ظننت أني ربحت حبه!!!ولكن رجع يخون؟؟؟

يا الله كيف تحملتي .............. عذاااب ,
الله يعوض صبرك خيرررررر يالغلاااا ,, ويهديه ولايشوف غيرك يارب ,,وحسبي الله ونعم الوكيل في الي يدو الشر بين الناس ..
اذااا تسمحين بنقلها منتدى ثاااني للافاده ,,
 
بكيتيني معاك.. ماشالله عليك الله يصبرك ويثبتك..
ويسخر زوجك ويبعد عنكم كل شر يارب..
كملي متابعتك...
 
المواجهة كانت وايد حلوه ولو كانت من البدايه ما كنت وصلت لشي لذلك في نظري انت عبقريه الله يحفظ لج زوجج
 
موضوع الأخت ريم ذكرني بإحساسي لمن شفت أول رساة من هذا النوع في جوال زوجي و كيف ان الدنيا سودت في عيوني ولكن ما أقول الا ان الله لطيف بعباده و قدرت اتغلب على محنتي​
​
 
وتين2 قال:
موضوع الأخت ريم ذكرني بإحساسي لمن شفت أول رساة من هذا النوع في جوال زوجي و كيف ان الدنيا سودت في عيوني ولكن ما أقول الا ان
الله لطيف بعباده و قدرت اتغلب على محنتي

انا بعد عانيت زي احساسك يوم اكتشفت خيانة زوجي اول مره سوي نفسه مظلوم ولا كانه سوى شي مع انه كالي الرسالهلها كنت واصلا قبل مايرسلها كنت داريه انه يكلم وجت الرساله للتاكيد سبحان الله فضحه من نفسه:21:
الله لايعيده من يوم كم لها السالفه وللحين كل ما اذكرها احس اني اموت قهر عاد شلون اللاخت ريم الله يصبرها ويفرجها عليها:30:​
​
أنقر للتوسيع...
 
التعديل الأخير بواسطة المشرف:
أسعدالله صباحكم حبيباتي البلقيسات بكل خير....
بالنسبه لأختي خفايااانثى ...ماعندي مشكله أنك تنقلين قصتي ...بس أحس مافيها فايده...لغيري أخاف يقلدون حركاتي وماتناسبهم لأنها كلها مغامره ...
حبيباتي أبي تفاعلكم ..أبي أرائكم ..وش أسوي معاه ....أعرف أنه يحبني ....بس خلاص الخيانه تهد الحيل ....
أبي أسمع تجاربكم مع الخيانه ...عشان نفيد بعض ....نبي نعرف كيف نعالج هذا المرض الي ينهش في سعادتنا ويحرمنا أفضل اللحظات.....
قريت كثير عن الخيانه وطريقة التعامل مع الزوج الخائن ...بحثت في المنتديات...في الكتب والمجلات ...
كلمت أستشاريين ومشايخ ....ولا أنتهت المشكله...
كانوا ينصحوني بعدم التجسس؟؟؟؟؟هذي حياتي وأبي أحافظ عليها...
قالوا أشغلي نفسك....وأهتمي بنفسك ...أهتميت بس أبي زوجي يهتم فيني بعد .... أبي قلب زوجي لي؟؟؟؟؟
كنت بشترك في دورة الأستاذه ناعمه الهاشمي بس حاليً ظروفي ماتسمح ...
أبي أي وحده تدخل وتقرأقصتي تكتب رأيها...أوعلى الأقل تدعي لي دعوه في ظهر الغيب....
ودقايق وأكمل باقي القصه....
 
لله يسهل امرك ويهدي زوجك ويسخره ويبعده عن الحرام ولي تعليق بعد انتهاء القصه
 
والله مااقول الا الله يثبتك على هالصبر والقووووة
ماشاااء الله تبارك الرحمن
وعساااااااااااااه مايشوووووف غيرك يارب
بس والله مصيييييييبه لو كااااان بعد كل الحب
والمغامرات والصبر منك يرجع يخوون للااان
اذا ماتاب بعد كل هذا صراااحه مااااااااااايستحق ظفرررك ابدااااا لاهو ولا رجال في الكوون...
لااتزعلين من كلامي بس والله قهرررني​
 
شوفي يا اختي زوجك يحبك ويعزك وهذااا واضح لكن ودي تكسبي جوانب ثانيه فيه / بمعن احتويه احتواااااء كامل وعارفه انك مو مقصرره بس ودي تزيدي الصداااقه معه اكثر< مدري مو عارفه كيف اوصلك الي ودي اقوله <<يعني لا تخلينه يلجأ لغيرك وانا ما اقصد لبنات الشوارع وبس لااااا حتى الرجال < بضررب لك مثال بسيط انا مثلا زوجي < ما اتوقع انه يحبني زي محبة زوجك لك والله اعلم ما شا الله < لكن صايره له اكثر من صديقه لدرجه يلجأ لي في كل امووره وادخل معه في جميع المجالات سواء سوالف /سيارات / سياسه / اقتصاد / عقااار / ثقافه ..........
فمستحييييل يقدر يبعد عني لانه احس انه يعتبرني مو زوجه ةوبس الا صديقه وحبيبه < تصدقين اول ما تزوجنا صار انطوائي مع اصحابه بشكل مو طبيعي يعني ظل تقريبا 6 سنوات جمعاته قليله جداا بمقارنه الي معه < وعل الرغم من ان حنا متخالفين في الاشياء الي تخص حياتنا الزوجيه من تربيه او تعامل وغيررره الا انااا متعلق فيني ويلجألي كثيررر <<<

لي عوووده بأشياء ثانيه ..
 
عل القوه ياريم
الله يصبرك ويسخر زوجك ويرده لك ردا جميلا
 
يا الله موقف مرررة صعب

الله يعينك حبيبتي

با نتظارك
 
حبيبتي الله يربط على قلبك ويصبرك ادري انو الم الخيانه كبير وادري الجرح عميق الحين انتي معصبه ومتضايقه ومحروقه من داخلك الحين انتي في حالة غضب عارمة اعرف احساسك واعرف مشاعر الحيره اللي تنتابك الحين تسامحين والا ماتسامحين محتاره بكل كلمه حلوه هو قالها لك هو صادق والا بس يريح ضميره وقت خيانته ادري انو نفسك انك تنامين وتصحين ويكون هذا كله مجرد حلم انا مريت بتجربتك بس الفرق اني واجهته من ثالث يوم ماسمحتله يتمادى قلبي الحين لازم تفكري بجديه صار اللي صار وخانك والحمدالله انك واجهتيه وارتحت لو شوي انا مدري اذا سامحتيه والا لسى زعلانه بس عموما لو سامحتيه الحين او بعدين وقتها قولي كل اللي بقلبك قولي كل اللي يريحك نفسي عن غضبك مره واحده عشان ترتاحي بعد ماتسامحيه وانسي او تناسي السالفه مره لاتذكرينه فيها ولاتحاولي تعطي للشيطان مجال يوسوس لك لانو الرجال لوجلستي تذكريه بالسالفه بعتبر انك قاعده تذليه وراح ينتقم منك ويرجع لهالسوالف الله لايقوله انا حاولت انساها ومرات تجي على بالي والشيطان يقولي ارمي كلمه اونظره تبين انك مانسيتي وانو لسى شاكه فيه عشان مايخون بس ادري انو غلط واحاول قدر الاستطاع ماسوي هالحركات واقرب مثال اليوم قالي وين نروح نتمشي ياأمــــ وسكت وقالي هيا وين نروح انا وسوست قلت قال ياامل<امل ذي وحده كان يكلمها> بس رجع سحبها وبين انو عادي وعلى طول انا وجهي انقلب وقلت يامين قال ايش قلت انت وش قلت قبل شوي قال قلت نتمشى وين قلت يامين وجلس يطالع فيه مستغرب طبعا زوجي يعرف يمثل ويقدر يخدعك ببرائته بس انا قلت اقصر الشر وجلست ساكته وهو يتكلم قلت اعوذ باللله من الشيطان بصوت عالي وقال اشفيك قلت انا واثقه فيك يافلان وثقتي انشالله في محلها ارجوك لاتصدمني مره ثانيه قال اش فيه اشبك اصدمك بايش قلت خلاص انت عارف السالفه قال اي سالفه قلت خلاص خلاص ابي انساها خلاص ولاشيءولاشيء وانا ادري انو فهم قصدي بس مدري هو كان بيقول يامل والا اش كان بيقول بس لوكان واحد من اصحابه غلط في اسمه كان كمل وضحك وقال اسمه كالعاده بس غير السالفه ذي المره >>>شفتي الوسوسه خخخخ
المهم لاتحاولي تجلس لحالك كثير عشان ماتفكري وسوي زي اجلس برا غرفه النوم اشغل وقتي حتى قبل مانام احاول اطالع نت اوتلفزيون لين ماادوخ مره عشان على طول انام وماعطي نفسي مجال للتفكير
وادعي الله بهذا الدعاء كل ماطلع زوجك للعمل والله انك بترتاحي <اللهم اني استودعتك زوجي وبصره وسمعه قلبه وفلرجه في ودائعك اللتي لاتضعي فاحفظه لي>والله اني من اقوله احس انو زوجي باايادي امينه واتوكل على الله والله يرحيك ويبعد عنكم اولاد وبنات الحرام
 
لا لالالالا للتجسس لااتقولي هدي حياااتي ولاازم اتجسس
تجسستي بمااا فيه الكفااايه بكييتي تعبتي انهرتي تدمررتي نفسياا
نفعك في شيء ؟؟ تغيير ؟؟ ترك المكاالمااات ؟؟
اذا كاان الجوااب لا فمااله دااعي من التجسس تتعبين نفسيييتك على الفاااضي وهو مو دااري عنك هو يعشقك وبااااين انه يمووت فيك ربي يحفضكم يااارب
بس الله يهديييه يبي يتووونس الاخ مدري وش علااجه بس سيبيه وريييحي بااالك وابعدي عنه والله بكرا لو تزووج وحده من هدووولي مااراح تستفيدين ورراااح تندميين على كل لحضه حزنتي وبكييتي فيها على حيااتك وهو مااهمه
ادعي ربك وتوكلي عليه وعسى ربي يفرج همك
وارجع اقووولك لاااتتجسسين عشاان نفسييييتك
 
الله يصبرك و يعوضك بتوبته..

شجعتيني انزل قصتي...

انا احيي فيك صبرك.. احمدي ربك ع الاقل انتقمتي منه او بردتي حرتك فيه شوي

بس انا واجهته و بعد كم يوم طلقني بعد الصبر!!!!!!!!!!!

ادعيلي ربي يسخره.. قلبي ع ولدي و الله...

الله لايجعل زوجك يعرف غيرك... و اسال الله يبعد عنه بنات و عيال الحرام

الله لايضيع لك صبر..

قلبي معاك و حاسه فيك..

اعانك الله حبيبتي..
 
أكمل لكم ....
صحيت على حركة يده على راسي وكان يمسح ...سألته كم الساعه قال 12 الظهر قلت مانمت قال أخذت غطه وقمت كنت أحاتيك أنشاءالله بخير قلت له لو تهتم فيني ماسويت الي سويته ...
وقمت وتوضيت وصليت وهوراح يصلي ولما رجع لقاني مجهزه نفسي قال وين قلت ودني لأهلي ولدي لحاله ...مسكني وجلسني وباس راسي وقال مسامحتني قلت بالسهوله هذي أسامحك كل الي سويت وتبيني في يوم أسامحك قال لا أنا مقدر وضعك وعارف أني غلطان بس ياريم أناماأقدرأعيش بدونك والله ثم والله حياتي بدونك ولا شي ...ريم أنتي الهواء الي اتنفسه قلت ليش مافكرة باالحظه هذي وأني بكشفك قال الشيطان شاطر والبنات مرسولات لي والزواج والله مافكرة أتزوج عليك مجرد لعب ...قلت ودني لأهلي ويصير خير قال بتقولين لهم ..وكان خايف أقول لهم لأنه عارف أن أبوي يحبني وماراح يسامحه وأهلي بيبهذلونه ...وأنا مافكرت أقول لأهلي لأني عارفه بفضح زوجي وفي الأخير برجع له لأن حياتي عنده أفضل من حياتي عند أهلي ..وامي وخواتي بيقولون أرجع لزوجك وكل البيوت فيها مشاكل ..وبكذا ماراح أستفيد شي بالعكس بشوه صورة زوجي عند أهلي وعند الناس الي ماخذين فكره أنه يحبني ومدلعني ...وبفرح أعدائي وبيتشمتون فيني ....خليني ساتره نفسي أحسن....
قلتله ودني وبعدين نتفاهم قال خلاص يوم واحد بخليك عندهم تريحين أعصابك وتفكرين زين وتأكدي ياريم أني أحبك ومستحيل أتنازل عنك حتى لوطلبتي الطلاق ماني مطلقك بخليك معلقه....
وداني لأهلي وأنا مبسوطه أحس أني أنتصرت عليه وأرضيت غروري وخليته يترجاني وأنتقمت منه بلي سواه فيني ...
بس هدفي الأهم أني أخليه يتوب ومايرجع لحركاته ...
وكان طول اليوم يرسل رسايل حب وأعتذار ...
وجاني اليوم الثاني وخذاني ورحنا مكان عام وسألني مسامحتني قلت أنا ماراح أسامحك ولاراح أنسى الي سويته ...
بس أذا بتنفذ شروطي ...بحاول أسامحك ...
قال أمري وتدللي...
قلت ....1- جوالك تشيل رمز القفل منه وماتحوله أوتحطه على الصامت وعادي أخذه وأشوفه لأن مابين الأزواج أسرار ...وكلهم واحد
2-تجيب لي جوال وأخر موديل
3- تجيب لي شغاله
4- تعطيني 6ألاف ...وماكثرت لأني أعرف ظروفه كنت أحنه حتى بعد الي سواه...
5-تترك المكالمات وحركات الخطبه وأذا رجعت لها أعتبرهذا طلاقي منك لأني أذا سامحتك هالمره سامحتك لأني أحبك وأبي أعطيك فرصه..وغيرها مستحيل أسامحك وبدون نقاش أروح لأهلي...
قال خلاص موافق وأوعدك وعد ماأرجع للبنات الواطيات والزواج مستحيل أفكر فيه وأذا فكرت أول من يدري أنتي؟؟؟؟
(فكرة الزواج مازالت في راسه!!!!!!!!!!!)
ورجعت معاه وفعلن نفذ شروطي وشال رمز القفل وترك المكالمات ...وجاب لي جوال جديد ...وعطانيالفلوس بس أقساط أول شي ثلاث ألأف ثم بعد شهرين ألفين ثم بعد شهر ألف
والشغاله قعد يماطل فيها مره مالها داعي وبتضيقنى ومره ظروفي ماتسمح ومره خليها الشهر الجاي ....
أنا ماكنت أبي أسوي مشكله عشان شغاله وأصلن أنا ماني في حاجته بس كنت أبيه ينفذ شرطي....قلت بتغاضى وأسوي نفسي نسيت موضوعها....
ومرت الأيام وحياتنا حلوه صحيح أتذكر أحيان وأحقد عليه بس أحمد ربي أنه تركها ومافرط فيني....
وصارلنا الحين من بعد السالفه سنه ونص.....وحياتنا حلوه وماليها علينا زيزو ....وظروفه الماديه تحسنت ...وأنا برضو كملت سنتين في الجامعه وأموري تمام والحمدلله ....
بس قبل كم أسبوع سوى حركات تشككني رجع رمز القفل وصار يهتم في جواله أكثر يشيله معاه وين ماراح ...ودايم يكتب رسايل !!!!!!!!!!!!
هنا عورني قلبي ...وقلت شكله رجع يخون!!!!!!!!!!
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل