اختي انتي ما وضعتي هالموضوع إلا لأنج حاسه انه في شي غلط في حياتج... بس ما زلتي في ردودج شوي تبررين لنفسج و تعتبرين ان اللي تسوينه صح... مع انج في داااااااااااااخل اعماقج معترفه انه غلط...
أبدا مب غلط ان ريلج يساعدج في الأعمال المنزليه.... بس الغلط الطريقه اللي اتبعتيها و التبريرات اللي يالسه تحطينها...
شوفي انا وحده اقول زوجي قبل كل شي.. و قبل الأولاد حتى.... مع اني مب متزوجه بس اقول هالشي... لييييييييش؟ لأن باجر الأولاد راح يكبرون و يتزوجون و كل واحد فيهم يلتهي في حاله و ما نبقى غير احنا الإثنين...
و لكن...
مب معنى هالشي اني اهمل في مسؤولياتي...
حلو ان ريلج راضي في انه يغسل ملابسه و يكويهم... بالعكس انا اشجع مساعدة الزوج للزوجه... لأن هالأشيا اساسا مب من واجبات الزوجه و لكنها تعتبر من حسن التبعل... و دامه راضي بهالشي فهذا عادي...
بس يا اختي ليش انجبتي الأطفال؟ هم ما راح يعتبرونج ام... و لا راح يحسون فيج...
انتي المشكله مب قادره توازنين في حياتج... عندج يا الأولاد او الزوج او العمل... يا اختي في وااااااااااااااااااااااااااااايد غيرج يشتغلون.. و ربيعاتي منهم و اختي منهم و زميلاتي في العمل منهم... ليش ما تشوفين صديقاتج كيف يمشون امور حياتهم... و تتعلمين منهم...
شوية توازن هو المطلوب... ليش مب قادره توازنين؟
انتي تقولين عملي اهم من كل شي و حتى اهم من زوجي... صحيح.. العمل مهم... بس إذا لازم اعرف كيف اعطي كل ذي حق حقه.... انا باجر يوم القيامه مسؤوله عن ابنائي امام الله عزوجل... باجر راح أحساب كيف ربيتهم؟ هل ربيتهم على الأخلاق و الدين الإسلامي؟ هل جهزتهم تجهيز صحيح لمواجهة المجتمع؟
و تقولين علشان افضى لزوجي للجنس... يا اختي كل متزوجه لالالالالالالالازم تفضى لزوجها للجنس... تشتغل او ما تشتغل...انتي هني ناقضتي نفسج... قلتي الوظيفه اهم عندي من زوجي... بس الواضح ان زوجج اهم كم كل شي ثاني في حياتج...
تقدرين توازنين شوي في امورج...
صحيح ترجعين من الدوام تعبانه... ارتاحي شوي ساعه.. و بعدين ابدإي في تنظيف البيت بشكل بسيط.. استقدمي خدامه يومين في الأسبوع لتنظيف البيت بشكل كامل... سوي لعيالج جدول.. علشان تهلكينهم من اللعب و الدراسه و بعدين يتعبون و يرقدون من وقت... سوي نظام في بيتج... ان ما في سهر للأطفال بعد الساعه 7 او 8... الأطفال إذا تعودوا على نظام معين بترتاحين... انا عيال خالي كانوا إذا يو بيتنا يوم الخميس يتعبون... تلاقينهم الساعه 7 طايحين على الأرض و رقااااااااااااااااد... ليش؟؟ لأن أمهم عودتهم أنهم يرقدون في هذا الوقت.. فخلاص جسمهم تعود على هالشي.. ممكن في البدايه إلا اكيد في البدايه بتواجهين مشكله معاهم.. بس إذا شافوج حازمه غصبن عنهم يرقدون... والله عيالنا من الساعه 7 خلالالالالالالالالالالالالالالاص في الفراش... و هم اعمارهم 3-2 سنه... لأن احنا عودناهم على هذا الشي..
يبي لج شوية موازنه... و حلو التشارك بينج و بين زوجج... بس عيالج انتي شوي مقصره معاهم....
و بالنسبه للطبخ.... تقدرين يوم الخميس تطبخين وجبات متعدده و تحطينها في الفريز... و باقي الأسبوع تسخنونها و تاكلونها....
و الإخت اللي تقول اللي اعترضوا اكيد دوامهم خفيف.. لا حبيبتي مب خفيف... نطلع من الساعه 6 الصبح و نرجع الساعه 3 و نص العصر...
