ظننت أني ربحت حبه!!!ولكن رجع يخون؟؟؟

الله يسخر لك زوجك يارب
 
ريم حبيبتي قريت قصتك والله ينصرك ويفرج همك
قال صلى الله عليه وسلم من لزم الاستغفار جعل الله من كل هم فرج ورزقه من حيث لا نحتسب صدقيني لو ربي كاتب لزوجك يتزوج راح يتزوج ماحد يقدر يوقف في وجهه اما موضوع الخيانه هو شخص خاين ربه كيف ماراح يخونك اعرف ان الحقيقه مره بس ربي كتب لك هذا الشخص فيه كثير راحو ا عند استشاريين ونسيوا رب الاستشارين والله مافيه افضل من رب العباد هو اللي يدخل السكينه في قلبك توكلي على الله واتركي عنك التجسس والله انه يتعب وانا قد جربت بس فكرت بعقل قلت رب العبد هو اللي يقدر عليه وعلى بنات الحرام
وارجع اقولك الله يسخر لك في هذا الشهر الكريم يارب العالمين واذا زوجك بس خيانه اتركيه احسن من انك تجلسين تخاصرينه بالاسئله ويقول والله اتزوج عناد فيها وعلى بالدعاء والله كريم عزيزتي
 
هلا حبايبي الله ينصرنا والله في حرب ....
من وين نلقاها من الزوج الخاين ولا الأهل ولا الدراسه الصعبه ولا الأولاد الي يشيبون الراس والأالحياه الصعبه المتعبه....
الله يعين .....
تصدقون كان معاي السيد خالد جالس يشوف التلفزيون وأنا على النت قبل ساعه بعدين قام وسألني تبين التلفزيون قلت لا طفاه وطلع .....
على أساس بينام بعدين جيته قبل شوي لقيته ماسك الجوال ويطقطق فيه ...
ماشاءالله ساعه وأكثر على الجوال ....
قلتله منمت قال لا قلت ليش ....قال وكان خايف أنتظرك !!!!!!!!!!
قلت أحلف ....؟؟؟؟؟قاعد على الجوال وتنتظرني !!!!!!!!!!
أنت حتى ماقلت تعالي ولاعطيتني خبر أنك بتنام ...على بالي رايح الحمام؟؟؟؟؟
وضحكة عليه وطلعت ....(رجل يعتقد بأني غبيه وهوالذكي )(يعتقد بأنه منتصر وأنامهزومه)
والله انقهرت منه ....لكن قلت مافي أمل يتغير....خليه يعيش جوه ..
وأنا والله لأخذ حقي منه وأوريكم فيه ....ياأنا مقهوره
حسبي الله عليه الله ينتقم منه ويأخذ حقي قد ماأستغفلني وجرحني وظلمني
الله ينصرني عليك أدعي وأنا صايمه ومظلومه ....اللهم أمين
 
حبيبتي صح قرارك إنك تلجئين للدعاء
لكن ابغى اذكرك بشئ مهم
الامام ابن القيم رحمه الله يقول
ان الدعاء كالسيف والسيف بضاربه

اذا كانت اليد التي تضرب به ضعيفة ومهزوزة نفسيا وتعاني القلق واليأس من الحياة وغيرها
من الامراض النفسية فإن ضربها بهذا السلاح (الدعاء) يكون ضعيفا
 
ماشاء الله عليك تعجبني شخصيتك اسال الله ان يعينك وينصرك ويرده لك ردا جميلا
 
والله اني قبل كم ساعة رجعت من مكة تمنيت اني قرات موضوعك قبل مااروح عشان ادعيلك لكن الله يوفقك يارب ويسخر لك زوجك يارب

احس زوجك يبغاكي تكونين رومانسية اربع وعشرين ساعة خليكي على طول معاه وانتبهي لاياخذك زياد منه تراهم يغارون الرجال هههههه الله يسعدك يارب
 
بنات تكفون أدعوا لي ....خلاص بنفجر..........مرات أكون بارده ثلج يكون جنبي وأعرف يخونني بالرسايل والدردشه ...بس أبرد ولا كأنه صاير شي ...وأستحقره في داخلي وأقول أنسان كذاب ولعاب ....أحسه مراهق .....ومرات لا أكون نار من أشوفه شايل الجوال وتجيه رسايل ...خلاص أولع وأموت قهر ولا أقدر أمسك نفسي وأرمي عليه كلام ....مثل( الله لا يشغلنا الابطاعته) ....ولا(ياااااااااي يامهم كل هذي رسايل والله مسكين عرفوا الأتصالات يلعبون عليكم ويسرقون فلوسكم)
ولا(الله يديم الوناسه عليك ويارب أصير مثلك وأعيش جوك )....
تصدقون البارح .........وبعد فتره طويله من ترك مهمتي التجسسيه
رجعت لها ....وهو شجعني قفل الجوال وطلع يصلي العشاء والتراويح وسهل المهمه علي ....وأول ماطلع وأنا عيني ماراحت من الجوال أفتحه وألا ماأفتحه في الأخير فتحته ....وااااااااااااااااااااااي مصيبه ....
ماكان فيه مكالمات بس كان فيه مسجات كلها دردشه مع بنات الحرام الله لا يوفقهم ولا يحللهم والله يشغلهم بأنفسهم............
موقلت البارح كان قاعد على الجوال الصباح .....لقيت رسايله الي مرسلها لهم ....ورسايلهم مالقيتها ماسحها شكله نسى يمسح رسايله ...
المهم ....كان يراسلهم وهو صايم وعلى السرير.........وكانوا كثير يمكن خمس أوسته ........وكانوا يسولفون وأكثر شي يسأل هو ....
وين أنتي فيه؟
وش تسوين ؟
وش لأبسه أذا مافيه أحراج؟
بتنامين ؟؟أجيك أذا ممكن ؟؟؟
الباب مفتوح ؟؟؟
أنسدح معاك ؟؟؟ممكن ولا ممنوع؟؟
ياربي تفشانه ؟؟؟مايمديني على الدلع ...ماعاش من يطفشك؟؟
أخوانك كبار ولا أصغار ؟؟؟
أزعجتك بأسألتي ؟؟؟
أسمي خالد ...عمري 29....في الرياض....
هلا ياعيني على النك الرايق؟؟؟
ممكن نتعرف؟؟؟؟
مشغوله ...خلاص وقت ثاني ..........
مساء الورد؟؟؟ممكن نتعرف ؟؟؟؟
هلا فديتك ؟؟؟وينك وش هالغيبه؟؟؟
ممكن نتواصل بالتليفون ؟؟؟
ممكن أعرف وش يعجبك في الشباب ؟؟؟
أسمي ...خالد عمري 29 في الرياض.....
لا كنت متزوج وطلقتها.........
لا مابينا أولاد.......
ماتفاهمنا........
هلا مرحبا .....ممكن ندردش؟؟؟؟
هلا ...يالبى قلبك ...فديتك...
نوم العوااااااافي ............
معليش تأخرت .............راحت علي نومه....
هلا ممكن ندردش ....ياحلوه....
أنا على السرير........
مساء الخير .....ممكن ندردش......
أحب النعومه والأنوثه الطاغيه........
ياعيني عليك ....
كان هذا أغلب رسايله وكانت كوكتيل ممزوجه يعني هذي كيف الحال وهذي وينك وكذا ...حاولت أختصر لكم ...
كنت مبسوطه لأني عرفت أيش نوعية الرسايل بينهم ...هذا وهم صايمين ...والأغلبيه يعتذرون فيهم نوم ....
أنا الحين .............ماأحبه ...أكرهه ...بس قاعده معاه عشان مصلحتي .......بس للأسف ماأعرف أمثل وأقول أحبك ومشتاقه لك .......هذا وقت الزعل ...بعدين أرجع لطبيعتي وأمارس حياتي ....بس فعلن أنا ماأحبه أمثل عليه ....عشان مايجيب فوق راسي وحده ..........
أه والله تغيرت مكانتك ياخالد وصرت في عيني أنسان تافهه وحقير ...
ولا تسوى شي............
 
الله يكون في عونك حبيبتي
لك دعوة مني لما أفطر بإذن الله
أسأل الله العظيم رب العرش العظيم أن يفرج همك ويربط على قلبك و يلهمك الحكمة

:c016::c016:​
 
الله يكون في عونك ويحفظه لك ويسخره لك بس شوفي حبيبتي ترا كل الرجال كذاالا مارحم ربي وهم اندر من النادر عموما انتي عيشي لنفسك واخرتك ولا توفرينه اخاف يجمع لبنات الحرام ولا يتزوج عليك واهم شي حاولي تفهمينه انك واثقه فيه وانك تموتين فيه واشغلي نفسك عنه لا تلزقين فيه ترا انتي الي بترتاحين
 
انتي تحبينه وتموتين عليه بعد

بس الي فيك غضب وقهررررر

لو كنتي ماتحبينه لى قولتك كان ماهمك لو جاب عشر بس تحبينه صدقيني

الي باقوله لك عشان ترتاحين وتريحين بالك

اعتبريه مريض بمرض العصر الي اهو الخيانه
وطريقة علاجها من وجهت نظري بالترتيب

اولا توجيه لله ودعواتك ان الله يشفيه
ثانيا بضرب لك مثال لو كان المريض اهو زيزو ولدك ؟وش كنتي بتسوين بتحقرينه ؟بتحبينه بكل عيوبه
يا حبيبتي مافيه احد كامل

تمثيلك عليه مايدخل قلبه وهذاشي واضح
الي من القلب بس اهو الي يدخل القلب

اقنعي نفسك من داخلك انه مريض وانك بتحاولين تعالجينه ولا تحقرينه ابدا ابدا ابدا اتركي الخلق للخالق

واهي فتره باذن الله وتعدي

لازم تاجئين لاحد يساعدك ويوجهك

فيه مركز اشتشارت بالرياض مفتوح بس عشان يستقبل مكالمات مجانا لحل المشكلات الاسريه لو تبين الرقم راسليني
او اي وحده من البنات

لا تيئسون وتقولون حالي حال غيري الحياه احلى من كذا بكثيرررررر

الله يفرج هم كل بنت يااااااااااااااااااااارب
 
الله يردلك زوجك ردأجميلا انت وجميع المخدوعات الله يهدي زوجي وزجك امين
 

ريم انتي قويه وذكيه جدا وزوجك يموت فيك بس الخلل بطريقة تنفيذك لخططك
لانك تنفذينها غلط

يعني يبين عليك اللي بداخلك

استجمعي قواك واستعيني بالله

اقتنعي ان زوجك مبتلى واصابته الفتنه ولظعفه غلبه عدوه الشيطان ليقظي على دينه واخلاقه واسرته


هذا زوجك وابو ابنك واقرب الناس لك ساعديه ياحبيبتي ساعديه ارجوك

استخدمي ذكاءك بتخويفه بالله حبه حبه ادري يبيلها نفس طويل اعانك الله لكنك قدها وقدود

انا من قرائتي لموضوعك عرفت انك كفو واهل للثقه

واذا ساعدتيه ماراح ينسالك وقفتك معه وراح يحبك اكثر من اول بكثير

لانه من جوا مهزوز ومكسور وجريح لان نار المعصيه تحرق القلب

وهو زي العطشان اللي يشرب عسل عشان يرتوي


بس يزيد عطشه


هو مستحقر نفسه بس مو عارف كيف يتخلص من هالفتنه

الرسول عليه الصلاة والسلام والصحابة الاطهار كانو يتعوذون

من الفتن ماظهر منها وما بطن

انا اعرف انك تحبينه لكنك مجروحه
منه

بس خلي كل الحب على جنب


ولاتساعدينه على شانك لا علشانه

هو اعتبريه اخوك المسلم وشفتيه

يغرق ومعه اسرته ودينه


باذن الله انك ستؤجرين مب لازم يطلب منك حاولي ياحبيبتي


حبه حبه واول شئ ابدائى بنفسك

قدامه

استغفري قدامه صلي ركعتين

بعدين ارفعي يدينك ادعي ربك بصوت ماينسمع طبعا ع الخفيف لاتبدئى بالتخويف لان المعصيه تخوف صاحبها

من اهل الذكر حتى لايلين ويتوب


طبعا ابتسمي له وادعي ربي يعينك

خليه يحس انه فيه امل


حبيبتي اذا انتي مقتنعه بكلامي راح اكمل
 
اخيتي عليك بالصبر والحكمه وطولي بالك كل احنا

عانينا من هذه الظاهره فكري برويه وحاولي ان تشغليه بمهام

كثيره وغيري من اسلوب حياتك معه واتركي عادة رمي الكلام

لانها تحرق اكثر منه هو ومثل ما قالت الاخت الي قبلي اعتبره زي

طفلك ويحتاج الى علاج وعليك بالدعاء والله يكون معك
 
اموت علي قال:
ريم انتي قويه وذكيه جدا وزوجك يموت فيك بس الخلل بطريقة تنفيذك لخططك
لانك تنفذينها غلط

يعني يبين عليك اللي بداخلك

استجمعي قواك واستعيني بالله

اقتنعي ان زوجك مبتلى واصابته الفتنه ولظعفه غلبه عدوه الشيطان ليقظي على دينه واخلاقه واسرته


هذا زوجك وابو ابنك واقرب الناس لك ساعديه ياحبيبتي ساعديه ارجوك

استخدمي ذكاءك بتخويفه بالله حبه حبه ادري يبيلها نفس طويل اعانك الله لكنك قدها وقدود

انا من قرائتي لموضوعك عرفت انك كفو واهل للثقه

واذا ساعدتيه ماراح ينسالك وقفتك معه وراح يحبك اكثر من اول بكثير

لانه من جوا مهزوز ومكسور وجريح لان نار المعصيه تحرق القلب

وهو زي العطشان اللي يشرب عسل عشان يرتوي


بس يزيد عطشه


هو مستحقر نفسه بس مو عارف كيف يتخلص من هالفتنه

الرسول عليه الصلاة والسلام والصحابة الاطهار كانو يتعوذون

من الفتن ماظهر منها وما بطن

انا اعرف انك تحبينه لكنك مجروحه
منه

بس خلي كل الحب على جنب


ولاتساعدينه على شانك لا علشانه

هو اعتبريه اخوك المسلم وشفتيه

يغرق ومعه اسرته ودينه


باذن الله انك ستؤجرين مب لازم يطلب منك حاولي ياحبيبتي


حبه حبه واول شئ ابدائى بنفسك

قدامه

استغفري قدامه صلي ركعتين

بعدين ارفعي يدينك ادعي ربك بصوت ماينسمع طبعا ع الخفيف لاتبدئى بالتخويف لان المعصيه تخوف صاحبها

من اهل الذكر حتى لايلين ويتوب


طبعا ابتسمي له وادعي ربي يعينك

خليه يحس انه فيه امل


حبيبتي اذا انتي مقتنعه بكلامي راح اكمل
أنقر للتوسيع...



لا فض فوك اختي
هذا عين العقل الله يرده لك ووالله كلنا تجينا حالات الضعف والانكسار ونقرب نرفع الرايه البيضا
لو لا لطف ربنا بنا...
احبيه كمسلم غيوره على دينه واخلاقه واسرته

الله يهدينا لاقوم الطريق يا رب
 
حبيباتي الف شكر لكم لتعاونكم معي والله أن دموعي حارت في عيوني ...
من الفرحه الي يرسل على الخاص والي يكتب رد والي يدعي ....الله يجزاكم خير ولاتذوقون الي ذقته ....أنا أمر في ظروف صعبه أحتبارات ...وأبني مو عندي عند أهلي وأحاتيه ...وزوجي لا شغل ولا مشغله عنده أجازه وكل وقته نوم وتسدح وتبطح ....تعرفون طبع الجنوبي...
وأنا أجتهدت معاه أنه يحافظ على الصلاه في المسجد وصلاة التراويح ..وأنه يختم القران ...والله قاعده أعامله معامله غير ...صرت حنونه بزيااااااااااااااااده وأحس لما أطلب منه طلب بحنيه ودلع يستحي يردني ....مثل لما أصحيه الفجر لصلاة أول يعصب وكل شوي يقول بقوم وتروح عليه الصلاه في المسجد وقتها أولع وأزعل وأقول أنت متعمد تقوم متأخر عشان ماتروح المسجد يقوم يعاند أكثر...وصراحه هو أول يحافظ على الصلاه في المسجد وقراءة القران وصلاة التراويح ويخاف الله ...بس بعد الدوام الي أخذه أضافي تغير ....
والحين الحمدلله ترك الدوام لأن وضعنا المادي تحسن ....وأرتحت كثير لأن أصحابه في هذا الدوام مش كويسين ...وهم الي أثروا عليه
والحين بدا يرجع ....وأنا والله أدعي له وأستودعه الله كل ماطلع....
بس الي يقهر أنه الى الأن يخوني مع أنه يحبني ويقول لي بنفسه أنه يحبني ومستحيل يلقى مثلي !!!!وهذا الي يقهرني ..........
اليوم فتحت جواله وكان نايم البارح عند خالته ...ولقيت رسايل دردشه وبرضو مكالمات من نفس البنات الي يدردش معاهم ومرسل لهم كلام حب ودلع وقلة أدب وهو صايم بعد الظهر!!!!وأنا البارح مرسله له ثلاث رسايل كلها شوق ودلع ...ولا رد علي وقاعد يراسل الواطيااااااااات
مت قهر ليش ماأرسل لي رساله وعبرني ليش؟؟؟؟
ولا مشغول مع حبيباته .....
أن عندي مجموعة حلول بس يبي لها وقت وأنا خلاص طفشت منه ومن خيانته ...تعبت من جرحه لي ماأقدر أواصل ....وضغط الأختبارات ونفسيتي زفت ....تكفون أدعوالي لما تفطرون تكفون ....دعوه في ظهر الغيب........جعلكم ماتذوقون الي أذوقه ولا أحبابكم ...
 
اللة يعينك وسخرة لك استغلي هدة
  • الايام المباركةادعي لة بهديةولا تحرقي اعصابك وصحتك ترامافية احد يستاهل عيشي حياتك مصيرةيمل يرجعلك​
 
الله يربط ع قلبك.. وينور بصيرتك.. ويختار لك مافيه الخييييير.. آآآآآآآآآآآآآمين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل