ردي باللون الاحمـــــــــر
"لما قالك هذا بيت اهلي..!" .. كان دهنتيه هو و اهله..و قلتي له ..
"أكيد يا قلبي..هذا بيتك و بيت اهلك.. هم الداخلين و انا الطالعة..
و بكرة إن شاء الله تسوي لي بيت كبيير..وحتى لو يجوني اهلك..هم لهم الصدر
و انا لي العتبة..أهلك أهلي..يا بعد قلبي"
هيلين حبيبتي .. هما ما ينفع معاهم ولا معاه اسلوب تكبير الراس .. لانهم متكبريييين مغروووورين .. ومررررة شايفين نفسهم ...
ولا اش ممكن تفسري تصرفهم .. اني اتصل اسال عنهم ... وهما ما يتصلوا يسالوا عن حموت ... ومرة كانوا عندي وجاني نزيييييف .. لما رجعت من الدكتور .. لقيتهم لابسين عباياتهم وقالوله ودينا بيتنا ... وراحوا ... ولا رفعوا سماعه بالغلط يقولوا انتي حيه ولا متتي ؟؟؟؟
ورغم دا كلو لما اتصل وهما ما يدقوا ... هما مايشوفوا شي طيب مني ... يشوفوه انه لازم غصبا عنها تتصل وتسال ؟؟ ... وهما تنهدر كرامتهم ادا سالوا عني ... ولما اقرر بيني وبين نفسي اني اعاملهم زي ما يعاملوني ... هو يجي يسالني متى اخر مرة كلمتي اخواتي ... وقتها عندي حل من الاثنين ..
يا اما اكدب <<< ومستحيل اسويها عشان خاطر عيون اخواته
او اقله انه ما اتصلت لانه انا دايما باتصل وهما مو متنازلين يرفعولي سماعه ..
يقوم يجبرني الا دحين تدقي و...و...و...
بالله لو انتي ناس ما بيعطوكي وجه راح ترمي نفسك عليهم ... هما عندهم كرامه .. انا من الشارع جايبينني :busted_red:
لما قالك بشق العقد ألحين..كنتِ تسكتين.. وتخزينه بنظرة قاتلة من طرف عينك..
وتتركين له المكان..
اول شي هو يموووووووووووووت ويركب راسه ستين عفريت اذا فكرت اطلع من الغرفه وهو معصب أو يتكلم .. واذا سكتت منه يتنرفز ويقولي لما اكلمك لاتطنشيني ... ولما ارد ببرود يقولي قصدك تستفزيني باسلوبك ... احترت معاااه .. وانا مارح انزل نفسي له اكثر من كدا .. لانهم عيله ما يثمر فيهم الطيب ... كل الطيب اللي ممكن تعامليهم بيه يعتبروكي مجبووورة فيه مو بمزاجك ... عالم متكبررره مغرووورة ما اعرف على ايش ؟؟..
و تقعدين بغرفتك..تجمعين لك كلام قوي..و لما يهدئ بيجي يتميلح..
عطيه الكلمتين في الصميم..
و بكل هدووووووووووء..ساعتها بيكون عداك العيب..
والغلط راكبه من ساسه لراسه..
"قولي له..إستفزيتني.. ورديت عليك بكل إحترام..غلط علي بفكرة تمزيق العقد..
و سكت عنك..و أتحداك تطلع فيني زلة.. هذا و انا مرأه.. و المفروض هالشيء
يطلع منك مو مني..
إنت اللي فضلك ربي عليّ.. وخلا العصمة بيدك مو بيدي"
انا هنا اتقصدت ارد عليه واروح اجيب العقد واحطه قدامه .. واشوفه هوا قد كلامه .. ولا لا... كنت متقصده احرجه ... عشان اوريه اذا منت قد كلمتك منت مضطر تقولها ولا قصدك تفهمني انك انت كدا رجال ..
و قلتله انه انا البنت كان بامكاني اقولك طلقني انا تعبت .. بس اكتشفت انه احنا الحريم نعرف نضبط اعصابنا اكثر منكم انتوا يا الرجال ...
وبدل ما طلعت مني طلعت منك انت .. انت اللي ربي حاط العصمه في يدك ... على اساس انك رجال تعرف توزن كلامك وتضبط اعصابك ..
وكل اللي قدر يعمله بعد كلامي انه يطلع من البيت عشان يوفر على نفسه الاحراج ... ولما رجع اعتذر ... بس بعد ايش ؟؟ بعد ما جرحني .. وقلتله .. سواء قطعته ولا ما قطعته ماعاد يفرق ... طالما قدرت تنطقها كانها سويتها ..
وعلى فكرة..الشمالي لما يعصب على طول يغلط ..
بس هو في الغالب مو قصده>> محسوبتك شماليه وفاهمه للشمالي :shiny:
طيب خليه يقلب الايه عليه .. ونفرض انه انا غلطت عليه ... رراح يحطلي اعذار ويقول معصبه واعصابها تعبانه ... ولا راح يركبني الغلط ...
زي ما هو مايرضى انه احد يغلط عليه ... انا كمان ما ارضى احط يغلط عليا معصب ولا مطرطع .. زي ما انا احترمه هو مجبوووور يحترمني ..
مثال رقم 3:>>ناويه على درس كااامل..
أهله..شلون تعالجي مشكلتهم..أنا أقولك..
"قد قابلتي ناس مزوحين.. ومع ذلك ما أحد يقد يلعب عليهم"..
أنا أبيك كذا معهم..
وربي وربي وربي انا كدا .. معهم حتى اسالي البشاير ... لدرجة انه جاني يقولي ... لاتمزحي مع اخواتي .. ما يتقبلو مزحك ... قلتله انا بمزح قدامك .. انت شايف ان مزحي يزعل ؟؟... قلي لا ما يزعل ... بس هما ما اتقبلوه ... خلاص خلينا نقصر الشر معاهم ... ونريح راسنا .. لا تمزحي ولا شي ..
و إذا هدرت..أسكتي عنها
واوقات لما اطفش من اسالتها .. اعمل نفسي ما سمعتها واني مشغوله بشي تاني وما انتبهت واطلع من الغرفه واني مشغوله بشي تاني ..برضو ما يعجبها تقوله تطنشني <<< عشان تعرفو بس انه مو انا اللي اشتكي .. هما اللي يروحو يقولو ...
ياربييي لدرجة انه مره كان اخوه بايت معاهم عندنا .. وانا كنت مستعجله وما ابغى افطر لاننا كنا معزومين على الغدا كلنا يادوبني اخلص شغلي ... جهزتلهم الفطور واستاذنت منهم قلتلهم انا والله مارح يمديني وانتوا منتو اغراب البيت بيتكم افطروا وانا بروح اكمل عشان لا نتاخر ... قالولي طيب وخدي راحتك وجلسوا فطروا مع اخوانهم وزوجي (( وانا اغطي على اخوانهم )).. الا شوي جا زوجي جايبي صحن حاطلي فيه بيض شويه .. وقلي كليه وانتي واقفه ... لانه على طول يجيني هبوط ... قلتله انا ما ابغى .. المهم جاملته واخدته ... لو تشوووووفوووو عاللي عملوه عشان جابلي الصحن :crazy:... وانا بالمطبخ اكمل شغلي ... فجأة اسمع صوت صراااااخ ... وفجأة شالو بعضهم وراحوا الصالون عشان لا اسمع ... والصراااخ واصل لعندي .. انا خفففففت .. وفجأة دخلت اخته المطبخ ... من الفجعه سالتها خير اشفيهم .. قالتلي مافي شي :busted_red: وهي تطالعني بنظرة كانها تقولي مايخصك لا تتدخلي .. الا شوي جاني ابو الشباب :detective2: تعالي ابغاكي شوي ... انا عملت نفسي اني مو فاهمه شي وعااادي .. الا وداني عندهم الصالون .. وقالي انتي طلبتي مني صحن البيض .. قلتله لا ... قالي اخواتي زعلانين اني جبتلك الصحن .. قلتله وانت جايبني عشان تقولي كدا ..اش تبغاني اسوي .. قامت اخته الكبيره تقوله طيب ليش ما افتكرت اختك اللي نايمه في الغرفه وجبتلها صحن زي ما وديت لزوجتك :sly: .. قلتلها ماكان صحن بيض جابلي هوا اللي يسمعكم يقول جايبلي صحن ذهب ... وانت الله يهديك يعني كان ماجبته و انا قلتلك ما ابغى فطور بس انت ماتسمع كلامي :shiny:... (( بس انا من جووووووووا نااااااااار :icon28:.. على صحن بيض يالطيف ))
هدا الموقف شي من اشياااااااااااااااااااااااااء بتصير .. بس اقول ايش واخلي ايش!!!:shutup:
مثال رقم 4:
سألت حماتك زوجك.."ليش شاري هالشوكلا..مو حلو لا تشتريه""
دخلي بالسالفه عرض..و بمزح طبعاً..
"يوووه و انتي أيش عليكِ منه..أخوك يدري عني أحب هالشوكلا..
و هو يبي يدلعني..فشرا لي إياه"..
و إذا قالت"ماركة ما ماركة"..قولي "مشكلتي ما أحب إلا هالماركة.."
قلت ... تدري اش تقولي .. تقولي لا بس حتى لو لاتجبوها تاني سامعني يا ... لاعاد تجيبها :busted_red:.. ليش انتوا اطفال .. :shutup:..
ملاحظة.."خلي إبتسامتك بريئة"..يعني "مزح بجد..مو كإنك تعاندينهم..لا..
خليك طيووووبه
هدا اللي موديني في داهيه ان من كثر ما اعاملهم طيب .. يفكروني ما اقدر اخد حقي واني خايفه منهم ... ما يحسبوها اني ساكته لاني احترمهم ..:sad_1:
ايوووه تذكرت ..
مره صارت مشكله وجا لقاني ابكي .. وتعبانه (( هدا يوم النزيييف ))
وقلتله حبيبي انا تعبت والله ماعاد اقدر يكفيني النزيف والتعب وهي بس ترميلي كلام ما ادري اش تبغى :tears: .. ومن التعب نزلت دموعي ... ورحت اخد مغزي 5 الفجر .. قام هو راح كلمهم مدري ايش قلهم ... قامت جات تقولي .. :busted_red:انتي اذا متضايقه مني ليش ماتجي تقوليلنا احنا ... ليش تقوليلو هوا ... قلتلها لاني اعتبرك زي ماما واحترمك و لو قلتلك راح تزعلي مني .. قالتلي لا مو لانك تحترميني لانك غدرتيني :busted_red: <<< :shutup: اش دخل دا فدا ..
وياريتها سكتت عند كدا ... قامت قالتلي ... لكن يا حسافه أسأنا الاختيار في حريم اخواننا :crazy: <<< ولاحظو أسأت الاختيار فينا كلنا .. محد عاجبها ..
والمشكله انها قالتها قدامه ... قام قلها انتي اش تقولي ما يصير الكلام دا يا ...
حزروا اش قالتلو ؟؟ .... قالتلو انا ماقلت :busted_red:
بالنسبة للوسخ اللي يسووه عندك بالبيت..
لما يوسخون نظفي أول مرة بطيب خاطر..و ثاني مرة و أنتي تنظفين.. وبذات المزح..
قولي لهم.."شوفوا عاد..هذي أخر مرة أنظف .. مو كني السيلانيه..
المرة الثانيه عليكم..انتوا مو اغراب.. و البيت بيتكم"
شكلي بعمل كدا يمكن يفهمووو ..
و إذا زوجك تكلم لك..و زعلوا..قولي ببراءة الأطفال:
" و أنا أيش قلت؟!..و الله لو ما إنهم عزيزين..و عادتهم أصحاب بيت..
ما كان شلت الميانه معاهم"
لا مارح يقول شي لانه شايف انهم المفروض يساعدوني لانهم 3 وابوهم الرابع وانا وحده ... بس يستحي يقولهم ..
وللامانه هما يساعدوني بس حسب المزاج .. ادا راضيين عني <<< خدامتهم لأني :busted_red:
الواجب المنزلي>> أستظرف..
خدي راحتك محتاجه احد يستظرف :shiny:
و على فكرة انا حاسه بشكل كبيييييييير إن اخواته يتصرفون بعفويه تامة..
:no: وربي وربي لأ .. يبان من عيونهم.. شكلي لو حملت بجيب شبه عيونهم طبق الاصل من كثر ماهي عاملتلي ازمه ..
و صدقيني..إذا حسستيهم إنهم راعيين البيت..بس بالحدود اللي تحافظين
فيها على خصوصيتك..
بيكونون عسل على قلبك..
لا هيلين :no:.. هما من النوع لو اعطيتيهم وجه يسطووو وبقووووة ... لدرجة انهم لما ننعزم في بيت خالهم .. يجلسوا يعزموا على بنات خالهم 3 واخوهم في المتوسط .. وبيتي 3 غرف .. <<< ما ينلامو معتبرين البيت بيتهم ..وانا ماليا راي ولا شور ... ولا ياخدوا رايي في شي :tears:
" وكنك قلتي إنهم مش متزوجات">>أو يمكن هذي تأليف من عندي!
عندك عريس هاتي وفكينا يمكن يتلهو عني شويا
و لا تزعليهم أماااانه>>كني رحمتهم
:tears: <<< غارت
لا بجد هالمرة خلاااص..لازم أوقف..يا حبني للهدرة>>بالتوفيق يا قلبي
يعطيكي العافيه .. ارجعي تاني طيب :tears:
