عروس مطلقه

الله اعلم مااقدر احكم لان سبب الطلاق مو واضح من طرف زوجك يمكن عنده اسباب غامضه
اذا في مجال فهميه مو تقولي انا غلطت قولي انا انسانه اول مره اعيش مع زوج غريب كيف بشهر تبيني اكون جريئه هاذا اذا قصده كذا صدقيني مو كل البنات صاروا جريئات بثانيه كان تطلقوا اغلبهم تاكدي قبل السبب ليه بعدين اذا كان تفكيره تافه وطلقك عشان خجلك فهميه ان لازم يكون بينكم تواصل بشويش لين نتعود واذا عطاك فرصه ارمي الخجل لارجعتي وعليك بالكلام الحلو وشغل الليل عشان ترضيه وتعجبيه الله يهديه ويرده لك ويسخره
 
أنا من رايي لا ترسلين رساله ولا يحزنون احس انه موا قد المسؤليه واي مشكله قدامه يحلها باطلاق
لا تحملين نفسك مالا تطيق انت ما لك ذنب
احس انه زوج متهور لو وجهك وقال تراني احب كذا واكره كذا موا كان احسن
لا تحسرين بعمرك ولا طحين عليه ان كان بيرجع حب فيك ولا مايلزمك الله الغني عن ها الاشكال
 
شكله جاته من الجنة والناس ووجدها سبب يداري به الناس والا فالسبب غير مقنع البثثثثثثثثة انتي طنشيه ولا عاد تتصلي عليه هو بيشتاق لك وعليك بسهاام الليل فانها لا تخطئ
 
فديتكم يااخواتي
نصايحكم على راسي
بس انا تعبت احبه و اشتاق له ابيه يحس فيني
ابي نرجع لبعض
ابي يعطيني فرصه
بس هو رافض يقول خلاص انتهينا وانا مو مقتنعه اننا انتهينا
مو مصدقه اني تطلقت
ابي ارجع له بس شلون وهو رافض​
 
حبيبتي لا تزعلين مني لكن الواضح انه ما حبك ومالقى له سبب للطلاق الا عذره التافه
اللي يحب يحارب الدنيا عشان اللي يحبها​

اللي يبيعك بيعيه ولو كان غالي ولا تذلين نفسك أكثر من كذا لويبيك بيجيك حبو​

والحمد لله انك بالبداية وماحملتي منه​
 
لاتتصلين عليه نهائيا

كافي اللي سويتيه

ومسأله تحبينه ومو مصدقه انك تطلقتي منه اصحي يااختي اصحي من اللي انتي فيه

هو طلقك اي كانت اسبابه وباعك وش تبين فيه

اذا حابك يصبر عليك ويخليك تحبينه مع الايام موب يترك وانتي عروس !!!!

صدقيني ياختي وخذيها مني تراه مب كفو

لاتبلشين منه بعيال

اسمعي من مجربات الحياه خبرات وانتي باول الطريق وعاطفتك مصيطره على تفكيرك

شوفي الموضوع من زاويه ثانيه من زاوية عقلانيه اكثر

لنفرض انه زي مايقول ظلمتيه بعدم حبك له باللهي هل هذا سبب مقنع للطلاق ولا بعد توكم ماكملتوا شهر ؟؟؟؟ !!!

هل هذا انسان قد المسؤليه وقادر يفتح بيت ويهتم فيك وبعياله ؟؟؟؟؟


فكري مليون مره بدل ماتتقربين منه برسايلك


اقطعي اي وسيلة اتصال بينكم والتفتي حق نفسك وكافي اهانه

بالتوفيق
 
البنات كفوو ووفوا
صدقيني الرجال مايبيع بلحظة عشان حب وما حب

سببه مجرد عذر لشي بنفسه والله العالم
 
عسى ان تكره شي وهو خير لكم يااختي فوضي امرك لله هذا مو سبب موقنع للطلاق شكلو جاتو على بلاطه واحمدي ربك انو طلقك دحين ولا بعدين فكري بهالشي لو تبغي تكتبي رساله اكتبيه رساله عتاب ودعاء عليه مو اعذار مضمون الرساله عزيزي اذا كان سبب طلاقك لي انك تشعر اني مااحبك فيشهد الله اني احبك واما اذا كان سبب اخر فحقي منك سااخذه يوم القيامه
 

من آلطبيعي شي على شي يولد آنفجــآر
ذكرتي آنك رفضتيــه كم مرة .. وزآد ذلك
خجلك منه
ففسرها رفض لشخصه

آســآل آلله آن يكتب لك آلخيره في آمرك
 
الله يفرج همك يااارب
ويسخره لك ويحننه عليك ياااحي ياقيوم
 
يعطيكم العافيه على ردودكم
ونصايحكم ودعواتكم ...

أنا للآن مصدومــه ومو مصدقه أني تطلقت بهـ االسهوله
أبي أصحى مو قادره ؟
أبي أكلمه مو قادره ؟
أبي أرسله مو قادره ؟​
 

ابي رساله ارسلها لطليقي .. ابيه يحس
سـاعدوني ؟​
 
بنبهك على نقطه مهمه مره

اصرارك انك ترجعين له وترسلين له كلام من ضمنها انك تحبينه وتستعطفينه انه يرجع لك خصوصا انه مطلقك بوقت قياسي وبدون اسباب قويه

خذيها مني كذا ترا ينفره زود

خذي بردود الاخوات واقطعي الاتصال فيه

خليه يفقدك وياخذ وقته بالتفكير واذا فعلا شاريك وتسرع بطلاقه يجي لمك ويطلب الرضا منك وترجعين له معززه مكرمه عشان تثقين فيه وتجيبين منه عيال يكون كفو ابو لهم

اما مسأله تواصلك معاه بهالشكل وهو اللي غلط عليك كذا بتكونين بنظره ماعندك كرامه وحتى لو رحمك ورجعك ماراح تكون حياة مستقره

خذي لفه بالمنتدى واقري واتثقفي اكثر

الله يكتب لك اللي فيه الخير
 
طيب اختي كنتو مختلفين يعني صارت بينكم مشكله قبل يطلقك ولا ايش اشرحي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل