ظننت أني ربحت حبه!!!ولكن رجع يخون؟؟؟

الله يكون في عونك ارجوك كملي متابعه معك

الله يثبتك ويسعدقلبك والله كريم الفرج ان شاء الله

قريب لاتياسي من رحمة الله
 
لااااحول ولاااقوة الا بالله
انتي قووويه وذكييه صدقييني من قوووتك وصبررك احس اني مستحيييه اكتب لك رد او نصيييحه
ماشاء الله تباارك الله الله ييسر لك زووجك ويسعدكم ويهدييييكم ويااارب تكوونين الاوولى والاخييره في قلبه وحيااته
وابعدي عن التجسس نهاااااائيا
 

حبايبي الي تقول زوجك كشفك وعرف أنك تعرفين عنه كل شي ....لا زوجي ماعرف لانه كان يقول أشياء ماصارت....ولوعرف كان بطل هالأحركات والمكالمات ....وطلع جوال ثاني وخذاراحته فيه من دون ماأدري ....وأناكنت أفتش وراه في كل شي حتى السياره نفظتها مالقيت شي...وهومايدري وأنا متأكده....
 
حبيبتي والله كأنك تسردين قصتي بالضبط ، أنا الحين أجأ لرب العباد وأتضرع له عشان بنقذني من هذه المصيبة ، صار لي 12 سنة متزوجة وما خليت دكتور ومستشار نفسي وسألته لكن بلا فائدة ، الحل الأول والأخير التضرع لرب العالمين ، ودعواتكم لنا يالبلقيسيات
 
لا حول ولا قوة الا بالله العلي العظيم
احمدي ربك ع حب زوجك لك وتقديره لك ولا تفكرين بالطلاق ابد ولا تهملين (نفسك وبيتك ولدك وزوجك)ونفسك ..نفسك..نفسك..اولا وأخيرا.........أهم شيء...وعندي يقين انه راح يترك هالخرابيط.....


وربي تأثرت من قصتك وبكيت وبكيت وبكيت....ودعيت ع الرجاجيييييل كلهم ....
اذا هذا زوجك المتحفظ اجل كيف الباقين؟؟؟؟؟
الله يهديه ويخليه لك ...وانت قدهاااااا وقدووود (ماشاء الله عليك) ​
 
الله المستعان..


نذبح عمارنا... و في الاخير... خيانات.. و علاقات.. و سوالف!!


الله يعين الجميع
 
والله اني دعيت لك من قلب
وتاثررررررررررررررررررررررررررررررت كثير ودموعي تنزل للمواقف ذكرتيها

انا لي متزوجه سبع شهوووووووووووووووووورررررر
لقيت ورا زوجي بلاوي ونمطه جنوبي

مقصر علي من ناحية الماده وينكد علي اذا طلعت واهله ذبحوني بغيرتهم مني ومشاكل مالها اخر
وفووووووووووووووووووووووووووووووووووووووووووووووووووووق هذا كله يخوني

الله لايوفقه ويعله يذوق الهم والقهراللي عيشني فيه
 
أكمل لكم ....
بعد ماعرفت عن مشروع الخطبه الثاني ...قلت الفكره مزروعه في راسه وماكانت فكرة الزواج عشان كنت حامل ...الحين ولدت والفكره مازالت في راسه ...لأزم أشيلها وماأدري كيف؟؟؟؟
كنت أبي أكلمه في الموضوع وأعرف أسباب الزواج !!!! يعني ظروفه الماديه ماتسمح يجمع ثنتين وبرضو عارف أنه مستحيل أرضى ....وأنا ماقصرت عنه بشي ....كنت أحيان ألوم نفسي وأقول أكيد عشا ن تغيرت بعد الولاده ...بس الفكره في راسه من قبل الولاده.!!!!!!!!!وهو ناوي يتزوج مسيار...أكيد أريح له ...على باله أنا مغفله ومابدري عنه ....
هو كان يتكلم عن الزواج وأنه من المؤيدين لتعدد ...وأذاسمحت ظروفه تزوج يعني مو الحين بعد كم سنه...كنت طبعن ماأعصب عشان مايسكت ويتحاشى يتكلم معاي كنت أخليه على راحته عشان أعرف تفكيره بس لمن ينتهي كنت أوضح له رأئي وأن أنا مستحيل أرضى لو عطاني كنوز الدنيا ومثل ماأنت دورت غيري أنا بعد بدور غيرك ...كنت أتكلم معاه وأحاول أوضح له مساوئ التعدد وان الواحد مستحيل يعدل وبيتعب من المشاكل وشكاوي الحريم وأضرب له أمثله في قرايبنا كنت أمثل قدامه أني مو ضد التعدد أنا ضد عدم العدل ...وهكذا كنا نتناقش وأعرف رايه وأحاول أقنعه ...بس هو حاط الفكره براسه كان يقول الواحد أذا بيتزوج يحط كل وحده لحالها ولويقدر مايخليهم يجون بعض عشان يريح راسه ....
أنا أعرف تفكيره وأنه وده يتزوج ....وكنت أقول لأمه شفتي تفكير ولدك الغبي يبي يتزوج ثنتين كان يضحك ويقول لا الا أربع ....قالت أمه لي لاتزعلين وتتضايقين هذا كلامه من كان ولد على باله الزواج وكثرة الحريم بتريحه شوفي يابنتي لا تسمعين له دايم الي يتكلم مايسوي شي ...كان يضحك ويقول بذكركم قلت له هذا تحدي قال أيه قلت مسكين أنت تتحدى نفسك وأذا تزوجت طلقتك وتزوجتك غيرك ...قال لا ماراح أتزوج الاوأنتي نهاية الثلاثين وعنك كم طفل ماراح تقدرين تطلبين الزواج ....قلت أصلن لو تحبني مافكرة تتزوج ولا أتعبت نفسك بالتفكير والتسويف ياأخي عيش حياتك قال لامو تعب ولاشي وأذا على حب أحبك وبعيشك بكرامه بس بتزوج ..قلت الله يهنيك ...بس لاتنسى أذا جبت الشيخ قبل تتملك تطلقني ...قالت أمه وش تبي في العرس والهم أذا بتسمع كلامي خلاص مادام مرتاح مع زوجتك وماعندك سبب ...كان يضحك ويقول الي مايتزوج مورجال قالت أمه هذا أبوك تزوج وشفت وش سواو الحريم فيه جاه السكر والضغط والقولون ...والحمدالله ماجته جلطه قال أبوي معذب نفسه وجامعهم جنب بعض لا انا بخلي كل وحده في ديره....
كان مجرد نقاش عن الزواج ...بس خلاص أناعرفت تفكيره وأنه وده بالمسيار بس الله ماكتبه الى الحين وأن شاءالله ماراح يصير وأكون الوحيده في حياته وقلبه قولوا أمين ...
المهم أنا جلست مع نفسي وقلت أذا سكتت بيتزوج ...مع أن ماعنده وقت كل وقته بالدوام وأنا ياالله أشوفه بس مدري متى مفكر يروح لها !!!!
بعد السالفه خلاص أنا وصلت حدي وماعاد قدرت أصبر أكثر من أي كلمه منه أتنرفز ودايم اللمح له بأن أنتم يالرجال خونه ولايملى عيونكم الاالتراب ...كنت وراه كل مادق جواله وأسأله ميين ؟؟وأذاجيته وسكر كنت أقول له ليش سكرت ؟؟؟
يعني كنت أضايقه بالأسئله وكان يقول وش فيك علي خلاص أنا مااسألك مين تكلمين ولا مين الي يتصل فيك أقول له أنا ماني مثلك أسوي حركات تشكك ...كان يقول أنا طبيعي بس أنتي الموسوسه...
وهوفعلن كان يسوي حركاته الي قلت لكم عنها اول لمايدخل يقفل الجوال أويحطه صامت ولايرد على بعض الأتصالات وحاط رمز قفل...
المهم أنا صرت أزعل وأهاوشه وأقول أكيد أنت تكلم كان يرد ببرود ويقول أنتي موسوسه...لكن أناماسكتت له ...
خلاص صرت عصبيه وماأثق فيه من أي حركه أشك فيه ...قررت أمسك عليه أي شي أشوفه ...ومره كنت عندأهلي ولماطلعت كان يكلم ومن ركبت سكر قلت له ماراح تبطل هالعاده قال أي عاده قلت لما تشوفني تسكر قال خلصت المكالمه وقفلت قلت وماتخلص المكالمه الالماأركب قال مادريت أنه موب ودك قلت له عطني الجوال قال ليش قلت عطنياها وبتعرف قال لا ليش قلت بدق على أخر رقم كلمته وبشوف بنت ولارجال قال صاحيه أنتي قلت أيه الحمدلله بكامل قواي العقليه وأذا أنت ماتبي مشاكل بينا عطني الجوال قال من الي حاكي عليك قلت محد ..ليش دايم تقول مين الي قالك ومين الي حرضك ...ليش أنا ماأشوف ولاأحس ...قال لأنك تطلعين بأشياء مدري من وين تجيبينها قلت من حركاتك ..أنت تسوي حركات تخلي حتى الأطفال يشكون قال هذي حركات عفويه وأنتي الي نيتك شينه ...هنا أرتفع ضغطي لأنه قلب الطاوله علي ويحاول يطلع نفسه بري ومظلوم ...قلت له خلاص مادام أنت ماسويت شي غلط ليش خايف عطني الجوال أشوف قال لا أنتي ماعندك ثقه فيني وهذا يهز رجولتي وكرامتي قلت مالها دخل رجولتك وكرامتك أنا ماني قاعده أهينك قال الا هذي أهانه لي قلت ماراح تكون أهانه لأنك تحافظ على بيتك وبتريح زوجتك ...قال لا مستحيل أنتي تحقريني بالحركه هذي قلت ليش مكبرالسالفه ترى الموضوع سهله عطني أشوف الجوال قال ماراح تلقين شي قلت عطني أشوف وطلعني صغيره عندك وتافهه قال أنتي موسوسه وهنا وصلنا للبيت ونزلنا ودخلنا نزلت عبايتي ورحت له وقلت عطني الجوال( وكنت مصره أنهي الموضوع.)...
عصب وقال ماتفهمين لا قلت ليش ترفض قال لأن مافيه شي ..أنتي وش فيك في خاطرك تتمشكلين قلت لا أنا أبي أحافظ على بيتي مو من حقي قال من حقك بس مو انا الي أخرب بيتي ..(بعد كلامه هذا الي ولاكأنه مسوي شي لا ويتهمني أنا أني أبي المشاكل وأني مريضه قررت أكشفه على حقيقته وأصغره قدام نفسه وأقتص منه وأوريه قد أيش هو حقيييييييييييييير)
قلت له يأخي السالفه مايبي لها شي عطني أشوف الجوال وطلعني الغلطانه وانت ماراح تخسر شي قال لا موانا الي تتحكم فيني حرمه قلت لا يعني لا أنتي مريضه بالشك قلت خلاص أذا أنامريضه بالشك علاجي عندك خلني أشوف وأريح بالي وبعدها مافيه مجال لشك قال خلاص أعالجك عند دكتور نفسي مو عندي قلت وضعي متأزم الحين والحل عندك قال لا قلت عناد قال سميه الي تسمينه قلت يعني أنت الي تبي تكبر السالفه وتخليها مشكله قال أنا الي أبي المشاكل ولاأنتي الي موسوسه ومضايقتني بالأسئله وكأنك أمي قلت خلك عاقلك ومتفهم وعطني على قدعقلي وسايرني وش بتخسر قال كرامتي ماتسمح ...(السالفه طالت وهو معاند قلت في نفسي هذا الكلام ماينفع معه )مديت يدي على الجوال أباخذه مد يده وأخذه قبلي وقفله ....ولعت وقمت أصارخ عليه وأقول ياخاين أنت خايف أشوف فضايحك ياحقير ..أنت مثلك مثل باقي الرجال خونه ...قام وقال أعذرك مريضه وعلاجك سفهك ..طلع وراح لغرفة النوم ونام !!!!!!!!!!!!
كان يبي يطلع من السالفه بأقل الخساير....وأنا مت من القهر كل ماقربت من مواجهته ...وكشفه يطلع منها مثل الشعره من العجينه ويطلعني الغلطانه والمريضه وهوالعاقل الي مايبي المشاكل....
قررت أخذ موقف مومثل كل مره يرجع الوضع طبيعي وزعلت عليه وفي اليوم الثاني جاعادي ولاكأنه صاير شي ...حطيت الغداء له وماجلست معه ناداني وقال ماتبين الغداء قلت له لا قال ليش قلت نفسي مسدوده من فعايلك ...عصب وقال أنا ماسويت شي أذا خاطرك في الزعل دوري شي صاحي تزعلين عليه ...ناظرته نظرة أستحقار وطلعت ...بعد ربع ساعه جاني في الغرفه الثانيه وقرب مني وقال ياحياتي ياعمري على الزعلان شكلك مو حلو وأنتي زعلانه ومكشره أبتسمي وترى الدنيا ماتسوى قرب وباسني وضمني وقال ياحياتي تعوذي من الشيطان ولاتخلينه يوسوس لك ويخرب حياتنا كنت أقول في نفسي أنت الشيطان ....تقتل القتيل وتمشي في جنازته ...تبيني أكون مغفله ...
عدت السالفه ومرت الأيام وأنا أقول ماراح أسكت له الى متى يلعب بمشاعري قدامي يحبني ومن وراي يكلم ويخطب ...
صرت أشك في كل شي...في حبه لي في نفسي ...في كل شي
التفكير تعبني وأمرضني....
قلت خلاص الى متى أسكت لما يتزوج ويحطني قدام الأمرالواقع ..خلاص لأزم أواجهه ...
في اليوم الثاني كان طايح في حركه جديده وهي التحويل مدري من علمه الله لايجزاه خير جاني مبسوط وأنه لقى حل لتسكيتي ومن دخل ماقفل جواله كنت مستغربه ...وقلت أكيد طلع جوال ثاني ...راح الحمام وأخذت الجوال أشوفه ولقيته محول كل المكالمات لموجود!!!!!!!!!
طبعن كنت أشيك على جواله كل يوم ....خلاص صار طبع فيني وماأقدر أصبر ..أشوف جواله قدامي وماأفتحه ...
وبعدكم يوم فتحت جواله وكالعاده لقيت كم رقم ولبنات أكيد عرفت لانه كان مطول في المكالمات معهم ...
واليوم الثاني طلعنا مشوار وفي الرجعه وحنابالطريق جاه أتصال ومارد ...وكنت ساكته ماقلت شي وكأني أنخرست بعدكم دقيقه سألني ليش ساكته مارديت عليه رجع وسألني وش فيك ...
أنفجرت وصرخت عليه وقلت ليش مارديت عليها ولا ماتبيها تعرف انك متزوج وتتركك...ولا انا ماأهمك ولا لوأهمك مافكرت تخوني ...قال رجعنا ...قلت أيه قلي الحين ليش مارديت ...قال واحد يبي مني سلف وأنا ماعندي قلت بلا تصريف ..وعطني الجوال أشوف ...قال وش بتسوين بتكلمينه وبتقولين زوجي ماعنده سلف قلت لا بشوف الرقم قال الله يهديك قلت أحلف أنه رجال قال ماراح أحلف على أشياء تافهه قلت هي تافهه بالنسبه لك وبالنسبه لي مهمه وعليها يابتستمرحياتي معاك او تنتهي ..........عصب وقال الى متى وأنتي بتقعدين كذا خلاص الوضع ماينطاق ...قلت وأنا بعد خلاص ماعاد أقدر أتحمل أكثر من كذا ياتتعدل ياتطلقني قال أنا واثق من نفسي ولاسويت شي أنت الي بتخربين حياتنا ....
قلت يعني ماعندك أستعداد تتغير قال أنا أنسان مستقيم ووضعي تمام قلت لا أنت عارف وش تسوي وعارف أنك أنت السبب في خراب حياتنا خلاص أنا ماعندي شي أقوله أكثر من الي قلته وأنت أنسان عنيد وأناني بس أتذكر الي خرب حياتنا أنت وانا متأكده من هالشي حتى لو أنكرت قدامي في داخلك متأكد انك السبب .....وخلاص أنا حاولت أحافظ على حياتنا ولأني أحبك صبرت بس خلاص الصبر له حد ...وقلت له ودني عند أهلي قال تبيني أوديك لين يطيح الي براسك وتهدين ماعندي مانع بس أنتي الي مسببه المشاكل قلت خلاص أنا الي مسببتها ...
كان النقاش معاه عقيم...ونزلت عند أهلي وكان الوقت متأخر...الساعه 11الليل ودخلت وكان واضح الزعل علي سالتني أمي قلت ولأشي بس الدوره متعبتني قلت لخالد ينزلني عندكم عشان أريح كم يوم مشت الكذبه على امي وطول اليل مانمت افكر وكنت مغبونه منه لأنه يسوي نفسه بري ومظلوم وأنا الي أسبب المشاكل ومتعبته ...
وكان يرسل رسايل أنه مظلوم وأنه ساكت عشانه يحبني ومقدر لوضعي على أساس أني أتوهم ....
قهرني بكلامه وأسلوبه وقررت أواجهه بكل شي وقلت علي وعلى أعدائي ودقيت عليه ومارد مسوي زعلان أرسلت له رساله وقلت أني أبيه في موضوع ضروري ولأزم أقابله وأنا خلاص نويت اواجهه وأدخل معاه في معركه ياأكسبه أوأخسره
وجهزت ورقه وكتبت كل الأرقام الي عندي وأرقام الخطابات وجهزت عدتي ...وأنتظرته يجي وكانت الساعه 6 صباح....
 
حسبي الله ونعم الوكيل ,من جد والله قصه ترفع الضغط ,الله يعينك ويصبرك ويفرج همك والله الرجال مالهم امان,
كملي عزيزتي واحنا في انتظارك.
 
شوفي أختي مواقع الزواج موضه جديده بس أناأستغرب من البنات أشلون يرضون على أنفسهم ماراح تقدرين تغيرينه صدقيني بتتعبين كل الرجال مسجلين بمواقع الزواج قريبأأن شاء الله بكتب قصتي تشبه قصتك مع أختلاف بسيط يمكن تفيدك ‏
 
الله يساعدك على هالرجال والله انه بط كبدي ودي امسك غلصومه واذبحه لكن اختى مافي رجال كامل كلهم زيه بس كل واحد على شكل يمكن هو يبي يثبت لنفسه ان ابوه يقدر يعدد من غير مشاكل والرجال مايقدر يعيش من غير خيانه عادي ادمنو الخيانه واحنا ادمنا الاستسلام الله يعين
 
الله يصبرج والله قصتج تقهر وما شاء الله عليج عندج قوة تحمل ما املكها انا
انا لو مكانج ما راح انتظر بواجهه على طول وبكون مجمعه ادلة تثبت خيانته
وبواجهه بكل ثقة بس مثل ما قلتي بيطلعون منها مثل الشعره من العجين
وهاي اللي يقهررر ،،ما عليج يا حبيبتي منه عيشي حياتج وتاكدي بان الله
بيجازيج على صبرج وبيعوضج خير والله يفرج همومنا يارب ويصلحهم !
 
أكمل لكم ...
ومثل ماقلت أستعديت للمواجهه ودعيت الله يكتب الخيره...كنت ميته خوف ...طبعن كنت مستبعده الطلاق ...بس كنت خايفه من ردت فعله ..يعني بيترجاني أسامحه أوبيركب راسه ويعاند ويقول هذا أنا تبين ولا بكيفك....
ماهمني وش بيقول عن تجسسي عليه ...كل همي أنه يترك المكالمات والتفكيربالزواج....
جاء وطلعت له وركبت معاه سلمت عليه وقال وش الموضوع قلت أول شي خلنا ندور مكان نتكلم فيه قال نروح البيت قلت لا قال أجل وين نروح قلت أي مكان ناخذ راحتنا فيه قال كل شي مسكر مافيه الاالبيت قلت البيت لا... خلاص خلنا في السياره
بس أبعد عن بيت أهلي ....ورحنا لمكان بعيد شوي ومافيه حركه ووقف السياره وقال خير أن شاءالله وش الموضوع قلت ليش ياخالد ليش تسوي فيني كذا قال وش قلت تخوني وتكلم بنات قال لا مستحيل أسوي كذا صرخت عليه وقلت لاتنكر الدليل معاي وطلعت الورقه وقلت موهذي الأرقام الي تكلمها خذاها وشافها وكان مصدوم قال لا ماأعرفها قلت الى الحين تنكر قال من معطيك أياها قلت لاتنكر أنا شفتها في جوالك وأخذتها بنفسي لا وتراسلهم وتبادلهم المشاعر عصب وصار يصارخ وقال من الي عطاك الأرقام قولي مين قلت أنا الي أخذتها من جوالك قال لاتكذبين أنتي كلمتيه قلت مين قال أبن الكلب الي كان يرسل على جوالك قلت لا عصب أكثر وصاروجهه أحمر وقال لاتكذبين قولي وش قال لك ومن هو قلت ماكلمني ولاعاد دق علي من فتره طويله وأنت تعرف قال كذاب هذا واحد يبي يخرب بينا صدقيني هذا ولد حرام يبيني أطلقك عشان يتزوجك ...يعني حتى مع الادله كان ينكر ويكذب عصبت وبكيت بكيت من قلب قلت ياخالد أنا أعرف كل شييييييييييي ياخالد محد كلمني أنا الي فتحت جوالك وأخذت الأرقام كنت أشوفك تكلمهم بالساعات وتراسلهم وتكتب لهم كلام حلووحب وشوق ...ليش ليششششششششششششش تساويهم فيني ليش وين حبك وين أخلاصك...كنت أخر شي أتوقعه أنك تخوني وتفضل علي بنات الحرام الصايعات... قال لا ياريم لا تصدقينه صرخت عليه وقلت ماتفهم محد قالي أنا شفتها بنفسي ... وشفت شوقك لهم وصورك الي كنت ترسلها حتى المسج الي كتبته لك أرسلته لهم حتى مشاعري تستغلها ليش وش قصرت فيه قلي وش عطوك ؟؟؟وش أستفدت منهم ؟؟؟خربوا حياتنا وخلوها مشاكل .... وأنا ماهميتك كل همك نفسك الحين بنتطلق وخلهم ينفعونك كان مولع وقال والله لوماتقولين من هو لأذبحك ومسك شنطتي وصاريضرب بها على فخوذي بقوه وعصبيه مسكت الشنطه وصرخت عليه وقلت حتى الخطابات قالي عنهم أم بندر وأم راكان كذب وتلفيق الخطابات الي تدور على عروس عندهم هاه حصلت ولا لسى أنصدم وقال ياريم هذا واحد من أصحابي يبي يتزوج قلت الحين واحد من أصحابك وأول كذب ...وش هالصاحب الي ماله أهل يخطبون له ولالقى الأأنت وماشاء الله سنه وهويدور مسكين شكل شروطه صعبه ليش ماقلت لي عشان أساعدك ؟؟؟؟خلاص ياخالد مافيه مجال للكذب كل شي واضح تبي تتزوج علي ليش وش قصرت فيه ...أنصدم ومادرى وش يقول قال ياريم خلينا نروح للبيت ونتفاهم المكان هنا مايصلح والناس رايحه وجايه وشكلنا صار شبهه قلت لا بيتك مستحيل أدخله خلاص الي بينا أنتهى قال ياريم خليني أشرحلك وشغل السياره وراح للبيت ووقف عند الباب وقال خلينا ننزل ونتفاهم قلت لا مابينا تفاهم نزل وفتح بابي ومسك يدي وقال تكفين أنزلي بس دقايق بشرحلك كل شي تكفين أذا لي غلا عندك أنزلي قلت لا يوم أنا أترجاك تحافظ على بيتنا وتترك حركاتك كنت تعاند وتقول أنا ماأسوي شي خل عنادك ينفعك قال تكفيني ياريم دقايق وبعدها سوي الي تبين وقعد يبكي ويبوس يدي في الشارع قلت بشرط تقولي كل شي من دون كذبقال أبشري و نزلت معاه ودخلنا البيت وقال نزلي عبايتك قلت لا قول الي عندك لأني أبي أرجع ولدي وراي مسكني ونزل العبايه وجلسني جنبه وقال ياريم هذا صاحبي قلت خالد قول الصدق لأني شبعت من كذبك قال ريم أناأحبك وأبيك ووالله أنها لعب وتسليه قلت الزواج مافيه لعب وكيف جبت أرقام الخطابات قال من أصحابي كنا مجتمعين وأخذنا الأرقام وكل واحد صار يدق ويستهبل نشوف وش تقول ووش تطلب ؟؟قلت ماشاءالله الأستهبال في كل جلسه وفي كل وقت حتى في دوامك قال لا هي الي تدق ...صرخت عليه وقلت خالد خلاص يكفي كذب خداع أنت تبي تتزوج مسيار وقريت الرساله الي مرسله لأم راكان والشروط الي طالبها قال ياريم هذا تحدي ومهايط قدام الشباب قلت تهايط على حساب حياتي ؟؟؟؟قال لا بس هذا كان كلام والله كلام حتى الخطابه ماعطتني وجه ... وأنا أصلن ماعندي وقت عشان أتزوج وأروح لها قلت مدري عنك يمكن تبي تترك الدوام الثاني وتكذب علي وتقول أنك لسى فيه وتروح لها ...قال لا والله كل لعب ...هذا مولعب أنت حاولت كم مره وبينها شهور دليل أن الفكره فكرتك وأنك تبي هذا الشي حتى كلمت أم بندر...وهذا دليل على حماسك قال ريم تكفين سامحيني والله طيش شباب ...قلت أسامحك على الخطبه ولا على المكالمات ...ولاعلى الكذب قعد يبكي ويترجاني قلت له والبنات برضوا كنت تستهبل كل يومين بنت ومدري كيف تجيب أرقامهم ...ترقمهم قال ماعليك منهم هذولاء وسخات ومرسولين قلت مين الي مرسلهم قال الحقير الي كان يدق علي ويراسلك قلت وش دراك كل لأنه كان يقوله كان يقول والله لأفضحك عند زوجتك قلت وأنت غبي أي بنت تكلمك تعطيها وجه قال لا أنا أسحب فيهم عشان أعرف مين الي مرسلهم قلت يعني لو مرسولات بيقولون لك مرسلنا فلان ؟؟؟ياأخي أصحى تلعب على مين قال والله أنه مرسلهم قلت ليش تعطيه فرصه يخرب حياتنا وتكلمهم الحين وش أستفدت ؟؟؟عرفته ؟؟؟بأمكانك تجيبه باألف طريقه وطريقه غير أنك تكلم البنات الي يرسلهم وبكذا ماراح يقدر يسوي شي ...بعدين لوهو أرسل وحده ولا أثنتين البنات الباقين مين الي مرسلهم ؟؟؟ (طبعن زوجي أستغل سالفة الشريحه الثانيه الي كنت أدق منها وأرسل له منها وأنها من شخص يبي يخرب حياتيه وأنه هوالي يرسل البنات )لقى له عذر جاهز ماتعوق معه ...يدبرنفسه على طول ...قلت له أنت ماعرفته الاقبل كم شهر ومكالماتك كانت من قبل سنتين ...قال وش دراك قلت كنت أفتح جوالك وأشوف أتصالاتك قال طيب كيف كنتي تفتحينه قلت عندي طريقه أقدر أشيل فيها رمزالقفل والرقم السري وينفتح الجهاز ..هو صدق وقال طيب ليش من أول ماعرفتي أني أكلم ماواجهتيني قلت كان عندي أمل أنه مو أنت ولما تأكدت انه انت قلت يمكن نزوه وتعدي ولما طولت السالفه كنت لسى أحبك وأبيك...بس الحين خلاص أنا ماأبيك ونفسي طابت منك لأنك ماتستاهل أصبرعليك ...بعدين أنت كلمت من قبل لاتدري هم مرسولين ولالا...لاترمي خطاك على غيرك ...قام يتعذر ويحاول يطلع نفسه مظلوم قلت لا وتحبهم ....كم لك من قلب قال يخسون هذولاء واطيات ومايستاهلون الحب قلت أجل ليش كنت ترسل لهم رسايل حب وشوق قال هم الي يرسلون قلت هم يرسلون وأنت ترسل يعني كنت تلاطفهم بالكلام قال لاهم كذا يرسلون عصبت وبكيت أكثروقلت لا أنت كنت ترسل لهم وكنت أشوف الرسايل حتى مرسل رساله انا كنت كاتبتها لك ومرسلتها كيف تسمح أنك ترسل لهم رسايلي كيف ...قرب وضمني وقال والله مدري كنت أبي أسحبهم وأعرف الي مرسلهم قلت لا تقول فيه أحد مرسلهم ....أنت كلمت وخلاص ...ليش ؟؟؟مافكرت لاعرفت وش أسوي..... ولاوش يصير فيني.... ماخفت على مشاعري...ماقلت بجرح ريم ...0فكرت في نفسك ...أنت أناني أنت واثق أني أحبك وبقعد عندك ...قال لاياريم والله مافكرت كذا بس الشيطان وقعد يبكي ...قلت قل لي أنا قصرت في شي ..كان يبكي ولارد قلت مو مرتاح معاي ولا موعاجبتك ؟؟؟هاه قلي ردقال لا والله عاجبتني وكل شي فيك حلو أنتي ملاك ..قلت هذا الكلام قدامي ومن ورايك وش كنت تقول وش قلت للبنات الي تكلمهم عني ..قال أفا عليك ياريم مولهدرجه أسبك عند بنات الشوارع..قلت مدحتني أجل ..قال والله ماكنت أجيب طاريك ولا كانوا يدرون أني متزوج قلت تلعب عليهم وتعيش معهم قصة حب قال خلاص ياريم خلاص أنا كنت أتكلم مكالمه عاديه ومافيها أي شي من الي تتخيلين قلت رجال يكلم بنت وش يقول لها ينصحها قال..لاحول ولاقوة الابالله ..قلت لا وتشحن لهم ..قال خلاص ياريم يكفي ..والله تعبت قلت أنت ساعه تعبت فيها أجل أنا وش أقول مستحمله خيانتك سنين وأتعذب كل ساعه ودقيقه رجع وضمني وبكيت بقوه تذكرت لحظات الألم الي مريت فيها والحزن والقهر مسح دموعي وقال انا ماأستاهل دموعك ..قلت أنا ماأبكي عليك أبكي على نفسي الي حبتك وأخلصت لك ووفت وفي الأخير مالقت الأجرح الخيانه والكذب ..ضمني بقوه أكثر وشوي ويكسر عظامي وقال ياعمري ياريم ياحياتي أبكي عشان ترتاحين أبكي ...حسيت اني طلعت الي في قلبي بس لسى أحس بحرقه في داخلي ومن دون شعور وخرته عني وبقوه ضربته على صدره ويدينه وبطنه صرت في حالة هستيريا وهو أنصدم وكان يحاول يهديني ويسمي علي ويذكرالله بس أنا صرت مثل المجنونه وكنت أضرب بأقوى ماعندي وأسحبه من ملابسه وأرجع أضربه حاول يمسكني ويثبتني وبصعوبه سيطر علي ...كان يقراعلي ..ويبكي ..لين هديت وبعده بكم دقيقه حسيت بألم في يديني من قوة الضرب وحسيت بتعب قومني من الأرض ووداني لسريروجلس جنبي وضمني وكان يقول أنا مستحيل أتنازل عنك مستحيل أتخيل حياتي بدونك لوتتركيني بنتحر...نمت وأنا أبكي نمت من التعب وهو نام معاي.....
 
لا حول ولا قوة شين وقواة عين
الله يعينيك ويصبرك حبيبتي ويهدي زوجك ويسخرة لك
وما يشوف مرة غيرك
اللهم امين
 
اااااه يا قلبي نفس اللي يصير فيني طيب وبعدين يا جماعه وشو الحل ليششششششششششش الخيانه؟؟؟؟؟؟؟
وبعدين شو صار معاج يا ريم
 
لا حول ولا قوة الا بالله

ضعف الوازع الديني وعدم استحضارهم لمراقبة الله سبحانه وتعالى والتهاون في معاصيه

أدت لهذه الأمور

الله يهديهم يااارب

ويسخر لج زوجج ويبعد عنه بنات الحرام اللهم امييين​
 
ياااااااااااااارب فرج هم ريم يا حي يا قيوم انصرها ياذا الجلال والإكرام تولها برحمتك اربط على قلبها وقلب كل وحده ذاقت مرارة الخيانه حسبي الله ونعم الوكيل.. كملي حياتي احنا بإنتظارك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل