ظننت أني ربحت حبه!!!ولكن رجع يخون؟؟؟

كملي غلاتي ماجني النوم احااااتيج
واحاتي قصتج
وراي دواااام وانا مانمت
 
أكمل لكم....
مثل ماقلت مشت الخطه مثل ماأبي وأكثر كان يقول باخذجوالك معي الدوام عشان أرد عليه أذا دق ...جننته....وكان يرسل لي رسايل من تهديد وأنه بيجيبني يجيني ...
بس برضو كان مستمر في المكالمات يعني كل يومين بنت وتستمرمعاه أسبوع أوسبوعين بعدين تجي بنت ثانيه وهكذا...طبعن كلهم من قنوات الزواج الي يراسلهم ويراسلونه ...فكرة أني أضغط عليه أكثر عشان يترك المكالمات وقلت لأزم القى طريقه تخليه مايرجع لها نهائيا ............
فكرة أني أراسله على جواله وأقوال أني أحب زوجتك وابيها بس أنت جيت وأخذتها وأنت واحد ماتستاهلها ...وفعلن بديت أراسله وأقول انا رجال وأحب زوجتك وكنت أبي أتزوجها بس أنت تزوجتها وأنت ماتستاهلها ...تدري ليش لأنك ماعيشتها عيشه حلوه ...ومن هالأكلام .....الفكره حلوه لانها رفعت ضغطه وأن الي يسويه في الناس بيصيرله ....بس ماكنت موفقه بأختيار الفكره لأنها قويه وكانت مغامره بالنسبه لي ....
كان هدفي من الفكره أنه يحس بقيمتي وان فيه رجال يتمنوني ...وينتظرون الفرصه عشان يفوزون بالحياه معي ...وهوفعلن كان فيه ناس يبوني قبل أتزوجه وكانوا مستكثريني عليه وهو يعرف هالكلام لأنه سمعه من أمه وخواته الي هم بدورهم كانوا موصلين له كلام الحريم الي قالوه....
كان هدفي سامي أبي أحافظ على بيتي وأسترجع زوجي ...بس زوجي أستغل هالنقطه في صالحه وبقول لكم بعدين كيف أستغلها...
المهم هو أغتاظ كثير وكان يقول وش يبي هذا خلاص ماتزوجتي يعني يبيني أطلقك ....وليش أطلقك مستحيل ....ناس وسخه هدفها خراب بيوت....لكن أوريك فيه بجيبه ....وأنا مازلت أراسله وأقول أنت لو تحبها ماتخونها أنا في الاتصالات وأعرف أنك تكلم بنات ولوتبي أرسل لك أرقامهم وأعرف بعد متى تكلم وكم تقعد من ساعه....أنت لوتعرف قيمت الي عندك ماسويت الي تسويه......أنا كان بخليك على كيفك بس زوجتك حرام تقعد معك ...لأنها ماتعرف حقيقتك بصور فاتورتك وبرسلها لها عشان تشوف خيانتك لها ومع كم بنت ...ماشاء الله أنت تكلم قبيلة بنات ......هو أنقهر من الرساله لانها قويه وبرضو خاف وعلى طول أرسل لي رد كتب فيه ...أعلى مافي خيلك أركبه وأنا بعرف طريقك زين.....لكن قل لي وش هدفك؟؟؟
أرسلت له أنا مالي هدف ....هدفي الوحيد ياتترك المكالمات ياتطلق بنت الناس لأني ماأرضى عليها ...أرسل لي رد وقال ليه الأخ وصي عليها ولا واحد من أهلها ..أرسلت له لا أكثر من كذا بكثييييييييييير.....وأرسلت الأرقام الي كان يكلمها ....
وأرسل لي كلام يهددويتوعد ولو يعرفني قتلني وكلام كثير كان يوضح قهره.......
المهم أرسلتله ياتتعدل ولابفضحك عند زوجتك وأهلها والفواتير معاي ....
رجع البيت وكان خايف بالمره وقالي أنه يهدده بس ماقالي عن سالفة المكالمات بس قال أنه يقول طلق زوجتك وقال أنه يتجسس على جوالي ...ويعرف المكالمات الصادره والوارده ...يقول لمن أكلم أحد وأسكره يرسل لي رساله ويقول أنت كلمت الرقم الكذا وقعدت كم دقيقه معه....أنجن ....قلت له والحل قال أنا كلمت واحد من زملائي ويعرف واحد يشتغل في الاتصالات وبيحاول يعرف مين ....أناماكنت خايفه لان الرقم بدون أسم..وماراح يعرفون كيف جبت أرقامه ...واليوم الثاني سألته قال أناقدمت شكوى للأتصالات قلت كيف قال رحت لقسم الشكاوى وكتبت شكوى فيه رقمه وأنه يتجسس على مكالماتي واليوم الي بعده سألت صار شي قال ولاشي يقولون محد يقدر يتجسس على جوالك ...الأأذاكان فيه أمر من الأماره بطلب برنت عنك أوجهه حكوميه ...والي تقوله مستحيل يصير...كان مقهور بالمره ويقولي أكيد هذا واحد واصل في الاتصالات ....بس والله ماأخليه بجيبه قلت كيف تجيبه قال قلت لواحد من أصحابي في المباحث يحدد لي موقعه ...قلت كيف يحدد موقعه قال أذاشغل جواله وصار فيه أرسال عن طريق الأبراج نحدد موقعه بالأحداثيات نحدد الجهه غرب أو شرق جنوب أو شمال قلت طيب هو مايكلمك كيف قال بس يشغل جواله وبنجيبه حتى نقدرنحدد البيت....
وقتها خفت وقلت لوكشفني بتصير سالفه مالهاأول ولاتالي ...وأخذت الشريحه وكسرتها وأنهيت المشكله
وبعدكم يوم سألته وش صار قال لسى مقفل الجوال بس خليه يشغله ويشوف وش يصير....قلت طيب ردد يالليييييييييييييل ماأطولك..........
أهم شي رفعت ضغطك وجننتك ولا ضميرك شكله ماراح يصحى أبد.............
وكنت أشيك على جواله صح من بعد ماأرسلتله وهددته خفت مكالماته أو يمكن أختفت بالمره .....
بس كان فيه رقم مسجل بأسم أبو راكان وكان يدق كل يوم عليه ويقعد كم دقيقه معه ..أخذت الرقم وكان جديد مو من أرقام أصحابه ولا من أرقام الي أعرفها.....كنت أبي أعرف بنت ولالا وبعد كم يوم وأنا أفتش في جواله لقيت مسج مرسل لأبو راكان وفتحته وكانت مصيبه بمعنى الكلمه كل الي سواه كوم وهذا كوم ثاني ....كان محتوى المسج....(مساء الخير أم راكان ...أنا خالد الي كلمتك قبل شوي وقلتي أرسل طلباتك....
العمر أبي عمرها من الثلاثين الى خمسه وثلاثين ..أبيها موظفه أو لديها سكن ...لا يهم بنت أومطلقه...متوسطة الجمال...من قبيله ....وأن يكون الزواج بالسر)............
تمنيت الأرض تنشق وتبلعني ....كانت خطابه ...ويدور عندها على عروس.....يبي يتزوج على وأنا في أمس الحاجه له وأناعلى وجه ولاده ...بدال وقفته معاي يجيب على راسي ضره.....ولايبي يتهنى معه في فترة نفاسي .......
قفلت الجوال ورجعته وقعدت أبكي على حظي ...وأفكر في كلامه أول قبل الزواج يوم كلن يقول لوماتزوجتك كان ماراح أتزوج أبد ...هذا الي ماراح يتزوج أبد ....يبي يتزوج الثانيه في أقل من سنتين....كنت أتذكر كلامه وهو يقول أنا وانتي أثنين ثالثنا الحب .....أنت ناوي تدخل معانا رابع وخامس ....بكيت مو عليه على نفسي ورحمتها ...كنت صابره عليك وعلى فضايحك...
 
لاحول ولاقوة الا بالله
فرج الله همك ياغالية وابدلك خيرا في دار كرامته
وعوضك في طفلك كل خير
استودع الله قلبك الطاهر الذي لايستحقة
لن انساك من الدعاء دوما
ياغاليه..
وفقتي للخير ابدا
 
آآآآآآآآآآآآآآآآآآه من الرجال يقهروووووووووووون !
لكن مالنا إلا الصبر !
ونسأل ربنا الجنة !
دنيا فاااانية !
 
صراحه آخر شي توقعته انه يكلم خطابه ويبي يتزوج
توقعت مكالماته مجرد تسليه بسبب نمطه الجنوبي
ياليت تكملين انا متحمسه بقوه
ومو بس انا حتى الاخوات
ننتظرك ..
 
فكرة انك ترسلين له مسجات على جواله على انك واحد يبغى زوجته غلط ×غلط
حبيبتي صدقيني هذا الشئ بينقلب ضدك ..لا تخلينه يمسك عليك اي شئ لاحول ولا قوة الا بالله
الله يكون بعونك ويصبر قلبك على هالاناني زوجك هذا مدري لايش يبغى يوصل يبداها بمكالمات وعلاقات
ويكملها بيتزوج عليك مسيار بوقت نفاسك طبعا بيكون خلا له الجو و الله يستر من المصيبه الثالثه
كملي قسم بالله وجعتي لي قلبي ......​
 
الصراحة زوجك ما يفكر الا في نفسه, انسان يعيش شخصيتين وحدة لك و الثانية للعالم الجارجي.
 
آآآآآآآآآآآآآآآآآآآآآآآآآآه يااااقلبي ...
قلبي تعب ودمي فااااااار وغلي وحينفجر....
يااااااالله ليس لنا سواااك يااارحماااان فارحمناااااا....
ولاااا تجعلنا ممن يفجع في زوجه أو ولده أو من نحب يا أكرم الأكرمين ..
ولا تجعل أزواجنا ممن يخونوننا ولا تجعلنا نخون أزواجنا يا أكرم الأكرمين ......
وأبعد عنا أولاد وبنات الحرااام واجعل حياتنا كلها سعادة واطمئنان....
ياااااااا مجيب الدعوات أجب دعائي
 
لاحول ولا قوة الا بالله



بداخلي تساؤل عن طبيعة علاقتكم ببعض ( علاقه رسميه \ علاقة صداقه\...الخ)


وبانتظاركِ عزيزتي ... فرج الله همك ​
 
أكمل لكم.......
أنا من عرفة بسالفة الخطابه وأنا تعبانه ماقدرة أتحرك من السرير تعبت حيل وحسيت بثقل مو طبيعي في رجولي ...وكنت أفكر وش أسوي في المصيبه هذي ...ماقدرت أفكر أنهرت وبكيت...لمت نفسي على سكوتي عليه من البدايه ...وأنه أنسان وسخ ..ومايستاهلني كنت أبي أحافظ على بيتي ...بس هو يسعى لخرابه ...ورجع من الدوام وقلت له أبي أروح لأهلي قال خلاص وأنا رايح الدوام الثاني باخذك بس بنام نص ساعه أريح فيها.......وقتها قعدت أفكر وش أسوي وأتخذت قرار وهو اني أستخير أول شي ثم أقول لأمي عن سالفة الخطابه ...وكنت متأكذه ان أمي بتقول خليك في بيتك وعند زوجك أبوولدك ....الحياة في بيت أهلي صعبه وأمي كانت دايم تقول مادام زوجك صالح ويصلي ويصوم ولايشرب خليك عنده لأني أول كنت اللمح لها يعني لوصارت مشاكل بينا أجي وأزعل عندكم ولاوش أسوي كانت تقول أزعلي بس في بيتك ولاتطلعين من غرفتك هو الي يطلع ولاتتنازلين له وترضين بسهوله لين يراضيك بهديه أو أي شي على حسب الموقف...ورحت بيت اهلي وفي الطريق قلت له بقعد عندهم كم يوم قال خلاص...ريحت عندهم كم يوم وأستخرت في الطلاق وفي الزعل ولاأرتحت أبد ...كان فيه شي داخلي يقول لا والف لا ...كنت أحس بأحساس غريب وهوالأكتمان ماكنت أقدر أنطق بكلمه وحده لامي كل ماجلست وقررت افتح الموضوع أحس الحروف تضيع أبي أرتب الكلام ماأقدر...مع أن علاقتي مع أمي ممتازه ومن أقرب بناته ومثل ماقلت لكم أول كنت بنتها المقربه ...بس سبحان الله ماقدرت أتكلم ..كل ماجلست أبي أقولها أنخرس ماأقدر أنطق بالحروف ...
ضاقت الدنيافيني..وقلت خليني أقول لها بكره اليوم مدري وش فيني متوتره...وطلبت من الله الحل.. وفي اليوم الثاني لقعدتي عندأهلي صارت مشكله كبيره وكان البطل فيها كالعاده أبوي ...طرد أخواني الأثنين من البيت الكبير عمره 16 والثاني 13سنه وضرب أمي وأختي وكانواخواتي الصغار داخل يبكون ولمن جيت أطلع مسكتني أختي الصغيره وقعدت تبكي وتقول لاتطلعين بيضربك على بطنك كانت تمسكني بس أنا ماقدرت أسمع صوته يضرب أمي وأسكت طلعت وقلت الى متى يايبه خلاص يكفي مسكني من يدي وكان يصارخ علي ويقول كلام مستحيل في أبو يقوله لبنته ...كان يتهمنا بشرفنا ...وهو يتكلم كان يناظر بطني ...وكنت أنتظره يضربني ...بس الله ستر..وتركني وراح ....قعدنا نبكي ونشكي لله ضعفنا واخواني مدري وين راحوا؟؟؟...
نمت وانا أفكر سبحان الله كل هالأهموم فوق راس أمي وصابره وقاعده في بيتها ...فكرت في صبرها وقلت حيلتها....بس قلت أجي وأزيد همومها هم ....يعني وش بتسوي ...أكيد بتقول خليك في بيتك الحياة في بيتك أفضل بكثير من هنا ..........
ضاقت الدنيافيني ....وأناماكنت أبي الطلاق لانه مستحيل أرجع لبيت العذاب والهم لا ومعاي طفل خفت على نفسي وعليه وماكنت أبيه يعيش العيشه الي عشتهاأنا... قلت لأزم أزعل عليه وأعلمه أني دريت عشان مايسوي شي لأزم أهدده بطلب الطلاق وانه يختار ياأنا ويتعدل أو يطلقني ويقعد على حاله...
مع العلم بأني مصدر دخل لأهلي فأنا أعطيهم نصف مصروفي ...يعني كل الأشياء ضدي ...وماكان من صالحي طلاقي ورجوعي بيت أهلي ....
مرت ثلاث أيام وأنا عند أهلي وكل يوم يكلمني وقال لي خلاص أشتقت لك بأجي أخذك ...قلت في نفسي أشتقت ولا مسوي مفاجائه لي وتبي تنهيني ....مر وخذاني....رحت معاه وانا أجر أذيال الهزيمه ...خلاص أنتهت المعركه ...وأستسلمت ...أستسلمت لك ياخالد ....ياحبيبي وعشيقي ........مرت قدام عيني أيامي الحلوه معك وكأنها خيال...الله ياأنا كنت أحبك وأستمتع بحبك ..أبكي من شوقي لك ......كنت كل حياتي ...كنت الوحيد الي شالني من العذاب وعيشني أحلى أيام ..كنت معاك على كفوف الراحه .....علمتني معنى السعاده علمتني كيف أستمتع بحياتي لحظه لحظه ....والحين أنت الي تعذبني ....وتحكم علي بأقسى أنواع العذاب .........أه أه ماأظلمك ياخالد ....أسقيتني الألم قطره قطره لين عرفت طعم اليأس.........
دخلت البيت وأنا محبطه وكأني داخله سجن ومحكوم علي مؤبد...عرفت....أن هذا قدر ...قدر لي من قبل أن تخلق السموات والأرض....رفعت رأسي لفوق وقلت ياالله لاتتركني في همي ..يارحمن يارحيم أرحمني ...وأنصرني ..وأغثني ..وألهمني الصبر والسلوان ....
دعيت الله أن يسخر لي زوجي ويرده لي رد جميلا...
ومرت الايام وبديت أنسى كل شي وكانه ماصارشي ...سبحان الله ....هدأت نفسي وأطنئن قلبي ....وأرتاح بالي ....
وخالد خلاص قلت لكم أني خسرت المعركه معاه وماعاد فتشت جواله ولا أراقبه ...خليته على راحته لأنه فعلن على راحته ...وأنا الي في عذاب ....تركته للعلي القدير.....
وماادري لقى عروس ولامازال يدور ....مرت الأيام وجاءموعد ولادتي ...وكانت ولاده عسره ...ولله الحمد ولدت وجبت ولد كامل ومعافئ ...الحمدلله ....وسميناه زياد....وأنفست عند أهلي وكنت مبسوطه ....وفرحانه فيه .....تعلق قلبي فيه ...ونور حياتي وعطاني أمل ...ملا حياتي ...وضمد جراحي ...حبيبي زيزو كان نسخه مني في الشبه ....تغيرت نفسيتي وصرت أحسن من أول بكثير ....ورجعت لبيت بعد ماكملت الأربعين ...وقررت أهتم في نفسي ..وصحتي .مافيه أحد يستاهل أتعب وأزعل نفسي عليه ....ومثل ماهو مفكر في نفسه ...أنا برضو بفكر بنفسي ...قررت أكمل دراستي لأني مخلصه ثانويه عامه وقعدت في البيت لأن نسبتي ماتساعد على دخول الجامعه ...وبعدين تزوجت ولهيت في الزواج..... بس الحين لا مافيه شي بيشغلني عن مستقبلي ...لأزم أكمل دراستي عشان أئمن مستقبلي ماأدري بكره وش بيسوي فيني خالد؟؟؟؟؟
قلت له عن الفكره وقال والبيبي وش بتسوين فيه ؟قلت عادي بكمل أنتساب ....ووافق وسجلت في الجامعه ...برضو قلت له أبي أفتح حساب لي في البنك كان معارض ويقول ماله داعي ...بس أنا ألحيت عليه ...لين وافق...لأن عندي مبلغ بسيط جاني في نفاسي......وحبيت أشغله في البنك وانساه عشان أذا أحتجت في المستقبل يكون عندي مصدر مادي أستند عليه .....كان تفكيري كله في نفسي وفي مستقبلي ....ماكنت واثقه في خالد ....لأن الثقه أنتهت ....
 
أسأل الله أن يكون لك عوناً ونصيراً ويعينك على ماابتلاك به ويلهمك الصبر والرشاد والسداد في جميع أمورك .........
اللّهم آمين.
 
أكمل لكم...
قلت لكم عن خالد قبل وعن صفاته وأرجع أذكركم ....
خالد رجل محافظ وعاقل ومثقف...يعرف الله يصلي ويصوم ويتصدق...خالد يحبني ويموت في الأرض الي أمشي عليها...وماعمره مد يده علي بالعكس مدلعني يمشيني كل أسبوع ويعطيني مصروف شهري ...ويسفرني كل فتره...ولايضغط علي في شغل البيت ومايغلط علي في الكلام أبد ...بالعكس كان يمدحني دايم ويقولي كلام حلو.....خالد خفيف دم ويدخل القلب بسرعه ...بس شويه خجول يعني في القاء الأول بس من يتعود يصير جريئ ...متزن ويقيس كلامه .....
خالد محاسنه اكثر من مساوئه ...قلت لكم خالد غلط لما خان ...
والخيانه أنواع ...وهوأستمر في خيانتي ....بس خيانته لي سببت لي الألام والأحزان .....
أرجع للقصه ومرت الأيام واحنا مبسوطين مع بعض يعني حاولت أنسى خيانته وأستمتع في حياتي ...وبعد كم شهر وهونايم جاني فضول أفتح جواله وأشوف وش فيه...أخذته وشفته ماكان فيه شي كل الأرقام أرقام أصحابه وأقاربه ودخلت على الرسايل ومالقيت شي ....رجعت جواله ..وحمدالله ...أنه ترك المكالمات وأنها كانت نزوه...وبالنسبه لزواج ..ماتزوج ...طبعن ماعندي دليل ...بس كان معاي أربع وعشرين ساعه أذاراح لدوام أتابعه بأتصالاتي ونفس الشي أذاكان مع أصحابه كنت أتابع تحركاته ...وأكيد ماحصل طلبه....
كانت حياتنا حلوه ...خالد تعلق في زياد وحبه كثير وكان يشتاق له ويكلمني دايم ويسأل عنه ...هوكان يكلمني دايم يعني مستحيل يمر يوم مايسمع صوتي حتى بعد الخيانه ووقت نفاسي ...
كان يهتم فيني ومازال يهتم ...مرت الأيام وحياتنا حلوه كل فتره أشيك على جواله وماالقى شي...أرتحت كثير ,رجعت حياتي طبيعيه مثل أول ....وكان وزني زايد بعد الولاده وماهو عاجبني ولاعاجب خالد ...قال وش رايك تسجلين في نادي ووافقت وسجلت في نادي شهرين ودخلت وكنت أتمرن بنشاط عشان أرجع مثل أول وأحلى ...
الحمدلله كل شي فيني حلو الأهالسمنه ...والحمدلله بدا ينزل وزني بس لأحظت أني ترهلت ...لأزم ضريبت الحمل ....وأستمريت على النادي ...وكنت أحط زيزو عند امي ...ولما أرجع أخذه ...
وكنت أشيك كل يومين أوثلاثه على جوال خالد كذا أبي أتأكد أنه مارجع للمكالمات...وبعد شهر تقريبن لقيت رقم جديد مسجل بأسم أبو بندر كان يكلمه كل يوم وكم مره في اليوم بس كان دقايق مايطول معاه وسجلت الرقم عندي ...
وبعد كم يوم أخذت جواله وشيكت عليه ومالقيت شي جديد مالقيت الأرقم أبو بندر الي كان خالد يدق عليه ومايرد...وأذا رد قعد معاه كم دقيقه بس....
أستغربت وقلت لأزم أعرف مين كنت أبي أتأكد بنت ولالا ...ولما رحت النادي قلت لصاحبتي أبي جوال بدق على رقم يدق عليه زوجي وأشك أنه بنت قالت خذي ودقيت وطلعت حرمه ومن صوتها كبيره في السن قلت جوال خالد قالت لا غلطانه ...وسكرت قالت صاحبتي هاه بنت قلت الأحرمه كبيره ...وأنا الي أحسبه عقل وترك خرابيطه ....زعلت وتضايقت ...قالت صاحبتي خذي جوالي وأفهمي منها الموضوع يمكن تكون أم أحد من أصحابه ...ولا قريبته ...قلت روحي ياشيخه قريبته ولاأم صاحبه يكلمها كل يوم ...ولمدة أسبوعين تقريبن ...قالت لاتكون قواده ...قلت الله يستر ماأتوقع خالد يسوي حرام قالت بدال ماتضربين أسداس في أخماس خذي الجوال وكلميها....أخذت الجوال ودقيت عليها وردت سلمت وقلت لها أبي أسألك أنتي مين قالت أنا أم بندر أمري وش تبين ...قلت لها الأأنتي الي وش تبين في زوجي ...قالت مين زوجك قلت خالد الي صار له كم يوم يكلمك ...قالت ماأدري ولا أعرفه قلت الي رقمه كذا كذا قالت أنا ماأحفظ الأرقام بعدين كل يوم يكلموني رجال ...هنا خفت وقلت هذي قواده ...قلت لها أنتي ماتخافين الله تخربين بيوت وتنشرين الفساد ...قالت لا يابنتي أنا ماأخرب البيوت الأأعمرها قلت أنتي خطابه قالت أيه ...قلت زوجي كلمك تخطبين له قالت والله مدري من هو زوجك أنا عندي زحمه وماأقدرأتذكر ...قلت يعني لسى ماطلب قالت أنا أقول الي يبي يتزوج يرسل رساله فيها أسمه كامل ووظيفته وعمره وطلباته ومتى مالقيت الي يبي أدق عليه ...قلت يعني بعد أسبوع أوأسبوعين قالت لا موأقل من شهرين ...
سكرت وشفت صاحبتي الي كانت مصدومه مومصدقه بكيت ..قالت هو مو طبيعي أكيد زوجك موطبيعي ولا تو مالكم سنتين ونص ويبي يتزوج عليك؟؟؟؟هي تعرف أنه يحبني وتعرف كل شي في حياتي بس ماتعرف عن الخيانات وفكرة الزواج الأوليه...قمت من عندها ورحت للحمام ماكنت أحب أحد يشوفني وأناأبكي ...وقلت أنت ياخالد ماينسكت عليك لأزم أواجهك ...وطلعت وجمعت أغراضي ودقيت عليه وقلت تعال بسرعه قال وش فيه قلت تعال وأنت بتعرف...قال عسى ماشر تكلمي قلت مافيه شي ..بس فيه موضوع أبي أتكلم معاك فيه ..وقفلت ...
لبست عبايتي وطلعت الشارع ماكنت متحمله لأنتظر أكثر....خلاص طفح الكيل ....وش قصرت معاك فيه عشان تجيب ضره على راسي....أه ياخالد عذبتني الله حسيبك ...هذا وانت تحبني لو ماتحبني وش بتسوي؟؟؟؟هذا الي طلق زوجته عشاني..!!!!قررت أتكلم معاه وعلي وعلى أعدائي ....لصبر حد...وأنت أنهيت صبري ...جاء وركبت وأول ماركبت قلت وقف على جنب قال ليش قلت وقف وبقولك ....وقف ولف علي وقال هاه خير أن شاء الله وش السالفه ...جمعت قوتي وقلت صحيح انك خطبت علي قال مين الي يقوله قلت صح ولالا قال لا مين كاذب عليك ...قلت أحلف قال وش أنتي لايكون فيه أحد مسوي فيك مقلب ...أنتبهي ...ولف على السياره وشغل ولاكأنه سمع شي..... أنصدمت من بروده أنا أحترق يسفهني ....ويشغل ولاكأن شي صار .....بدون شعور صرخت عليه بأعلى صوتي ليش ياخاين ...لف علي مفزوع وقال وطي صوتك ...وش فيك من كاذب عليك قولي خليني أربيه قلت أنت الي يبي لك تربيه قال أيش وش تقولين قلت لا تصرف ليش بتخطب ؟؟؟؟قال كذب ماخطبت ولافكرة أخطب ....وشغل السياره ومشى ...قعدت أبكي بصوت قوي وأقول ليش وش قصرت معاك فيه ليش تبي تتزوج علي أنامابعد أتهنيت في حياتي تبي تقهرني ...تبي تذبحني ...وين حبك لي وين كلامك ...ياكذاب ياخاين ....أنا ماأبيك طلقني ...عصب وصار يرفع صوته ويقول من قالك قول لي من قالك ...قلت وحده دقت علي وقالت أنها لقت أسمك عندالخطابه تدور عروس...قال مين هذي قلت مالك دخل وحده وبس قال ماله داعي أتكلم أنت مصدقتها حتى ماعطيتيني فرصه أتكلم ...قلت تتكلم وش بتقول ...بتقول من حقك...قال خلاص ماله داعي أتكلم أنتي مكذبتني ومصدقتها ...قلت يعني كذب قال أيه ...وليش تصدقينها وترفعين ضغط هذي وحده تبي تخرب بينا...قلت لا موعلى كلامه وبس أنا برضو أحس أنه ودك تسوي هذا الشي ...قال أذا قعد تفكيرك كذا أكيد بسوي ....ورجعنا البيت وماقدرت أمسك نفسي كنت أبكي وأقول في نفسي ولاكأنه مسوي شي طلع منها لوقلت أني أخذت الرقم من جوالك كان موقفي أقوى وبيعترف ...جاء عندي وقال ماأبيك تسمعين كلام أحد أبد لابزين ولابشين ...هذا أذا انتي تبيني ..قلت له لأني أبيك ماصدقت وجيت وسألتك ...أنا عارفه أنك تحبني ومستحيل تسويها ...قال أكيد وتأكدي لوفكرة أتزوج بقولك ماراح أخبي عليك ..قلت هذا اهم شي ماأبيك تستغفلني ....قال يعني عادي أتزوج قلت لا لوتسويها أذبحك وقلت له تأكد أنك أذا خطبت بس بطلب الطلاق وبتركك ....مثل ماتبيعني أبيعك وماراح أخليك تتهنى ...ضحك..وقال أهم شي أنك ماتعطين احد مجال يخرب حياتنا قلت أنا الي أتمنى انك أنت الي تحافظ على حياتنا ....وأنتهى كلامنا في الموضوع ....
ونمت هذاك اليوم وأنا أفكر هذي المحاوله الثانيه المره الأولى ماضبطت بس يمكن تضبط هالمره الله يستر ....
 
الله يعيييييييييييينك كل هالضغوطات بحملك وولادتك


متابعينك يالغلا
 
الله يعينك اختي ويفرج همك وينفس كربتك ويرد لك زوجك ردآ جميلا والله دمعت عيني على قصتك بس اعجبني صبرك وقوة تحملك ماشالله تبارك الله الله يثبتك ويسخره لك ويبعد بنات الحرام ويجعل كيدهم في نحورهم والله يشغلهن بأنفسهن يارب متابعتك يالغاليه ...
 
تعبت من الجراح قال:
.وأنا مازلت أراسله وأقول أنت لو تحبها ماتخونها أنا في الاتصالات وأعرف أنك تكلم بنات ولوتبي أرسل لك أرقامهم وأعرف بعد متى تكلم وكم تقعد من ساعه....أنت لوتعرف قيمت الي عندك ماسويت الي تسويه......أنا كان بخليك على كيفك بس زوجتك حرام تقعد معك ...لأنها ماتعرف حقيقتك بصور فاتورتك وبرسلها لها عشان تشوف خيانتك لها ومع كم بنت ...ماشاء الله أنت تكلم قبيلة بنات ......أرسلت له أنا مالي هدف ....هدفي الوحيد ياتترك المكالمات ياتطلق بنت الناس لأني ماأرضى عليها ...أرسل لي رد وقال ليه الأخ وصي عليها ولا واحد من أهلها ..أرسلت له لا أكثر من كذا بكثييييييييييير.....وأرسلت الأرقام الي كان يكلمها ....
المهم أرسلتله ياتتعدل ولابفضحك عند زوجتك وأهلها والفواتير معاي ....
.يعرف المكالمات الصادره والوارده ...يقول لمن أكلم أحد وأسكره يرسل لي رساله ويقول أنت كلمت الرقم الكذا وقعدت كم دقيقه معه....أنجن ....قلت له والحل قال أنا كلمت واحد من زملائي ويعرف واحد يشتغل في الاتصالات وبيحاول يعرف مين ....أناماكنت خايفه لان الرقم بدون أسم..وماراح يعرفون كيف جبت أرقامه ...واليوم الثاني سألته قال أناقدمت شكوى للأتصالات قلت كيف قال رحت لقسم الشكاوى وكتبت شكوى فيه رقمه وأنه يتجسس على مكالماتي واليوم الي بعده سألت صار شي قال ولاشي يقولون محد يقدر يتجسس على جوالك ...الأأذاكان فيه أمر من الأماره بطلب برنت عنك أوجهه حكوميه ...والي تقوله مستحيل يصير...كان مقهور بالمره ويقولي أكيد هذا واحد واصل في الاتصالات ....بس والله ماأخليه بجيبه قلت كيف تجيبه قال قلت لواحد من أصحابي في المباحث يحدد لي موقعه ...قلت كيف يحدد موقعه قال أذاشغل جواله وصار فيه أرسال عن طريق الأبراج نحدد موقعه بالأحداثيات نحدد الجهه غرب أو شرق جنوب أو شمال قلت طيب هو مايكلمك كيف قال بس يشغل جواله وبنجيبه حتى نقدرنحدد البيت....
وقتها خفت وقلت لوكشفني بتصير سالفه مالهاأول ولاتالي ...وأخذت الشريحه وكسرتها وأنهيت المشكله
وبعدكم يوم سألته وش صار قال لسى مقفل الجوال بس خليه يشغله ويشوف وش يصير....قلت طيب ردد يالليييييييييييييل ماأطولك..........


بس كان فيه رقم مسجل بأسم أبو راكان وكان يدق كل يوم عليه ويقعد كم دقيقه معه ..أخذت الرقم وكان جديد مو من أرقام أصحابه ولا من أرقام الي أعرفها.....كنت أبي أعرف بنت ولالا وبعد كم يوم وأنا أفتش في جواله لقيت مسج مرسل لأبو راكان ....كان محتوى المسج....(مساء الخير أم راكان
العمر أبي عمرها من الثلاثين الى خمسه وثلاثين ..أبيها موظفه أو لديها سكن ...لا يهم بنت أومطلقه...متوسطة الجمال...من قبيله ....وأن يكون الزواج بالسر)............
تمنيت الأرض تنشق وتبلعني ....كانت خطابه ...ويدور عندها على عروس.....يبي يتزوج على وأنا في أمس الحاجه له وأناعلى وجه ولاده ...بدال وقفته معاي يجيب على راسي ضره.....ولايبي يتهنى معه في فترة نفاسي .......
...هذا الي ماراح يتزوج أبد ....يبي يتزوج الثانيه في أقل من سنتين....كنت أتذكر كلامه وهو يقول أنا وانتي أثنين ثالثنا الحب .....أنت ناوي تدخل معانا رابع وخامس ....بكيت مو عليه على نفسي ورحمتها ...كنت صابره عليك وعلى فضايحك...
أنقر للتوسيع...
معليش إسمحيلي أعلق ع هاي النقطة
للأسف زوجكي طلع ذكي جداً وعرف إنكي تعرفين عنه كل شي والمشكلة إنكي أثبتيله هالشي بدون ما تحسين رغم ذكاءكي الواضح ماشاءلله لا قوة إلا بالله وفيه نقطة ثانية بعد إسمحيلي
من خلال سردكي للأحداث أعتقد إن زوجكي شمالي شرقي وليس جنوبي
تابعي
 
هلا حبيبتي احس ان زوجك صادق واحبك لان مستحيل ما تتغير معاملته لك ادا كان في حياته احد ثاني يمكن يخطب لصديقه او لاحد من ربعه او معارفه لا تظلميه وتاكدي عدل من السالفه وتحياتي ودعواتي القلبيه لك بتوفيق



 
لا يابنت الحلال ان شاء الله مافية شي والي عندة خرابيط يبين عليةاسألي مجرب لاتخلين الشيطان افرق بينكم بس انتي لاتغيرين علية علشان لا ياخذه عذر واكثري الاستغفار والله يديم عليك السعادة يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل