فضفضه

تنهدات انثى ....ربي يوفقك من وين ماوجهتي ويسعدك دنيا وآخره كلماتك خففت علي من الضغط اللي فيني ودعواتك فعلا انا بحاجتها...لاني تعبت والله تعبت انا ما احاسبه على طلعاته خلاص خليته على راحته بس هو زودها ماعاد يعمل اعتبار لزعلي وانا تعبت احسني عجوز والله الهم بدأ يوضح في وجهي كل اقاربي يسألوني ايش فيك ..حتى بنات اختي صغار يسألو اممهم ليه خاله تومه كذا حزينه..على الرغم من اني افرفش لما اطلع واجتمع معهم بس وجهي وبشرتي تحكي شئ ثاني...انا ما اطلبه يدلعني انا متعوده ادلع نفسي
ولا اطلبه يهديني انا اهدي نفسي....ولا اطلبه فوق طاقته ...بس لايحاسبني على علبة مناكير ب40ريال..ولا على طقم اندر وير ب90 ريال...ليه يحسسني ان الكشخه والذوق مالها داعي
ليه يحسسني انه رجل ناقص رغم اني تقبلت نقصه في الفراش.. والله ماطلبته يتغزل فيني ليه لما اشتري شئ يهاجم قبل مايشوفه على اصلا وكل يوم والثاني يستهزئ بأغراضي واذا زعلت قال امزح..والمشكله يقول اموووت فيك كيف ياشيخ تحبني وانت رافض تقتنع بأفكاري ومبادئ
رافض تقتنع بأحتياجاتي كأنثى ...رافض تحسسني بأنوثتي..ياناس ياعالم يقولي دلعي نفسك بشغل البيت؟؟؟؟؟؟؟؟؟ظظ
انا اللي اعرفه الرجل يحب المرأه اللي تهتم بأنوثتها بشكل مو مبالغ فيه ...طيب انا كذا انا كذا ليه منت مثل الرجال.....والله صرت احس ان كلام الاستاذه ناعمه غلط في غلط ...والله اتبعت نصايح اختنا الغاليه المهاجره الله يكرمها...مانفع معه كل اللي يشوفه اني مسرفه ومدلعه ...صرت اغيضه اكثر بالمشتريات من القهر..والرجل مبرمج على شئ معين نوم شله شله نوم وبس..
 
قمر الله يكثر من امثالك ويفقك دنيا وآخره...تعرفين انا خلاص من سنه بالضبط تغيرت ماعدت احكي ولا افرفش ولا اسولف معه...يدخل ويطلع وانا بس كاشخه ومهتمه بنفسي بس مرات لما يكون الجو رايق ارجع امزح معه واسولف عادي بس عند اي مشكله ارجع على الصامت يمكن يوم يومين...وهو تعود على صمتي...حتى لما اكون زعلانه وما اكلمه عادي عنده يقعد يسولف واذا مارديت قال شفتي اذا كلمتك ماتردين <<يقلب السالفه على راسي>

احس خلاص مرات اتحطم وآكل في نفسي وبعد مايمر يوم يومين ترتاح نفسيتي وامرر اللي صار ...والله ملل كل يومين او 3 نفس الحاله مافيه جديد...
والله مو مصبرني الا اطفالي لما اشوف لهفتهم على ابوهم حتى النونو الجديد يموووت لما يسمع صوت ابوه...اقول ليه احرمهم من طلته عليهم
والله حتى هم يشتاقون له مايجلس معهم الا ساعه ساعتين الظهر وبعد المغرب ساعه وبعدها مايشوفونه الا اليوم الثاني ناااااايم جاب المرض لابني الكبير من كثر مايشتاق لجلسته معه...والله انه ماعنده مشااااااعر ماعنده قلب ياناس ابنه يقعد يبكي عند كل طلعه وهو يبوسه ويطلع عادي ولاكأن الطفل يبكي...مرات اجلس ابكي واقوله ياشيخ اجلس ماتحس....؟
يعني ان جينا للخرجات ماانحلت مشكلتي
وان جينا للفراش ماانحلت
وان جينا لأحترامه لي ولطلباتي نفس الشئ ما انحلت ...مافيه شئ انحل من مشاكلنا من بداية زواجي وانا امني نفسي واقول فتره وتمر حتى اني كنت اركب نفسي الغلط بيني وبين نفسي واصلح غلطاتي ..بس ما اشوف تغيير
زوجي بالعربي مايفهم ومايحس اهملت والا تكشخت مايحس عصبت والا زعلت مايحس مثل الطفل اللي عمره سنه مايفرق عنده اليوم مثل بكره...
انا موناقصني شئ ولله الحمد صحيح ماني ملكة جمال لكن ربي انعم علي بجمال هادي وطفولي...وجسمي مش مغري لكن حلو...ورزقني ربي بنعمة الذوق اعرف ايش يناسبني من مكياج وقصات ولبس ..واعرف البس ملابس تناسب جسمي وتبرز انوثتي......واكثر مايلفت النظر فيني دلعي الطفولي اللي مثل مايقولون انه يجذب الجنوب غربي<<لكن ما اشوف كذا>>
بالعكس دلعي هو اللي مخلي زوجي يعتبرني طفله على قولته...يقولي انتي عقلك صغير ...بالله ياشيخ اللي قاعده تدور على حلول لحياتها ومهتمه بتطوير ذاتها...وصابره عليك طول هالسنين تقولها طفله...
يالله كيف انا محتاجه لك يارب يارب انا صابره من اجل اطفالي فجازيني على صبري من نعمك...يارب ضاع عمري ماحسيت اني انثى مع هذا الرجل ...
 
عندي لك شيء يخفف اللي بداخلك
مره من سنوات عمري << اللي يسمعني يقول عجوز ههههه
جاني طفش غير طبيعي احس أني بتفجر من الطفش
طلعت نزلت دخلت ما خليت شي حتى السوق ما لي نفس ادخله
كان عندي كتاب ما كان لي نفس اقرئها من زمان عاد يوم حسيت أني
طفشانه اخذته وقريته تخيلي من ساعتها احس ان الطفش راح
اسم الكتاب ( لا تحزن ) حلو والله لا تترددي في قرأت الكتاب
الله يفرج همك ويحولها لسعاده دائمه يا رب..
 
الله يوفقك ياقمر اجل تقولين مره من سنوات عمرك<<<الاخت معمره
هههههههههههههههههههههههههههههههههههههه
تعرفين الكتاب كان عندي اخذته من مكتبة اخوي...بس قرأت بعض صفحاته ولما طولت مارجعته له >>لان اخوي لما شراه ماكمل قرآءته <<
وطلبني ارجعه له ورجعته على اساس اجيبه مره ثانيه بس للاسف مرت سنتين نسيته
وان شاء الله اقرأه...بس انا سويت خطه ماتخرش الميه <ههههههههه>
بقولكم على تفاصيلها لما اشوف نتائجها..بدأت الفجر امس لما صليت وراح اوافيكم بالنتائج
 
ملكة ببلقيس..مراحب ياقلبي....بس ايش رايك ماقلت لك ان الموضوع صغير لكن بنفس الوقت كبير...وكل مره اتراجع عن الطلاق ارجع بعد يومين افكر فيه لان المشاكل هي نفسها من خمس سنين ماانحلت مهما سويت
 
حبيبتي مثل ما قلتي
مادام الموضوع صغير
اجل تدرين شو السبب اللي مخلي مشاكلك كبيرة
اتوقع انو شيء بنفسك
والا اذا فكرتي بها
ما لقيتيها شيء
اجل مثل ما يقولوا
كبريها وتكبر وصغريها وتهون
وما دام انها صغيرة
ليه اجل دايم تطلبي الطلاق !
حبيبتي تدرين له ؟
لانه مثل ما قلت لك قبل
" انتي فكرة الطلاق ببالك " :thumbdown:
حبيبتي شيليها من راسك
واياك تطالبين زوجك به
خوفي من اليوم اللي يجي ويرميك عليه
بعدها تندمين وتعرفين قدره مهما كان بنظرك الان ولا شيء
لانك حبيبتي شمالية وتعرفين ياما تهدد بالطلاق
لكن ما يجي وقت الجد الا انتي تكونين اكثر وحدة تتمسكين بزوجك وبنتك
انا ما ادري ليه انتي مصرة على هالفكرة ومستهينه فيها كثير
مع انك تعرفين انك اكيد بتكونين متضررة فيه
ومثل ما قالت أ / ناعمة ان المرأة مهما كانت تحتاج لزوجها
اذا حاربي كل شيء حتى تبقى مملكتك ثابتة شامخة
ولا تغيرك الظروف ولا الاحداث
وعالجي العواصف اللي تجتاحك
... بالتوفيق :icon26: واعذريني بردي هذا كتبته مرة ثانية لان الاول انمسح
 
ياقلبي ياملكه...انا ماني مختلفه معك انا فعلا شلت الفكره من راسي وقلت لك اني قاعده ابعدها واقنعني كلامك وكلام جميع الاخوات اللي واسوني...بس بالله عليك يعني اذا شلت الفكره من راسي راح تنحل مشاكلي.؟؟؟؟
شوفيني الى الآن اللي اصبح فيه امسي فيه..يومين عسل واسبوع بصل مشكلتي ماعندنا جديد ماعندنا مشاكل جديده...مشاكلنا هي هي مافيها تطور ...هو رافض يعترف بمشاكلنا عشان يصلحها قلت اوووووكيه الرجل مايعترف اوووووووووكيه الرجل دايما يشوف نفسه صح اووووووووكيه فهمنا تفكيره...طيب ليييييييييييييييييه لما احاول بأسلوب ثاني مايحس واذا تعدل يرجع من غير مايحس...
بقولك موقف صار يوم الثلاثاءقبل اسبوع لما كنت بروح لمحاضره واعترض على الكشخه والمناكير..وقلته لكم وتهاوشنا..ورجع كررها لما رحت المول يوم الثلاثاءعن سالفة المناكير اللي اشتريتها وقلت لكم عن السالفه بعد...لما فهمته اني احب كذا ووووووو الخ...
وضحت له وانتهينا...البارح دخل علي وشافني اجرب مناكير الوان علي ايدي...قالي اعوذ بالله ريحتها تفقع الراس ..ليه تحطينها في البيت اذا جيتي تطلعين حطيها؟؟؟؟؟؟؟؟؟؟؟؟؟؟
يانااااااااااااااس قبل يومين مختلفين على نفس النقطه واستخدمت اسلوب التجريح ...وقبل اسبوع مختلفين على نفس النقطه...واستخدمت اسلوب الدع في الرد...ليييييييييه يرجع يكررها ...وترى بيرجع يكررها بعد كذا يوم حتى لو اسكت او حتى ابرررر,,,,,
يالله وش رايكم ...نفس النقاط...مكياج...كشخه...طلبات...خروج
يعني اذا شلت فكرة الطلاق من راسي يراح تتعدل اموري والله شلتها بس ماتعدلت ماتعدلت...
انا بنفجر منه ...اليوم بعد صار موقف مش جديد طلبته حاجه واعدني بها من اربع اشهر...ولما نزلني بدأت التنغيصات...عصبت عليه وقلت له كلام كثير نفس اللي اقوله...ورجعت من غير الطلب بحجة ماعنده فلوس....وطلع ولما قلت انت ماخليتني الف وادور عشان القى شئ يعجبني عشان وقتك الخاص ....وبدأ يبرر
يانااااااااااااااااس انا من يوم الثلاثاء اللي فاااات ما اناااااااااقشه ابدا بخروجه واذا جاء ابتسم له يرجع مروق ويقول بكره ما اطلع ...ويرجع يطلع تعبت ليه الاستهتار
 
والله ريلج نفس ريلي في اشيا كثييييره ههههههههههههههههههه
انا شماليه شرقيه واموت في الكشخه ولبس الماركات وهو دايما ينتقدني
وسالفه المناكير مايحب يشوفها ع ايدي وانا طالعه البيت
احس انه مهملني بس ترى دوشه الريايل جي بخله في مشاعرهم وهاي مو معناته انه مايحبج والدليل انه ماطلقج وبعدين صح زوجي بعد مشاكلنا تكون متشااابهه ومايعترف بغلطته ودايما يطلعني الغلطانه بس يالغاليه خلاص لازم نرضى عشان عيالنا وماتدرين بعيد الشر اذا تطلقتي ريلج الثاني اشلون يكون ع الاقل انتيواثقه من حبه لج
وبعدين يالدبه شيلي فكره الطلاق من مخج وركزي ع نفسج وعيالج وصدقيني يبيله صبر ودعااااء واستغفااااار
وبعدين هو عنده مشكله صحيه تقدرين بدلع واسلوب تخلينه يوافق ياخذ الادويه باستمرار
والله يوفقج يالغاليه واذا ريلج جنوبي حاولي تكونين جنوبيه غامضه بارده والخ اكسبيه صفاته
قلبي معاج
 
مو لوحدك

اصبرى وحتسبى​
انا مثلك من يوم ما ولدت لم يقرب منى ولا بوسه وحده ولأن
عمر البنوته 8 اشهر وإذا كلمتوا قال انتى ما تبقي تحملى :blushing:​
 
عليك بالاستغفار
والان عليك ان تكتشفي مفتاح زوجك
لتعلمي ماذا يرد منك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل