عجبي لمن لايعجبه العجب!!!!

[hifa mm]

جزااااك الله خير

إختيار موفق لهذا الموضوع الرائع

كما أن طرحك للأمثلة الحية زاد الموضوع حيوية وتألق


تابعي غاليتي

 

[الدنياسراب]

الموقف الثالث-الرجل الشرقي

من وحي الواقع....
فهدشاب منظم ودقيييق في اموره ومواعيده ومنظم ويهتم بالنظافه في كل شي...
تزوج هناء فتاة جميييله جدا ماشاءالله وهاديه وبسييطه في استايله وشكله العام...
في اول زواجهم كان فهد يراقب زوجته من ناحية يخشى ان تكون من النوع المهمل..
في اول يوم بعد الزواج..من الداخل...
خرج فهد ليصلي الفجر..نهضت هناء وصلت ورتبة مفرش سريرهما ورتبت غرفتهما واشعلت البخور ...
دخل فهد ورائحة البخور تجذبه فرح كثيرا عندما راى الغرفه والمفرش مرتب شكرها وردد في نفسه الحمدلله شكلها مهتمه بالنظافه ومن شدة فرحه عندما صحى في الصباح وسلم على والدته قال يمه ماشاءالله عليها هناء نظيفه ومرتبه..هههه ياحليله لهدرجه هامه الترتيب والدقه ..
استمرت حياتهم هاديه وحلوه..
هناء كانت كثير مهتمه ببيتها ترتيب وتنظيف..لما يدخل فهد يلاقي البيت مرتب وحلو

لكن اهتمامها بالبيت كان اكثر من اهتمامها بفسها..!
و فهد كان يتظايق من هناء ماكانت تغير ملابسه وتنوعها يعني تجلس طول اليوم على لبس واحد..صارح فهد هناء وقالها انا احب تغيرين من لبسك مو حلو تجلسين طول اليوم بلبس واحد..!
انحرجت هناء وتعذرت باشغالها وقالت سم ان شاءالله...
في يوم كانو متجهزين بيطلعون وفجاءه نادى فهد ...هناء هناااء...لبيه انا جايه...تعالي بغيت اسالك ..
هلا وش بغيت....
فهد..مادري انا اشم ريحه خايسه بالمطبخ تعالي نشوف وشي!!!
هناء.....؟؟؟؟؟!!!!
فهد يدور بالمطبخ..هاه حصلت سبب الريحه..
هناء..هلا وين
فهد..يناظر بالمجلى ويقول لهناء شوفي ويطلع المشخال الي جوى المجلى حق غسيل المواعين كان مليان وفيه اثار طعام..وقالها هذا لازم تفرغينه على طول لانه يسبب خياس..
هناء..منحرجه ومستغربه من دقته وتقول في نفسها ..الله يعيني على هالدقه..(فهد كانت تناسبه شخصية رغد اذاتذكرون الموقف الاول للرجل الجنوبي-)
مضت ايام وسنين وهناء كثرت متطلباتها وكانت كل ماطلبت من فهد مصروف يدخلها في تحقيقات وش تبغين فيه ولا تصرفين وولحد ماقنعته انه يحطلها مصروف شهري..وافق فهد وحددلها مصروف 500بالشهر هي وولدها وقال اذا شفتك ماتسرفين وتحافظين عليهن ازيدك...
فهد ماكان بخيل لكنه كان حريص وين تصرفه وماتكون مبذره
انجبت هناء ولد وبنتين وكثرت اشغالهاوفهد اصبح يتافف من قلة ترتيب البيت يبغى البيت على طووول نظيف والاكل ماكان يهمه كثر اهتمامه بالنظافه والروائح الحلوه وترتيب اطفاله..كثرت مشاكلهم باسباب الترتيب والنظافه..ياويل هناء لو دخل ولاقى الحوش فيه العاب مبعثره وتراب متراكم...كان مايصبر لما يلاقي بنته الصغيره شعرها منكوش وماسرح على طول اخذها ووداها للحلاق يدرجه واحيانا هو يجلس يقصص...هناء كثير تنقهر من تصرفه ..
بالاخير قرر فهد يجيب شغاله وجت الشغاله وكانت حلوه وناااعمه وبيضاء ....وساعدت هناء في البيت وخفت الاشغال على هناء...
بعد شهور هناء مارتاحت ابد لللشغاله وطلبت من فهد انه يسفرها او يبيعها لانها ماتحتاجها.....
فهد ارتاح كثير بعد ماجت الشغاله...وهناء سارت تراقب الشغاله في كل شي ..
لحد ماكتشفت المصيبه.........فهد متزوج الشغاله...
انهارت هناءوتمشكلت مع فهد الي اعجب كثير بدقة ونعومة (راني)شغالتهم والشرقي معروف انه يحب المضيفات والممرضات ..لنعومتهن وترتيبهن.. عشان كذا ماقدر يقاوم بعد ماشاف راني ...
بلاخيرفهد وافق هناء وسفر راني ثم بعد فتره جاب شغاله ثانيه وتزوجها في السر وهناء طاب خاطرها من افعال فهد وصارت ماتعاتبه ووكلت امرها لله وايقنت انه ابتلاء من الله ولابد من الصبر والتجات لربها..اهتمت بفهد تعامله بما يرضي الله ولا تنتظر منه مقابل...
فلابد ان ياتي يوم ويرجع لها فهد..

وللمواقف بقيه...

حياكم المتصفح للجميع الكل يدلي بالمواقف الحيه ليستفيد الكل...

 

[أم الشبل]

الدنيا سراب ابدعتي فيما خطت اناملك وبارك الله فيك استمري

 

[الدنياسراب]

HIFA MM>>لاعدمت وجودك يالغلا
ام الشبل>>حفظك الباري من حسن ذوقك غاليتي

 

[همسات الدجى]

حلووووووووووووو

 

[ميانج&]

يمه
خوفتيني من الشرقي
منتظرتك

 

[الدنياسراب]

همسات الدجى>>شرفتي
ميانج&>>
(خوفتيني من الشرقي )
حبيبتي مو كل شرقي نفس الوضع تبقى العادات والدين يحكم افعاله--بالعكس الشرقي فيه اشياء حلوه انا ماذكرتها اختصارا

 

[لميس444]

ايووه كملي

 

[رندا كووول]

اكملي سراب قصص رائعه ومن الواقع
اسلوبك سلس و ابداعك اروع

 

[كيلويترا]

ياليتكم يااخواتي اذا بغتوا تكتبون شيء مفيد وحلو نفس المواضيع هاذي انكم تسردووونها تحت بعض بدون ردود وصفحات نقلبها وتطفشنا وننس الي قريناه بين الصفحات يعني اذا كان مكتوب مره وحده نقدر نقراه مره ومرتين وثلاث عشان نقدر نستفيد منه باكبر قدر مونطفش وحنا نقلب الصفحات احيان يصير النت ثقيل

 

[hmas]

سلمت الأيادي
موضوع جميل
متااااابعة....................

 

[ميانج&]

يااخت الدنيا سراب
انا خفت لانك وصفك للقصه زي زوجي في النظام والنظافه هو جنوبي شرقي
وانا فوضويه غربيه
خاصه ضحكتيني لما علي موقف شعر بنته
والله زي زوجي مايبغي عياله شعرهم منكوش دايما يهاوشني علي شعر بنتي
اقوله خشن وهي تلعب طفله لازم يتنكش
يقولي لا وعلي طول الحلاق
اللي عااادي عندي شوفه مكركب
ويمدح دايما بشغاله اخته والله مومن نظافتها بس الله يصلح اخته تمدحها وتقوله دايما عن اهتمامها بنفسها وتنظيفها للبيت

 

[طبعي فريد]

اللهم ارحمنا--وفقتي يالغلا ماشاءالله دائما انتي راائعه في طرحك

 

[الدنياسراب]

رندى كووول>>من حسن ذاتك ياعسل
لميس<<شاءالله الحين اكمل
طبعي فريد<<اشكرك من حسن ذوقك
hmas<<يسلمو عل المتابعه
كليويترا>>>>يسعدك الباري كلامك سليم اعتذر اذااتعبتك لكن لما يكتب الواحد الموضوع احيانا ماكتملت الافكار الا لما تلاقين حماس من البنات وتحسين انهم محتاجين اكثر للموضوع فتتمحسين وتثرين الموضوع بافكار جديده...وبرضوه لاتنسين اشغال البيت والاطفال مايعطونك مجال تواصلين على النت..وامس صراحه مع كسوف القمر ماله نفس الواحد يدخل نت الله يرحمنا برحمته...ياعمري مايكون خاطرك الا طيب ان قدرت راح انسخ وانزلهم بموضوع مستقل لكن لحد ماخلص..
ميانج&<<ههه الله يستر عليكم يالله خوذي العبره من الغير واهتمي ببيتك وزوجك واولادك ونفسك اهم شي اسعك الله..

 

[الدنياسراب]

الموقف الرابع--الرجل الغربي

من وحي الواقع...
هند فتاة طيبه وخلوقه وهاديه ..تزوجت من ماجد شاب فوضوي متطلع لكل شي جديد لايملك الحكمه في تصريف الامور حنون حالم جدا..
من الداخل...
ماجد..هند حبيبتي تصدقين ماكنت متوقع ان اهلك يوافقون!!
هند..ليه انت الكل يتمناك..
ماجد..قالولي ان ابوك شديد ومستحيل يوافق عليك وتحمست اني اخطبك ووريهم اني قدرت اقنع ابوك
هند..ههه حلوه هذي اجل ماخطبتني الا يوم حسيت ان فيه مغامره!!
ماجد.. لاء وش دعوه بس انا ماكان ببالي الزواج الحين.. بس انتي تستاهلين من ياخذك بدري..
مضت حياتهم بكل حب ورومنسيه..
وبعد ايام اصبح ماجد يتاخر مايجي للبيت يطلع من الدوام للبيت ويتغدى وينام ثم يطلع مايجي الا بالليل متاخر
ماجد..جاي من السهره..ويلاقي هند تنتظره..
ماجد..هلا هند للحين مانمتي وش فيك..
هند ..انتظرك ليه تاخرت!!تعبتني وطول اليوم ماشفتك الا متى هالحال
ماجد.. لاتزعجيني انا كذا طبعي
هند.. حاولت تنام بس الغصه الي بحلقها ماخلتها تنام قامت وفرشت سجادتها وصلت ودعت ربها من كل قلب انه يهدي ماجد ويسخره..
من بكرى..صحى ماجد وجلسو على الفطور
ماجد..اشوف نفسيتك مو بالحيل اليوم..لااكون انا سببها!
هند.,,,,,,,
ماجد..انا اسف حقك علي بس انا قلتلك اني ماكان نيتي الزواج بسبة السهر مع اخوياي
هند..بس خلاص الحين تزوجت يعني غير جدولك على الاقل تعال بدري شوي
ماجد..احاول
تعدل ايام وتعرف على اصدقاء جدد ورجعت حليمه لعادتها القديمه بالسهروالطلعات
مضت الايام وتعودت هند على تطنيشه ورزقهم ربي باولاد وتعبت هند من تحمل مسؤلية اولادها لوحده
هند..ماجدالولد محتاج ملابس متى بتودينا
ماجد..العصر
جاء العصر وانتظرت..اتصلت عليه..الو وينك يالله راح الوقت
ماجد..اوووه نسيت خلاص مره ثانيه مايمدي
هند..ماجد لاتنسى تطعيمة البنت راح وقتها وانا انتظرك تطعمها..ماجد ان شاءالله
جاه اتصال من صديقه طلع بسرعه..
هندتنتظره
دق جوالها..الو هلا ..ماجد يقول لهند انا راح اتاخر روحي مع اخوي انا قلتله
مضت ايامهم بمشاكل بسبب الاهمال وعدم تحمل المسؤليه..وصارت مشاويرها تقضيها مع الليموزين او اخوه
وتركته بحاله ..وعاشت حياتها ..ومشت امورها بنفسها..وطلبت من ربها المعونه ..
وبعد ماحس ماجد انه هند صارت قليل تسال عنه وتاركته بحاله وممشيه اموره بنفسه ..
ترك سهراته وصار يجي 12 بالليل ..وفرحت هند بالتقدم وشكرت ربها..
لكن مكدر خاطرها بيتها شقه ظيقه وهم كثرو بنات واولاد وترجته يشريلهم بيت لكن.....ويييين ماجد ماعنه شي كل شي يروح بيومه ومايعرف يجمع القرش!!
وفي يوم كانت هند تنتظره من زمان بشرها ماجد انه ورثه من ابوه المتوفى طلع وراح يشريلهم بيت
هند ماوسعتها الدنيا من الفرحه ..كانو كل ماذكرلهم بيت لللبيع راحو يشوفونه ويلاقون انه مايناسبهم
لحد ماحصل شي ماتوقعته هند ولا حسبة حسابه
دق واحد من معارف ماجد وقاله طلبت فزعتك انا محتاااج وضايقتن بي الوسيعه..
ماجد.. قال اارد لك خبر بكرى..جلس يفكر وقال هو بحاجه وطلبني وارده ..دق على طول عليه وقال جنك الفلوس خذهن ومتى مارديتهن ...
وبكذا رااااح حلم هند في البيت...
ودخلت في معاناة جديده..فرج الله همها

وللمواقف بقيه...

 

[الدنياسراب]

المعذره حبايبي الموقف الرابع الرجل الغربي ماوفيت القصه حقه استعجلت بسياغة القصه بحكم انشغالي ارجو المعذره على التقصير

 

[رحـى]

لا حول و لا قوة إلا بالله العلي العظيم,,
متــــــــــــــابعة بكل الود,,

 

[رندا كووول]

بانتظارك ياعسل

 

[الدنياسراب]

فااصل

هي الحياة تجارب..وتبادل خبرات..فمن احب لاخيه كما يحب لنفسه فسيساعده على تخطي العثرات ويفيده بتجربه قد مر بنفسها...
لو كل وحده من الامثله السابقه او غيرها تمعنت مقدمة الموضوع عن احتساب النيه في التعامل مع الزوج وغيره..ومانتظرت مقابل من الزوج كان ريحت تفكيرها وحافظت على صحتها ونالت الاجر...
الدنيا دار ممر وليست مقر...لايوجد انسان سعيد طوال حياته(وقد خلقناالانسان في كدر)..
هي الدنيا جبلت على كدر.......
غدا لنا لقاء باذن الله...​

 

[الدنياسراب]

رندى كوول--رحى --
يسعدني تواصلكم...
لكل من استفاد من الموضوع