عجبي لمن لايعجبه العجب!!!!

[الدنياسراب]

&&الموقف الاخير_الموقف المشرق&&

من وحي الواقع...
خالد شاب ملتزم هادي خلوق لكنه كسول وفوضوي وعنيد وبااارد باشغاله واخر مايهمه شكله...تزوج بأمل فتاة جذابه وناعمه وانيقه وفرفوشه..
من الداخل..ليلة الزواج..
دخل خالد على امل وسلم وجلس عند امل..
خالد..ماشاءالله كل هالزين لي..وش هالحلاوه..ماشاءالله قمر..ارفعي راسك وناظريني..
امل..منزله راسه وميته من الخوف والحياء..
خالد..ياربيه اموووت انا بالحياء مد يده لذقن امل ورفع راسها وباسها على خده..
امل ..رااااحت فيها.. وبنفس الوقت تفاجات من شكل خالد..في نفسها يوه ماتوقعت شكلك كذا كبر ابوي(خالد كان شكله خشن الي يشوفه يقول كبير وهولسى صغير ولونه حنطي وجسمه رويان)
ضاق خلقها وكرهته..من اول نظره
سافرت امل مع خالدلشهر العسل وجلسو فتره يدور فندق وماحصل كل شي مزحوم وانقهرت عليه ليه ماحجز من قبل
وفي النهايه سكنهابشقه عاديه وانقهرت زياده وكل ماطلبت مكان جلس يحوس ويدور مايعرف شي لامطاعم ولااماكن حلوه ..وصلت معاها وطلبت يرجعون لمدينة اهلها ...
حطها عند اهلها..وودعها..ومادرى انها ناويه ماترجعله..
كل يوم يمر على خالد يزيد حب لامل وامل يزيد كرهها لخالد..!

وفي يوم جاءخالد ياخذامل لكن امل رفضت وقالت مابيك.. جلس يقنعها خالد ترجع معه وراح تلاقي كل شي يعجبها..واقنعها لحد ماوافقت ورجعت معه...
حاولت امل تتاقلم مع خالد لكن قلبها ماحبه ابد ..
من الدخل..
خالد..جاي من الدوام.. هلا عنوني وش لونك..
امل ..حمدلله تمام..كانت تمشي حياتها تجامل خالد وتمشي امورها
كلمت امل خالد وطلبت منه يكمل البيت لكنه كان ياجل ويسوف لحد مانقهرت عليه وهواش لحد ماجاب الي تبي..
خالد كان مقتصد في فلوسه ..وامل كان يضايقها هالشي...
حاولت معه كثير لكن ماقدرت له..
كانت كثير تعاير خالد وتقول ربي منعم عليك ليه مانشوف اثر النعمه ..اترك البخل.. ومتعنا بالي نبي...
وخالد كان حكيم ويجذبها باخلاقه..ومايرد غير يالله نعيم الجنه مالاعينن رأت ولااذنن سمعت ولاخطر على قلب بشر..
كانت كثير تتمشكل معاه وكل ماحصل مشكله طلبت منه الطلاق..وتردد خلاص طلقني انا مابيك..
خالد..تعوذي من الشيطان واتركيك من الخرابيط..
امل ..نزلت راسها وصارت تبكي من غير صوت,,,
خالد..وش فيك ليه كل الزعل!! امل ابسالك هل انتي مغصوبه علي؟؟
امل..,,,,لاء ماحد يقدر يجبرني على شي مابغاه..
خالد..اجل ثقي يامل ان الحياة مافيها كمال ولازم بداية الحياة تكون صعبه واحساسك بالنفور شي طبيعي بدية الزواج لان الحب مايجي بيوم وليله الحب بين الزوجين كالشجره تنمو ونحن من يسقيها بتعاملنا وتبادل الحب بننا..وتنازلنا عن بعض الكماليات ..امل ابعدي وساوس الشيطان عن فكرك واسمحي بحبي يتخلل قلبك ..وفكري بايجابياتي..
امل..,,,,,,!!!!في قلبها والله ماصبرني الا اخلاقك الحلوه بس قلبي عيا يحبك مو على كيفي...
خالد..لاشوفك كذا مره ثانيه يالله قومي غسلي..
حاولت امل تبادله الحب وتجامل..وتمشي حياتها..وصارت تدعي ربها في كل وقت انه ينزل حبه بقلبها..ويدبرها على الصالح..

مضت حياتهم..واهتمت ببيتها وزوجها واطفالها..لكنها تتعب معاه بالمصروف ودايم مشاكل بسبب الفلوس..وتهوش فيه ليتك تكون كريم معانا اترك عنك البخل....لكن..ماكان ياثر على خالد ..وكل ماجلست تهوش..يطلع خالد.. واذاهدت رجع للبيت...
خالد..امل خليك عاقله واتركي المشاكل تراها تبعدنا عن بعض.. وتسببين الكره لنفسك..
امل.. اصلن انا مليت منك..
خالد...الله يهديك
وفي مره امل كانت جالسه وتفكر انها ماخلت شي الا جربته مع خالد من ناحية الفلوس وتاجيل اشغال البيت ..كانت مره تهوش ومره تلمح ومره تصرح بجلسه هاديه وكل هذا مافاد معاه...ليه ماتبع اسلوب المدح للخصله الي ماعجبتني لعلها تنفع باذن الله..
اتكلت على الله .. ولازمت الدعاء في اخر الليل والسجود وبين الاذان والاقامهوتلح على الله بالدعاء(الهم يألله حبب لي زوجي وحببني له اللهم اجعلني احب النساء الى قلبه ويكون احب الرجال الى قلبي..اللهم اعنى على غض البصر عن الحرام اللهم انفذلي منه وانزع عنه البخل ياااااربي يارجائي سبحانك ماخاب من رجاك)
استمرت سنوات وحتى يومنا هذا لم تترك الدعاء ولم تستعجل الاجابه..
ولمست اثار دعائها في حياتها..
وقررت ان تستمر في مدح زوجها..
خالد داخل ومعاه اغراض للبيت..السلام عليكم
امل .. وعليكم السلام هلا بعنون امول مشكور حبي الله لايحرمني كرمك الي ماله حدود..امووووه
خالد..وياك حبي..وفي نفسه يقول واخيرا اعترفت بكرمي وبدا يبان فيها..
وصاريجيبلها اشياء ماطلبتها...وهذاموقف فلحت فيه امل
وفي يوم كانو طالعين يتسوقون واعجبها فستان وتمنت لو تاخذه..
خالد..تبغينه
امل ....لاء حبيبي غالي سعره انا اعرف انك ماراح تقصر معاي..الله يخلي لي كرمك..
خالد...في نفسه الحمدلله واخيرا صارت تقدر الفلوس وتعرف قيمتها..
وصار يعطيها مصروف...
ومره من المرات كانو طالعين يتمشون...قال ولدها بابا نبغى نتعشى في مطعم..
خالد...لاء كل يوم مطاعم..وامل تسمعهم وتسكت ولدها وتقول اصلن بابا مايسمحله كرمه يردلنا طلب....
خالد...يسال امل اي مطعم تبغون..
امل ...مطعم الايطالي او الي يريحك..وهذا الموقف الثاني الي فلحت فيه امل..
ومرت ايام وامل لازالت تطمح بالمزيد....ومره وهي جالسه دق جوالها..
امل ..وعليكم السلام هلا بصديقة عمري..ويييين الناس..
نهى..هلابك بهالدنيا
امل وش اخبارك واخبارالبنوته الحلوه شكلها طالعه على ابوهامزيون بسم الله عليه
نهى..مو اهم شي الزين..
امل ..علينا يانهى تخافين من العين ماشاءالله
نهى...أأأه يامل من هالزين الي تقولين..ليتني بلياه..
امل.. وين الي كل عمره تتمنى شاب وسيم
نهى ..صحيح يامل اني كنت ادعي ربي بشاب وسيم لكني غفلت عن الدعاء انه يكون ملتزم وخلوق..عمري ماتخيلت ان زوجي يصلي بعض فروض الصلاة بالبيت ويتهاون بالسنن كيف راح يربي عياله على المسجد وهم يشوفونه يصلي بالبيت!! صدقيني يامل الرجل مو بوسامته الي ماجنيت منها الا الغرور وشايف نفسه...
الرجل يامل كل مايكون خشن كل مايكون افضل تحسين برجولته وتكونين ناعمه عنده الرجل بدينه واخلاقه وتعامله مو في وسامته ...ورومنسيته..
امل..الله يعينك الدنيا مافيها احد مرتاح ومصيرنا الموت
نهى ...يالله طولت عليك مع السلامه
ومجرد ماسكرت الخط امل سرحت وجلست تتأمل كلام نهى وكيف انها متضايقه وماهمها جمال زوجها (لان امل كانت تغار من نهى انه وفقت بزوج وسييييم)
وقالت في نفسها انها بنعيم وماحسيت فيه وحست ان تفكيرها اول الزواج كان سخيف ولولا رحمة ربي كان فرطت بزوجها..وانبها ظميرها على معاملتها مع خالد ..وليه مابادلته الحب..وقالت انا بعد فيني عيوب وهورضى فيني وماجرحني مثل ماجرحته ..راح ابدا بتغيير نفسي وان شاءالله اقدر اغير بخالد الصفات الي ماعجبتني.. ولوماقدرت يكفيني حبه واخلاصه لي والتزامه...عزمت على التغيير وشعارها بالحياة((ارضى بالقليل لياتيني المزيد_بالشكر تدوم النعم_القناعه بكل ماعندي)
قطع تفكيرها صوت الباب يفتح..التفتت للباب...خالد داخل وشوقه يسبقه لامل..مجرد ماشافته امل..سالت دموعها على خدها من الفرح ان ربي رزقها بزوج الكل يتمناه لدينه واخلاقه..
خالد...منبهر من شكل امل ..وش فيها الحلوه من مزعلها...راحت امل تركظ لخالد وظمته بكل قوتها وحمدت ربها على النعمه ودعت ان ربي يديمها ويرزقها شكر هالنعمه.ماشاءالله تبارك الله..رفعها خالد ومسح دموعها وقال ماعاش من يزعل امولتي...

وبكذا انتهى الموضوع ان اصبت فمن الله وان اخطات فمن نفسي والشيطان والعذر والسموحه منكم على الاطاله
لكم خالص ودي

​

 

[غيمة فوشية]

جزاك الله خيررررر

 

[فررراشة]

بوركت على طرحك الرائع
وسلمت أناملك التي اتحفتنا​

 

[الدنياسراب]

غيمه فوشيه>>امين واياك حبي
فررراشه>>تسلمين يالغلا ومشكورين على مروركم العطر

 

[مترو]

هالشمالي عللللللللللللللللللللللله

زوجي مزيج من القصتين حقت الشمالي !!

الله يستر بس !!؟؟

 

[أم اسامه]

جزاك الله خيرا على الطرح الاكثر من رائع امتعتينا وافدتينا مشكوووووره يا الغاليه

 

[رندا كووول]

قصص في غاية الروعه
بارك الله فيك

 

[الدنياسراب]

مترو>>هلافيك الشمالي اذا عرفتي له ملكتيه
ام اسامه>>>تسلمي والله هذا من حسن ذاتك حبي
رنداكووول<<<<<تسلملي المتابعه المستمره وبصماتك الرائعه على متصفحي

 

[صمتي شكاني]

وفقتي يالغلا مشكوره

 

[اسيرة الايام]

اهنيكي على موضوعك الحلو
بارك الله فيكي​

 

[الدنياسراب]

صمتي شكاني<<شكرا لك
اسيرة الايام<<اهني نفسي على وجودك في متصفحي

 

[حنين1426]

موضوع رائع جدا أهنيك عليه

باسألك الموقف الأخير شخصية الرجل شمالي لكن شمالي شرقي أو غربي؟؟؟؟؟؟
سبحان الله شخصيته قريبة جدا من شخصية زوجي وأنا اتوقع ان زوجي شمالي شرقي
لكن من القصة الأخيرة اللي ذكرتيها ذكرتيني بمواقف لزوجي التسويف دايما يتأخر في طلباتي وما يهتم كثير بالحجز قبل ما نسافر والترتيب خاصة اذا كانت السفرة داخلية لكن لما طلعنا برا حرص ع حجز الفندق والترتيب قبل..
انا محتارة هل هو ش. ش والا ش. غ؟؟
ممكن تساعديني ياغالية خاصة من خلال الشخصية اللي في القصة الاخيرة

 

[الدنياسراب]

حنين>>هلا فيك عزيزتي..الموقف المشرق..للمرأه انها قدرت تصلح الامور..
لاحبيبتي مو شمالي لو قريتها مره ثانيه راح تتاكدين انه _شرقي جنوبي_
اخذ من الشرقي- الاقتصاد في المال_مايواكب الموضات في اي شي يخصه لانه يتخوف من اي شي جديد وانا قلت انه امل كانت تتمنى انه يكون شكله حلوويهتم بالتجديدهو صحيح نظيف ومرتب بس على الدقه القديمه..
اخذ من الجنوبي_حنانه والكسل والاهمال بالمواعيد عايش حياته فوضى وتسويف ومغرقها كلام حلو
اما الشمالي بالعكس حريص على المواعيد ويهتم بالمستقبل وكريم..هذا الي اعرفه والله اعلم..
اتمنى اكون افدتك..

 

[الزوجة العاقلة]

الله موضوع جميل لفت إنتباهي والأسلوب القصصي من أنفع طرق المعالجة للمشاكل الأسرية وتوصيل المعلومة الصحيحة للنساء بالذات جزاك الله خيرا.

 

[شيريل]

موضوعك جميل
ومهم جدا لنا معشر النساء
اسأل الله ان لانكون من المكفرات للعشير
تابعي المسير
بإنتضار دررك ................ :35:

 

[حنين1426]

الله يعطيك العافية أختي
بس والله بجد احترت في نمطه!!!!
خاصة الفترة الاخيرة احسه تغير كثير وتغيرت صفاته ونظرته للأمور..
الله يعين بس..
مشكورة على ردك وتوضيحك..

 

[متمسكة بالله]

من جد اشكرك حبيبتي الدنيا سرااااااااااااااااااااااااب عالموضوع القوي اللي فعلا محتاجينه و يصحينا من غفلتنا ...


انا قصتي مثل الشمالي و البنت المسكينة اللي ما عرفت تجيب راسه بس انا كمان الظروف ما تساعدني لأني كل ما حسيت اني تقربت منه و هو يحس بالتغير لقيته بعد فتره يرجع اسوأ من اول بسبب المتطفلين في حياته و اهله اللي يملو راسه بخرابيط وانا اللي ادفع الثمن
زي كذا وش الحل؟؟؟؟؟؟؟؟؟؟؟؟؟؟؟؟؟؟

 

[الدنياسراب]

المرأه العاقله>>>اللهم اجعلنا كما يظنون وافضل هدفي ايصال المعلومه بطريقه سلسه مشكوره غناتي
شيريل<<اهلا بك-- اللهم امين --لاعدمت وجودك..
حنين<<اعانك ربي حدس المرأه في الغالب لايخيب كوني قريبه من زوجك واجعليه صديقك وابتعدي عن التحقيقات والمجادلات راقبي الله في تصرفك تجاهه ..لاتهملي الدعاء فهو سلاح المؤمن
متمسكه بالله >>يسلمو العفو وهذا اقل مانقدمه لاخوات لنا في الله..لي عوده معك باذن الله ..

 

[نووووفه]

الله يعطيك العافيه مشكوره على الطرح الرائع

 

[الوردة الساطعة]

قصتك تجنن والله روعة الله يصلح ازواجنا واولادنا امييين يارب