فضفضه

[دوشه بلقيس]

السلام عليكم بنوتات...بس حبيت افضفض واحس ان فيه احد يسمعني حتى لو ماتجاوب معي:sadwalk:

ماني عارفه ليه ااخااف من بكره كثير ماني حاسه بالامان...مع زوجي ومعي نفسي بعد...كل ماقلت راح تتعدل حياتي ترجع المشاكل تظهر بقوه..ماني عارفه من وين ابدا ولا من وين لازم ابدا...فكرة الطلاق تسيطر علي عند كل مشكله...والله غيرت كثير في حياتي..صرت احب البس واكشخ اكثر
وخففت من عصبيتي كثير
وراعيت اهمال زوجي كثير
بس مانفع شئ..مرات اقول كيفه بطنشه لانه مايهمه شئ ...بس اخاف يلجأ للحرام واندم بعدين...ومرات اقول ماتفرق معه لانه مايجلس بالبيت اكثر من ساعتين متقطعه...اعرف ان كلامي مبهم وموواضح بس انا حبيت اطلع اللي في نفسي من غير ما اشكي واحكي في تفاصيل...بروح افضفض لرب العالمين وارجع اكمل اذا ما اشغلني البيبي
سلام

 

[حب عذري]

حبيبتى انت قلتيها بشكى لربي .
..اشكيه بصدق وابكى وايقنى انه الوحيد جل في علاه يستطيع مساعدتك ...
ونحن ايضا قلوبنا معك

 

[الأمنية]

كلاً منا يشكي لربه
ولا مانع من إنك تعرضي مشكلتك على أخواتك وتأخذين رأيهم
هنا مساحة اليوميات للفضفضة فلا تترددي ننتظرك بشوق مع تفاصيل أكثر​

 

[ms-reem]

اخرجي ما بقلبك هنا فكلنا نسمعك ونساعدك بذان الله

 

[عاشقه الغروب 2]

حياك الله ياغاليه..
فضفضي وان شالله نكون معاك,,

 

[دوشه بلقيس]

انا شماليه شرقيه...واعتمد كثير على نفسي ولا احب حتى اشكي لاحد ودائما اذا اشتكيت تكون شكواي مختصره فما فيه احد يفهم علي واطلع انا دائما الغلطانه وان ماعندي صبر ... حتى هنا في المنتدى لما حاولت اشكي البنات مافهمو علي غير وحده لانها تعاني نفس معاناتي فصرت ماعاد اشكي لاحد,,بس خلاص حسيت اني ملييت من اهمال زوجي..انا ما اطلب منه رومنسيات ولا حتى عمري طلبت منه هديه ولا اطلب منه يسولف معي لانه ساكت فصرت مثله ساكته...بس احب ان الشخص يحس فيني من غير اشكي لكن زوجي هداه الله مهملني حتى مايحس فيني وعايش عزوبيته على الآخر..بتقولون كيف كان تصرفك ...كالتالي,,,اول مره كنت اوضح له ان خروجك الكثير يزعحني ما اهتم...بعدين خليته على راحته وانشغلت عنه فصار يبعد اكثر مانفع معه..فصرت اتهم نفسي بالتقصير واتبعت اشياء كثيره تعلمتها من منتدانا واخواتي الغاليات...ومانفع ولما تعبت في حملي كثرت خرجاته وزعله ونرفزته وكان يوعدني بأشياء كثيره بخصوص انه حاسس بتعبي ..لكن للاسف كان يجي من برى ويوصلني المشفى بعدين يرجعني وانا تعبانه ويقول باي انا طالع واذا زعلت قال ايش اسوي لك طنشت وصبرت...مانفع وبعدها ناقشته بأني معطيته راحته وماراح اضايقه بالخرجات...بس اذا احتجتك لاتستثقلني...واذا شفتني معصبه او تعبانه لا تنرفزني اكثر...قال اوكيه...اليوم الثاني ترجع ريمه لحالتها القديمه...ولا كأنني طلبت منه يخلصني من همه...حتى اني كل يوم افكر بالطلاق وادعي ربي مايرزقني ببنت عشان ماتكون ضحية الطلاق...واذا ناقشتة اني ابي الطلاق مايهمه واذا لميت اغراضي راضاني واذا رضيت رجع مواله القديم...تعرفون ايش معنى مهملني ...اسهر لوحدي ولما يجي يجلس شوي على التي في بعدها ينام لوحده من غير حتى ماينتظرني ...يقوم قبلي ويطلع بأي حجه واحيانا يروح لاعمامه الكبار وخواله يتقهوى عندهم...بعدين يرجع ينام للعصر يقوم احيانا يتغدى واحيانا يقول مالي شهيه ويطلع لاصدقائه..ويرجع المغرب يتغدى بعدين يطلع بأي مشوار يخص مقاضي البيت او السياره بعدها يروح يسهر بالديوانيه وهذا جدوله اليومي حتى لو عنده عمل ..وكل جلساته معي والمصيبه كل قرش يصرفه علي ماينساه ولا ينسى يذكرني فيه اذا طلبته طلب..ويقول يحبني ويبكي اذا قلت طلقني يموت مدري كيف حبه الغبي هذا..والله ما احس بالاستقرار ولا الامان معاه فكرة الطلاق متمكنه مني ...يتبع

 

[دوشه بلقيس]

طبعا بقولكم على سر ماقلته لاحد قبلكم حتى لاختي اللي كل اسراري عندها...زوجي عنده ضعف في الرغبه وسرعة قذف...وكنت عاذرته لانه شايف انه مايمتعني فمهملني جنسيا...ولا عمري ضغطت عليه حتى انه راح لطبيب واعطاه تعليمات وادويه بسيطه عشان تخفف شوي من مشكلته لكن هو اهملها كلللللللللللللللللللها لانه حب يشغل نفسه بطلوعه من البيت وانا فاااااهمه ان هذا هو سبب تهربه من الجلوس معي...وعاااااذرته لاني انسانه متفهمه وواعيه ولا قد عايرته بكذا حتى اني ما احسسه اني ابغى منه شئ...لكن صار الاهمال لدرجة انه من بداية حملي الى بعد ماطلعت الاربعين ماصار فيه جماااع ابدا مجرد مايبدا ينتهي من غر ولوج ويقولي بعوضك باكر...ويتركني شهر كاااامل مايقرب مني ...بعدها يرجع وهكذا...ولما طلعت الاربعين ما حسسني بشوقه لي جيت البيت وكشخت كشخه ماتحسسه بالمسؤوليه ابد<مثل ماقلت لكم اني متفهمه وضعه بس هو مايبي يتعالج<
المهم والله ماصار بيننا غير مره ونزل برى بالاضافه انه ماينام معي بحجة ان الولد يزعجه وفي اليوم اللي ماعنده وظيفه بعد يسهر لحد ما انام بعدها يروح للغرفه الثانيه ولما اقوله ليه ماتنام معنا يقول ماحبيت اصحيك من النوم...والله يابنا اتبعت كل اللي يكتب هنا عشان ما احس اني مقصره معه ..بس مانفع ابدا ...وصارت البارح مشكله بيننا وغلطت وعايرته بس ماقدرت اكتم خمس سنين سااااكته ماقدرت...حتى اني اصيريا على الطلاق...وهددني بأطفالي ولما قلت خذهم...رجع وقال حتى لو اخذتهم ماراح اطلقك..المشكله ركز على الجنس ونسى المشكله الثانيه في خروجه ومشكلة وعده لي بحاجه من سنه مانفذها ...ولما جاء في الليل قالي يالله تعالي امتعك بأسلوب وقح بكاني ...وقالي ان منتدانا هو اللي خربني حسيت بأهانه بس قلت له خلاص راحت عليك عطيتك فرص كثيره ومانفع معك الحين انتظر ورقتي..<<بس اللي قاهرني انه يحسسني اني غلطانه لما طلبت حقي<<
وهو يحس اني مو مصممه على الطلاق عشان كذا بااارد رجع طلع العصر ولا كأن شئ صار..انا مخنوقه ماني عارفه ايش اسوي طلبت من يوديني لبيت ابوي رفض واخواني رفضو ياخذوني لانهم خايفين من المشاكل يقولو تعالي والله مانطلعك الا راضيه بس حنا نجيبك لأ الوالد يزعل..<<ولعلمكم الولد متزوج وناسينا بس اذا صارت مشكله بيننا وازواجنا يحاول يصلحها بقولت مالك غير بيت زوجك..ويطلعنا غلطانين عشان مانجي نشكي له..وخايفه من كذا بس والله ابي الطلاق
اعذروني طولت عليكم بس مالي غيركم اشكي له لاني مابي اشيل امي واخواتي همي وفي حاجات استحي اقولها لهم

 

[عاشقه الغروب 2]

الله يصبر قلبك ياغاليه ويعينك قريت مشكلتك ولي عوده ان شالله....
اكثري من الاستغفار والدعاء والدعاء وقيام اليل ادعي ولي عوده ان شاء الله

 

[وحيده كالقمر]

الله يعينج حبيبتي,

 

[محرومه من زوجي]

الله يفرج همك....اعتقد ان زوجك متالم من مشكلته ومخليته يتهرب عن البيت

 

[دوشه بلقيس]

بنوتات ياغاليات ...حبيت اشكر كل وحده فيكم على تشجيعها لي بالفضفضه واشكركم على تعاطفكم ..بجد احسني ارتحت من نص همي والباقي ربي يكتب اللي فيه الخير...
واختي محرومه من زوجي...ايش صار على قضية زوجك بشرينا

 

[حب عذري]

اسئل الله العظيم رب العرش العظيم ان يفرح همك عاجل غير اجل
..ماادري ايش اقولك لانك طرحتى المشكله وماشاء الله عليك حاولتى تحلينها بس نفس الشي
اختى اتجهى الى الله عزوجل ..الدعاء اكثري منه لعل مخرجك بالدعاء والاستغفار

 

[ms-reem]

يا قلبي الطلاق مو حل تحتاجين معه جلسة مصارحة وهدي نفسك لا تعصبين كثير عليه
وصدقيني هو ما قالك باسلوب وقح الا لانه مجروح منك
لو بتراجعين نفسك بتلاقين انك غلطتي عليه باسلوبك او جرحتيه
لا تطلبين الكمال كل الرجال مثله واردى ولا تنتزرين الافضل فالطلاق بغيض
والشيطان شاطر يفرق بينكم
ربي يفرج همك

 

[فراشة حزن]

أختي الحبيبه حااااااااااااااااااااااسه بيك
مريت بمشكلتك
مالك إلا الدعااااااااااااااااااااااء
وهو بالفعل يتهرب لأنه ماله وجه يقابلك على بالهم أن الرجوله هي الرغبة والمقدرة بس
لكن صدقيني إنه يحبك جداً
أنا متأكده وواثقه
لا تحاولي تكلميه لأن هالشي بيبعده أكثر وأكثر
اتناسي هالشي واستمري بالدعا
لا تطلبي منه شي وإذا صار حاولي تمتعي نفسك لو من برى من غير ولوج وتقدري تتمتعي عاااااااااادي
وبيني له إنك انبسطتي
شوي شوي
بتخف الحاله
إن شالله
لأنها في الغالب نفسيه
والله يهدي بالكم ويصلح حالكم
ولا تنسي البقرة والإستغفار يوميا
والدعااااااااااااااااااااااء
وقلبي معاك
خت

 

[دوشه بلقيس]

اخواتي الغاليات ارجع واقولكم اني ماكنت مضايقه من مرضه ولا عايرته به...بس هو كان مع الوقت صار يتمادى ويتهرب اكثر وصار مو مثل قبل ينفذ طلباتي ببساطه...وحتى خروجه صار اكثر على الرغم من اني تغيرت كثيررررررر..وتأقلمت مع وضعه بس احس اني كل ماطنشت مرضه زادت حالته...بعدين في خلال شهرين تزاعلنا زعل كبيييييييير لدرجة اني في كل مره اشيل شناطي ولما ألمهم يرجع يراضيني بس يتهرب من مشاكلنا مايناقشها ويقول المشاكل في راسك انا ما اشوف ان عندنا شئ >>طبعا لانه عايش حياته مو فارقه معه وانا اللي اهتم واطلب منه واحتاجه>>
المهم بعد كل مشاجره يراضيني واليوم الثاني ولا كأن صار شئ يراجع لاستهتاره...حسيت اني لازم اخلص نفسي اما نتفاهم او ننفصل مو حلوه كل يوم مشكله :dunno: وهذا اللي خلاني اغلط واذكر له مشكلته المرضيه وانه مو راضي يتعالج منها
والى الآن قبل يومين لما قررت انفصل راح للعمل ويرسلي مسج راح نتفاهم ومايصير خاظرك الا طيب...ولما رجع انتظرته ماتكلم
صار اليوم الثاني وراح العمل ورجع وانا مازلت انتظر يفتح الموضوع لانه وعدني نتفاهم...والى الآن ولا ابي افتح شئ معاه الا لما هو يبدأ ويروووووق
بس شفتوا استهتار مثل كذا ...؟؟؟؟؟

 

[ms-reem]

ذكريييييييييييييييييه وابدي مو لازم تحطين قانون لازم هو يبدا
ترى هو ما يدري وش الي بقلبك تكلمي معه بايلوب هادي ولبق وبتلاقين حل
لا تعطبين ترى العصبيه ما تجيب نتيجة
هدي وافهميه زييييييييييين

 

[ملكة ببلقيس]

حبيبتي دوشة بلقيس
انا والله فاهمتك عدل واحس اني اعرف كلامك حتى قبل ما تكملينه
امممم مدري يمكن لاني نفس شخصيتك
حبيبتي ابغى اقولك اشياء كثيرة لكن ابحاول اختصرها
وخليها حلقة باذنك وانا متأكدةمنها
اول شيء شيلي فكرة الطلااااااااااق من راسك ودايم رددي في ذهنك انك بتستمرين مع زوجك طول عمرك وبتعيشين حياة سعيدة معه
بس يبغى لك بعض التغيير شوي بشخصيتك
على شان تتماشين مع زوجك
ثاني شيء اعرفي شخصية زوجك عدل وادرسيها وشوفي ايجابياتها
وبترتاحيـــــــن كثير وبتعرفين تتعاملين معها
حاول تغيرين بعض السلبيات اللي يشخصيتك شخصية الشمالي
وتحاولين انك تبعدين عن نقاط ضعفها الى ما ترتقين الى الشخصية الماسية
واطلعي على موضوع المشرفة ( روعة انثى ) بقسم الزوج و الزواج
بتستفيدين كثير
ثالث شيء اضمن لك وان بغيت احلف لك
ان زوجك يحبك وما يبغى يزعلك باي شيء لكن انتي شوي ما عرفت تتعاملين معه
واجزم لك بعد ان زوجك يحبك اكثر من ما تحبينه
رابع شيء اشوف مشكلتك بكثرة خروج زوجك من البيت
وهذا الشيء ببد الزوجة بامكانها انها تمنعه
ودوري عن المواضيع اللي تخص هالمجال
واحب اقول لك حاولي انك تخففين زعلك مع زوجك
لانه مع الايام بيمل من الوضع
الله يهديه ويسخره لك
ويعينك ويوفقك

 

[دوشه بلقيس]

والله يابنات اني مو قادره اشكركم على اهتمامكم بموضوعي...وكفايه انكم فهمتوووووووووووووووووووووووووني وهذا اللي كنت محتاجته كثير ...وكل وحده منكم اقرأ ردها اكثر من مره
وبصراحه احسني تراجعت بعد كلامكم مدري ليه يمكن اقتنعت او شفت المشكله من منظوركم...وبفتح معه الموضوع بكره واشوف ايش اللي ربي كاتبه لنا...
وحبيت اطمنكم ...انه مارح للديوانيه البارح...وجلس معي بس كل واحد ماسك زاويه ههههههههههه
وكنا نسولف بس كل واحد مايطالع الثاني مسوين فيها عزة نفس...واليوم طلعني من الظهر الى المغرب لف بالشوارع لين صدع راسي بس كان رايق يعني من غير ما اطلبه مثل كل مره...وان شاء الله بكلمه بعد مايرجع من دوامه الظهر بس المشكله ياحلوات انه حاس بمشكلته الخاصه واذا تعدل اسبوع بيرجع لهروبه لان المشكله الاساسيه موجوده
شكرا لكم

 

[حب عذري]

صراحه في كلامك بوادر خير من زوجك
يمكن بدا يحس بالمشكله او هو بالاساس عارف ان فيه مشكله لكن يتهرب
وجلوسه في البيت معك دليل انه عارفه نفس وغلطه
بس ان شاء الله يرجع زي اول واحس
ومشكلته الثانيه تكلمى معاه بحنيه وهدؤء ممكن يجيب نتيجه
واسئل الله العظيم رب العرش العظيم ان يصلح حالكم

 

[دوشه بلقيس]

مثل ماقلت لكم يابنات حياتي ماهي مستقره..وانا عارفه كل ان السيد ماراح يتغير...وبتظل فكرة الطلاق تلاحقني عند كل مشكله
بعد ماكلمته وتناقشنا<<او بالاصح كنت اتكلم وهو يهز راسه<<كنا حلوين يومين بس هذا مع اهماله طبعا يعني لازم سهر يومي بالديوانيه..وكانت معي الدوره وانتم بكرامه...اخذت ثلاث ايام ولما اغتسلت الفجر كان صاحي وسألني ليش جاوبته ...وجلسنا ساعه وكنت مضبطه عمري بس من غير مكياج...وشفته يقلب بالقنوات ومطنشني حتى بوسه قمت نمت ونفس الشئ الليله اللي بعدها...<<ملاحظه اتفقت معه قبل 3 ايام اروح محاضره يوم الثلاثاء وافق<<ولما صار يوم الثلاثاء وشافني اجهز اغراض الاولاد واجهز نفسي للروحه وامسح جزمتى الكعب قالي كعب مافييييييييييه وعطر مافييييه ومكياج ماااااافيه..<<هو دائما اذا حب ينكد علي مشوار حط هذي الشروط..ولما رديت عليه ببرود اني اذا سويت شي حرام تعال امنعني وشافني مصممه ...فكر شوي بعدين قال ترى ما احبك تحتكين بناس ما ادري عنه كفايه جماعتنا وصار يتهم جماعة المسجد بانهم راح يخربوني وكلام كثير تافه...ماقدرت اتمالك نفسي وصرت ابكي واقوله ان اسلوبه في تحديد الناس اللي احتك فيهم ماراح ينفع واللي براسي اسويه واذا ماعجبه يطلقني قالي يالله اركبي اوديك المحاضره<<لازززززززززززززززززم ينكد علي عشان يحس براحه على الرغم اني اتفقت معه مسبقا من غير ما اضغط عليه

واستمر نقاشنا نص ساعه وانا رافضه اروح واقوله انت متحجر وماراح اقدر اعيش معك وتشك بالناس الملتزمين ...وكلمت والدته باني خلاص ابيه يفكني لاني صبرت عليه كثير طبعا امه تفاجأت لاني اول مره اطلب منها كذا وانا ماعمري شكيت لها...وواتصلت عليه وهزأته وحاول يراضيني وانا اتعب ورحنا المستوصف وبعدها رجعت البيت ورحت انام تبعني يراضيني بس انا قلت له المشكله اننا كذا من سنين كل ماجيت اطلع مشوار حتى العزايم والزوارات كذا مدري ايش مشكلتك مع الكشخه ...قال اغار عليك تخيلو هههههههههههه يغار علي من نساء قسم بالله عذر اقبح من ذنب ...طبعا طلع لاصحابه وانا ازعل وقلت مثل ماتحبسني بالبيت ترجع تنحبس معي واذا ماعجبك فكني ...رفض يرجع وانا اوولللللللللللللللع وحلفت اذا مارجع خلال نص ساعه اقفل عليه الباب طبعا الاخ طنش ولما جاء الساعه 2 قعد يتصل ويدق الباب وانا مطنشه...رجع نام في الديوانيه للظهر واصحابه يكلمونه انهم رايحين يتمشون للبر قريب رجع لي ويراضيني وفتحت له الباب وقعد يبكي ويراضيني لحد ماقلت له نشوف انت الحين خذ دش ونام وبعدين نتفاهم...الاخ فجر القنبله وقالي لا انا بطلع الحين البر <<شفتوا كيف الاستهتار<<<
خليته يطلع وقلت له كنت عارفه انك تافه ولما رجع مطنش ولا كأننا زعلانين يسولف وينام وياكل والحين طلع وقالي ما عاد بروح الديوانيه عشان ترضين
بصراحه انا عارفه انه بعد 4 او5 ايام بيرجع يروح بس هذا فتره يجس نبض فيها اذا انا مقرره اطلب الطلاق او بس مثل كل مره تهديد ..بالله يابنات ايش اسوي حاسه ان مشكلتي مالها حل ماني عارفه كيف اشكي وكيف اوصل اللي ابيه..عمري ماكنت ضعيفه ولا عمري تنازلت عن حق من حقوقي ..بس خلاص صرت انسانه غير بس افكر في بكره واحاول اطنش قد ما اقدر بس كرامتي ماتسمح لي اتغاضى عن اخلاله بوعوده الكثيره
الحمدلله لو ماتكلمت كان انفجرت..ماعندي الا انتم تحملو