فكرت و قررت

الحالة
مغلق و غير مفتوح للمزيد من الردود.
مالي امل

مالي امل

New member
إنضم
2008/04/18
المشاركات
27
بسم الله الرحمن الرحيم​


السلام عليكن و رحمت الله و بركاته :blushing:

خواتي فالبداية انا جديده في هذا الموقع دلتني عليه صديقه عزيزه عليه شافت معناتي الي ما تعرف عنها الكثير :sadwalk:غير الي اقولها عنها و اشكرها من كل قلبي انها دلتني على هذا الموقع الي فكرت و قررت اني انفس فيه ففي اشاء صدقوني صعب اني اشاكي فيها حتى نفسي
تصفحت الموقع و عجبني و عورني قلبي على الكثير من الخوات الله يفرج عليهن و على كل انسان و اطلعت على الدورات الي تقدمها الاستاذه القديرة الي ما اعرفها بس الله اشاهد اني محتاجه انها تحل مشكلتي الي صارت تخنقني انامالي احد اشاكيه غير رب العباد و الانسان ضعيف و انا ضعيفه هدتني الهموم و المشاكل الي ما تنتنهي و صار ما لي امل صدق صرت انسانه متشائمه تفكيري سلبي تتقدرون تقولون اني حاقده ناقمه على كل انسان فدنيا و الرجال بالاخص ودي اشكي و ادي اقول الي في خاطري و اتمنى من الله القى الايادي الي تساعدني تنتشلني من الظلام الحياة الي انا فيها اتمنى انكم تسمعوني لان صدق صدق قلبي يعورني و لا اعرف شو اسوي وقفت الحياة و صارت مالها معنى .:tears::tears:​
 
هلا فيك اختي (مالي أمل)

قبل قبل شي اسمك ترى بيزيد معاناتك لانك بتثبتين في عقلك الباطن انه فعلاً مالك أمل

الشي الثاني انا مو استشارية ويمكن ماعندي خبره احل لك مشكلتك اللي باقي ما قلتيها بس ابي اذكرك بشي مهم :

لا تنسين يا اختي الآية (لــقــد خــلــقــنــا الإنــســان فــي كــبــد) هذي حال البشر

واللي يفرق انسان عن الثاني هو امله بالله وايمانه الصادق ان كل شي مكتوب ومقدر وكل شي بأجره

وما يضيع شي عند ربك ..

ربي يصبرك ويفرج همك ويبدلك كل لحظة ألم بعمر سعاده وما يحرمك الأجر يارب​

أختك​
 
ببدأ معالكم من البداية

انا وحده تزوجت مرتين الاولى كان زواج عائلي بحت كنت مثلي مثل اي وحده ,خفت فالبداية بس عقب بديت افكر. الله بزوج ,و بديت اتقبل الفكره كان عمري 18 سنه و الي خذيته ولد عمتيه اخت الوالد
هروبي من جو البيت الخانق و ظلم حرمة ابويه هو الي خلاني اوافق و احلم اني خلاص بفتك لاكن للأسف انصعقت ولد عمتيه ياني عقب الملجه و يقولي انه ما يباني و انه يحب وحده عمتيه مب موافقه عليها حسيت اني طحت من فوق يبل........... انا شفيني؟؟؟ ليش جذيه ؟؟؟؟و لا بعد هذا كله كان يباني اقول لابويه اني ما اباه و اصر على كلامي بدت المشاكل و انا اقسم بالله اني كنت احس ان الدنيا وقفت ترا ما كنت احبه و بالعكس كنت اخاف منه ما فكرت في يوم انته بيكون ريلي كنت اشوفه قاسي
كنت اشوفه و ايد اكبير و قلت لبويه, و بدت المشاكل ازيد و الكل يشك فيني و خبرتهم انه هو الي ما يباني وهو جذب السالفه و قال انه ما قال و ابوي يضرب فيني و عماتي ما اقتنعوا الا يوم و دوني عند دكتوره نسائيه تكشف عليه... علشان تعرفون ...و تخيلوا..... انا شو كان شعوري الي لين هذك الوقت كنت اظن البنت تحمل من البوس المهم تم العرس غصبن عني و بكيفهم و لا حسيت بالفستان الابيض حسيته كفن حسيت الدنيا الدور فيه و لا حد كان حاس فيني ساقوني جني ذبيحه و يوم الدخله كانت اسوا يوم في حياتي لاعت جبدي منه كان حيوان بس يالس يفترس فيني بعد اسبوع بس خلاص مليت ما قدرت تمردت وبدت الامور تسود و المشاكل ازيد و الضرب و الاهانات و على كيفكم ولا حد كان يساعدني يسمعوني ولا يساعدوني لين يشبع من ضربي و عقب تدخل عمتيه و تقول ما عليه باجر يعقل كل ارييايل جذيه و كتشفت اني حامل
تخيلوا شو صار اغمى عليه من المصيبه ما تخيلت,,,,, ليش؟؟؟؟؟ ما اريد ... افكار وايد دارت اذبحتني من داخل سويت المستحيل علشان انزله بس ما في فايده مكتوب تعرفون شو سويت ؟؟؟؟
شردت من البيت هيه شردت منهم من هلي من ريلي بس جذيه نشيت الصبح و شردت بثيابي وبس ولا فلوس ولا اي تتوقعونه و بتعرفون الباقي عقب للان المعانها توها بدت...........​
 
اشكركم والله خواتي سموعوني انا محتاجه اتكلم محتاجه دعاكم انه الله يسكن روحي يهدي نفسي ترا الوحده و سط الناس تذبح
 
كملي و نحن معاج


الله يفك كرب كل انسان مكروب
 
يابعد قلبي....نحن اخواتك فضفضي وتكلمي ...ولن يلومك احد
بل سنسمعك ونطبطب عليك الغاليه...
وتأكدي غاليتي...اننا لكل وحده منا ألم خاص بها
وكل واحده لديها معاناة نشلتها من عالم السعاده وألقت بها بعالم البؤس والألم...

اكملي غاليتي....نحن معك
 
:no: كملي الله يعينك الدنيا كذا 000اللي تبقيه يكمله الرجال من الواضح ان زواجك منه كان غلطه وللاسف الاهل ماساعدوك00
 
كان الله بعونك وفرج عنك كل كرب وهم

كملي حكايتك وكلنا اذان صاغي وقلوب داعيه
 
رديت ...............

المهم عقب ما طلعت من البيت ركبت تاكسي وقلت له روح وتم كله بسالني وين وين وين ؟؟؟؟؟وانا مااعرف وين, وقفت عدال حديقه اصغيره مافيهاحد وقعدت حسيت بالحرية بالحياة ما حست بالخوف الي كنت احسه .............وتميت هناك بدون ما احس بالوقت وانا يالسه هناك تعرفت على انسانه كانت سبب في تعاستي شافتني يالسه يتني وكانت تضحك وانا الدموع مغرقه ويهي......... سالتني شو بلايه و بدون اي مقدمات خبرتها بالي انا فيه وعرضت مساعدتيه وانا ماترددت كاني كنت اتريا اي شخص اتعلق فيه وشلتني ونزلتني عند وحده اربيعتها وقالتلي بروح وبرجع بعد ساعه ...........و وصتني ما اقول لحد اسمي او اي شي عني المهم استقبلوني و رحبوا فيني كانهم يعرفوني من زمان و صارت الساعه ثلاث ايام و انا اسال عنها و يقولون لي ما ندري اكيد مشغوله اكيد بتتصل ....
وطول الفتره الي انا فيها عند هذي البنت كانت تسالني شو بلايه و منوا انا و وين اهليه...... و اول شي ما قلت , عقب كنت بديت اخبرها لاني بديت اخاف و الا اعرف شي عن العالم الخارجي اصلا هذي كانت اول مره في حياة ابات برع البيت عند ناس ما اعرفهم .....و الله لا يراويكم شو شفت عندهم شفت الي عمري ما تمنيت اشوفه و لا حتى سمعت عنه شفت الفسق و المجون و كنت كل ليله ابات وانا خايفه علشان جذيه خبرتها اني حامل علشان ما يسون فيني شي ....وبعدين شجعتني اني اتصل لريلي علشان اطلب الطلاق وفعلا اتصلت و كنت خايفه شو بيسوي فيني و انهم اكيد يدوروني لكن للاسف رد عليه و قالي انتي وين ابا اعطيج اغراضج ما اريد اشوف اي شي في الغرفه يخصج بس ما شي طلاق و سوي الي تبينه............ انصدمت ما اعرفت شو اسوي او شو اقول انعقد اللساني قالتي قوليه طرشهم اي مكان و انا بمر اخذهم
وفعلا خذيت اغراضي وحست كان خلاص انا مالي اهل و اني بروحي فدنيا و هذي البنت يوم شافت اغراضي الي هيه ذهبي و ملابسي و جواز سفريه بدت تخطط عليه هيه و خوها المدمن وانا اقول انه الله سبحانه اكيد كان يحبني سخرلي واحد من الي كانوا يقعدون معاهم و سمعهم شو كانوا بيسون فيني و ياني وخبرني و ما صدقته و قالي شو بتخسرين اذا صدقتي و انا شو مصلحتيه و خلاني اسمعهم و خفت و تميت اصيح من الخوف و طمني انه بيساعدني و و افق ........................
المهم تعرفون شو كانوا بيسون فيني كانوا بيضربوني بابره و بياخذون الاغراض و بيفروني في البر
تخيلوا انا وين كنت و شو احساس من الخوف و الرعب ,,,,,,,,,,​


و سمعت كلامه و امنته على روحي............. يوم رجدوا ياني الفجر و شردني من البيت تخيلوا انه وداني بيته... بيت هله خلاني في الميالس لين الظهر وسار عني عقب ياني و قعد يسالني انا شو قصتيه و و ين هلي و انه لازم ارد عندهم خبرته بالي صار و انهم ما يبوني و لا عندي مكان اسيرله ولا اعرف شو اسوي عرض عليه مساعدته وفعلان دورلي على بيت للاجار و هذا كله خلال اسبوع انا عند هله و هم ما يدرون انه في وحده فالبيت على بالهم اني اربيعه كان يلبسني كندورة رياييل و سفره و عقال و الحمدلله حصلنا بيت و كان روف غرفه و مطبخ و حمام بس ......... و سكنت و بديت انس انا منوه و انا شو اسوي و اطلع معاه و ويوديني اماكن عمري ماسرتها سينما مولات وكنت مستانسه وناسيه اني حامل وبدا الحمل يبين ورديت افكر في نفسي و شو بسوي تميت ما اظهر لاني بديت اتعب ولا ا عرف اي شي عن الحمل و اعراضه و شو يصير فيه و نصحني اروح المستشفى و صدقوني انه ما كان مصدق قصتيه كان يتحسب اني شارده و اني مب مزوجه ........ ماألومه اي واحد ممكن كان يفكر جذيه المهم رحت المستشفى علشان اعرف و كنت في الشهر الخامس تغيرت عليه تميت كله افكر في البيبي و انا شو بسوي و هو بعد بدا الشر ييبين عليه بدا يطالب بالمقابل للمساعده ما في شي لله ما في شي ابدا وبدا يخوفني و يهددني يا اعطيه الي يباه او ياويلي ​

ما عرفت شو اسوي وعدته باجر .... و قعدت افكر و اصلي و الحمدلله الهدايه كانت اني اشرد و اظهر من البيت الي انا فيه و فعلا شردت ركبت هذي المره تاكسي الغزال و كان عندي فلوس هذي المره و اغراضي و تميت اللف و اللف و يا راعي اتكسي الي كان احدى الجنسيات العربيه و كنت اصيح ......و اصيح لاني كنت تايهه .... وبدت صفحه ثانيه من المعانها بكمله عقب ما تشوفون شو صارلي........ و سوالي وين اهليه وينهم وين امي و ابويه و اخوتني و العالم كلهم ووووووووووووووووين ............؟؟؟؟؟؟​
 
ياالله ....معقول الي صار لك ...وين اهلك وين جماعتك:santa_1:...ماحد سال عنك

معقول لهذي الدرجة التفكك في العايلة ...

والله لو هي قطوة ضايعة ماخلوا مكان مادوروا فيه ...كيف بنتهم تبات عندالغرب مادروا عنها

الله يلطف بحالك.......تابعي حبيبتي...قلوبنا معاك
 
صدقووووووووووووني انه نفس السووووال في راسي وألم في قلبي دعوووووووووووولي والله وانا اشوف اهتمامك عيوني تدمع
 
الله يعينك ويفرج عنك وعن جميع المسلمات

القهر ان المسلمه تظلم وتهان في بلدها ومن اهلها ,,,,, ويقولون المرأه عندنا محفوظه كرامتها:no:

عجبا ، كافي ندس روسنا في التراب ، قصتك اختي موجوده ومكرره لدرجة انهم بدو يتكلمون ولو بصوره خجوله عن هالموضوع في الاعلام.
 
قصتج غريبة

لكن انا صرت اصدق كل شي

الي ايعيش يا ما ايشوف

كملي ننتظر قصتج يالغالية
 
الحالة
مغلق و غير مفتوح للمزيد من الردود.
عودة
أعلى أسفل