طلقني...وعاش جحيم بدوني ...ويبغا يرجعني ...ارجع له ولالاء؟

[سوسوكبيرا]

مرحبا يا بنات
انا سوسوكبيرا
وقصتي بالرابط هذا http://www.niswh.com/vb/showthread.php?t=99679
تذكروني يوم زوجي ارسل لي مسج وطلقني بالثلاثه ؟
انا بشويش استوعبت الوضوع وقلت قدر الله وما شاء الله فعل...ومره ابكي ومره انهار ومره اضحك ومره اخطط اتزوج من جديد
المهم ما جا على بالي زوجي نهائي لمدة شهر كامل بعد الطلاق
والكل من اهلي يقولون يا حظك يومنه طلقك وانتي منتي خسارنه وانتي احسن منه وانتي وانتي وانتي
انا بصراحه
احالو اطلعه من بالي بكل الطرق
ومابغا اقولكم انا وشوسويت عشان اشيله من بالي
.......................................................................................
والله يسامحني ويغفر لي
عالعموم عرفت انه هالطرق ما راح تنسينياه وبطلتها...
ورجع زوجي يشغل فكري 24 ساعه باليوم
اخرتها من القهر والبكا والدموع والوحده والعزله ...........
جت ببالي اني ارسل له مسج وقلت له بالمسج انت ماتعرف وش سويت عشان اتزوجك ما اقول الا حسبي الله ونعم الوكيل....
انا بشفي اللي بخاطري لانه مو معقول هل ما عاد يحبني
انا اعرف انه يحبني وانا بعد احبه
وفترة زواج شهرين ما تكفي ان الواحد يحكم عالثاني هالحكم السريع
ويطلق بالثلاثه
؟؟؟؟
المهم شاف السمج وما صدق ارسل لي مسج يقل الله يسامحك انا ما استاهل منك كل هذا
ومسج مني ومسج منه
وبالنهايه قال انا مهما صار لي ما عندي الجراءه اني اتحسب عليك وادعي عليك انا كل ما ذكرت ما قاول الا الله يوفقها ويشرح صدرها
وكل ما جيت انام ما اقول الا ليش ليش تسوي يني كذا ؟
يعني طلعت انا مجرمه
قالي ايه مجرمه طالعه من البيت وماشيه وتااركتني ولا تسئلين فني
قلت انت اللي ما سئلت فيني تاركني عن اهلي شهر وما رفعت السماعه علي ولا على ابوي ولا شرحت المووضع
؟؟؟؟
بعدها كلمني وجلس معي من الساعه 1 الليل لين الساعه 7 الصباح
وشرح لي ظروفه
بصرحه كسر خاطري مره
انا كنت قاسيه صح
وعصبيه
بس كنت مضغوطه ....وماحب الفوضى ولا الاستهتار بحكم اني شماليه شرقيه وهو جنوبي مادري غربي او شرقي المهم ....
تخيلو يا بنات
خواته اللي مجننيني عشانه واللي يحبونه موت واللي يخدمونه يعيونهم ويضمونه قدامه ويحبحبون راسه ويدينه
وما يقدرون يستغنون عنه
قعدو بالبيت شوي بعد طلعتي منه وقعدو يقلدوني اخوهم يوقله يقول يحالوون يسدون مكانك
ويقولون سم وحاضر وابشر ويسوون لي الاكل اللي اخبه وابيه
ويحالون يخدومني وهذا اللي ضيق صدره بقوه لانه ما تقبل منهم ولا يبي منهم شي
واخرتها طلعو من البيت وخلوه لوحده

الرجال الحين ما عنده احد ولا فكرو فيه ولا عبروه واصلا هم يومن جو يحلون مكاني هو ما استقبل منهم ...ولا عاد ياكل ولا يشرب ولا عنده احد يشولف عليه ولا يكلمه وحتى لو طلع مع اخوياه يتجنب موضوع الطلاق وما يتكلم فيه يعني ما عمره فضفض لاحد من يوم ما طلقني ولا اشتكى لاحد ...

لدرجة ان المسكين صار يعيش على الدونات والكوفي
يقعد بالاسابيع ما ياكل شي الا كيك ولا بسكوت
الله
الله
الله
يا امه وخواته وين الدلع والخوف عليه وين يومنكم تخطفونه من يديني تخطف ؟
شي يضحك بصراحه بس اتمنى من انه تعلم الدرس
المهم ان حالته مزريه مره وهو محتاجني
فاقدني
وانا تعاطفت معه ؟؟؟؟ وتسامحت معه واذا بغيتو الجد انا برضو محتاجته بس مو مثل ما هو محتاجني
وبالرغم من كذا كان ما يبي يفاتحني بموضوع الرجعه بس كلمني يشتكي من حاله ومادري لي شما فتح المووضع
يعني يمكن مفكر انه ما يجوز نرجع لبعض لانه طلاق بائن
عالعموم كالعاده
اتخذت انا زمام الامور واتخذت القارار بالنيابه عنه وهذا شي غلط عارفه بس اذا استنيته يتخذ القرار بتخلص العده وهو قاعده يشتكي ....
وقلت له طيب كيف ما نرجع لبعض قالي صعبه الموضوع فيه طلاق بائن
قلت له اسئل شيخ
مو معقوله انت بتقعد سلبي كذا لين متى يعني انا اللي بروح اسو كل شي واسئل وافاتحك بالمووضع بعد يكفي اني انا اللي ارسلت المسج
قالي طيب بسئل شيخ وبشوف
عاد انا مادري يا بنات
انا ابيه على عيوبه
بس خايفه من امه وخواته يدخلوني بالمعمعه من جديد ... والحين انضمت لربكهم مرة اخوهم معاديتني على سبب غير معروف وتودي منهم كلام وتجيب كلام وابشركم اخوه اللي كان ساكن عندي فتح له بيت بجمب بيتي ورجع مرته وراحو خواته عندها ههههههههههه لان بيتي ما عاد فيه حرمه يناكدونها ؟؟؟؟

وبالنسبه لعلاقتي فيه
اخاف ما يقدر يوقف ضدهم مثل اول مره
واخاف اصلا ابوي واهلي يرفضون اني ارجع له ..لانهم كرهوه ويبون ينتفونه تنتيف وبعذرهم انا مو لعبه بيده يطلقني بالثلاثه ؟؟؟
ولاني المره الالى تزوجته غصبن عن الكل
ومحد يوقف بوجهي وهالمره مدري اذا بيسمحون لي ولالاء
؟
وانا بصارحه تعبت من اتخاذ القارارت لوحدي وتحملت النتايج لوحدي وما ودي افكر ؟

بعد الطلاق فكرت اني بصير تعيسه ومسكينه ومهزومه
صحيح جتني مشاعر سلبيه
بس مو مثله
انا كنت افضل منه
يعني انا اهلي ما قصرو معي وعندي وظيفه وعندي صديقات اصارحهم بكل شي وافضفض
وعندي ناس كثير ينصحوني
يعني الحمدالله وما شاء الله لا قوة الا بالله
بس هو حياته صارت مره تعيسه
حتى كان مقدم على اكثر من وظيفه الحين اللي قدموه الوظايف سحبو عروضهم كلها وصار جالس بالبيت
واهله ما يكلمونه عن مشاكله ومضيقين صدره مره
وابوه مقاطعه عشان الطلاق
وخواته راحو من البيت وتركوه لوحده ؟

وظروفه جدا سيئه لدرجة اننه يقول بسافر برا ما راح اجلس ...ما عندي شي اجلس عشانه

وانا مادري مابغا ارحمه على حساب نفسي وااجازف مره ثانيه وارجع له وانا مو ضامنه تدخلات اهله في حياته ومو ضامنه انه بيصدهم وبيوقفهم عند حدهم ؟؟؟

شورو علي بالموضوع الله يجزاكم خير
او ادعولي الله يسهل لي الخيره ويرضيني بها

 

[محبة النبي محمد]

والله مدررررري بس يبي لك تفكير طويل في الموضوع
وأستخيري الله كثير هو اعلم منا ومنك .....سبحانه
والله مدررررري اخاف ترجعين ويرجع النكد من اهله
وبصراحه اهله ابددددددددد مو طبيعين ...
حتى اسولف على امي وخواتي عنك يقولون معقوله فيه ناس كذا!!!
اخاف ترجعين وتطلقين ثاني مره ويكون معاك طفل يكون هو الضحيه .
بصراحه احسه طفل مررررررره لا له شخصيه ولا رايي !!!
حتى متصل يشتكي ولا تكلم برجووووع سلبي مررررره
بصراحه ما يعتمد عليه ابدددددددد
والله ما ادري وش اقولك انا مرررررره تعاطفت معاك في حكايتك
وحسيت انه الطلاق خيررررررر لك لاني اشوف اهم شي في الرجل
يكون شخصيه وكلمته ما تصير 2 حتى على زوجته
احب الرجل صاحب الشخصيه القويه والكل يهابه ...
استخيري والله يكتب مافيه خير وصالح لك ...
واكثر شي حز في خاطري انه طلقك في مسسسسسسسسج!!!!!!!!!!!!!!!!!
هذا ميثاق غليظ على سنة الله ورسوله وعلى كتاب الله
وشلون يفسخه بمسج !!!!!!!!!!!!!!!!!!!
لا حول ولا قوة الا بالله ..
قمة الاستهتار في بنات الناس ...
عموما قبل تتعبين نفسك شوفي يمكن اصلا مالك رجعه ...
اسئلي شيخ وتأأأكدي انه فيه رجعه اول ...
وحنا معاك والله ييسر لك يا الغاليه ..

 

[ضَوءْ]

ماقرآت قصتك بس ردي مبني على كلامك اللي هنا


اتركِ القرار لأهلك وبعدها استخيري ألف مره

ومن كلامك وآضح انه كآسر خاطرك هل تتوقعين هالمشآعر عمرها تبني بيت ؟؟؟؟؟

إذا تحبين تعيشين بأمان اتركِ القرار للرجال سواء زوجك أو اهلك


اتمنى لك الخيره في كل الأمور

 

[تعلمت الغرام]

هلا حبيبتى قرات موضوعك من زمان وحزنت كثير هذا الوقت بس الحين فرحت انه عرف غلطه:clap: وما فى حد باقى له لو هو ما حافظ على بيته وزوجته بس حبيبتى مهما صار هذولا اهله ما يقدر يقاطعهم!!!! انا اقول انك لو رجعتى لازم تخلى عندك شروط لضمان ان لا يتكرر نفس السيناريو مرة ثانية ....ولازم يعرف الحركات اللى سووها اهله اما من جهتك انتى فلازم تغيرى اسلوبك ويا اهله وتحاولى تكسبيهم بالمستقبل وطبعا انتى الحين اعتقد فهمتى زوجك اكثر فحاولى تنفذى الاشياء اللى تسعده والله يوفقك للقرار الصحيح ان شاء الله.

 

[نواره99]

اختي الرجل الجنوبي بطبعه يحب اهله وخواته بجنون
وانتي شماليه وحاولي تتفاهمين اختي معاه اذا بغيتي تردين باسلوب وبهدووء ومن غير صوت عالي وعصبيه
وفهميه انهم مثل اهلج بس كل شي وله حدود والخ
وطبعا قبلها اختي استخيري
واذا صار انج بترجعين لازم تتغيرين وتحاولين تغيرين زوجج باسلوب
ومو يعني يلبي طلبات اهله وخواته ومايقولهم شي ماعنده شخصيه بالعكس
والله يوفقج ويسعدج

 

[نواره99]

وشوفي مواضيع المهاجره عن الجنوبي واستفيدي والله يسعدج

 

[prnsesحلا]

صدمتيني بقوووووووووووووووووووووووووووووه

 

[prnsesحلا]

طيب ماسالتيه ليش طلقك بهالصوره الوقحه ولنفترض انه يحبك ليش طلقك بالثلاث وش تفسيره ليش ما اتخذ موقف الرجال وحاول يتفاهم مع ابوك وكونه جنوبي مايبرر له انه يطلقك بهالصوره كانه مالك اهل على الاقل يكلم ابوك ولا يبرر له عدم قدرته على اتخاذ موقف زي العالم والناس وان كان الجنوبي بطيئ في اتخاذ القرارات واتكالي بس ماتوصل فيه الامور لهالدرجه انا مصدومه بقوه ماني قادره اجمع افكاري بس قولي له اذا يبيك يجي لهلك ويتصرف العده مابقا لها شي اذا كان صادق بمشاعره وكلامه بس عندي سؤال هل تقدرين تعيشين حياة مستقره مع انسان يتخذ قرارات مصيريه بدون اي تفكير هل تضمنين انه ماراح يكرر نفس الحركه مره ثانيه ويطلقك بدون رجعه والله العالم هالمره طلقك وانتي ماعندك اطفال المره الثانيه يمكن عندك اطفال منه وبتجنين على نفسك وعليهم انا محتاره صراحه لاتفهميني غلط انا ابدا مش ضد رجعتك له بس موبهالطريقه عندي كلام كثثثثثثثثثثثثثثثثثثثثثثثثير مااقدر اكتبه الحين

 

[hot pepper]

طيب يعني لو فيه رجعه قولي له يغير بيتكم
بعيييد عن مكان وظايفهم ويخلي البيت لهم عشان مايلقون لهم حجه ويجون عندكم
وتنعاد نفس القصه !

 

[om3mmar]

يا اختي
1- استخيري الله 2- استخيري الله 3- استخيري الله

وقوليلو يكللم اهلك
اذا هلك رفضوة وما وافقو على رجعتك ...لا تزعلي تراها من الله
كونك مؤمنة قولي عسى ان يكون شرا وصرفه الله عني
اختي زوجك تسمحيلي وآسفة اذا الكلمة بتزعلك
لا يعتمد عليه في حياة اسرية كبيرة فيها اطفال ومصاريف و ...الخ
الادلة:
لا وظيفة
ولا له كلمه عقلانية في قراراتو
ولا يقدر على اهلو واخواتو
اجل كيف على بيتو واطفالو و التربية و المسؤلية و .. و...الخ
يا اختي الزواج مملكة كبيرة لها احتياجاتها ومطالبها
ولا تتوفر فيه الشروط

كيف العيشة بتكون معاه
الا صبح مشاكل و الليل مشاكل

اذا قررتي في نفسك الله يوفقك
بس الاستخارة خير ما تسوي
والله اعلم

 

[صدى القمري]

في الموضوع الأول تعاطفت معك بقوة

لكن في الموضوع هذا...........................صدمـــــــــــــتـــــــــــيني

ليش ترسلين له مسج ومن ثم تكلميته؟؟؟؟؟؟؟؟؟؟؟؟؟؟

سبحان الله....تدرين إني كنت متوقعة كل اللي صارله بعد الطلاق

وحتى لو رجعك....(إذا قدر).....بترجع حليمة لعادتها القديمة.....لأن اللي سوى سوات زوجك و أهله ما يتغير بالسهولة و الدليل أخوه اللي رجع زوجته اللي كانوا أهله سبب في طلاقهم...هاهم أهله يعيدون السيناريو...فليش مايعيدون السيناريو معك ..........خليك قوية لو سمحتي

 

[لبوة الحجاز]

يا عزيزتي ولله ان الامرجدا صعب(اخاف انه يكلمكي علشان احتياجاته ((الجنسيه؟؟؟؟؟؟؟؟ )) وفتره ويرجعالي نفس الحال الموضوع لا زمله حزم قبل رجوعك يعني بيت بعييييييييييييييييييييد عن اهله و اهله يزورونه مره وحده في الاسبوع فقط (وكثيره بعد) ولا يدخلون في اي شي واذا وحصل قولي انتو ضيوفي واجلسو بادب ولا البيت يتعذركم والله يكون في عونك

 

[أجمل أحساس 22]

والله انا اشوف انك غلطتي يوم ارسلتي مسج وتكلمتي معه من غير شور اهلك

وحتى لو رجعتي بيقول انتي اللى جيتي وبديتي

استخيري وشوفي راي اهلك

تحياتي

 

[سوسوكبيرا]

فاهمه يا بنات انكم كلكم ناقدين علي...لاني ارسلت له وكلمته
بس بج كنت محتاجه مبرارت الرجال ارسل المسج ومشا ولا كلمني ولا قالي شي كل الي قاله بالمسج اعذريني وذكراك بتبقا طيبه وسامحيني وانتي طالق طالق طالق ...طيب من حقي افهم حاولت اتجاهل شهر كامل واستحمل واسكت
بس اخرتها انا ابي اكون بالصوره وابي اعرف وش اللي صار بالضبط عشان يعاملني بهالطريقه

بس هو قدم لي مبررات منطقيه عاللي سواه
وانه طلقني وما كلم ابوي
ما صدقت نصها بس عالاقل برر لي و برضو انا كنت قاسيه معه واتحكم كثير ومتسلطه
يعني شماليه شرقيه وش اكثر من كذا
وكان طول الوقت يقولي انتي مغروره وانتي شايفه نفسك على وانتي تطلبين الطلاق بالطالع والنازل
صدق بهذي انا كنت اطلب الطلاق مو عشان ابيه عشان اهدده فيه وعشان انا كنت عارفه انه يكره سيرة الطلاق
بس ما دريت انه بيقضب السالفه ويطلق ويزور بعد تواريخ الطلاق عشان يطلع صك المحكمه بسرعه....
وبعدين انا اشوف ان البنات يعيشون مع اهل ازواجهم ...زوجات اخواني عايشين بنفس الحي اللي حنا ساكنين فيه صحيح ما نروح بيوتهم بس هم مره بالاسبوع يجون عند امي ولازمين حدودهم لان امي فهمتهم الاصول وان كل واحد يجي باحرتام ويروح باحترام .............طيب وش اسوي باهل زوجي اللي مالقو احد يعلمهم ؟
هم بثرين صحيح ونشبه وبس احس كل شي بان على حقيقته وانهم ما يقدرون ياخذون مكاني
وعرفو بعد مكانتي عنده وشي من كثر ما انهار قدامهم وصار يكسر خاطر االكل حتى الخدامه والسواق صار يكسر خاطرهم ؟
يعني الام وبناتها اذا فيهم خير بعد هاللي صار لاخوهم بيتركوني في حالي انا وياه ولا راح يضايقوني مو حبا فيني
لا لانهم عارفين ان اخوهم ما يصلح له الا انا يعني عالاقل هذا اللي بيصير
؟
يمكن اكون ابرر لنفسي وابرر له تصرفاتنا الغلط
بس بجد يا بنات الطلاق شين ؟
واحسن لي اني ارجع واعيش معاه حياه فيها مشاكل احسن من اني اعيش مطلقه ويمكن ما اتزوج
او اتزوج واحد سبق له الطلاق والزواج ويمكن يكون عنده اطفال ؟
انتم تعرفون المطلقه كيف يكون نصيبها .
وبعدين انا بقنعه بحكاية السفر برا ...نروح انا وياه برا ونترك هالعالم ياكلون ببعض
وانا كلمته قلت له انا ما مني مشاكل وانت برضو ما منك مشاكل المشاكل تجي من اللي حولنا اللي ما يبونا نصير مع بعض او يبونا نعذب بعض او نكسر بعض...
واقتنع بهالكلام
انا افكر اني ارجع له واخذه نروح برا واحط انا اساساتي بحياتي على رواقه وبهدوء ومن غير ما يطبون خواته او امه او مرة اخوه او اهلي ...
يعني بستفرد به ....
يكفيني انه يحبني صحيح ما يقدر يسوي لي شي
بس مو مشكله انا بحفزه عشان يسوي وينتج ويتطور
انا عندي امل
وبالنهايه برضو ما ابغا اصير شاطحه بخيالاتي وافكاري مثل اول ويطيح الفاس بالراس واقعد اندب حطي لوحدي واشيل حملي اللي سويته لنفسي؟؟؟؟؟
انا محتاجه مشوره ناضحه ودعوه صالحه

 

[نور الدنياء]

هلا اختي توي اقر الموضووووع السابق بس ليش انت الا تبدين ليش مايبدا هوه يعني زعلتي وبقيتي ببية اهلك وانت الا بديتي عشان الاصلاح والان طلقك وانت الا بديتي عشان تصلحين ليش
وووووووووووووووووين الحب الا يقوله انا جنوبيه واحب زوجي وما ارضي نزعل من بعض وهوه شمالى عادي الزعل عنده على اتفهه شي 3 ايام او اسبوع والحق ليه
يعني القصه مو شمااااااااااالي ولا شرقس ولا جنوبي صح فيها
بس وين الحب وين الداافع للرجوع المفروض هوه الا يبدااااااااااااااا واذا ببالك الرجعه خذي مانع قوي وشوفي اذا ينفع الوضع ول نفسه
وترا اذا صار شي راح يقول انتى الا تركتي البيت وانت الا رجعتي للبيت من غير ما احد يرجعك وهذا صارة لقريبتي
كل ماااقالت شي قال انت الا رجعتي بنفسك واخووووك جابك مو انا عجبك عجبك ماعجبك الباب يوسع جمل
وهذا لانهاكسرة كلمه ابوها وامها عشااان عيالها وانا ما الومهاا لانه حرمها من بنتها ماكملت الشهرين وهذا سبب مقنع
ومجبرهااااااااااااااااااااااااااا
بس انت ااش جابرك يعني بكره راح يصير له كلمه اذا كان ماصار له كلمه من اووووووووووول
حبيتي نصيحه مني لك الان انت على البرررررررر ولس ماعندك اولاد احرقي اعصابه حتى لو بترجعين بس شوفي غلاتك لو شويه وخاصه الان قوليله انا بستخير اخاف ارجع ونرجع زي اول انا بقد افكر اسبوووع او شهر
واذا فيه نصيب كان بها تجي وتتعذر من اهلى غير كذاا ماني راااااااااااااااااااااااااااااااااااااااااااااااجعه
واذا ماجاء وتعذر نصيحه مني لك لاترجعين لو انك بتموتين من الحب وعاااارفه شعورك بس عارفه اش حيكون شعورك لو رجعتي وحسيتي انك مالك كرامه كل يوم راح تكرهينه وتكرهين نفسك وتكرهين انك رجعتي له
وهذا الا عندي واستخيررررررررررري وادعي الله يختار الخيره الطيبه
​

 

[سعــاد]

طيب دامك ناويه تكلمينه ليش طلعتي من بيتك من الاساس وكنك يابو زيد ما غزيت

 

[محبة النبي محمد]

ماشاء الله عليهم البنات والله كلامهم يجنن
الله يجزاهم خيرررررررر....
وين الواحد يحصل
ناس بكل هالمصداقيه والأخوه والحب ...
الموقع هذااااااااا روعه الله يديم المحبه يارب ....

 

[محبة النبي محمد]

طيب دامك ناويه تكلمينه ليش طلعتي من بيتك من الاساس وكنك يابو زيد ما غزيت

ما كانت ناويه تكلمه أأصلا :sly:
و ما كانت متوقعه انه يطلق بسرعه :sad_1:
وبعدين الانسان ما يعلم الغيب ...
والانسان (( ضعيف )) الانثى بالذات :msn-wink:
والانسان كل يوم له قلب :sly:
سبحانه اللي يغير ولا يتغير :icon26:

 

[مليت من الغرربه]

استخيري واستشيري امك وابوك لانهم اكثر ناس خايفين على مصلحتك في المره مارضوا وشوفي وش صارلك

 

[نايس هواوي]

شوفي ياقلبي
انا حاسه بمشاعرك والي انت تمرين فيه لاني مريت فيه بس بدون طلاق بعد زواجي بثلاث شهور رجعت زعلانه عند اهلي وجلست شهر من دون مايسال او يتصل علي اصلا انا ماكنت متعلقه فيه ولاكنت احبه بس بعد الشهر اتصل علي ورجعنا والحين لي 8 سنوات مع هالجنوبي
انا شماليه مثلي مثلك وزوجي جنوبي مثل زوجك ...........الجنوبي ياحبيبتي يبيله فركه اذن مايصير ترجعين له بدون شروط حاااااازمه منك اذا يبيك يدور شغل في البدايه لاترجعين له بالساهل ابدا ابدا ترا هذا الي راح يخليه يستهين فيك
حددي له شروط 1- يدور شغل 2- يغير البيت وتكونين قريبه من اهلك انت 3-سالفه ان خواته يجون كل اسبوع 4 مرات لا يوقفهم عند حدهم ويكلمهم قبل رجعتك للبيت صعبيها عليه قولي في الشهر مره
خلاص لاتكلمينه الا اذا هو دق عليك ولاتبينين انك متعاطفه معه ابدا قولي تبيني نفذ هالشروط واذا كلمك بعد السلام مباشرة اساليه عن اخر التطورات لاتصيرين سهله معه حتى لو كتب لك الله ورجعتي له شدي وارخي معه عامليه كانه ولدك وتبين تربيه على الي تبينه انت ترا كثير من الرجاجيل تربوا على ايدين حريمهم موب امهاتهم .......قوي قلبك شوي ........انا اشوف انك ترجعين له وتسترين على نفسك وعليه صحيح انت الي بادرتي بس خلاص لاعاد تعيدينها .............بما ان الرجال موب راعي حريم فكل شي ان شاء الله يتصلح .........شوفي زوجي تغير وتغيرت شخصيته لاني معه الجنوبي الكسول صار رجل نشيط ويدور رزقه في كل مكان ...........انت بشخصيتك حاولي تاثرين عليه بالتشجيع وبالكلام الحلو عطيه وجهه يسولف وامدحي افعاله الصحيحه لو كانت بسيطه ........زاذا راح يدور على شغل او بغير الشقه طيريه خليه يصير ملك ايديك ..........خلك غامضه برضه معه ...........شوفي صفات الجنوبي وكيف تتعاملي معه .............لاتخلينه يعتمد عليك في كل شي واصبري واصبري واصبري هذه اهم صفه لازم تكون عندك مع هالشخصيه ..........الله يوفقك وقبل كل الي قلته استخيري ربك وقوي قلبك لاتخافين انه يروح من بين ايديك هو ان شاء الله راجع لك بس انت لازم تكونين قويه والطلاق ترا كان تهور منه لان الجنوبي مايفكر صح ودايم متسرع ​