هذي المره الخامسه او السادسه اللي اكتب فيها مشكلتي وكل مره ماكنت ارسلها مادري ليش كنت اتراجع عند اخر لحظه..يمكن كنت دايما احس ان مشكلتي اكيد في نظري كبيره بس في نظر الناس صغيره او ماتستاهل كل هاللويه وعوار الراس بس ربي وحده يعلم اني كلش تعبت وماعاد عندي صبر افكر بروحي فقررت استنجد بآرائكم..
من 10 شهور تزوجت شاب اكبر مني ب4 سنين ولد الجيران وكلكم تعرفون شنو يعني ولد الجيران..يعني اول شاب تشوفينه وتعجبين فيه خاصه انه وسيم وكان دايما طيب معاي وانا دايما وبكل صراحه كنت عارفه انه مستحيل نكون لبعض وربي شاهد اني علمته ان اهلي ماراح يوافقون عليه موليه..السبب الاول ان تعليمه مهني وانا جامعيه..السبب الثاني ان الفرق بينا ماوقف عند المستوى الثقافي تخطاه للمستوى الاجتماعي مع انهم ماديا مرتاحين..ماهو تكبر والله بس كلكم تعرفون ان كل مستوى و له تفكيره واسلوب حياته .. بس سبحان الله بعد ماكنت ماتخيله زوجي جلست مع امي طلبت منها تجلس معاه وتفهم منه وتعرض شروطها((نظرا لان عمل الواد يتطلب سفر دايم))..
أمي سوت الواجب وعقدتها بشروط وطلبات مارفض منها شي بالمره بالعكس..كان اخر شروطها ان اهله مالهم خص فيني لانهم الله يسلمكم من راعيات المشاكل وقلة الادب عافاكم الله..وكان رده ان ماحد بيقدر يطالعني بنظره ماتعجبني..ولانه نصيب تمت الخطبه بالرغم من تردد الواد ورفض اخوي بس تمت..واهله كانو والله مايختلفون عن الخدامه زوجات اخواته الاثنين ينظفون ويكنسون البيت الجديد ويرصون ويرتبون الاغراض ..وانا مستانسه ماعرف شنو ناطرني بالاخر..
زوجي شريك اخوه بالعمل ونفس مشكلة الوالد العمل يبيله سفرات طويله..بعد شهر واحد من الزواج اخوه طلبه لعمل مو بالديره..خلاني عروس ماتميت الشهر وراح وقبل لايفوت على سفره ساعتين زوجة اخوه قامت بالواجب سب وهواش وقلة حيا ووالله مارديت عليها لاني حسيت وقتها اني باحصد نتيجة سؤ اختياري وهو رده انها مقهوره لاني احسن منها بالتعليم والعايله والاصل
وانه مابيده اي حل لانه ماهو بالديره..شهر شهرين طلبت منه اروح اعيش معاه رفض..وتحت ضغط والحاح تم اللي ابيه..والله لايكتب عليكم..البيت هناك اشبه الله يكرمكم ببيت الحيوانات..مايعيش فيه بشر..زوجة اخوه كانت تعيش فيه بس مستواها من بيت اهلها هالبيت نعمه بيتهم اقل من هالبيت بعد.. بعد شهر الله شاء يكون فيه حمل..وكانت ظروفي وايد صعبه من لوعة النفس والتعب من الحمل ولان الدكتوره الله يسامحها عطتني دوا غلط..ماكنت اقدر اطبخ ولا كان فيني شده اعطيه حقه الشرعي..واللي كان بيموت علي تملل مني ومن مرضي ورجعت لامي البيت بعد شهر ونص من سفري...
اليوم صارلي 7 شهور من رديت..وبالرغم من ان البيت قبال البيت اهله ماسألو عني ولا عن حملي..ولا احد من عنده رفع التيليفون في عيد او مناسبه وقال كل عام وانتي بخير..والاكثر انهم لمن يشوفون احد من اهلي خواتي او امي يديرون ظهورهم ولا يكلمونهم..غير انهم اللحين يقولون للناس انهم هم الي ماكان عاجبهم نسبنا بس النصيب اللي رمانا بطريقهم..
تعرفون شنو قاهرني؟؟ انهم والله ماهو تكبر بس ماكانو يحلمون ان يكون بينا نسب..وانهم كانوا يوسطون الجيران عند امي حتى توافق عليهم..الحين خلاص حتى اهو مايطمني بيرد بعد كم يوم وامي تقول لو ماخد موقف جدي ووقف هالمهزله ماباخليكي عنده..وانا حاسه انه ماعنده موقف قوي امه بدت تلعب براسه وتقوله كلام ماقلناه..
ودي الزمن يرد سنه واحده..ابوس ايد امي واسمع كلامها واقوله الله يسهل طريقك..ودي اخليه وارد بيت هلي..بس ايش ذمب طفله مانولدت تدفع ثمن سوء اختياري؟؟ايش ذمب امي يرد ابوي يعاتبها لانها وقفت معاي ووافقت على الزواج؟؟ شنو موقفي والناس بتتشمت فيني واولهم اخوي اللي كان رافض؟؟كيف بتكون نظرة الناس لي لما اخد بجداره لقب مطلقه بعد اقل من سنه ماعشت مع زوجي فيهم الا شهرين ونص؟؟ وعالم في مستوى اهله شنو مستوى رد فعلهم وردهم على الناس من يسألوهم عن سبب الطلاق؟؟كيف بيكون حجم الاشاعات اللي بيطلعوها علي؟؟
ايش عاقبة سوء اختياري لشريك الحياه؟ولاي درجه بادفع ثمن اندفاعي بقراري؟
من 10 شهور تزوجت شاب اكبر مني ب4 سنين ولد الجيران وكلكم تعرفون شنو يعني ولد الجيران..يعني اول شاب تشوفينه وتعجبين فيه خاصه انه وسيم وكان دايما طيب معاي وانا دايما وبكل صراحه كنت عارفه انه مستحيل نكون لبعض وربي شاهد اني علمته ان اهلي ماراح يوافقون عليه موليه..السبب الاول ان تعليمه مهني وانا جامعيه..السبب الثاني ان الفرق بينا ماوقف عند المستوى الثقافي تخطاه للمستوى الاجتماعي مع انهم ماديا مرتاحين..ماهو تكبر والله بس كلكم تعرفون ان كل مستوى و له تفكيره واسلوب حياته .. بس سبحان الله بعد ماكنت ماتخيله زوجي جلست مع امي طلبت منها تجلس معاه وتفهم منه وتعرض شروطها((نظرا لان عمل الواد يتطلب سفر دايم))..
أمي سوت الواجب وعقدتها بشروط وطلبات مارفض منها شي بالمره بالعكس..كان اخر شروطها ان اهله مالهم خص فيني لانهم الله يسلمكم من راعيات المشاكل وقلة الادب عافاكم الله..وكان رده ان ماحد بيقدر يطالعني بنظره ماتعجبني..ولانه نصيب تمت الخطبه بالرغم من تردد الواد ورفض اخوي بس تمت..واهله كانو والله مايختلفون عن الخدامه زوجات اخواته الاثنين ينظفون ويكنسون البيت الجديد ويرصون ويرتبون الاغراض ..وانا مستانسه ماعرف شنو ناطرني بالاخر..
زوجي شريك اخوه بالعمل ونفس مشكلة الوالد العمل يبيله سفرات طويله..بعد شهر واحد من الزواج اخوه طلبه لعمل مو بالديره..خلاني عروس ماتميت الشهر وراح وقبل لايفوت على سفره ساعتين زوجة اخوه قامت بالواجب سب وهواش وقلة حيا ووالله مارديت عليها لاني حسيت وقتها اني باحصد نتيجة سؤ اختياري وهو رده انها مقهوره لاني احسن منها بالتعليم والعايله والاصل
وانه مابيده اي حل لانه ماهو بالديره..شهر شهرين طلبت منه اروح اعيش معاه رفض..وتحت ضغط والحاح تم اللي ابيه..والله لايكتب عليكم..البيت هناك اشبه الله يكرمكم ببيت الحيوانات..مايعيش فيه بشر..زوجة اخوه كانت تعيش فيه بس مستواها من بيت اهلها هالبيت نعمه بيتهم اقل من هالبيت بعد.. بعد شهر الله شاء يكون فيه حمل..وكانت ظروفي وايد صعبه من لوعة النفس والتعب من الحمل ولان الدكتوره الله يسامحها عطتني دوا غلط..ماكنت اقدر اطبخ ولا كان فيني شده اعطيه حقه الشرعي..واللي كان بيموت علي تملل مني ومن مرضي ورجعت لامي البيت بعد شهر ونص من سفري...اليوم صارلي 7 شهور من رديت..وبالرغم من ان البيت قبال البيت اهله ماسألو عني ولا عن حملي..ولا احد من عنده رفع التيليفون في عيد او مناسبه وقال كل عام وانتي بخير..والاكثر انهم لمن يشوفون احد من اهلي خواتي او امي يديرون ظهورهم ولا يكلمونهم..غير انهم اللحين يقولون للناس انهم هم الي ماكان عاجبهم نسبنا بس النصيب اللي رمانا بطريقهم..
تعرفون شنو قاهرني؟؟ انهم والله ماهو تكبر بس ماكانو يحلمون ان يكون بينا نسب..وانهم كانوا يوسطون الجيران عند امي حتى توافق عليهم..الحين خلاص حتى اهو مايطمني بيرد بعد كم يوم وامي تقول لو ماخد موقف جدي ووقف هالمهزله ماباخليكي عنده..وانا حاسه انه ماعنده موقف قوي امه بدت تلعب براسه وتقوله كلام ماقلناه..
ودي الزمن يرد سنه واحده..ابوس ايد امي واسمع كلامها واقوله الله يسهل طريقك..ودي اخليه وارد بيت هلي..بس ايش ذمب طفله مانولدت تدفع ثمن سوء اختياري؟؟ايش ذمب امي يرد ابوي يعاتبها لانها وقفت معاي ووافقت على الزواج؟؟ شنو موقفي والناس بتتشمت فيني واولهم اخوي اللي كان رافض؟؟كيف بتكون نظرة الناس لي لما اخد بجداره لقب مطلقه بعد اقل من سنه ماعشت مع زوجي فيهم الا شهرين ونص؟؟ وعالم في مستوى اهله شنو مستوى رد فعلهم وردهم على الناس من يسألوهم عن سبب الطلاق؟؟كيف بيكون حجم الاشاعات اللي بيطلعوها علي؟؟
ايش عاقبة سوء اختياري لشريك الحياه؟ولاي درجه بادفع ثمن اندفاعي بقراري؟
