
عليك بالدعاء وكثرة الاستغفار
ولاتنسين تتصدقين لعل الله يسهل طريقك ويفرج لك كربتك
حاولي تنشغلين بحياتك وتربية بنتك التربية الصالحة وكوني حذرة من الرجال فالرجل عنما يرى المرأة تمر بظروف يحاول مساعدتها لالشيء ولكن لمآربه الشخصية
عيشي حياتك معمرة بالإيمان وطاعة الرحمن فوالله سعادتنا بالقرب من خالقنا وكل ماأحسستي بهم أو غم قولي
(لاإله إلا أنت سبحانك إني كنت من الظالمين)
ردديها مرمرا وتكرارا
أسأل الله أن يهدي والدك لطريق الخير ويعوض صبرك خير​
 
الله يعينك حبيبتي ويصبر قلبك يارب نحن فعلا أحببناك و نحن أخواتك فالله ولن نبخل عليك بنصائحنا وإن شاء الله تكون هده بداية خير لك ولبنتك
 
الحيـــــــــن وقفي الشيطان




بسمه امل




انتي عشتي حياه كلها مآسي و صعوبات


لكن الحين


غيري من حياتج و ابتعدي عن شبح الماضي



روحي اشتغلي وكملي دراستج و تزوجي و عيشي حياه نظيفــــه تكون بأختيــارج انتي وحدج


الحين كبرتي

و فهمتي

و قادره ان تشكلين حياتج على كيفج




و أبدي في تشكيل حياتج مثل ماتبغين بالشي الي يرضي ربج و يسعدج



اما عن موضوع بنتج


مافي شي بأيدج كله بأيد رب العالميــــن



ادعي ربج و وكلي محامي شاطر و ابدي خطواتج في حياتج الجديده بثبات و بتفكير سليم



طليقج وكلي امره لله تعالى



ادعي عليــــه و قولي حسبي الله و نعم الوكيل على فلان ابن فلانه



ادعي عليه في صلواتج في سجودج وفي قيام الليل و بين الآذان والاقامه



و انتي مظلومه و الله ما يرد دعوة المظلوم ..





و الله يسعدج في حياتج و الله يقربك الى ما يحبه و يرضاه







بنوته ​
 
عمرك 22 ومريتي بهذا كله الله يكون بعونك لا تخافين نصر الله قريب
بس لا تغفلين الدعاء
 
سلام الله عليكن لا يا خواتي ومشكورات على اهتمامن و ردودكن الي فعلا تثلج الصدر الحمدلله الدنيا اكيد انها مليانه ناس فيهم الخير و حبيت انوه انا مب عمري الحالي 22 لا انا الحين عمري الحين 31 سنه و متزوجه و عندي غير بنتي و لله الحمد ولدين وخلصت دراستي الجامعيه بس انا بديت اخبركم بالي صار من تزوجت اول مره و الاحداث لين رديت بيت ابويه بعدني ما خبرتكم شو صار بعدين

سمحولي ​
 
اختي قصتج والله اتاثر في الصخر

لا حول ولا قوة الا بالله

كملي متابعين معاج
 
أسأل الله أن يصلح شأنك وييسر أمرك ويبارك لك في أبنائك ويعوضك بهم عن كل ما لاقيتيه
 
الحالة
مغلق و غير مفتوح للمزيد من الردود.
عودة
أعلى أسفل