ظننت أني ربحت حبه!!!ولكن رجع يخون؟؟؟

أكمل لكم ...
طبعن خلاص كل شي واضح ...الأمور أتضحت ...وزوجي مثل كل الرجال ..مايفرق عنهم ..خاين وكذاب ومخادع ويحب الحريم ووش بعد؟؟؟
مشاعري أتجاهه في الفتره هذي كره يعني كارهته وكارهه كل شي فيه حتى ريحته ووجه ماكنت أطيق أشوفه ....كنت أستحقره وأشوفه ولاشي ولاشي ....
أنت السبب في خراب حياتي وتحطيم سعادتي ...ياطماع وش كنت تبي أكثر ...
ومرت الأيام وأنا افكر وش أسوي معاه ؟؟أستمر في تجاهله ولاكأني أعرف شي....أوأواجهه وأسأله كل الأسأله الي تدور في راسي ومعذبتني....
أناماكنت أبي الطلاق لأنه موحل ...ولا كنت أبي أرجع بيت أهلي الي هو عذاب يعني قلت عذاب خالد وخيانته لي أكرم بكثير من بيت أهلي ...
نارخالد ولاجنة أهلي........
وماكنت أبي أترك زوجي لبنات الحرام الخطافات ...
أهلي أمي وخواتي ماقدرت أقولهم ...لأني من الطبع الكتوم ...وبرضو ماحبيتهم يمسكون عليه زله عشان مايطيح من عيونهم وعشان مايزعجوني بالحن والزن والتحريض عليه...كنت في عذاب مايعلمه الاالله ...وتوجهت لله سبحانه وتعالى وصليت ودعيت ربي يربط على قلبي ويكتب لي الخيره وين ماكانت ويسخرلي زوجي...
ومرت الأيام كل يوم مثل اليوم الي قبله ...كل مانام أخذ جواله وأشيك على الأرقام ...كانت نفس الأرقام بس رقم الشغاله أختفى ..يعني كان فيه مكالمات لمدة أسبوع بعدين انقطعت المكالمات ...يعني ماعاد يكلم الشغاله ...أنبسطت كثير أنه تركها بس كانت فيه أرقام بنات ثانيه ...مازال رقم ساره موجود وفي أعلى القائمه وبقوه وكان فيه كم رقم ....أخذتهم ورحت لرسايل ولقيت رساله من ساره رسالة حب وغرام كالعاده ورساله منه لها فتحتها كان محتواها أنا الي كاتبته .....رساله مرسلتها له أنا زوجته...راح وأرسلها لها ...مت من القهر .....هذي مشاعري كاتبته لك وترسلها لها!!!!أنا ماأسمح لك هنا خلاص أنفجرت ماعاد قدرت أستحمل بكيت ونزلت دموعي على الجوال ماقدرت أمسك نفسي ...يبادلها نفس المشاعر ...رجعت الجوال وقررت أواجهه خلاص يكفي الى متى بظل ساكته لين يعشقها أو لين يتزوجها أو لين يقابلها ......ومن اليوم الثاني قررت أتكلم لما أشوف أي حركه ..تشككني فيه ..وكان هو أول مايدخل يقفل الجوال ...أويحطه على الصامت ...وبرضو أذاكنت عند أهلي ومرياخذني من أفتح الباب يكون يكلم على طول يسكر الجوال ...قررت أواجهه بهذي الحركات وأنها تشككني فيه من غير الأحلام والأحساس الي أحسه بأنه يخون ...
جاء من الدوام وكالعاده أول مادخل قفل جواله وراح غرفة النوم يبدل ملابسه لحقته ومسكت جواله ولقيته مقفل وقلتله ليش مقفل جوالك؟قال عادي أخر اليل وبنام ومافيه أحد بيكلمني ...قلت غريبه بالعاده ماتقفله الألمن تكون على سرير ...قال لا تعبان وماني فاضي لقرقت الشباب ...كانت الأعذار جاهزه ..بس أنا كنت له بالمرصاد ...قررت يكون هذا أسلوبي ...ياأنجح ...وأفوز بزوجي وحبيبي ...أو أرسب ..وأخسرحياتي معاه....
وأناماكان عندي شي أخسره أكثر من الي خسرته ...خسرت حبي له ...وثقتي فيه...والنظره الحلوه الي كنت أشوفه فيها ومثاليته الي كانت غير عن الكل وكأنه من كوكب ثاني ...
وأستمريت على هذا الحال وكان يتضايق ويعصب لمن أساله ليش لمن ركبت معاك قفلت كان يقول أنتهت المكالمه قلت ماأنتهت الالما ركبت قال عادي لو داري بتزعلين خليت صديقي يطول لعيونك...وهذا حال من أشوفه قفل جواله سألته ليش باقي على النوم وقت طويل والافيه شي تخبيه عني ...كان يزعل وأحيان يضحك ويقول أنتي موسوسه...
وفي يوم من الايام طلعنا مشوار يعني بنتمشى دق جواله خذاه وشاف الرقم ورجعه...قلت ليش ماترد قال واحد قلق وماني فاضي له قلت أجل فاضي لمين قال فاضي لك ماأبي وقتي معك يضيع مع ناس تافهين مثل هذا قلت مادام تافهه ليش تصاحبه قال عرفته عن طريق واحد....
رجع ودق مره ثانيه ونفس الحركه حطه صامت قلت رد ...قال تشوفين كذا قلت أيه لوماترد بيزعجنا بالأتصالات قله مشغول وأنتهى الموضوع ..قال طيب وقعد يماطل لين فصل ثم شاله وقال يوه أنقطع ...وشوي مسك الجوال وقعد يكتب مسج ...ورجعه مره ثانيه وكنت متأكده أنه مرسل لها لاتدقين ...كل شي مكشوف...أستغفلته لمن طلع يجيب الطلب وأخذت جواله و فتحته ولقيته مرسل مسج وكاتب لها (مشكوره ياحلوه على المسجات الحلوه ....معليش أنا مشغول اليوم عندنا ضيوف وأنا الي في وجه المدفع أكلمك أول ماافضى)...
دخل والجوال في يدي أنصدم وخاف طلعت عيونه من الخوف..قررت أواجهه بس خفت كيف بتكون ردة فعله وأحنا في مكان عام وقلت خليها مره ثانيه و سكرت الرسايل وسويت نفسي أدق على أمي ...وقلت له جوالي أنفصل وأخذت جوالك عادي- صح ...قال أيه عادي خذي راحتك وكان وجهه احمر من الخوف كان خايف أني شفت المسج....
وعدت الليله بس كنت حاقده عليه ....وفي اليوم الثاني أخذت جوالي السوا ودقيت على ساره وكنت مقرره اكلمها في الموضوع ردت وأنا كنت خايفه سلمت عليها وقلت لها أنتي تدقين على رقم كذا كذا قالت لا هو الي يدق ليش تسألين قلت لأنه زوجي ...سكتت ثم قالت أنتي زوجته قلت أيه ليش وش قالك عني قالت ماقال شي هو أصلن يقول مو متزوج بس كنت شاكه لأني أدق في الليل ويكون الجوال مقفل وهذي حركات متزوجين قلت برافوا عليك تحليلك صح عاد انتي خبره فيهم ضحكة وقالت وش قصدك قلت ولا شي ..المهم أبيك تتركينها وماتدقين عليه قالت بس مومشكله أصلن هو ثقيل دم الله يعينك عليه وكنت أبي أصرفه وجت من الله قلت طيب ياخفيفة الدم كيف تعرف عليك ضحكة وقالت عادي غلطت في الرقم قلت كيف غلطتي قال كنت بدق على اختي ودقيت عليه وهو ماصدق خبر قلت علاقتكم كم صارلها قالت موكثير يمكن ثلاث أسابيع....قلت طيب حبيبتي الله يستر عليك لاعاد تدقين وأذاقالك ليش لاتقولين أني كلمتك قالت خلاص وقفلت ولما جاء في الليل ونام أخذت الجوال ولقيته مكلمها كم مره بعدمكالمتي لها بس كانت دقايق معدوده ولقيت مسج منها تقول الي بينا أنتهى وبتلقى الي تصلح لك ...
مره أنبسطت وأرتحت أنها كانت متفهمه لوضعي ...هي أنتهت بس باقي كم رقم يكلمهم ولأزم أسوي نفس الشي معهم ....يعني المهمه ماكانت صعبه ...كلها مكالمه وأفتك من شرهم.....
وتشجعت أكمل البقيه.....
وفي اليوم الثاني كلمني عن جواله والى متى بيبقى معي قلت أنه أعجبني حجمه وأرتحت في أستخدامه خلاص خذجوالي لك وأنا باخذ جوالك قال خلاص أنبسط أكثر جوالي فيه بلوتوث يعني سرعه في الترقيم ...ههههههه.
المهم كل يوم والثاني أشيك على الارقام الي يكلمها وطلعت نفس الأرقام ماتغيرة ..وفي يوم فضيت نفسي وجبت جوالي وأخذت أرقامهم ودقيت على البنت الي قلت صوتها كبير وكان عندها بنوته صغيره.....
 
كملي ربي يفرج همج
وربي مت من القهر .... ربي يرزقج الصبر والقرار السليم والحكيم ....
بس عزيزتي ...
لا تنسين ان فيه رب فوقج يسمع شكواج ومارح يخيب لج امل
ادعيه وتظرعي له يمكن بسبب ذنوب لك اذاقك هالمصيبه او اشتاق لسماع تظرع امته
وربي اني جاتني امور ومصايب وش كثر .... ماحلها غير الدعاء
لا تغفلين عن اخر الليل
الله يستجيب دعااااج
وكلنا معااااج كملي .....
 
كملي ياا قلبي ..

ربي يجعل قلب زوجكـ و عقله و حوااسه ملكـ لكـ و يبعد عنناا جميع بناات الحراام ..
 
ياعمرررري انتي :(

الله يهديه ويصلحه ويسخره لك ويحنن قلبة عليك ويبعد عن بنات واولاد الحرام


الله يكفينا شر هالرجاجيل والله مالهم اماااااااااان :(
​
 
واللي يفرج لك همك
كــــــــمــــــــــلي فديتك اذا فاضيه
 
أكمل لكم...
مثل ماقلت كلمت البنت الثانيه الي صوتها كبير ...دقيت وردت وسلمت عليها وردت السلام وقلت معليش أختي باخذ من وقتك شوي ...قالت مو أنتي كلمتي قبل وكنتي غلطانه قلت الأ بس الحين أنا مو غلطانه أنا أبيك أنتي قالت متى المعرفه ..وكان واضح عليها أنها خبيثه وموقليلة شر....قلت أسمعيني ليش معصبه قالت مو معصبه قولي وش عندك قلت انتي تكلمين زوجي قالت أيش أيش زوجك ومين حضرة زوجك ؟قلت صاحب الرقم الي بدايته كذا ونهايته كذا ...قالت قولي الرقم كامل ولا هذا لغز قلت أنتي عارفه الرقم زين وعارفه صاحبه قالت لاماأعرفه ياتقولين الرقم ولا قفلي قلت شوفي يابنت الناس بلامشاكل صاحب الرقم زوجي ولاعاد تكلمينه قالت هو على كيفك قلت لوعلى كيفي ماخليته يكلمك قالت خلاص قولي له مايدق قلت أنتي لاتدقين عليه قاطعتني وقالت هو الي يدق موأنا قلت خلاص لاتردين عليه قالت هذي أوامر قلت لا بس هذا طلب قالت وطلبك مرفوض قلت ليش قالت من دون ليش كيفي قلت تحبينه قالت لا هو الي يحبني قلت وش تبين في واحد متزوج قال هو الي وش يبي فيني قلت أسأليه قالت لاأسألك أنتي قلت ماادري قالت لأنك ماريحتيه راح يدور راحته عند غيرك ...هنا أرتفع ضغطي وحسيت أنه يقول لها عن علاقتنا الخاصه أنفجرت عليها وقلت ياواطيه ياخطافت الرجال ياتبعدين عن زوجي ياأفضحك وأجرجرك في الهيئه قالت هي كلام وسخ أترفع عن كتابته وقفلت أنافي وجهها ماكنت مستحمله أسمع أكثر منها الواطيه الحقيره ...دعيت عليها...وكان واضح انها وحده منتهيه وواضح أنها متزوجه لأن عنده بنت صغيره مسويه أزعاج وكانت تقول ماما ....أرسلت لها مسج وكتبت فيه أنتي برضوا لوزوجك مريحك مارحتي لغيره ياسااااااااااااااااقطه .....
بس والله قهرتني بكلامها ودعيت على زوجي الي سمح لنفسه يكلم هالأشكال وسمح أني أنحط في مواقف مثل كذا....عصبت وسكرت الجوال ماقدرت أكمل مكالمة باقي الأرقام ...كنت متوقعه السالفه سهل وأنها بتتفهم مثل الي قبلها طلعت حقيره وخبيثه ....كتبت لها كم مسج أذكرها بالله وانها تخرب بيت وتهدم سعادة أثنين وبرضو ذكرتها أن كل هذا بيرجع عليها وعلى بنتها وأني بدعي عليها في كل صلاه لوأستمرت تكلمه....كنت كل يوم وثاني ألرسل لها مسج وماكنت أدري أذاهي قالت لزوجي اولا لأني كنت أشوف مكالمات بينهم...المهم مرت الايام وبعد فتره أختفى رقمها من جوال زوجي وأنبسطت كثير كنت متوقعه انها بتعاندني وتستمر عشان تغيضني ....ومرت الأيام والشهور وزوجي قلت مكالماته أو أختفت ...كنت أدعي الله له ولي وأحيان كنت احبط وأحيان يجيني أمل ....كان عذاب......... بعد فتره لحظته حاط رمز قفل للجهاز هو مايعرف بس أكيد أحد علمه عشان ماأقدر أشوف جواله ...أنقهرت ماقدرت أشوف جواله وأستمر أسبوع أو أسبوعين ماأقدر أفتح جواله قعدت أراقبه وهويفتحه مره عرفت الرقم الأول والرقم الأخير وبعد كم يوم عرفت الرقم الثاني والثالث بقى الرقم الرابع ...ولمانام أخذت جواله وجربت الأرقام كلها لين طلع الرقم الصح وفتحت الجوال كنت مشتاقه للحظه هذي من زمان ماشفت مين يكلم دخلت عللى السجل ولقيت أرقام جديده وسجلتها عندي ودخلت ع الرسايل ولقيت رسايل كثيره مامسح شي واثق أني ماأقدرأفتح جواله كم رساله من خدمة الدردشه الي قلت لكم عنها أول وأني مافهمت منها شي ....لقيت كلام مكتوب خوفني كثير كانت الخدمه مو دردشه كانت خدمة لزواج وهو حاط له طلب عندهم ويرسلون له رساله فيها الكود الي يوافق طلبه عشان يتواصلون طبعن كانت كلها ترقيم بس أنا مت خوف وش زواجه أحنا مالنا أقل من السنتين ويفكر يتزوج ...قلبي عورني وقلت هذا بدا يتمادى وأنا تاركته على كيفه لأزم أوقفه عند حده وأواجهه ...رجعت جواله ومن اليوم الثاني أخذت الأرقام الي يكلمها ولقيتهم بنات جدد ...تعبت وأحبطت يعني لوكلمت هذولاء بيكلم غيرهم الخيانه تجري في دمه...لأزم أواجهه وأهدده أني بتركه أعرفه يحبني وماراح يستغني عني ....بس كيف أقوله لأزم دليل يعني أذاقلت فتحت جوالك بيغير الرقم السري وماراح أقدر أفتح جواله ويمكن ماتنفع المواجهه معاه ...لاخلي المواجهه أخر حل ..وقعدت أدور على حل أسهل ...........فكرت وقلت هو يخاف الله وأكيد واحد من زملائه في الدوام الثاني الوسخين هو الي مطيحه في المكالمات لأنه ماكلم الابعد الدوام الثاني ...قررت أني أذكره بالله وأن الي يسويه حرام وبيجي يوم ويرجع الي سواه في بنات الناس في بناتنا ...يعني أعزز الوازع الديني عنده ...رحت وشريت كم شريط عن المكالمات مثل دقة بدقه...وكم شريط تذكير بالله وعقابه ...وحطيتها له في السياره ولما ركبنا قلت له وش رايك نسمع هذا الشريط جاني هديه وشكله حلو...شغله ....وسمعناه كامل الوجهين كان حلو ومؤثر ....وتمنيت يكون أثر فيه ...وبعدكم يوم وحنا طالعين قلت له شغله قال خلاص سمعناه قلت حلو مافيهاشي لوسمعناه مره ثانيه ....وشغله ولمن أنتصف الشريط طفاه وقال خلاص تبين تسمعينه خذيه معك للبيت وأسمعيه على راحتك قلت لا أبيك تسمعه معاي قال خلاص انا سمعته ....كنت أبيه يتأثر من الي يسمع ....كنت لمن أجلس أنا وياه أحط التلفزيون على البرامج الأسريه وعن الخيانه ...كان يتملل ويغير...كنت أحس أنه مايبي أي شي يحسسه بانه غلطانه ومرت الأيام ...وهو على وضعه ...ضاقت الدنيافيني وصرت في الشهور الأخيره كنت أفكر في الولاده وهمها وافكر فيه ..قلت لأزم ألقى حل وفكرت وفكرت....وجت في بالي خطه وهي أني أثير غيرته علي عشان يحس فيني ويجرب الي أحس فيه ....وعشان يعرف أن الي يسوه في بنات الناس يرجع في أهله....وأخذت جوالي الثاني وأرسلت لنفسي رسايل حب وغرام.....ودقيته منه على جوالي ورديت وشوي وسكرت...ولما رجع قلت له أن فيه واحد دق علي وكان غلطان بس نشب وقعد يدق ولا رديت عليه وأرسل رسايل أخذ جوالي وقرأالرسايل ودق من جواله على الرقم ولقاه مقفل قال لي خلاص لاتردين عليه رقمه عندي وبتفاهم معاه ...
 
يوه الله يعينك مدري شلون صابره لوأنا بمكانك والله لأخنقه وهو نايم ولا أكسر الجوال على راسه لا والمشكله ثقيل دم وماعنده أسلوب ويدور البنات ~أنتي أهم شي لاتدلعينه وتمدحينه زياده يكبر راسه وهالشكال ماينعطون وجه‏~‏ مصيره يرجعلك بس أنشغلي عنه خليه هو يلحقك
 
يوه الله يعينك مدري شلون صابره لوأنا بمكانك والله لأخنقه وهو نايم ولا أكسر الجوال على راسه لا والمشكله ثقيل دم وماعنده أسلوب ويدور البنات ~أنتي أهم شي لاتدلعينه وتمدحينه زياده يكبر راسه وهالشكال ماينعطون وجه‏~‏ مصيره يرجعلك بس أنشغلي عنه خليه هو يلحقك
 
ماشاء الله تبارك الرحمن عليك الله يحميك
قووويه وصاااابرة وثاااابته من بداااية حملك
وهذا دليل عشقك لزوووجك
عيني عليك باااارده عسى ربي يحميك
الله يرده لك ردا جميلا وتجنين ثمرة صبرررك
وياااارب انا و كل البنات والمتزوجات نتعلم منك ونستفيد
الصبر والحكمة ​
 
الله يسخره لك ياااااااااااااااااااااااااااااااااارب ,,
انتظررررررررررررررررررررررررررررررررررررررررررررررررررررررررررررررررررررررررررررررررررك
 
أكمل لكم ...
حسيت الفكره حلوه وعجبتني مره لأنه تنرفز ...كأني أخذ حقي منه كنت أبيه ينقهر مثل ماقهرني ويحس بأحساسي .....أستمرت الخطه مثل ماأبي كل يوم رسايل غرام وحب وشوق...مثل وينك ردي علي مشتاق أسمع صوتك ...يالله ياصوتك جنني وذوبني ..
أنا حبيتك من صوتك...ولما يجي يقراها يموت من القهر ويمسحها وكان يقول أذا جتك رسايل وشفتي أنها منه لاتفتحينها على طول أمسحيها....يقول أدق عليه بس الحقير مايرد ولايرد ويسكر أذاسمع صوتي ...كان واضح عليه القهر والغبن .....وأنا مبسوطه خلينا أقتص منه ....وكل يوم نفس الحركه واما يطلع دوامه يدق كل شوي هاه كلم أرسل لا تفتحين الرسايل لاتردين .......خليته يطبخ على نار هاديه ....يستاهل .............
 
ان كيدهن عظيــــــــــــم ,, ياا ربي عليكـ ,,


و الله اني حبيتكـ ,, و في هالزمن يقولون اذاا وثق جاار بجااره فقد غرره ..

أو بمااا معنى الحديث كذااا ..

الصرااحة جد جد عجبتيني ,, اناا احس اني بفضح عمري من اول شي و لاا بستفيد غير بطلب الطلااق و بخسر زوجي ..

الله يرد كل رجل لزوجته و يجعلهاا قرة عينه و يجعله قرة عينهاا .. ياا رب
 
الله يعينك عزيزتي ويصبرك يااااارب

تابعي قصتك والله ينصرك يارب ويثبتك
 
يوووووه يالله صارت كل هالتطوارت:33: الله يكون بعونك واناكنت مفتكرة السالفه سالفة مسجات بالغلط
طلعت السالفه مسجات غراميه ومكالمات بالساعات فعلا الرجال مالهم امان
لكن تبين الجد برافوو عليك عجبتني طريقة تبديلك لاجهزة الجوال ..وعجبتيني اكثر لما جبتي رمز القفل
بس المشكله جمعتي الادله لكنك مانتي قادرة تواجهينه فيها ...
ننتظر بقية قصتك وربي يسخر لك زوجك ويشغل هالصايعات بانفسهم كيف اشغلو بنات الناس وهدمو بيوتهن حسبي الله عليهن ..​
 
اسأل الله العظيم رب العرش العظيم ان يردة إليك ردا حميدا وان تكوني الوحيدة في قلبة وحياته
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل