عروس مطلقه

غلا الوجدان - مثل ماقلتي يااختي ماراح وبصبر وامري لله

كم عمركو كم عمره? وكيفع كانت ظروف خطبتكم وكيف كان معك ايام الملكة?

انا 25
هو 30
ظروف الخطبه هو تقدم لي اكثر من مره خلال ثلاث سنوات
ايام الملكه والزواج
كان نعم الزوج الحنون الصبور المعطاء
ماشفت منه الا كل خير​
 


طيب اختي كنتو مختلفين يعني صارت بينكم مشكله قبل يطلقك ولا ايش اشرحي

لا والله ماكانت مشاكل بيننا
كنا حلوين
بس فيه مني نفور وحياء وهو فهمها اني مغصوبه
وانكسر قلبه​
 
ارسلي له او خلي اهلك يكلموونه ويفهمونه انه حياء مو نفوور وانك ماعرفتي تعبرين عن مشاااعرك

شوفي انا مع ان البنت تحفظ كرامتها وتنتظر الرجال هو يرجع لانه اخطا عليك بس للاسف هاذا الشي مانفع معي لاني مااتصلت على طليقي قبل يطلقني وكبرت راسي وللاسف طلق وبعد الطلاق بفتره ماحاولت ارسل ولما حنيت واتصلت لقيته مغير رقم جوواله ياقلبي اذا تحبينه ومافيه عيوووب خلي احد يحل المشكله نصيحه مني لك قبل يفوووت الفوت
 
يارب يرده لك ردا جميلا ويصلح مابينكم انت حاولي تكلميه وقولي انا شاريتك بس الحياء كان مانعني لان كل اول الحياه الزوجيه شي طبيعي البنت تستحي والله اني مادري وش اقولك ماامادام انك تبيه انت ظلي كلميه وعاتبيه على الطلاق ولاتسكتين والله يرده لك اذا فيه خيره
 

واللـه ياناس مافيه عيوب وهذا اللي متعبنـــي ومخليني ابي أي طريقه أرجعه فيهآ
ماشفت غلط منه .. كان نعم الزوج
ساعدوني وش أرسله ؟

مع انه يقول لو ترسلين او ماترسلين ماراح ارجع لك
ساعدوني هو يحبني ويخاف علي بس كره تصرفاتي بقوه
... ​
 
حبيبتى حاااسه فيكى الله يفرج همك هادى قسمتك ونصيبك انا زيك تطلقت وانا عروس وسميت نفسي عروس مطلقه والله اقل من شهرين وانا ما زلت بكرا الله يعوضنا بحق الشهر الكريم يارب والله نااار في قلبي ما بردت الله يسخرلي ويسخرلك اللى يخاف الله
 
انتي متعلقه فيه ومو مصدقه بانه طلقك ..وهو ولا هامه..
والسبب تافه وغير مقنع ..
هو يختلق الاسباب لانه حس بمسؤلية الزواج ومو قدها
لاتثقي به فهو عند اي مشكله صغيره يطلق ويتخلى عن مسؤليته لانه لايستطيع التحمل...
استخيري ولا تراسليه مره ثانيه..
واذا كان لك خير فيه يرجعلك.....
 
اختي احتاجك

اتوقع والعلم عند الله انه تزوجك بس عشان يكسر راسك لانك رفضتيه اكثر من مره قال ارد كرامتي ترا كثير يسوونها
فخلاك تتعلقين فيه وتحبينه وبعدها طلقك

المطلوب منك تقومين تستخيرين باللي بتسوينه وتطلبين ربي انه ينور دربك ويعلمك الحل الصعب

وخلاص لاترسلين له ولاتكلمينه خليك ثقيله اذا شفتيه ارسل لك وفاقدك ردي عليه مارسل لك طنشيه ورددي دايم اللهم اجرني في مصيبتي واخلفني خير منها
 
زوجك حساس وشكله جنوبي....

وشكله ما يخالط الناس كثير ولا يسمع قصص...

او كل القصص اللي يسمعها عشاق وفنتازيا...

على اي حال اذا تبينه كلميه عن مشاعره هو مو مشاعرك انتي... ذكريه بالذي مضى..
 
ملهية الرعيان..


يمكن هو مكسور لانها رفضته اكثر من مرة ويوم وافقت ما حبته...

جروح كثيرة بالاخير رفضها علشان كرامته مو رفضاً لها...

عشان كذا لازم تضمد الجرح وتثبت له رغبتها فيه..
 
كلامك على عيني

بس كيف أضمد جرحه ؟

وهو طلقني قولوا لي كيف ؟ وهو رافضني ؟

ايه زوجي حساس جدآ .. وماعرفت أتعامل معاه​
 
لو جد مشتريك صدقيني مايطلقك بهالسهولة
هو يبيها من الله
الله يعوضك خير ويسعدك وعموماً لو هذا سبب حقيقي فيكِ تتصلين له وتوضحين السبب او لو اتصل او امه او احد من اهله يفهمه هالشي !
 
يا عمري عليك الله يرده لك ردا جميلا الله يرده لك ردا جميلا ويسخره لك ويقذف محبتك في قلبه استمري على الدعاء وان شاء الله ماتعيدين الا وهو مع
 
حبيبتي من باعك برخييييييص بيعيه بتراب ورددي اللهم اجرني في مصيبتي واخلفني خيرا منها ماتدرين الخيره وينها فيه
 
حبيبتي لا تعذبين نفسك أكثر
أحس السبب اللي قاله مو مقنع حتى يطلقك عشانه
وصدقيني اللي يتمسك بزوجته يصبر على أي شيء يبدر منها
توكلي على الله وإن شاء الله بيرزقك باحسن منه
خلاص أنسيه أفتحي صفحه جديده بحياتك
وعيشي حياتك بعيد عن العذاب والتفكير​
 
ارجعي إلى بيتك واعتدي هناك


أنت لا تزالين زوجته طالما أنت في العدة

ابحثي في قوقل عن أحكام عدة المطلقة الرجعية

واحرصي على الرجوع إلى بيتك وإن رفض لأنه لا يجوز له إخراجك ولا يجوز لك الخروج ولعل الله يصلح ما بينكما بإذن الله
 
الله يكون في عونك ويهديك لما فيه الخير لك في الدنيا والاخره واكثري من الدعاء في جوف الليل وهذه الايام الفاضله والزمي الاستغفار وداومي عليه في جميع احوالك وحاولي ان تتناسين طلاقك وتتفرغي لعبادة ربي مع الدعاء الله ان ييسر امرك لما فيه الخير لك وابشري بالفرج منه سبحانه
 
فديتكم على دعواتكم

موقادره أنســاه لأني ماشفت شي مو حلو فيــه
عشان كذا ابي يرجع .. ساعدوني ارجوكم
ابي اكلمه
ابي اسوي شي​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل