غربه وترحال تطلب مشورتكم يابلقيسيات

غ

غربه وترحال

New member
إنضم
2008/03/21
المشاركات
219
السلام عليكم
اخواتي ابغيكن تشورن علي انا اعيش مع زوجي فى الخارج وعندي عيال فى سن المراهقه 13و12
سنه المشكله انا رافضه سالفة اني اعيش بعيد عن زوجي ولكن العيال هم اللي يطلبون من ابوهم انهم يرجعون للدوله بالحاح جدتهم ام ابوهم عليهم وزوجي ما يرفض طلب لعياله ولا للامه
هل اوافق وارجع مع العيال او ارفض ارجوكن عطوني حل للمشكله للاني فعلا تعبانه ومخي متشتت
وانا ما اتصور كيف بعيش بعيد عنه وهذا الموضوع دايما يتكرر كل سنه نعيد نفس الموضوع والسبب ان عيالي لازم يتعلمون اللغه العربيه للانهم ضعاف فيها وانا دايمن اراجع لهم العربي حتى ما ينسون القراءه والكتابه والله مب عارفه شو اسوي وياهم ساعدوني الله يجزيكم خير :c016:
 
الله يكون في عوونج حبيبتي...

والاستخاره وين راحت ...عليج بالاستخاره اكثر من مره وراح يساعدج ربج

ودامج ماتبين خلاص حبيبتي مولازم ترجعين ارفضي واقنعي عيالج اهم شي راحة بالج

الله يسخرهم لج ان شاءالله,,

بالتوفيق عزيزتي
 
عفوا , هي الغربة مؤقتة ولا حتطول ؟؟
في كلا الحالتين اعتقد صعب تخلين زوجج بروحه , وحاولي تدورين لعيالج مدرسة زينة عشان لا ينسون العربي ,,بس لا تخلون ابوكم بروحه,,
الله يكون في عونكم **
 
مرحبا فديتج نصيحتي لج ان عيالج الله يخليهم لج في سن يفهمون ويستوعبون الكلام اللي انتي بتقولينه لهم تكلمي معاهم وفهميهم ان لو سافرتي بيتغير نظام تعليمهم وبيتخربط نظام الدراسه هذا شي
وثاني شي ماتقدرين تسافرين وتخلين ريلج بروحه في الغربه صراحه قوويه :shutup:
اوعديهم ان كل اجازه او فرصه غير اجازه الصيف طبعا تخلينهم يردون للبلاد
واذا كلش كلش مصرين خليهم يصيحون لين يقولون بس ولاتغيرين رايج :smoke1:
ياما تروح العائله كلها مع بعض ولا تقعد مع بعض :smoke1:
 
والله موضوع صعب الله اعينج .
نصيحتي لج استخيري ربج ما خاب من استخار.
 
مشكوره يا بعد عمري على ردج والله كل سنه استخير واحس بضيج واخبر زوجي باللاستخارهوهو بعد يستخير ويتراجع عن قراره ويمر الوقت وبعدها اذا العيال فتحو الموضوع يتحمس معاهم
وكل سنه نفتح السالفه هذي والحين هو اللي مقتنع ويقول انه يوم يتشوق لامه يبي يرجع البلاد ما يقدر يرجع ويخلينا علشان العيال ومدارسهم واحيانا يكون عنده شغل فى البلاد وبعد ما يقدر يرجع وحجته ان احنا بنكون بروحنا وغربتنا على حسب الشغل اذا فى شغل وايد يعني نطول لمدة 3او 4 سنوات ياللله تعبت من التفكير
 
مشكورات خواتي على ردودكن والله ما قصرتو الله لا يحطكم فى هذا الموقف
والله دايما ايلس معاهم واقنعهم ان اذا يلسنا بعيد عن ابوكم محد بيشوف طلباته من اكل ولبس وتنظيف واذا لا قدر الله مرض محد عنده يهتم فيه يقتنعون بالموضوع واذا جدتهم كلمتهم
يتجننون على ابوهم الا لازم نرجع وابوهم من يشوفهم كذه يلح علي علشان العيال ونفسيتهم
يارب تكتب اللي فيه الخير بس كيف اقنع زوجي المشكله هو اللي اقتنع اني لازم ارجع معاهم
 
صلي صلاة الإستخاره
الله يكتب لك اللي فيه الخير
 
ما انصحك انك تبتعدين عن زوجك
دائما اذا رحت دولة غير عربية الاطفال يتعلمون لغتهم اكثر بس انتي حاولي انك ادرسيهم عطوول اللغه العربية والحين اللغه العربية صعبه يبغى لها دراسة عدل وحاولي انك تلقين لهم احد في هالدولة يعرف لغه عربية عدل وخليهم يدرسون عنده اكيد فيه
بس لا تتركين زوجك نصيحه مني وثاني شي الزوجة تتبع زوجها وين ما يروح


الله يوفقكم جميعا ادعي لييي
 
الله يجازيكم الجنه خواتي ما قصرتن الحين كيف اقنع زوجي اني ما ابغي ارجع
للان هو اللي يبغي يرجعنا كيف اقنعه ان لازم اكون معاه
ياربيييه الله يسامحج يا عمتي ديما تحن على راسه رجعهم ما اصبر عنهم ليين الحين هو محط فى راسه ان يرجعنا ومقرر فى نهاية العام الدراسي نرجع
استغفرك اللهم لا اله الا انت واتوب اليك ولا حول ولا قوة الا بالله
 
اهم شيء زوجك وعيالك لا تشاورينهم صغار وما يعرفون يتخذون قرار ارسليهم بالاجازه عند جدتهم لحالهم واجلسي مع زوجك وماراح يكملون شهر الا وهم طفشاااانين ويبون يرجعون لكم
 
اختي ملاك انا مب مشكله عندي حنت العيال وصياحهم اهم شي عندي زوجي انه يقتنع
بقعدتنا عنده والاخوات اللي نصحوني بصلاة الاستخاره ان شاء الله اول مااخلص من الدوره اكيد بصليها وبستخير جزاكم الله خير احس عندي اخوات افضفض لهم
بس اللي قاهرني زوجي مصمم على رجعتنا البلاد
كيف اخليه يغير رايه مب عارفه وانتو تعرفون الشمالي
اذا حط شي فى راسه ينفذه
 
كثر الزن يفك اللحام
كل يوم قطي كلمة حبيبي ما اقر ابعد عنك
اليوم التاني الله لا يفرقنا
اليوم الثالث انا ما اصبر عنك و انت بعد اكيد ماتصبر عني
و هكذا مع الوقت بتترسخ هالفكرة في راسه
و اذ كان و لا بد خل عيالكيروحو عند جدتهم ان كانها بتربيهم و بتقوم بهم و انتي خليكي عند ريلتج
 
غاليتي واضح أكم في بلد اجنبية وأنا أستغرب أنكم لستم خائفين على أولادكم الذين هم في عمر المراهقة

من اختلاف الدين والعادات أنتم فقط تفكرون بموضوع اللغة وهو مهم جدا ولكن الحفاظ على دين وأخلاق أطفالكم هو الأهم

وترك زوجك في بلد أجنبي وحده لا يخلو من مخاطرة كبيرة أيضا فإن أردت نصيحتي

أخبريني عن وضع الدين والأخلاق في البلد الذي أنتم فيها أولا

ولي رجعة لموضوعك بإذن الله
 
حبيبتي في بريطانيا وامريكا في مدارس عربيه معروفه اسئلي عنها سفارتك
 
حبيتي غربه انتي مالج رأي؟؟؟؟

انتي بعد أمهم ولج الحق في القرار اللي تتخذينه قولي لهم كلهم الابو وعياله انا ما اتحرك من

مكاني العيال يروحون بالاجازه ويرجعون آخرها بداة الدراسه وخلاص لا تزيدين بالكلام

خلج حازمه ليش خايفه مثل ما هو ابوهم انتي امهم ولابد يكون لج راي وسالفة دراسة العربي

لابد المراكز الاسلاميه بكل دوله غربيه لها دور بهالنقطه وتوكلي على الله وماخاب من استخار

بعد الاستخاره اتخذي قرارج وان شاءالله ربي يسر لج امورج...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل