طريقتي بالحياة صح ولاغلط

اقوووول حصني نفسك وانتبهي من العين ولاتخبرين احد لاصديقة ولا عدوة مادام جوزك راضي الحمدلله والشكر
 
اذا كان راضي عادي هناك بعض الازواج يحبوا ان يقوموا ببعض اعمال المنزل . انا زوجي يغسل ثيابنا كلنا مو حب مساعدة لكن الشقق هنا بدون غسالة يعني تطلعي تغسلي في مغسلة الشارع ومع هذا تطلع روحي وانا اذكره ان الملابس مكومة ..
لكن بالنسبة لاولادك غلط تبيتيهم عند اهلك لان اهم شي للطفل النوم في بيته ,الاطفال كذا يتعودوا علي عدم الاستقرار.. وفقك الله
 
الله يستر عليكم ويسعدكم بسسسسسسسسسس الزوج يحب الزوجه تهتم فيه وبلبسه وربي لو اقول لزوجي اغسل ملابسك ليشوتني مثل الكوره ماشاء الله عليكم
 
هههههههههههههههههههههه

والله راحوا حريم أول معاد فيه حريم

اذا ماغسلتي ملابس زوجك اجل تغسلين ملابس مين ؟؟؟
دامك مغسله غسلي كل الملابس ملابسك وملابسه بلا متعود بلا خرطي
ومعروف هذا شغل الحرمه مو شغل الرجال ويعتبر واجب من واجباتك
واذا احد سمعك تقولين كذا اكيد بينتقدك ويقول امحق ربة بيت شكلك تربين البنات في المدرسه ونسيتي تعتنين بزوجك ..
 
قووووووووووووويه مرررررة وطريقتك غلللط بيتعدوود على الوحدة
وبيدور الاهتمام من غيرك ؟ لويتزوج بينسااااك لان مافي شي يذكرك فيه
 
معليش على هذه القسوه :ـ يعني عشانك مدرسه خلاص ............. كلام صحبتك صح ويوم من الايام حيفكر بينه وبن نفسه لما يقارن نفسه بغيره من اصحابه مع زوجاتهم ............. تداركي الموقف قبل فوات الاوان ....
يعني حتى لما تغيبي عن البيت ما حيلاحظ فرق في روحتكي إذا هو يسوى اغلب اموره بنفسه ......
إستغلي وقت مرضه لا قدر الله او تعبه قوليله انا اغسل عنك انت مرضان حبيبي وبعدها خلاص هذه البدايه واستمري عليها .... الله يهدينا جميعا ويوفقك ويسعدك مع زوجك .
 
لا اختي صراحة ما اتخيل اخلي زوجي يغسل حتى ملابسة الداخلية غلط
الغالية الرجل مهما كان له هيبته وله اعماله الخاصة اللي يقوم فيها لكن زي غسيل ملابس طبخ هالسوالف المفروض الحرمة أجل ليش تزوجتي ؟؟؟!!!
انا ما اقول خليه على كفوف الراحة ولكن اقول فيه اشياء لازم انتي تكونين مسؤولة عنها
وممكن تخلينه هو يوم ينظف البيت وياج سوا كعمل جماعي وحلو انه راح يتقرب اكثر أيضا ممكن يوم تطبخين تقولين له بدلع ساعدني رتب السفرة معاي صدقيني بهالطريقة بتزيد الالفة والمحبة ممكن ايضا وانتي تنشرين الغسيل تقولين له تعال ساعدني ظهري يعوري واجلسوا العبوا بالحوش وانتوا تنشرون الغسيل
لكن تقولين له انته اخدم نفسك وانا بخدم نفسي
وين الالفة وين المحبة ؟
 
هلا حبيبتي.. ليييش فديتج مو بزين اللي تسوييه احسه عيب عند الحرمه تخلي ريلها يغسل ملابسه مو مشكله يساعدج لما تكوني تعبانه وتتعاونوا بس موو دايما ...!!! هو ليش تزوج مو عشان يلقى الراحه فبيته وعند زوجته..؟؟ ليه تخليه يغسل ملابسه بروحه مسكين والله يكسر الخاطر كأنه عزوبي.. حبيبتي اذا على انك موظفة والله انا موظفة واكرف من الفجر دوام وبيت وبنت عمرها شهور بس مستحيل اخليه يغسل ملابسه هذا واااجبي كزوجه.. لا تعامليه كذا بيدور ع الحنان والاحترام من غيرك.. صدقيني لازم تحسسيه انه سبع البرمبه مو تساوي نفسك بيه كل واحد يغسل ملابسه..!! وإلا شو رايكم يا بلقيسيات؟
 
ما شاء الله على زوجك حصنيه ههههههههه الصراحه اول مره في حياتي اشوف رجال يغسل بالملابس وفي البيت لو مغسله ممكن الله يستر عليه
 
أحسك مسترجلة أستغفر الله العظيم المشكلة مو بس في غسل الملابس المشكلة في الأطفال اللي مشحططتتهم على حس الوظيفة وكأنها الموظفة الوحيدة في الدنيا ... مدري ويش خانتك في البيت مادام هذا أسلوبك
 
معليش حبيتي والله ما قدرت اكمل الموضوع انفجعت ومن بعض الرودود ايش اغسل ملابسك بنفسك وكويها بنفسك حبيبتي هوا ليش جى ودق باب بيتك عشان يبغى الاستقرار يبغى الراحة بيت اهله ممكن ما يبغى يتعب امه خلاص بكرا تبغي حاجة يقولك روحي انتي بنفسك اعتمدي على نفسك ليش انا اخذتك من بيت ابوك عشان اسوي مشاويرك انتي روحي بنفسك بس باختصار انتبهي لزوجك لا يروح من يدك يروح عند وحدة حاتشيله على كفوف الراحة وهو حيسب ويلعن ايامك وراح يبعيك بساهل هدا غلط واكبر غلط ترى فى الاول ةالاخير هدا وجه نطر
 
أشكركم أخواتي على ردودكم وأنا عارفه إنكم خايفين علي بس حبيت أقول إضافه على كلامي إني حتى ماأطبخ في بيتي يعني الغداء يكون من المطعم والعشاء يكون في الإستراحة زوجي مع أصدقائة برضوا طريقتي كذاتنفع أربي زوجي يعني أخليه متمسك فيني ولايشوف غيري
 
يا ويل حالي.... حتى طبخ ما تطبخين...

انزين اقولج عن واحد من الأهل... العلاقه انتهت بينهم للطلاق... يقول "يا عالم ما أحس ان في شي تغير علي... حالي قبل الزواج هو حالي بعد الزواج... ملابسي و اغسلهم في المغسله و اوديهم علشان يكوونهم... و اكل معظم الوقت من برع... ليش تزوجت... ما حس اني متزوج.. ما احس لي حرمه تهتم فيني..."... طبعا هذا قبل الزواج كان عايش عزابي و ما عنده احد... فحب يستقر لقى ما شي امل..

بصراحه يا قمر انتي وااااااااااااااااااااااايد مستهتره في حياتج الزوجيه...

غسيل و تتشاركون حلو... كوي و تتشاركون بعد حلو... دام انكم متفقين فهذا الشي بنقول عنه عادي... مع انه كان الأفضل انج مثلا تتشاركون انتي تحطين الغسيل في الغساله و هو ينشرهم... يعني يكون كنوع من المشاركه... مب انتي تسوين شغلج و هو يسوي شغله... بس دام الريال راضي.. ما علينا...

و لكن....


تودين عيالج بيت اهلج لأنج تبين ترقدين... هذا قمة الإهمال...

اكلج كله من برع.. غدا و عشا.... هذا قمة الإهمال...

يعني بعد لو حبيبك عسل... لاتلحسه كله... مثل ما نقول....

صراحه انتي مهمله... يعني ابد ما في حس للمسؤوليه اتجاه عيالج...

لازم شوي تغيرين طبعج... الطبخ اطبخي انتي.. إذا ما تقدرين كل يوم.. بين يوم و ثاني.. او على الأقل وجبة العشا...... و عيالج خلاص... علشان انتي تبين الراحه... تقومين تودينهم بيت اهلج.. و ما فكرتي في اهلج؟ ما يبون يرتاحون بعد؟؟؟ و لا راحتج انتي اهم؟

بصراحه ريلج اخر شي بيمل و بيتزوج عليج...
 
خطا طريقتك الشخصية ليست هكذا وزوجك بيجي له يووووم ويتغيييييييير
 
برأيي طريقتك مو غلط مرره مرره ولا صح مرره مرره

يعني حلو يكون في تعاون في البيت بما انك موظفة مثلا زوجك
يسوي لنفسه كاس شاي يرتب وراه المكان وزي كذا
بس مايتمادى الامر لدرجة يكون اعتماده على نفسه كامل وكانه ماله زوجه بالمنزل
ممكن يساعدك هو يغسل الثياب هذي المره وانت تكوي او العكس
وزي كذا
بالنسبة لموضوع اولادك هو اولى الناس بك وباهتمامك
وهم بحاجة لوجودك بجانبهم اكبر قدر من الوقت
زوجك انسان كبير وواعي ممكن يقدر الظروف لكن ماانصحك تعودي اولادك يبتعدو عنك
ومايحسو بقيمتك في حياتهم ​
 
قمر ليلة 15 قال:
أشكركم أخواتي على ردودكم وأنا عارفه إنكم خايفين علي بس حبيت أقول إضافه على كلامي إني حتى ماأطبخ في بيتي يعني الغداء يكون من المطعم والعشاء يكون في الإستراحة زوجي مع أصدقائة برضوا طريقتي كذاتنفع أربي زوجي يعني أخليه متمسك فيني ولايشوف غيري
أنقر للتوسيع...
أوف أوف أوف ..كمان مابتطبخي؟؟؟ طيب والله أكل المطاعم مكرر وملل جدا وكله أكل غير صحي نهائيا ... !!!!!! حبيبتي عندما تدخلي مطبخك وتطبخي لزوجك وأولادك تخرج منك طاقة إيجابية تنتقل لكل أفراد عائلتك وتشحنهم بالحب والتقدير والتعلق بك..اهتمامك بزوجك والطبخ له ..وضع أطفالك في سرائرهم وتقبيلهم والدعاء لهم .. كل هذا يزيد من مكانتك في بيتك .. لاتنسي أن رجالنا شرقيين للعظم ..للنخاع .. مهما أعجبوا بالمرأة العصرية العاملة إلا أن الصورة المفضلة عندهم والتي تبقى عالقة في ذاكرتهم .. هي صورة المرأة الأمّ التي تطبخ وتهتم بكل تفاصيل بيتها وأولادها .. التي يكون ولائها أولا وأخيرا لبيتها ..المشاركة بين الزوجين جميلة والتعاون مطلوب ولكن لاتتنازلي عن مهنتك الاولى والرئيسية في الحياة.. ولكن مارأي زوجك في ذلك .. هل القاضي راضي؟؟!!!
 
والله ممكن هذا يصير فيه نووووع من المساااااعده بين الزوجييين موتكرفييييين انتي بعدين يتزوج ثااانيه ولا تسوي ولا شي وعاااااااااااادي عنده هي لها شغل الليل بسسسسسسسسسسسسس !!!!! ابدا استمري على طريقتك وريحي عمررررك احسسسسسسن لك,,,,,,,
 
قمر ليلة 15 قال:
أشكركم أخواتي على ردودكم وأنا عارفه إنكم خايفين علي بس حبيت أقول إضافه على كلامي إني حتى ماأطبخ في بيتي يعني الغداء يكون من المطعم والعشاء يكون في الإستراحة زوجي مع أصدقائة برضوا طريقتي كذاتنفع أربي زوجي يعني أخليه متمسك فيني ولايشوف غيري
أنقر للتوسيع...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا عـــــــاد مسّختيها مرّه .....

يعني قلتي أنّ زوجك يغسل الملابس ...

قلنا حـــلو ...المساعده بين الزوجين مافي أحلى منها ...

بناتك ينامون برّا البيت ...قلنا مو مشكله ( الأخت موظفه ومتعبه )

وعدّيناها لك ومشّيناها ....

كمان ( ماتطبخي ...!!!!!....

لا ..لا ....لا ....أسمحيلي ( كذا غلط جدّآ ...) ....لازم يكون لك قيمه

ومكانه وأهميّه ....وحس ووجود في بيتك ومملكتك ....

ربي يهديك ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل