فكرت و قررت

الحالة
مغلق و غير مفتوح للمزيد من الردود.
الله يفرجلك ويسلمك من كل شر اذا الحادثه هذى حصلتلك الان ومازلتى فى احداثها انصحك تروحى للجمعيات الخيريه او حقوق الانسان .........كملى الله معاك والاخوات ماراح يقصرون فى الرد عليك
 
لاحول ولا قوة الابالله ياغاليه مهما كان اصبر
على ذل ابوي واهلي ولا الاغراب بس واضح
انك مالك خبره بالحياه بس حطي ببالك دائما
((ان مع العسر يسرا؛ان مع العسر يسرا))
والله يفرج لنا ولك:icon26:​
 
والله غريبه أهلك وينهم عنك
فرج الله همك وهموم جميع المسلمين
أكملي حكايتك​
 
استغفرررررررررررري كثيروانصحك على طول تروحي للمؤسسة الخاصة لمثل حالتك وبعد كذا كلمي اهلك ولاتقوليييينهم على اللي صار معاك كافي الظلم اللي انتي فيه بكره الكل يتهمك ان حملك من حرام كلميهم من المؤسسة وقولي انك اول ماطلعتي رحتي للمؤسسة وحاولي تحلي مشكلتك مع اهلك قد ماتقدرين واذا فيه اخصائيه نفسية اواجتماعية تتفهم حالتك خبريها عن المكان اللي رحتي له لتنقذي اخوووووواتك البنات التااهات يمكن ضحايالاهليهم بعدكملي بانتظااااارك
 
السلام عليكم أختي الغالية

صدق هذي الدنيا عجيبة وغريبة

وكلنا هنيه ننتظر سالفتك عشان نفكر معاك ونكون سندك إن شاء الله

كملي
 
حبيبتي لج الله والله سالفتج غريبه
يارب كون بعون هالإنسانه
يارب انت المعين ولا احد سواك
كملي سالفتج يا بارقة الأمل احزني لقبج (مالي امل)
دام الرب موجود الأمل يتجدد بمجرد قول يااارب
الله الله ربي لا أشرك به شيئا
 
الله يصبرج و يخفف عليج يا (بسمة أمل)

نصيحة من محبة لك في الله....أكثري من قول:لا حول ولا قوة إلا بالله

وأنا من شفت موضوعج وأنا قلبي عورني عليج

أتمنى ينجلي همك وبانتظار تواصلج

كلنا بانتظارج
 
[سلام عليكم تاخرت عليكم سمحولي:icon1366: ​

في البدايه ودي اشكركم انكم برودكم و مروركم خليتوني اتنفس اخيرا بعمق ونكم و لأول مره عيوني تدمع من فرحة اني خلاص بديت افضفض و افصح عن الي في داخليه الي محد يعرفه غير رب العباد يزاكم الله غير وفرج الله بدعاكن همي وهم كل مسلم وللي سالوا عن اهليه صدقوني لا تستعيلون هذيل ابروحهم قصه لو تكلمت عنهم ما بنحلص بس بتعرفون من الي ياي شو سووا معاي وعقب قولولي انلام او لا ​


[المهم عقب ما ركبت عند راعي التاكسي الي كان ذابحنه الفضول يعرف شو بلايه وانا هذيك الايام صدقوني ما عندي حس اني كيف اثق كنت اثق في كل الناس ادور الخلاص في عيون كل الناس و خبرته وعرض عليه انه يوديني عن اخوه وزوجته لين احصل بيت وتستقر اموري وقالي ان ادنيا بعده بخير صدقت كلامه كان وايد يطمن و وافقت ورحت بيت اخوه عقب ما كلمه ويلست عندهم بس الوضع كان غير مريح بدت تصرفاتهم تكون مريبه و تخوف يلست اربع ايام برع الغرفه ما شفت شي كنت كأني في سجن ما يبوني اطلع او حتى حد يشوفني عندهم و بالليل كان راعي التكسي ايي و كنت اساله ها شو الحين بيصير؟؟ واقالي انه يدورلي عن بيت سالني انتي كم تقدرين تدفعين كلتله انا عندي ذهب ببيعه و بدفع لاني ما عندي خلفيه بهذي السوالف و خبرته باحساسي من وضعي في بيت اخوه قالي لا تخافين انتي في بيتج وهذا خوف عليه و اهتمام بس رحت انام و سبحانه نشيت ابا اسير الحمام الله يعزكم و سمعته مع اخوه و حرمت اخوه يبون ينصبون عليه لاني ما عرف شي خليت عمري ما سمعت شي و الصبح على طول قلت لهم اني ابا ابيع عقد علشان ابا اغراض اشويه على طول اخوه عرض خدماته وقالي انتي ارتاحي و انا زوجتي بروح و نخلص اي تبينه وافقه و عطيتهم عقد عادي قالوا لا هذا ما ايب شي يبي واحد ثاني قلت لهم ماعليه باجر هذا الأيوم
طلعوا وقفلوا الباب وراهم بالقفل كسرت الباب بالمفك البراغي و شردت من بيتهم وتميت في الشارع و تعرفون وين سرت تذكرون الحديقه الصغيره ؟؟؟ رجعت لها وقعدت و تميت افكر شو اسوي وقررت انه لازم ما ألجا لحد وانه لازم ادور بيت و بسرعه و على طول كانت الساعه 11 الضحى مريت على المكاتب و الحمدلله لقيت بيت عباره عن شقه و انه لازم المالك هو الي يوقع وافقت وقلت لصاحب المكتب اني اباها اليوم قالي انه بيكلم المالك المهم كلمه و ياني المسا ووقعنا العقد و خذ صوره من جواز سفريه و قلتله عن المبلغ باجر وافق و كان شكله وايد عنده اساله وكان ريال معروف في منطقتنا و كبير في نظر الناس للاسف وقلي انه باجر بستلم البيت حاولت بس ما حبيت اثير فضوله ورديت و بت في الحديقه والحمدلله انه الله ستر عليه لين الصبح و رحت و بعت كم قطعه من ذهبي و خذيت المفاتيح ودخلت البيت و نمت و نمت بدون احساس لين المغرب كان حر و الله اني ما حسيت بحر الصيف نمت على الارض و يوم نشيت تميت اصيح ما اعرف شو بسوي الحين تذكرت انه لازم اعتمد على نفسي وسرت وخذيت اغراض لنفسي و تميت شهر وانا مرتاحه وبعدين ياني تعرفون منواه راعي البيت تصدقون انه كان حاط الحارس يراقبني طبعا بدون ما اعرف يعني منوه اييني ؟؟؟ انا متى اطلع ؟؟؟وخلافه المهم قالي انه يبا يتكلم معاي استغربت خبرني انه كان يراقبني وقالي انه يعرف ابويه و يبا يعرف شو السالفه خبرته كل الي صار من جهة اهليه واني تبهدلت و اتمنى اني ارد عندهم قالي اعتبري الموضوع منتهى انا بحل السالفه كان يخطط عليه صدقه بنت وحيده اصغيره ليش ما يستغل الفرصه وتريته يومين وكنت اتصل فيه اساله شو صار و هو يطمني​

ياني و قال انه ابويه مب موجود وانه مسافر طبعا انا صدقته لاني ما اعرف عن ابويه اي شي و قالي لا تخافين انا معاج و لا يمكن اتخلى عنج لين تنحل المشكله حسيت بالامان باراحه بالحنان الابوي إلي عمري ما حسيته ارتحت بوجوده رد افلوس الايجار و كان يطرشلي خدامتهم كل يومين تنضفلي البيت و يطرشلي يوما غدا لين تاكد ان خلاص امنت فيه عزمني اغير جو و اروح معاه مزرعته و انه ابويه بيوصل بعد اسبوع وافقه ورحت و ليتني ما رحت تعرفون ليش لاني دفعت ثمن خدماته تعرفون شو صار اغتصبني هيه اغتصبني بدون حتى مقدمات بعد ما قاومت وقاومت وهو يدري اني حامل ما اقدر انسى يوم كنت اصيح و اصارخ و هو يقولي كل ما تسوين جذيه كل ما تتعبين و تأذين نفسج ذبحني من داخل وعقب ما خلص طرشني مع الدريول للبيت بكل بساطه بكل بساطه كم بكتب كم بقول ولا شوه بقول انااضحك وانا اكتب واصيح في نفس الوقت هذي اول مره اقول لحد عن الي صارلي رديت البيت و انا ما ادري انا وين ولا شو صارلي ما كنت احس بويع في جسمي كثر ما كنت ميته من داخل حاولت انتحر تعرفون سذاجتي كلت حبوب بندول على بالي بموت خفت و رحت المستشفى خفت من المووت وعلى الي في بطني وكيف بجابل ربي و انا جذيه خفت و يوم رحت المستشفى ما كنت اعرف انه الي يحاول ينتحر يستدعوله اشرطه و يت الشرطه و تحقيق وعقب سبع اشهور من طلعتيه من البيت شفت ابويه و عمتيه و ريلي وقالوالهم المستشفى بالي صار و حاولوا انهم ما يدخلوني السجن مراعاتن لحالتي لاني حامل ورديت مع ابويه و طول اطريج ما سالني و ين كنتي و ليش صار جذيه كان خايف من حرمته شو بيقولها يوم بتشوفنيوكلامه الي تم يون في اذني ( الله يلعنج و ليتج متي و ليش ما رحتي وياريلج انتي خلاص هذا البيت مب بيتج ) ليته كان يدري او حتى حس فيني ياليت الله يعلم شو كانت حالتيه الله يعلم >>>>>>>>
[قصتي ما خلصت بالعكس معاناتي بتبدا الحين مره ثانيه في البيت و حرمة ابويه >>>>>>>>>>>
تريوني​
 
الله يكون في عونك
وفرج الله همك والله اني ادعيلك من كل قلبي
 
الله يعينك تحمست من قصتك بس بصراحة من البداية غلط تشردين
يالله كملي نسمعك وانشالله نقدر نساعدك
 
الله يعينج ياحبيبتي..يارب يفرج همج..يااارب...كسرتي قلبي..ودمعت عيني...
يارب يكون بعونج ويصبرج..
بانتظارج ..
 
بصراحة على كثر ما شدتني قصتج يا(بسمة أمل)، على كثر ما بدأت أتألم من اللي صارلج
لأنها تذكرني بحالتي اللي محد يعلم فيها غير ربي..أحس إن قصتنا متشابهة :icon1366:

صرت متلهفة أعرف قصتج لعلي ألقى حد يفهم معاناتي يوم بقولها لكم....

اتأكدي يا بسمة أمل إن المنتدى كله معاج وما راح نتركج يا غالية

بانتظارج وأنا على طول متابعتنج
 
ياعمري ....
الله يعينك ويفرج همك....
والله إني حزيييييييييييييييييييييييينة عشانك...
 
الله يكون بعونك ويفرج عنك ويهون عليك ولادتك ويرزقك الذريه الصالحه
اللي تعوضك عن معاناتك هذي
كملي سالفتك ناطرينك
 
رديت اكمل معاناتي .......

رديت بيت ابويه و حرمته الهنديه اول ما شافتني دخلت هلت عليه بسب و اللعان وانا لاني كنت وايد مشحونه ضربتها بالدله على راسها و طبعا ابويه ما رضاله في ست الحسن والدلال ضربني ما عدت احس خلاص .........
لاعت جبدي من كل شي ما اتحمل اشوفهم ولا حتى اسنع صوتهم تميت يومين حتى الاكل ما نعتني منه عايشه على الكفتريا و البقاله طبعا اذا يوا وهيه مب موجوده لانها لو كانت موجوده ترميه في الزباله او تاكله و جدامي تحملت قلت احسن هنيه ولا برع بتحمل ما طولت راجع ابوي من سهراته سكران و استقبلته الحرم المصون و قعدت تشحنه عليه لين دخل و يرني من شعرني و طلعني من البيت الساعه 2 بالليل حتى بدون عباه و الجيران يشوفون ويسمعون الي قاعد يصير و يقلولوه حرام الي اتسويه المهم مشيت بالشارع بدون عباه ولا شيله و لحقتني جارتنا و كانت تباني ادخل بيتهم لين الصبح ورضيت اتصلت في عمتيه الصبح يتني شو صاير طبعا ابويه صحى راحت السكره حرمته البرئية الي ما سوت شي مستغربين ما يعرفون شو صار خبرتهم جارتنا بالي صار و طبعا عمتيه قالتي ردي البيت عندنا احسلج وانا بشوف ولديه و رحت معاها سزا عمره انه موافق اني ارد البيت و اقعد في غرفة الخدامات و بعدين بيشوف


حسيت بالذل بالاهانه بالوساخه كلمت عمتيه قلتلها ليش كل هذا؟؟؟ انا شو سويت؟؟؟مب انتوا الي تخليتوا عني؟؟ مب انتوا الي زوجتوني اياه؟؟؟ انا اشو اسوي الحين رحموني وين اسير شو اسوي حتى ما كسرت خاطرها قالت عيشي هنيه لين تولدين و عقب بيصير خير على بالهم ان الي في بطني ولد وهي بنت بس ما خبرتهم ..............
و يلست ولا حتى كان حد يفكر يطالعني يشوفني انا شو بلايه المهم


-في ليله ريلي ياني متاخر بالليل يبغي يكلمني طلعت وانا كنت خايفه منه و عايفتنه مب قادره حتى اشوف ويهه المهم شو تتوقعون يبى اول شي قاله انا ابغيح ما فهمت اثره بس يبغي ينام معاي واونه يبا يجرب كيف الرجاد مع الحوامل؟؟؟؟؟ تتخيلون؟؟؟؟؟؟

في نفسي قلت يمكن هذا الشي يخليه يرحمني وافقت وهو اصلا مب بكيفي لانه دايمن غصب عني....ويوم خلص انتهى دوري رجعت وانام مع الخدامه في غرفتها.... بعده استمر الوضع لمده اسبوعين ايي ياخذ حايته وانا مثل الجثه يروح وانا اموت لاني خلاص ما عدت احس باي شي جسمي.... هذا خلاص صار بنسبه لي زباله المهم قربت الولادة و ولدت ويبت البنت الي انصدم يوم عرف انها بنت .....كنت اقول يمكن الامور تتحسن عقب ما تي

وانا اكيد اني يوم شفتها فرحت طرت نسيت كل الي صار بس مالحقت الفرحه الدوم المهم ردينا البيت ما تميت بس اسبوعين و ياني ابو بنتي و قالي باجر اجهزين نفسج تطلعين من البيت انا ما اباج ما ابا اشوفج بالبيت ترجيته حبيت اريوله سالته وين اروح قالي وين كنتي ولا اريد اعرف طلبته عطني فرصه برد غرفة الخدامه لين احصل حل و هددني اني لو قلت لامه بياخذ البنت عني قلتله ما اباها ما باها خذها بس خلني في حالي

بس دقيقه يوم شفتها ياخذها مت ما قدرت قلت له خلاص بس اصبر عليه اشوي ودورت بيت وحصلت و استاجرته وطلعت انا وبنتي بس هذي المره وانا مصره على تغير كل شي
سكنت البيت وتميت فتره افكر لين لقيت الحل اني اشتغل هيه اشتغل هذا هو الحل علشان اعتمد على نفسي كان عندي ثانويه عامه بمعدل 90% قسم علمي كنت احب الدراسه على رغم المشاكل اإلأي كنت فيها و يا ابويه وحرمته كنت انفس في الدراسه كانت احلامي كبيره بس كلها تبخرت و مستقبليه مات... المهم رحت وسجلت في الجيش ,,,,عسكريه يعني و وافقوا عليه بس بقت مشكله انها لازم ادخل الحجز الربعين يوم كيف بصبر عن بنتي و وين بحطها لو تدرون شو كنت اسوي علشان اروح بوظبي كنت اركب الباص و ما شي في جيبي غير 30درهم عشرين للباص رايح ياي و عشر مصرف المهم رحت عند عمتيه وقلتلها خلي البنت عندكم بس لين اخلص الدوره و بيي و بشلها رفضت قالت انا مب فاضيه اربي عيال الحين وانتي ليش تشغلين في الجيش عيب وانتي ما تستحين و طردتني

لجأت لوحده اربيعتي و كنت وايد مستحيه و هيه الي دلتني على هذا المنتدى وخليت بنتي عندهم عقب ما وفقت امها وشرحتلها وضعي وان ابا بس استر على نفسي و عليها المهم دخلت الجيش وخلصت الدوره بشينها و مرها والله اني تعبت واني صدق اني دخلت بالغلط مب مكاني.....
تعلمت اشياء اغلب بها كانت دمار غير القصص الي صارت و المشاكل الي حصلت المهم خلصت وطلعت الاولى في التديب الميداني و طلعت صوري في الجرايد واحداث غيرت شخصيتي بس ما نستني الي صار

رديت لبنتي فديتها و انا كلي كنت امل بس للاسف عمرها ما تكمل فرحتي لقيت ابو بنتي رافع عليه قضيه طلاق و حضانه للبنت بحكم اني ما انفع اكون ام لاني انسانه غير سويه اخلاقيا تتخيلون ؟؟؟وتميت ركضه للمحكمه ست اشهوووووور الله لا يراويكم شو صار لي تعبت تعبت ما تم حد ما عرفني في المحكمه كنت يوم اشوف اسمي على باب القاعه شو اصيح يسالني القاضي اتم اصيح ما اعرف شو اقوله لين خذني للمكتب و سالني و خبرته اني ما اعرف شو اسوي وقلت له شو صار وتميت في المحاكم والرعب الي احسه و تهجم ابوها عليه في البيت و ضربي ولا في مره اشتكيت عليه و الكل يقولي اشتكي علشان يقفونه عند حده وفعلا تشجعت مره كان ياي البيت عندي فالليل علشان يبا يسوش مشاكل وقطع خط التليفون و حاصرني في الغرفه بس ما كان يدري انه عندي موبايل و اتصلت للشرطه و طبوه عليه و هو توه يبا يشرد يوم سمعني ارمس ورحت المركز و فتحت فيه بلاغ والصبح احصل عمتيه وابويه عند الباب ضرب وسب ليش ادخل ولدهم الشرطه ومنظرهم جدام الناس انزين وانا مب بنتهم

فكرت اني ادور امي امي يمكن احصل في حضنها الحنان امي الي عمري ما شفتها ولا حتى ما فكرت تسال عني وقبل كل هذا تنازلت عن القضيه وفي يوم كان الفجر ياني البيت ما ادري كيف دخل و ما انتبهت الا حاط ايده على رقبتي يبا يخنقني وقالي انا ادخليني المركز والله لتدفعين الثمن و طلع وعلى طول رحت اسال عن امي ما اعرف غير اسمها و اسم ابوها و القبيله و اعرف انها من الذيد ورحت وقعدت اسال وما خليت بيت ما سالت لين حصلت ثلاث حريم نفس الاسم وطلعت هي الثانيه اتصدقون ما عرفتني ما عرفتني وقفت جدامها امي الي 19 سنه ما شفتها فرتني في المستشفى و راحت نسيت هذيك الساعه الي سوته نسيت الدنيا هذي امي ويوم قلتلها اني بنتها انصدمت و خذتني بحضانها بس اقسم بالله اني ما حسيت باي شي وين حنان الام وتضحياتها وين الي نسمعه

قلب من جليد اتجامل فيه العالم الي حولها بس انا بنسبه لها مت مالي وجود هذا الي قالته قعدت من صدمتي من لهفتي من حاجتي لها كان ودي اصرخ للعالم امي دخليج لا تخليني امي لا تخليني كانت تضحك و انااصيح تضحك كاني انسانه عاديه قاعد تعرف الناس فيني وانا ما ودي غير تاخذني في حضنها طول عمري عايشه يتيمه و يوم اشوف امي اشوفها تموت في عيني

لقيتها متزوجه و عندها عيال و تحبهم و تقولهم هذي اختكم شفت في عيونها حبها لهم وخوفها من زوجها الي يبا يعرف انا ليش ييايه وشو ابا

تحجر الكلام في ثميه ما قدرت ارمس يوم راحوا بديت اقولها امي انا كذا كذا انا محتاجتنج اباج ارجوج لا تخليني عقب ما لقيتج ما عاتبتها ما سالتها ليش بس كنت اباها بس كنت اباه تعوضني حتى لو ساعه بس ساعه ..............

تعذرتلي انها ما تقدر تتدخل لان ابويه بيسوي مشاكل و عماتي و هيه ما فيها على المشكال تتخيلوا انا شو صارلي ساعته يارب كم بعدني بموت انا شو ذنبي اني ييت ليش ولدتيني ليش يبتوني ليش وطلعت و انا اجر اذيال الفشل و الالم في قلبي و الياس ليتني ما شفتها ما دورتها ذبحتي مثل ما ذبحتي يوم تخلت اول مره هذي تنفع تكون امي تنفع ؟؟؟؟؟؟؟؟؟

كيف هي ام لعيالها وانا لا ؟؟؟؟؟؟؟؟؟؟
لا تلومني وايد ولين الحين انا اموت منها
وانشالله اني بكمل لكم ادري طولت بس الي في قلبي مب اشوي وكل ما اكتب اتعب من ذكرياتي اي تعور القلب و ياريت ما لاتنسوني بداعكن​
 
والله حرام اللي قاعد يصيرلج

والله حراااااام

بس تعرفين يا( بسمة أمل) لكل شي حكمة ونحن ما نعرف إلا بعد مدة من الزمن

الله يكون في عونج ... بصراحة كلما أتعمق في اللي صارلج أحس إن الله يحبج

كملي وكلنا في انتظارج
 
والله عورني قلبي عليك
حالتك تقطع القلب بس الله يكون في عونك
ويسر امرك ويستر عليك وعلى اجر ان شاء الله
 
الحالة
مغلق و غير مفتوح للمزيد من الردود.
عودة
أعلى أسفل