فكرت و قررت

الحالة
مغلق و غير مفتوح للمزيد من الردود.
الله يفرج همك ويعوضك خير يااااااااااااااااارب وأصبري وتوكلي على الله فهو نعم المولى ونعم النصير
وحسبنا ونعم الوكيل
 
سلام عليكم
تاخرت عليكم اسمحولي ظروف الحياه
المهم رديت من عندي امي رديت علشان اواجه الواقع المرير مشاكلي و الوضع الصعب الي حطني فيه ابوبنتي و ولد عمتيه وطول الدرب وانا افكر شو بسوي وكيف احل المشكله كان عقب يومين عندي جلسه رحت عند محامي استشيره قانونيا علشان اعرف وضعي القانوني و طمني وانه ما عليه شي دام مافي ادله ضدي غير الكلام وان من حقي الحضانه المهم تشجعت بديت اتكلم و ادور حلول سرت المحكمه دخلت عندي رئيس المحكمه الي في البدايه اقدر اقول انه ماقصر اطلع على ملفي و كام ابويه انه هذا الوضع ما يصير وان من حقي عليه الحمايه و الرعايه بس رفض المهم و لله الحمد القاضي حكم بالعدل حكم بالحضانه و خلعني منه بدافع الضرر و لازمه بنفقه للبنت و بتعهد انه يبعد عني و له الرؤي لبنته في مكان عام منعا لاي ضرر ممكن انه يوصلني منه ............ تتخيلون شو صار منه يوم سمع الحكم ....
ضرب القاضي هيه صدق ضربه كان مقتنع قناعه انه محد يقدر يطلقني منه غيره
هو وادعى اني رشيت القاضي وطبعا لانه اعتدى على القاضي حكموا عليه بسجن ست اشهر كانت الدنيابدونه جنه بديت اعيش بديت اهتم بحياتي و ببنتي دخلت الجامعه و بديت اكمل دراستي و دخلت كليه الحاسب الالي و بدت الدنيا تبتسم لي .....
بدت المشكله اليديده في الدوام حطوني في قسم ما فيه الا ضباط المهم كنت اداوم الصبح و العصر ادرس و رئيسي في الشغل كان دايمن يسالني عن وضعي و ما قصر كان يساعدني بس (ما في شي لوجه الله في هذي الدنيا) يوم اكون في وضع صعب يعني مثل يوم عندي جلسه او يوم اكون مضروبه بشكل يلفت النظر و تعرفون عاد
المهم بدا يكلمني على التليفون على اساس انه يطمن و يشوف شو يصير معاي و يوم عرف اني تطلقت بدا يتغير و يبدي اهتمام زايد و انا لاحظت و كنت اتحشى الكلام معاه و دايمن اقوله انك مثل اخويه وامدحه على انه انسان خيير و انشالله يكون كل هذا في ميزان حسناتك المهم تجرا وقالي انه يبا ياخني على سنة الله و رسوله و مستعد يحمل مسؤليته ويكون لي السند و هو ما يبا الا الحلال

ما اجذب عليكم اني فرحت لكن قالي اني انه متزوج و اعنده حرمتين وانا الثلاثه ما تخيلت الوضع قلتله خلني افكر وهذا طبعا و ابو بنتي في السجن بعده المهم استخرت رب العالمين ورديت عليه اني ما اقدر على جذيه انا انسانه عانيت ما اقدر اعاني بعد
تقبل اشي على مضض بس ما سامحني نقلني من القسم عادي تقبلت الوضع بالعكس استانست انه هذا الشي احسن له و لي المهم كملت حياتي و كنت بديت افتخر اني بديت اكون شخصيتي وخلال هذي الفتره كنت اتعلم السواقه و ابا اخذ اللليسن عشان ما صدق اعتمد على نفسي و خذيته
بس دايمن الفرحه بعد ما تكمل و في هذا الوقت ظهر ابو بنتي و اول شي سواه اني يوم رديت من الدوام ما لقيت بنتي فالبيت و لقيت رساله وحده و سطرو احد ( لو بتموتين ما بتشوفينها ) تخيلوا بنتي ما كنت اعرف شو بسوي اتصلت لشرطه خبرتهم بالوضع قالوا لازم افتح بلاغ و الاجراءات و بعدين يصير خير و انا كيف ا صبر ما قدرت رحت البيت عندهم حبيت اريولهم ابا اشوف بنتي ليش هذا كله ؟؟؟انا ما سويت شي كان اجواب لا سويتي ضيعتي ولدنا طردوني و سكروا الباب صدقوني لو قلت اني ما تحركت من باب بيتهم لين يتني الشرطه و سرت المركز من كثر ما كنت خايفه و منصدمه من الموقف و برود الشرطه معاي قعدت اسالهم شو بيصير خبروني ؟؟؟ كنت اموت و لا حد يحس فيني وقفت الدنيا مره ثانيه
شو اسوي قالوا لي ليش انتي مسويه مشكله البنت عندابوها و اهلها مب عند الغرب وباجر انشالله بنستدعي الاب و بنعرف شوالحل و روحت البيت و لا حتى قدرت اداوم و تميت في البيت اتريا متى بيتصلون ولا اتصلوا فيني انا اتصلت قالوا انه يوم بيي بيتصلون خبرتهم انا عندي حكم قالوا لازم اول شي اي و بعدين يصير خير المهم تميت اسبوع على هذي الحال من المركز لين.... بيتهم لين البيت.... بس ودوام يتصون وانا ما ارد المهم اتصلوا الشرطه و قالوا انه رفض اي و قال هو بيتفاهم معايه وانه عندنا قضيهفي المحكمه
لانه انا مشتكي عليها تخيلووا الدوامه الي طحت فيها مره ثانيه ورديت للمعاناتي الى ما تخلص مع هذا الريال والله تعبت من كثر الغيض و القهر قلت خلاص ما اباها وما قدرت انام في هذيك الليله وانا كله افكر كيف اني بخسر بنتي وانها بتعيش مثلي متلتهه في الدنيا مالها حد وعند حرمت اب وقررت ارد و احاول مع المحكمه و انشالله الله بيكون معاي
و سرت المحكمه لقيته يايب ااشهود على اني انسانه سيئه اخلاقيا وانهم مستعدين يشهدون على هذا الشي انهم شافوني مع كذا واحد في الفندق و اني كنت سكرانه و غيره من الكلام الحلو الي كان يتزل عليه مثل الرصاص وانا اصرخ في المحكمه حرام عليكم و تخيلوا
انهم على درجه مب طبيعيه من الحقاره انهم حلفوا وانه طليقي طلب فحص وراثه للبنت مع انه يعرف و متاكد انها بنته بس شوف الظلم و الحقد لين شو وصل الانسان رديت البيت وانا متحطمه مالي اي امل خلاص بعد شو اكثر من هذا ... بس االاكبر كان يترياني في البيت اول ما وصلت ما دريت الا و ضربه قويه على راسي من وراي طحت غشيانه ما وعيت الا و انا على السريرو بدون اثياب و بطلت عيني اشوف ولد عمتيه ابو بنتي في الغرفه و معاه اثنينه في الغرفه حاولت استر عمري وانااصارخ ما اعرف شو صار امية سوال يدور في راسي بس ما لحقت طلع من الغرفه وانااحول استر عمري به اترجيته انه ما يخليني
تناوبوا عليه ما همهم صراخي ودموعي ولا اي شي تمنيت اموت تمنيت اموت بين ايديهم وراحوا عني وخلوني بعد ما خلاص ما بقى شي مني ما دريت الا و جارتي توقضني و تغطيني و هي تستغفر و تتحسب انا ما ادري شو اسالفه و تسالني شو الي صار و غسلتني و نادت زوجها و خبرته عن الوضع الي لقتني فيه يا حليلها حرمه كبيره دخلت عليه لانها حصلت الباب مفتوح من الصبح و سارت و ردت و هي تضرب الجرس و محد يرد وفدخلت اتشوف شو صاير و حصلتني في وضعي جثه بلا روح واصرت الا لازم اروح المستشفى لاني كنت انزف من عدت اماكن و انزف الأكبر من داخلي كان تتتكلم وانا ما يدور في راسي غير شي واحد اني ابا اجتله ابا اجتله صدق اباه يموت خلاص ما اقدر اتحمل انهرت نفسيا تميت ما ارمس و هيه تسالني منو الي سوا جذيه تقولي خبريني اخبرها بشي ما عرفه صرت ما اعرف غير شي واحد كيف اجتله ودوني المستشفى وكل العاده استدعوا الشرطه بس هذي المره مب محولت انتحار هذي المره اغتصاب ..................
 
كان الله في عونج اختي بس معقولة فية اب مغيب عن الواقع مثل ابوج لكن اذا كان يسكر فلا عجب الله يجعل كل احزانج والامج في ميزان حسناتج وانتقم الله لكي ممن ظلمك يا بسمة امل
 
في المستشفى ​

علاج بالمهدئات و غيره من الادويه كنت عايشه على الفاليوم طول الوقت وتحقيق الشرطه الي ما خلصت منه من تتهمين؟ كم واحد؟ ومتى ؟وشو تعتقدين ادافع؟ و هل كان لج علاقات سابقه؟؟ وليش تتهمين طليقج الي عنده حجة غياب و شهود على تواجده في مكان اثناء الحادثه؟ سبحانه المجرم الحين يكون عنده شهود و ادله ضد المجني عليه شي يضحك ؟؟؟؟؟؟؟؟ و وصفي المعتدين؟؟ شو نوع السياره ؟ انا ما شفت شي ارد اعيد الكلام جني ببغاء ما في جواب اساله ما اقدر انساها دامني حيه​

وجاري التحقيق ​


و كل يوم المحقق عندي ها ذكرتي شي ؟؟؟ قالي قولي اذا هيل كان بينج وبينهم شي خبرينانحن بناحذ بحقج بس لازم تعترفين !!!!!!!!!!!!!!!!!!!!!!!!!!!!!!​

لاحظتوا لازم اعترف شي يضحك صح لا زم اعترف اعترف ابشوه ..​

المهم رديت البيت و البنت راحت مني ما ما قدرت اداوم لان الكل دروا شو صارلي صار مالي ويه خلاص استقلت من الدوام بعد الفضيحه و الي صارلي و تركت الدراسه و ين مصيري الحين ..؟؟؟؟؟ او شو بقالي
انهرت خلاص خلاص كل شي انتهى في حياتي صارت الدنيا سودا ما فيها شي​

تميت في البيت حول الاسبوعين حتى اكل ما شي في البيت و عايشه على حبوب الفاليوم صرت ميته جارتي يا حليله كانت كل يوم تمر علي تسال عني اتم ادق الباب لين افتح هيه تعرف اني موجوده اتم ادق ادق و انا اصلا ما اسمعها لاني في دنيا ثانيه و يوم افتح الباب تقعد اتقولي توكلي على الله و الله ما بيخليج وكلامها الحلوا المطمن بس انا الي كنت ما اسمع
انا الي قلبي خلاص مات ما بقى اي شي فيني ما فيني احساس ولا اي شي كل همي كيف اتنقم كيف انسى و كيف كان الحل طبعا دمرت نفسي.........​

طلعت من البيت و رحت عند وحده تعرفت عليها من ادوام كانت وايد تحاول ترابعني و انا اصدها المهم رحت
لها بريولي ابا انسى كل شي استقبلتني و فتحت الدنيا على ابوابها صرت اسهر و حتى المخدرات استعملتها خلال شهرين بس صرت انسانه مدمنه سهر ومخدرات و على كيفكم انتقمت صح بس لاسف من نفسي مب من حد ثاني​

شو بخسر بعد الي خسرته هذا الي كنت اقنع نفسي فيه كل ليله ارد اصيح لين انام بدون فايده خسرت كل شي حتى نفسي صارت مب ملكي تميت على هذي الحاله يمكن سنه لين التقيت بريال و انا ويا هذي الصاحبه تعرفت عليه كلمني شاف حالي قال في نفسه اني من هذيل البنات السهلات و بعد اسبوع واحد حللني و اعرف كل شي عني طبعا قلتها وانا مب في وعيي شو تتقعون منه ؟؟؟؟؟؟؟؟؟؟؟؟؟؟؟​

]ساعدني اتصدقون انه ساعدني و غصبن عني خلاني احس ان ادنيا بعدها بخير ​

استدرجني تم يكرهني في البنات و ليش تمشين معاهم و تعالي عندي انا بنسيج كل شي و كل الي تبينه بسويه طبعا انا مارضيت في البدايه و هو ما ملل تم ورايه حتى البنات اضايقوا منه و كانت اتصير مشاكل من و راي وو يكون السببأنا
المهم نجح سفرني المانيا تعرفون ليش علشان يعالجني من الادمان و بعدني من المكان الي انا فيه و يوم بديت ارد اشويه لدنيا وعدني انه يوم ارد بيوكل محامي علشان ارد بنتي لحضانتي كان يزرع الامل في قلبي و الحمدلله رديت و شجعني ادور شغل او ارد لشغلي وهو معاي وانه مستحيل يتخلى عني وما بخفي عليكم اني فعلا حبيته و هو بعد حسيته انه يحبني و ليش ساعدني وانا بهذيج الحاله اكيد انه حبني اعتبروني ساذجه بس يمكن كنت اقنع نفسي ​


و سعالي في الشغل و رديت بس هذي المره مدنيه كنت وايد مستحيه من ارده نضراتهم لي كيف بتكون كنت خايفه و الحمدلله تشجعت و اخترات اداوم مدنيه علشان اكون متنقبه والحمدلله مرت الامور بسلام ما دامهم ما يشوفون و ييهي و اول ما يعرفون اسمي من الناس الي كانوا يعرفوني تبدا نظرات الشفقه و يا حرام مسكينه والي ما تبا تكلمني و الي بسو وده يتعرف عليه لاني ذبيحه سهله صدقوني صرت اعرف الناس و اعرف الرييايل شو يبون ​

و عقب ما استقرت اموري بديت افكر في بنتي الي صارلي سنه و نص ما شفتها و كيف اردها لي كنت مشاقه لها متلهفه لشوفتها كنت اعاتب نفسي ليش تخليت عنها بس كنت امني انفس و الحمدلله انا احين احسن جذيه كنت اقول وكلت محامي و رفع القضيه و تفاجأ ابوها انا وين كنت و كيف رجعت بعد الي سواها فيني المفروض بنسبه لعالمه الوصخ اني اتم خايفه منه و يكون هذا رادع لي بعد ما اتقم و لا اقدرت اثبت انتقامه الوصخ....
طلب انه يشوفني قبل الجلسه و طبعا هو ما يعرف انا وين اسكن او رقم تليفون كلم المحامي و خبرني رفضت و خبرت المحامي قصة الاغتصاب الي دبرها الي و اني اخاف يعيد الكره و قالي لازم تقبلينه او تخلينه يتصل و بنسجل كل كله يقولها علشان هذا بيكون في صالحي او يمكن يعترف ما تردين تشجعت بدافع الانتقام الي في قلبي و رد عليه المحامي اني بشوفه في مكان عام و انه بيكون موجود وافق التقينا و انا عندي المحامي و لي الريال الي اعرفه يترياني و يراقب من بعد و نا حاطه مسجل اصغير في الشنطه ​


المهم اول ما شفته اقسم بالله اني كان ودي اخنقه كان قلبي يدق ابسرعه و بالم منه خوف و منه شي ما اقدر اوصفه لكم صدقوني ما اقدر
تكلم قالي ما لج حق في البنت سالته ليش و واجهته في الي سواه فيني و ان الله فوق و بياحذ قضايه في يوم من الايام و يا ويلك منه قال انا ماسويت شي بس هذي البنت لي مب حبا فيها او فيج بس عناد وكل ما تتقربين بنتدمين
هنيه قاله المحامي انته تهدد قاله افهم الي تباه هذا الوضع و انتوا احرار تبين اتشوفينها يومين او لا شي بس حضانه لا تحلمين
هذا عرضه و قام و هو يطالعني و هو واثق من نفسه و اعتزازه بوحشيته و قسوته ألآ منتاهيه و عيونه مثل الشيطان وتميت اطالعه و انا قلبي بينطر من كثر ما يدق يا ويل حالي قاعد جادمي و لا اقدر اسويله شي يا ويلي
صدقوني انا اعرف انه قصتي ما تصدق اذا انا مب قادره اصدق كيف اناس بيصدقون بس ووالله اني كل كلمه قلته صادقه فيها و ما ودي من الله الا الرحمه و الغفران و اني ارتاح من الي في قلبي الي محد اسمعه غيركم و و دي اني ارتاح يوم اخلص و احصل حل .................................​
 
:(


الله يفرجها عليك ويعوضك خير .. والحزن طول عمره مايتم
تجي السعاده تقتله :)



تفائلي ياحبيبتي
 
الى كل وحده سالت عن ابويه و تسالت في قرارت نفسها اناارد عليها كيف تتوقعين من انسان 24 ساعه سكران يدري شو قاعد يصير له و حرمته و وحده من بناته تيب الخمر له لين البيت علشان يتم جذيه كيف ....
مرات اقول كيف رب العالمين بيسامحه وانا اقولكن انه هو اول رجل في حياتي دمرها و ذبحني
اسال الله له الهدايه مما هو فيه لاني على رغم الي سواه و الي ما تعرفون عنه اتمنى انا ربي يصلحه ويردله بصيرته و يذكرني قبل لا يحصله شي
 
]انا في انتظارنهايةالقصة وايال الله ان يعوضك خيرا في الدنبا والاخره
 
الله يعينك ويصبرك أختي

لقد إقشعر بدني من هول ماقرأت

تمنيت أن تكوني بجانبي كي أضمك لصدري

وأقول لك أن الدنيا مازالت بخير لا تقلقي على إبنت

لابد ستعود لك يوما وستلتمس لك العذر على الأقل لم

تتركيها من نفسك لكن ظروفك وجباروت طليقك هي من أرغمك على الإبتعاد

إلجإي إلا الله فهو حسيبك ولك من الدعاء في ضهر الغيب
 
اختى الله يكون فى عونك قصدك جدا مؤلمه
والله يعوضك خير
 
اختى الله يكون فى عونك ويعوضك خير
قصتكى جدا مؤلمه
تمنياتى لكى بالتوفيق
 
حبيبتي ثقي انه مهما كان ما مررت به صعبا فان الله حتما سيعوضك عما مررت به ثقي بالله الذي ما منع عبدا الا ليعطيه وما حرمه من شيئ الا لحكمة لا يعلمها الا هو سبحانه (( لو أطلعتم على الغيب لاخترتم الواقع )) وان عزت عليكي رحمة البشر فاكتفي بالله وكيلا وراحما وحسيبا لا تثقي الا به سبحانه ولا تطلبي معونة وحماية الا منه , اخيتي اكثري من قول حسبي الله ونعم الوكيل بقلب صادق فمن توكل على الله كفاه ما أهمه من أمر الدنيا والاخرة , وتأكدي عزيزتي أننا كلنا لك أهل إن عز علينا مساعدتك بالموازرة والوقوف بجانبك فاكفنا وقلوبنا لن تنساك من الدعاء أصلح الله جميع أمر ك وأقر قلبك بقرب ابنتك منك وبارك لك فيها وعوضك بها عن كل ما حرمت منه.
 
لااملك الا ان ادعو لك ربا معطي
اللهم فرج عنها واجعل ما اصابها تكفيرا لذنوبها
ارجوك ثم ارجوك ابتعدي عن السلوك غير السوي ولاتثقي باي شخص امرك يهمني يا اختي الحبيبة والغالية
دمتِ بود
 
بصراحة ماادري ايش اقول

انا في حالة ذهووول
قصتك مريرة

كلها مآآسي
لا املكالا ان ادعو لك
اللهم يافارج الكرب فرج عنها
اللهم رد لها بنتها كما رددت يوسف لابيه



اختي الغالية
لاتنسي ان الله ابتلاك ليختبرك
حافظي على الصلاة وعلى قراءة القران
توبي الله
استغفريه
تضرعي له بالدعاء
واساليه الفرج
اللهم فرج عنها يالله
 
السلام عليكم ورحمة الله وركاته يا بسمة أمل

كلما أتعمق في قصتج أحس ان الله يبالج الخير مع كل اللي صارلج

هذي دروس قاسية عشان ننتبه ونعرف حق منو نلجأ

نلجأ لرب العالمين...نلجأ للذي ما ينام...نلجأ للذي بابه دووم مفتوح في الليل والنهار

ينتظر عودتنا له...ينتظر إنابتنا له...تمسكي بدينج عدل يالغالية

والله راح يسخرلج جند من عنده تحميج من كل شر...بس لابد من حسن الظن برب العالمين وحسن التوكل عليه تعالى...

قطعتي قلبي مع كل حرف بقصتج...وليتني أقدر أواسيج بغير الدعاء لج...

راح أكون بانتظارج يا بسمة أمل
 
اتمنى من كل قلبي ان رب العباد يعوضك عن كل اللي صار
وانشالله بكره احلى
دعواتي لكي
يااااااااااارب يفرج همك
 
حبيبتى

الله يفرج همك ...خلى أملك بالله كبيييييييييييييييييييييييييييييييييييييييييييييييييييييييييييييير
 
بسمة أمل حبيبتي...
خبرينا عن حالك،
إن شاء الله أنتي بخير ؟
وشلون وضعك الحين ؟
طمنينا ،،،، بأنتظااااارك دائمااااااااا
نعاضدك بكل حب أخوي وبكل قلب وفي
ودعائنا لك أن الله
يطمن قلبك ويريح بالك.​
 
ان الله سبحانه وتعالى يقول ( لن يصيبنا الا ما كتب الله لنا )
ابنتي الحبيبه هذا هو الابتلاء فان الله سبحانه ان احب عبدا ابتلاه
ابنتي تقربي من العزيز الحكيم فهو حسبك وهو من سينصرك ويرفع راسك امام من خذلك
حسبي الله ونعم الوكيل ... الله يجعل كل مل تعرضتي له اجرا وتكفيرا عسى ربي ان يغير حياتك الى الافضل ان شاء الله​

نحن في انتظارك​
 
الحالة
مغلق و غير مفتوح للمزيد من الردود.
عودة
أعلى أسفل