ظننت أني ربحت حبه!!!ولكن رجع يخون؟؟؟

الله يعينك ومنتظرينك
 
الله يهديه ويحببه فيكي

ننتظر البقيه
 
الله يعينك صعب على الوحدة لما تكون واثقه بزوجها وبالاخير تكتشف انه مو قد ثقتها
لا تطولين علينا تحمسنا ..وربي يسخرلك زوجك ويبعد عنه بنات الحرام ..
​
 
أسفه لتأخير....أكمل لكم...........
كان العيد مو عيد وتعبت والكل لأحظ أمي وخواتي قدرت أصرفهم بالحمل.....كانت صدمه قويه قويه ماكنت مصدقه معقوله حبيبي خالد يسوي كذا......لا لا مستحيل ....يحبني ومايخوني بس لوتصدقون أنا أنصدمت بس من قوة الصدمه مانزلت ولا دمعه ...كان عندي أمل أن الرساله جت بالغلط......ومرت الأيام وأنا في صمت وتفكير وهو مشغول في دوامه الي ماخذ كل وقته ....وقتها قررت أني أراقبه وأفتش جواله وسيارته ودولابه ...وبدأت حملت التقتيش بديت بالدولاب ومسكت ملابسه قطعه قطعه دورت في جيوبها نفظتها حتى الملابس الشتويه وماحصلت أي شي ...أنتقلت لدروج ودورت وبرضو ماحصلت شي ......في داخلي كان تحدي ,,تحدي بيني وبين حبه لي كنت أقول أنا متأكده أنه يخون يكفي أحساسي ومسكتي لجواله من دون سبب وحبه يقول لا مستحيل يخونك يحبك ومايقدر يجرحك يخاف عليك وعلى مشاعرك ...
كنت أدور في كل شي وأذاماحصلت شي أنبسطت ...مع أني كنت أدور بقوه كأني أبيه يخون...كأني أبي أمسك عليه شي ...في هذي الفتره كانت مشاعري متلخبطه ...مرت الأيام وأنا أحاول أكتشف الحقيقه وأستغفله وأخذ جواله وهو داخل الحمام أو في الغرفه الثانيه لكن ماكنت القى شي ...وجاء يوم وطلعنا نتمشى لمنتزه وفي الطريق نزل لمحطه يجيب أغراض وبطبع الرجال يتأخرون في البقاله أنتهزت الفرصه وأول مانزل فتحت درج السياره وفتشت ماحصلت شي وفتحت الدرج الثاني الي بيني وبينه وماحصلت شي كلها أوراق وحوسه كنت أبي أشوف جوال أو شريحه أو أي شي يثبت خيانته ورجعت الأورق وأنا أرجعها شفت كرت شريحه وأخذته بسرعه وكان الكرت فاتوره ومافيه شي ...قلبته ولقيت الرقم رقم جواله العادي أخذت الرقم السري ورجعت كل شي مكانه ..وأنا مبسوطه لأن قبل أذا نام يقفل جواله وماأقدر أفتحه والحين الرقم معاي رجعنا البيت وأنا أنتظره ينام بفارغ الصبر وأول مادخل الغرفه دخلت معاه بدل ملابسه وأنسدح على السرير وضبط منبه الجوال على صلاة الفجروقفله وحطه تحت المخده ...أنصدمت أول مره أنتبه أنه يحط جواله تحت المخده دايم على الكوميدينه ...طلعت وأنا محبطه كيف أدخل يدي وأسحب الجوال من تحت راسه بيحس ويقوم طيب ليش اليوم حطه ..أنتبهت أني أساسن ماكنت معطيه جواله أهتمام ولا كنت أدري وين يحطه حتى لويدخل وهو مو معاه مادريت ...الي أتذكره بداية الزواج كان عادي يحطه عندي ويطلع للبقاله يحطه ويدخل الحمام ينام ويحطه على الكوميدينه
عادي صح كان يقفله عشان ياخذ راحته وقت النوم مو أزعاج أتصالات ...قعدت أفكر كيف أخذ الجوال كنت خايفه فتحت الباب وسميت بالرحمن ودخلت حبه حبه وأنسدحت على السرير بهدوء عشان مايحس فيني وقربت منه بشويش كل شوي أقرب لين صار راسي جنب راسه وكانت خطتي أني أدخل يدي وأسحب الجوال بشويش أذا أنتبه صلحت نفسي نايمه وأتمغط ....وفعلن دخلت يدي وسحبت الجوال وطلعت بهدوء ومن دون أي صوت رحت الغرفه الثانيه وقفلت علي وفتحت الجوال وحطيته على الصامت وقعدت أفتش وأشوف المكالمات الصادره والورده والرسايل وكل شي حتى الأسماء شيكت عليها طولت وأنا أدور وألأرقام الي كانت صادره ومستلمه سجلتها عندي ودورت على رقم صاحبت الرساله وماحصلته مسجل في الأسماء ورجعت الجوال مكانه وكانت المهمه صعبه بالمره وكنت ميته خوف ...وصار هذا نظامي معاه كل مانام أخذت الجوال وفتحته...وبعد كم يوم وأنا فاتحه الجوال جت رساله وفتحتها لأني قررت أي رساله تجي والجوال معاي أفتحها بدون تردد وأمسحها حتى لو كانت مهمه مولأزم يدري ...فتحتها وكانت المصيبه كانت من رقم مو مسجل في الجوال وكان محتواها حب وشوق وكان التوقيع في النهايه من القلب الحزين...سجلت رقمها عندي ومسحتها ورجعت الجوال وأنا مو مصدومه لأني عارفه بس الحين تأكدت بخيانته نمت وانا أبكي أبكي بدون شعور وتفكير ..........ماأدري وش كنت أحس فيه ....حبيبي ليش كذا ؟ ليش الخيانه ؟ وش قصرت معاك فيه ؟ كنت أطبخ لك الأكل أشكال وأنواع والحلويات والعصيرات والدلع واللبس كنت اللبس في اليوم ثلاث مرات له أول ماأصحى أبدل قميص النوم وألبس قميص قطني قصير أوبيجامه قطنيه وبعد مايرجع من الدوام أكون مشخصه ولابسه له أحسن لبس وفي اليل أبدل والبس قميص النوم وفوقه الروب ...كنت اهتم بريحتي وريحت البيت أحط العطور والبخور والفواحات حتى هو كان ينجن من ريحتي يقول ريحتك غير ولاعطر فرنسي ....كنت أهتم بنظافة البيت وترتيبه ...وأهتم فيه وفي لبسه حتى كنت أختار له الجزم وأقمشة الثياب يعني مهتمه بكل شي كنت مثل النحله في البيت ...وبشهادته ...والفراش مايحتاج كنت اللبس له وأسوي حركات رومنسيه قبل النوم أضاءه وفواحات والعاب زوجيه ونكهات كان يشوف أشياء أول مره يشوفها مع أنه كان متزوج ...أنا ماكنت مقصره معاه بشي وهذا متأكده منه لأنه كان يمدحني دايم ويقول وش أبي أكثر من الي لقيته فيك حب وأهتمام ونظافه وطبخ وسناعه ودلع وفوق هذا مريحتني في الفراش....
يعني الخلل مو فيني وهذا أستنتاجي ..الخلل فيه ..وكنت متأكده أن فيه أحد مأثر فيه يامعطيه رقم أو مادح له الكالمات أو أنه يكلم قدامه وتأثر فيه وقال خليني أتسلى مدام أنا في الدوام بدال ماأنا حاط يدي على خدي .....
بس وين حبي ياخالد؟؟؟ بأمكانك تتسلى بأي شي غير الخيانه الخيانه مو تسليه الخيانه جرح وقتل لمشاعري ...مافكرت فيني ؟؟؟؟أذاعرفت وش بيصير فيني ؟؟؟؟.وش بسوي؟؟؟؟.وش بيصير في حياتنا؟؟؟؟
أنت فكرت بنفسك وبس!!!!أنت أناني ...أنت قمة الأنانيه !!!!
صرت أكرهه وماأقدر أشوفه ...كل ماجت عيني في عينه أستحقره ...كل ماقال أحبك وماأقدر أستغني عنك ...أقول ياكذاب ...كل ماسب البنات الي يكلمون وقال هذولا مو متربيات ووسخات كنت أقول وش تبي فيه ليش تنزل مستواك لمستواهم؟؟؟كنت أقول كل هذا في داخلي ...
لأني ماواجهته بالخيانه ...بس كنت اللمح له يعني كنت أقول أني تحلمت اليوم حلم غريب كان فيه وحده كأنه عجوز جتنا أنا وأنت وماأدري وش سوت كأنه ضربتني وأنت رحت معاها ...يعني كنت أكذب في الأحلام مره عجوز ومره رجال ...وكان كل مره يقول أقري الأذكار كنت أقول قاريته بس أنا ياخالد أحس بشي مو طبيعي أحس بشي يصير كان يضحك ويقول شي مثل أيش ..تعوذي من الشيطان وبلا هالأفكار كان واثق من نفسه بالمره ولاكأنه مسوي شي ...كنت أحقد عليه أكثر هذا كان بمثابة التنبيه لك وأنت ولاهمك!!!يعني أنا قاعده أحذرك بأني قربت أكتشفك وأنت كانك تقول عادي!!!!
أناوقتها كرهته كره .......وكنت أستحقره ...
كنت أفكر وش أسوي معاه؟؟؟؟؟؟؟؟؟؟؟؟أواجهه ؟؟؟؟؟؟؟؟
أطلب الطلاق ؟؟؟؟؟؟؟أرجع بيت أهلي بيت العذاب والحرمان؟؟؟؟؟؟؟؟
 
كملـــــــــي اختي تحمست اعرف الباقي


الله يسهل امرك ويفرج همك
 
فرج الله همي وهم المهومين
ياعمري والله صدمه قويه

الله يعينك
 
الله يفرج هم كل مبتلاة

الحمدلله الذي عافاني مما ابتلاك به وفضلني على كثير ممن خلق تفضيلا ..

قلبي معك
 
حبيبتي اعذريني على هالكلام لكن بصراحه احسك مكبره الموضوع ومسويه قصه من لاشئ
انتي للحين مالقيتي دليل قاطع على خيانته .. كم مسج جاء لجواله من ارقام غريبه
علطول حطيتيه انه يعرفهم .. لو هو اللي مرسل المسجات لهذي الارقام اقولك من حقك تشكين
لكن من كلامك كلهن مسجين ومافيهم شئ يثبت ان هالكلام موجه لزوجك
لا تخربين حياتك بهالسهولة كانك ماصدقتي خبر تمسكين زله على زوجك
وانتي قلتيها جلستي فتره تراقبين بجهازه بدون مايدري وبغفله منه لو هو صاحب مكالمات
كان حصلتي ارقام بنات مخزنه و مسجات متبادله منه ومنهم وبلاوي متلتله
لكن على كلامك هذا اقولك تاكدي زين قبل ماتحكمين عليه .. زوجي جاء له وقت رقم غريب
يرسل على جواله مسجات وكلها اشعار رومانسيه انا بدايه الموضوع شكيت
وبالاخير طلع واحد يرسلها بالغلط علباله الرقم لبنت وهو لزوجي
ارجع واقولك تاكدي زين من الموضوع يمكن وحدة متبليته أو وحدة
تكرهك وعارفه انكم مبسوطين وتبغى تخرب حياتكم ترى بنات ابليس بهالوقت واجد ...​
 
اكمل لكم ....
كنت في حيره شديده حبيبي خان ...وش باقي أكثر...وش بأخسر...توقعت أني خلاص ودعت حياة العذاب والهم ...لكن قدرالله وماشاء فعل ...
كنت حامل وتعبانه وخيانته أتعبتني أكثر صرت مهمله في البيت والطبخ ماصرت أدخل المطبخ أبد كنت أصلح شاي أوقهوه وبنفس ثقيله ماكنت أغسل الملابس ولاأكوي ...أهملت نفسي ..وكنت أغلب الوقت عندأهلي أذاراح لدوامه أروح معاه لأهلي وأذاطلع مروخذاني كان يأكل من برا ويغسل ملابسه برا يعني ينقال متعاون معاي وعاذرني عشان الحمل ...وصارت حياتي بارده بلا مشاعر هو ماكان واضح عليه أي شي مستمر في الخيانه ومستمر في حبي وانا ماتت المشاعر عندي كنت أبكي أحيان وأحيان أحزن على نفسي....كنت كل يوم والثاني أفتش جواله وماكنت القى شي لأنه يمسح كل شي وماكان عنده في جواله سجل عشان أشيك عليه وخطرت في بالي فكره وجاء يوم وقلت له أبي أروح للملاهي مع أهلي وأبيك تعطيني جوالك عشانه مو كاميرا لأن الكاميرا ممنوع وأنابعطيك جوالي وافق وتبادلنا الجوالات طبعن هومايدري أن في جوالي سجل أصلن مايعرف شي أسمه سجل وحطني عندأهلي وراح دوامه طبعن حنا مارحنا الملاهي هذي كذبه عشان نتبادل بالجوالات ولمن طلع مروخذاني وكان عارف أن حنا مارحنا قلتله خليناها وقت ثاني ورجعنا البيت لما نام أخذت الجوال وفتحته ورحت لسجل ولقيت بلاوي وسجلت كل الأرقام الي فيه كان فيه أرقام يكلمها بالساعات وكان فيه أرقام مكرره يعني كل نص ساعه مكالمه وكان فيه رسايل كثيره صادره ومستلمه بس ماكنت أدري عن محتواها لأنه ماسحها كان يخاف أشوفها ورجعت الجوال واليوم الثاني طلب جواله وماطلته وراح الدوام ولما رجع ونام أخذت الجوال وفتحته ونفس الأرقام تكررت وكان بعضهابدون أسم وبعضها تحت أسماءرجال وأثناء ماأنا أفتش جت رساله من رقم مسجل بأسم ثامر ومكتوب فيها(وش فيك حبيبي ليش متضايق اليوم منت عالعاده أنت تقول مافيك شي بس أنا حسيت فيك ...خلودي طمني عليك)لماقريتها ولعت وأنقهرت وبكيت ....عندك حبيبه غيري!!!! عندك الي تفضفض لها وتطبطب عليك!!! وتقولك ياحبيبي!!!!خليت الوسخات الواطيات في منزلتي !!!!مثلي !!!!ليش ياخالد؟؟؟ليش؟؟؟وش قصرت فيه ؟؟؟؟الحب...أحبك وتحبني ....والمشاعر مغرقتك ....أدلعك وماأناديك الاياحبيبي وياعمري ...طلباتك أوامر..ومجابه...ليش ياخالد تخرب حبنا؟؟؟ليش تخرب حياتنا؟؟؟رجعت الجوال وأنا منهاره بكيت وبكيت وبكيت ...صحيح أنصدمت لمن عرفت أنه يكلم لكن ماكنت أدري وش نوع المكالمات يعني ممكن صداقه يسولف معهم ويتسلى ...لكن بعد المسج الي قريته عرفت أن الي بينهم مو مكالمات وبس الي بينهم أحاسيس ومشاعر هي تسأله وش فيه ؟؟؟كان يكلمها وهو متضايق !!!!يعني بينهم أنسجام ...تدلعه ...وهوراضي !!!سمح لها تدلعه مثلي وتعامله مثلي !!!أه أه والف أه حرقت قلبي وأنهيت حبي لك ....خلاص أناعرفت أنك خاين ...تخوني مع بنت ...البنت تحبك ...بس أنت تحبها؟؟؟أوأنها تلاطفك ..طيب أنت تعاملها مثل معاملتهالك؟؟؟هذا الي كنت أبي أعرفه...كان ودي أشوف مسج كاتبه لها عشان أعرف مشاعره اتجاهها....
نمت واناكلي ألم وجراح ...نمت وأناأحزن أنسانه في هذا الكون ذكرت الله وقلت لاأله الاالله ..لاحول ولا قوة الأبالله اللهم أجرني في مصيبتي وأخلفني خيرافيها ...
في اليوم الثاني كنت محبطه وكارهه نفسي كان عندي موعد في المستشفى متابعة حمل جاني ورحنا المستشفى كان يسولف ويضحك وأناكارهته وكارهه سوالفه رجعنا وجاب غذاء ناداني أتغداء معاه رفضت وقلت مالي نفس جاء وخذاني غصب يقال أنه خايف علي وعلى صحتي غصبني أتغداء رفضت وهو يحاول يدخل الأكل فمي نزلت دموعي ....من دون ماأحس خاف سألني وش فيك ؟؟؟قلت مافيني شي قال يعورك شي؟؟؟قلت لا قال ليش تبكيني ؟؟سكتت وأناأفكرفي الي يسويه معاي والي يسويه من وراي حسيت أني طفل يلعب علي يستغفلني قدامي يحبني ويوكلني ويخاف علي ومن وراي يخوني وماأدري وش يقول فيني ....كرر سؤاله وكان واضح عليه خوفه علي وقال أنتي تعبانه ؟؟قلت لا بس متضايقه..قال من أيش ؟قلت ماأدري بس أحس بضيقه أحس أنك بعيد عني وناسيني ..قال هذا انامعك من الصباح ...قلت لا مواليوم أناأتكلم عن كل يوم ورجعت أبكي ضمني وقال أنامعك وماراح أنشغل عنك أناوأنتي مايفرقنا الأالموت مسح دموعي وقال أذكري الله وتأكدي ياريم أنك في قلبي وعيوني وأنامعاك لأخر يوم في عمري جعل يومي قبل يومك أنتي عارفه الشغل ماخذ وقتي بس أناماقصرت معك في شي أكلمك كل يوم من الدوام وبالساعات كأني معاك ..صح ولا لا قلت صح قال في يوم أجازتي أطلع أمشيك وادلعك ولوفي يدي ماأتعداك أخلي يومي كله عندك قلت لا مايكفيني قال وش تبيني وأناأسويه قلت أترك الدوام ...قال أنتي تتكلمين من جد قلت أيه قال ليش قلت خذاك مني وفقدتك قال كلها كم سنه وأرجع مثل أول مقابلك أربع وعشرين ساعه والله أن تطفشين مني وتقولين أرجع دوامك ...قلت لا أبيك تتركه الحين قال أنا عارف ماقلتي هذا الكلام الامن حبي بس ياقلبي أنت عارفه الظروف وعارفه أن فيه بيبي بيجي في الطريق ويلزمه مصاريف والدنيا محتاجه...معليش خلينا نتحمل الحين عشان نرتاح بعدين وحالين أنت حامل وتعبانه وأذا جلست عندك بتعبك زياده بالشغل والطبخ الحين أنتي روقي وأنبسطي في حملك وكلها كم شهر ويجيك البيبي ويشغلك عني والله أن تنسيني.........سكتت صح أرتحت على كلامه وطمني بس الى متى أصبر الين ياخذونه بنات الحرام مني ..أناكنت أبيه يترك الدوام عشان ماعاد يلقى فرصه يكلمهم لأنه في دوامه على مكتب ولحاله ولوقت طويل عشان كذا كان يكلم بالراحه...بس أنافكرت وقلت لازم القى حل للمشكله هذي ...كنت في حيره أبي أحد يساعدني وينقذني فكرت وقررت أطلع شريحه وأكلم البنات الي يكلمهم وأقول لهم أبعدو عن زوجي وحياتي وكنت برضو أبي أعرف هم بالنسبه له أيش؟؟؟وبعدكم يوم قلت له أبي السوق....وخداني معاه وهو رايح لدوام حطني فيه وراح دوامه رحت وشريت شريحه بدون أسم وجوال مستعمل وجلست على كرسي وشغلت الجوال وبديت أدق على الارقام الرقم الأول دقيته وأنا ميته خوف ودي أن كل الارقام تطلع لشباب بس للأسف طلع الرقم لأول لبنت وسويت نفسي غلطانه كان صوتها صغير وحلو وتدلع كمان مت قهر هذا الرقم كان يكلمه بالساعات ...ودقيت الرقم الثاني وطلع برضوبنت بس صوتها كان كبير وكانت عندها بنت صغيره مشغلتها سويت نفسي غلطانه ودقيت على الرقم الثالث ورد بس محد تكلم قلت الو الو محد رد وسكرت تأكدت انها بنت ودقيت الرقم الرابع محد رد ودقيت الرقم الخامس وطلع رجال ودقيت الرقم السادس ومحد رد ودقيت الرقم السابع وطلعت مصيبه كبيره كبيره طلعت عامله من شرق أسياء.......أنجنيت هذا الرقم لقيته مكلمه لمدة نص ساعه وكان في أيام يكلمه ربع ساعه ...هي الوحيده الي قدرت أخذ وأعطي معها...حاولت أفهم منهاكيف كلمهازوجي لكن ماقدرت الي عرفتها أنها خدامه في بيت ولها غرفه خاصه وكل يوم تدق عليها أرقام رجال تسولف معهم قبل تنام وهذي المصيبه ...وش تقول لهم قبل نومها؟؟؟حاولت أعرف أسمها يمكن تكون عاملة وحده من قريباتي يعني خوات زوجي وقدرت تطيح زوجي ويكلمها ...لكن أسمها أول مره أسمعه سألته تطلع مع أحد قالت لا أن بس أكلم بعدين خلاص أنا ماأبي أكلم لأني أسهر وأقوم تعبانه اليوم الثاني خلاص مكالمات مافيه ...قلت لها بكلمك بعدين وقفلت ...وكنت مصدومه خالد الرجل الراقي الفاهم العاقل المحافظ يكلم شغاله وش يبي فيها ...يعني بيسولف معها ويضيع وقت ...أناياالله فهمتها كنت أسأله كل شوي أيش ؟أيش؟؟عشان أفهم!!!!!!!!!!مافيه أحد يكلم شغاله الايبي منها شي ...بس أيش نوع هذا الشي ؟؟؟؟جنس؟؟؟؟؟؟؟كنت خايفه من هالشي ....فكروا معاي واحد يكلم شغاله أيش يبي منها؟؟؟؟ياالله ياالله معقوله ياخالد تكون كذا .....طحت من عيني خلاص المسأله مو مسألة خيانه وكرامه المسأله صارت أكبر من كذا ..
بدات الأفكارتاخذني وتجيبني ...شوي هذي شغالة واحد من أصدقاه ويكلمه ويجيها في بيت صديقه ...شوي لا لا خالد مايسوي كذا ...أكيد يخربط بالأرقام وطلعت له ....شوي لا أكيد فيه أحد معرفه عليه وقايل له انها تطلع ....قطع حبل أفكاري أتصاله رديت قال خلصتي قلت أيه مر وخذاني قال عسى ماتعبتي قلت لا قال وين الأكياس شكلك ماشريتي شي قلت لا ماأعجبني شي ...رجعنا وأنا مو على بعضي مصدومه في زوجي ...الرجل المحافظ ....
نام وأخذت جواله مثل العاده وفتشته نفس الأرقام يكلمها ويطول معاه خصوصن صاحبت الصوت الحلو....طبعن موأحلى من صوتي لأن صوتي حلو وصغير كل من يكلمني يحسبني بنوته صغيره بس حسبي الله عليها...المهم أناسميتها ساره
عشان ماأتلخبط فيهم من كثرهم ...هههههههه لأني حسيتها ماخذه كل وقته كان أكثر رقم يكلمه ولا يسكر الالمن أركب معاه في السياره وهذا شفته في السجل كان اخر رقم رقمها كان مايقدر يستغني عنها ....عاجبته ...
المهم فتحت الرسايل ولقيت رساله منه لها فيها بطاقة شحن ...
وشوي الا تجي رساله وأفتحها وطلعت منها تقول أسمع ال أف أم ...........يعني تهديه أغنيه على ال أف أم ؟؟؟؟؟؟؟؟؟؟ زوجي الرجل المحافظ الي مايسمع أغاني ...الي هو علمني أترك الاغاني وأبدلها بالاناشيد ...يسمعها وعشان مين عشان وحده ساقطه واطيه ....تسوي الحرام لعيونهم ...زوجي الرجل المحافظ ....بدا ...وجهك الحقيقي بالظهور.....أنتهى زمن الأقنعه ....الأن كشفت على حقيقتك ....خلاص المسلسل أنتهت وأنتهى وقت التمثيل ....الحين أنا عرفتك زين ....
أذا أنت ياحبيبي تسوي هذا الأشياء عشان احبك ...خلاص أنا حبيتك ...بس طحت من عيني ....لأنك أذا سويتها عشاني مو عشان ربك ....أنا ماأبيها ...ممكن تمثل علي بس على ربك لا ....الحين خلاص كل شي واضح ......
ياحبيبي أنا زعلت والله موعشاني عشانك لأنك تسوي كل هذا رياء.............
مرت سنه وثمان شهور على زواجنا وتو أعرف حقيقتك....
كنت ممثل شاطر ....
أنتبهت لمسج ثاني جاء وفتحته وكان من خدمة دردشه كود ثم الرساله كان مكتوب فيه طلبك الحالي غير متطابق مع الطلب...مافهمت الكلام لأني كنت متلخبه من المسج الي قبله قفلت الجوال ورجعته وأنسدحت على السرير وأنا أفكر في الي صار والي يصير والي باقي ماصار.......
كنت في دوامه ماني عارفه شي ولاعارفه وش أسوي...
نمت وانا أفكر...وش الباقي ماعرفته ...
 
ياليت تكلمين
سردك في القصه رائع
واسلوب محمس
ياليت تكتبينها كامله اذا ما عليك امر
والله يسخر لك زوجك ويبعده عن بنات الحرام
 
الله يعينك ويصبر قلبك ادمعت عيني والله اني حاسه فيك
اكملي اختي
 
لاحول ولاقوة الأبالله....الله يفرج كربك ويزيح همك ...حسبنا الله ونعم الوكيل على أشباه الرجال انا مجروحة مثلك
 
الله يكوون بعونج ويصبرج يارب

تذكري الله قال ان مع العسر يسرا

كممملي اختي تحمست بقووه
 
والله يااااا قلبي مااااقوول الا الله يصبرررررررك ويقوووويك ويثبتك
وانتبهي انتبهي انتبهي لصحتك انتي حااامل مو ناقصة
ورررربي حزززنت كثيييير عليك وبنفس الووقت خفت مرررررة
من الرجاااال انا متملكة وزوجي محاافظ لكن والله خفت
حسسسسسسسبي الله ونعم الوووكيل من بنااااااات ابليييييس​
 
اسلوووبك روووعه في سرد القصة
ماشاء الله لا اله الا الله كملي القصصصصة بسررررررررعه مرة وحده لاااااتقطعينهاااااااا
ترااااك حمستيناااااا تكفيييين بسررررعه نبي النهااااية​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل