عناد الشمالي ... وعاطفة الجنوبيه ... الله يفرج هم كل وحده تعطيني رايها في مشكلتي ..

[البشاير]

هاه ياقلبي بشري بطلي دلع وارجعي بيتك بلا ارتاح يوم او 4 شكلها عجبتك الراحه وانجاز عضيم من شمالي انه يعتذر بنفسه ويرسل اخوه الكبير من جد انجاز خلاص اش تبغي اكثر من كذه ارجعي اليوم هذا اذا مارجعتي خخخ
وبالنيبه لاهلي صدقيني معد حيجوكي هذا اذا ماقاطعوكي اصلا بعد هذا كله وعايدي لاتزعلي ولعد تقوليله اهلك او اخواتك ولا تجيبو سيرتهم ابدا لابخير ولا بشر والله يسعدك يارب وطمنينا موتلاقي ابو الشباب وتنسينا

4 ايام تبي تسترخي ...وإش بتعملي طووول الشهر غير إنك تسترخي :sly:
خخخخخخخخ من جد مجاغة بنات ... شكلها رجعت سكيتي ...
اختفت مولت عليها ...أدور عليها بشمعة ...:idea:

 

[واثقة]

شكلها رجعت سكيتي

شكلها يالبشاير ما قاومت ..

مشتاااااااااااااقه.. ربي يهنيها..

 

[روتـــانا]

النهايـــــــــــــــــــــــــــــــة :cupidarrow:

اول شي كيف حالكم .. وربي وحشتوني .. وقلبي معاكم .. اعد الدقايق عشان اكلمكم بس

مابليد حيله .. ولما تكملوا قراءة حتعرفوا ليش ؟؟؟

الموهم .. ندخل في الوضوع ..

جا زوجي ... وقعد مع بابا في الصالون .. وقعدوا يمكن ابو ثلث ساعه لوحدهم وانا مارحت (( دايما متعود انا اللي افتحله الباب :smoke1: )) .. الموهم وماما دخلت بعدين .. وخليتهم ابو 5 دقتيق و اخر شي انا دخلت .. (( تصدقوا كان الموقف يشبه يوم الشوفه :clap:... مافي فرق بينهم في الاثنين كنت ابكي .. بس في الشوفه ابكي من الحيا :blushing: .. واليوم ابكي من القهرررر :icon28: )) الموهم .. دخلت وانا جواجبي واحد في الدور الاول وواحد في الدور السادس .. من الله وربي مو متقصده .. حاولتهم انزلهم كلهم الدور الارضي بس الاصنصير كان خربان <<< تنكتي :icon28: .. نرجع لوموضوعنا ... دخلت وما ابغى اطالع فيه ولمحته .. لمحته وهو .. اش اقولكم .. تعرفوا اللي يطالع فيكي وما يبغاكي تشوفيه انه يطالع :nosweat: عيونه تلعب .. الموهم ماما قالتلي .. ناوليني تلاجت القهوة .. قمت ذوقيا اخدتها وصبيت القهوة واعطيتهم ... يعني مو حلوة اخلي ماما تقوم وانا قاعده ... وبعدين حست كنت ادور ابعد زاويه في الصالون واجلس فيها <<< اجل ليش جايه :1eye: .. قام بابا قلي تعالي اقعدي جنبي ... و قعدت ...

وعلى قد القوة اللي كانت فيا 25 يوم ما بكيت فيها الا 3 مرات .. وماما وبابا كانوا شايلين همي اني ما ببكي .. يقولولي لا تكبتي في نفسك مو كويس .. بس انا ماكنت حاسه اني محتاجه ابكي ...

بس لما قعدت جنب بابا.. وبابا بدا يقول هدا زوجط جتكي يبغى يتكلم .. معاك هو يبغى صلح .. وانتي كمان اكيد تبغى صلح .. مافي احد يبغى خراب بيته .. انا دموعي صارت تطيح لوحدها .. على قد ما احاول امسكها بس خرجت عن سيطرتي.. صار بابا يقولي اتكلمي وقولي كل اللي في نفسك .. وانت كمان اتكلم ولا تخلي شي على قلبك ... الموهم نبغى نهاية فتحت القلوب دي .. انكم تشيلو كل الرواسب ... عشان ما ابغاكم تطلعوا من بابا هدا البيت الا وانتوا مخلصين كل شي .. ولا اتمنى انكم ترجعوا تفتحوا الموضوع ابدا .. عشان تروحوا بيتكم تنبسطوا مو تفتحوا جروح بعض ... قفلوها هنا واتيسروا على بيتكم ...

وقعدنا .. واتكلمنا اتكلمنا اتكلمنا كلام كثيييييييييييييير .. واهم شي قدرت احسسوا انه غلطان .. الين قالها .. وبالاخير اتفقنا الحمد لله ...

بس انا كنت لسى بابكي رغم اننا اتفقنا ما اعرف ليش. واتعشينا وماكنت حاسه للاكل طعم .. وخلصنا وقعدنا .. شوي واحنا قاعدين .. حسيت في صرخه ... في دمعه كبيييير وثقيله لو خرحت حتخرج قلبي معاها .. شلت بعضي ورجعت على الصالون وجلست ابكي لوحدي الا شوي هوا جاني ... اشفيكي ؟؟ قلتله مافيا شي ؟؟ بس ابغى ارتاح شويه ؟؟ قلي طيب قومي في بيتنا نرتاح هناك ... :crazy:هنا كانت الصدمه ... لاني ما كنت مهيئه نفسيا لكدا ... وكنت عارفه انه راح يجي نتكلم و اريح يومين وبعدين ارجع <<< هدا كلام بابا ... بس زوجي كان فاهم غير كدا .. في راسه انه راح ياخدني معاه ... و صرت ابكي من الصدمه ومن التعب ومن كل شي .. من جد كنت حاسه اني لو رجعت بيتي اليوم حنخنق واموت قلتله لو سمحت انا مرة ما اقدر ارجع اليوم .. انا لسه تعبانه و مني مهيئه خليني بس اليوم وبكرا تعال خدني ... وهو مصر الا اليوم .... قلتله وما ابغى ارجع ما ابغى .. وصرت ابكي بحرقه اقوله ارحمني حاول تفهمني .. .. عن جد مني قادرة ... قالي تعبانه انا حريحك ... طفشانه من خلقتي اوعدك انام في الصاله وما اخليكي تشوفيني .. بس ارجعي .. انا قلبي حيرتاح لو رجعتي .. قلتله وانا مارح اكون مرتاحه لو رجعت اليوم ... انا نفسي ارجع بيتي وانا مبسوطه .. وانا منتظرتك واعد الدقايق عشان تقولي انا وصلت جي اخدك .. لكن كدا .. وانا باكبه .. وانا تعبانه .. صدقني مالها طعم .. قالي انا ابغاكي بفرحتك وبدموعك .. بس انتي تعالي معايا ... وهو مو مصدق يقولي اجيكي لحدك وماتبغي ترجعي ... روحي اسالي اي واحد وحطي في موقفي شوفي راح يرضاها على نفسه .. قلتله وربي عارفه انه يحقلك تزعل ودي المرة انا اللي غلطانه .. بس اعتبرها تكرما منك .. انت حتخليني ... خدني على قد عقلي وخليني بس اليوم .. انا ما ابغى ادخل بيتي كدا .. .. قلي اش فرق اليوم عن بكرا ؟؟؟... قلتله النفسيه تفرق كثير .. ابغى ادخل بيتي وانا مستعده شايله كل الهم من بالي ابغى ادخل زي مادخلته اول مرة ما كان في راسي الا اني احبك .. اقله نكون نسينا وما نتكلم في الموضوع تاني .. . قلي وعد انه الموضوع ماعاد افتحه ولا في البيت ولا في السيارة وننساه بالمرة اعتبري نفسك لسى عروسه ما شافت من الدنيا ولا حاجه .. وان شاء الله ولا حتشوفي الا الشي اللي يخلينا مبسوطين ..

واصر .. وما اقتنع .. ومحاولاتي فشلت .. فكرت ادخل بابا يتوسط وانا عارفه انه مارح يردله طلب ... بس قلت من اليوم ورايح لازم اعتمد على نفسي انا .. ومارح ادخل احد في حياتي ..

بس حسيت وصلنا لمرحله .. لو اصريت على اللي في راسي راح يروح زعلان وراح ندخل في مشكله تانيه واحنا دوبنا طالعين من الاولى .. قلت في نفسي الله يختارلي اللي فيه خير وصالح .. وحسيت انه ربي اراد كدا وما بيدي حيله ... وفي النهايه الناس كلها اتوسطت عشان نرجع .. ولما يجي يبغى ياخدني اقول لا ...

الموهم .. رحت لبست عبايتي .. وسلمت على اهلي وخرجت .. والحمد لله كان عند وعده مافتحنا الموضوع .. ورجعت .. وكنسل روحت الدوام .. قلي انا اليوم عريس بكرة اجازة :shiny: .. قلتله ومين اعتمدلك هيا .. قلي انا مو انا العريس :shiny: ..

وبس .. عشان كدا امس ما قدرت اكلمكم .. كان طول الوقت معايا .. واليوم راح يداوم ... قلت فرصه .. قلي مارح تقوليلي غيب .. قلت لا دوامك اولى .. قلي قولي تبغي الفكه :smoke1: ..

وتوتا توتا خلصت الحدوتا ...


والله يفرج هم كل وحده وقفت معايا لو بكلمة وحده ..

وربي يجعلكم كلكم قرة أعين ازواجكم .. وازاجكم قرة أعينكم .. ويسعدكم ويسهل عليكم .. ولا يضيع لكم تعب ..

آآآآآآآآآآآآآآآآآآآآآآآآآآآآآ مين ياااااااااااااااااااااااااااااااااااارب ..

 

[روتـــانا]

نسيت اقول شي .. والموضوع مافيه تعديل ... انه بعد ما بابا قلنا اتكلوا و... و... و...

زوجي طلب من بابا قله بعد اذنك ياعمي اذ ممكن اقعد معاها لوحدنا .. بابا رحب بالفكرة وطلعوا من الصالون ... وقان جلس جنبي .. وقعدنا نتكلم لوحدنا ..

يعني الكلام ما صار قام اهلي ..

 

[امل الصالح]

الله يفرح قلبك مثل مافرحتي قلبي

حافظي على زوجك .. وحطيه في عيونك .. ترى الشمالي اذا حب صار وفي

دخلت وانا جواجبي واحد في الدور الاول وواحد في الدور السادس .. من الله وربي مو متقصده .. حاولتهم انزلهم كلهم الدور الارضي بس الاصنصير كان خربان

ههههههههههههههههههههههههههههههههههه

مت من الضحك الله يوسع صدرك بالعافية

 

[white heart123]

الحمدلله علي النهايه الحلوه هذي

 

[ميمي 1404]

فرحت عشانك والله ^_^
... وربي لا يغير عليكم ..
ويصرف عنك كل شر ..

 

[روتـــانا]

الله يفرح قلبك مثل مافرحتي قلبي

حافظي على زوجك .. وحطيه في عيونك .. ترى الشمالي اذا حب صار وفي

لا توصي حريص :msn-wink:

.. دعواتك ..

ههههههههههههههههههههههههههههههههههه

مت من الضحك الله يوسع صدرك بالعافية

طيب الحمد لله ان قدرت اضحكك بس والله هدا اللي صار معي ..:shiny:

حتى هو لما رجعنا البيت قلي .. شكلك وانتي داخله مو بس نفسك تلطشيني .. نفسك ترتكبي فيا جريمه.. :nosweat:

 

[روتـــانا]

الحمدلله علي النهايه الحلوه هذي

الله يحلي أيامك حبيبتي .. :in_love:

 

[روتـــانا]

فرحت عشانك والله ^_^
... وربي لا يغير عليكم ..
ويصرف عنك كل شر ..

الله يفرح قلبك كمان وكمان قادر ياكريم ..

اميـــــــن يــــــــارب ..

 

[امل مفقود21]

الله يكون بعونك حبيبتي انا ماراح اكون معه مثل غيري لاني مجربه هالوضع وانا نفس حالتك اهله بمدينه ثانيه ومن وانا عروس وهم جايين عندي من اول شهر وانا حتى شهر عسل مارحت وجلسو شهر كامل وربي ان هالحاجه تقهروبين كل فتره وفتره يجو بحجة مواعيد مستشفى ومدري شنو ومايجلسوا اقل من اسبوعين والله مايروحون الا وكان البيت جايه توسنامي مو بشرحاجه تنرفز وفعلا لو كانو بنفس المنطقه كان احسن كل واحد لازم بيته وحدوده

 

[امل مفقود21]

حبيبتي انا الحين دريت انك رجعتي الحمدلله ومبين انه يحبك :icon26:الله لايغير عليكم :bigsmile:
ادعيلي ان الله يفرج لي :sad_1:

 

[واثقة]

مبروك روتانا

وعسى الفرحه دوم يارب..

 

[روتـــانا]

الله يكون بعونك حبيبتي انا ماراح اكون معه مثل غيري لاني مجربه هالوضع وانا نفس حالتك اهله بمدينه ثانيه ومن وانا عروس وهم جايين عندي من اول شهر وانا حتى شهر عسل مارحت وجلسو شهر كامل وربي ان هالحاجه تقهروبين كل فتره وفتره يجو بحجة مواعيد مستشفى ومدري شنو ومايجلسوا اقل من اسبوعين والله مايروحون الا وكان البيت جايه توسنامي مو بشرحاجه تنرفز وفعلا لو كانو بنفس المنطقه كان احسن كل واحد لازم بيته وحدوده

آآآآآآآآآآآآآآآآآآه ياربي نفس معااااناتي :tears:

برضو يجوا بحجة مواعيد مستشفيااااااااات

تسونامي :sadwalk: << افضل تعبير يوصف حالة البيت بعد ما يخرجوا ..

الله يفرج همك يااااااااارب .. ولازم تحطي حد اذا حسيتي انك مو قادرة تستحملي ...

الله يعينك ويعاونك ...

خلي على لسانك دائما (( اللهم اجعل لي من لدنك وليا واجعل لي من لدنك نصيرا ))

(( اللهم اكفنيهم بماشئت ))

 

[روتـــانا]

حبيبتي انا الحين دريت انك رجعتي الحمدلله ومبين انه يحبك :icon26:الله لايغير عليكم :bigsmile:
ادعيلي ان الله يفرج لي :sad_1:

الله يفرج همك :icon26: .. ويصرفهم عنك قادر ياكريم :icon26:.. ويجعلك قرة عين زوجك :icon26:..

 

[روتـــانا]

مبروك روتانا

وعسى الفرحه دوم يارب..

الله يبارك بعمرك يارب .. :blush-anim-cl:

الله يفرح قلبك يارب .. ويجعلك قرة عين زوجك .. :cupidarrow:

 

[ام عدي الهاشمي]

ياقلبي والله فرحتلم موووووووووووووت الله يسعدك يارب تصدقي حكايتك كاني اقراء روايه نهايتها سعيده واكثري من الدعاء والاستغفار وسلميلي على ابوكي وانا كمان وحيده بابا يارب يخليهم

 

[الـ غ ـلا كلـه]

الله يهنيك ويسعدك ويسخر لك زوجك

 

[انا لحبيبي]

الله يهنيكي ويسعدك يا رب يا كريم. بس بجد بجد ابوكي راااااااااااااااااااااااااااااااااااااااااااااااائع الله يخليه الكم و فهيم وكلامه موزون جدا جدا انا استفدت من كلامه مع انه مو مثل مشكلتك بس في نصائح مفيدة للجميع.الله يطول بعمره وما تمشي الا بعد شوروه

 

[ojo]

بصراحة وقح

لاخواته مفتاح لبيتك

بس برضو لاتخربي بيتك وكبري عقلك