طرق انزال الوزن

[جوري التركي]

السلام عليكم يااحلى بلقيسيات تعبت

ابي اجوبة مفيدة وانا متاكدة ماراح احد

يساعدني الا انتم ..

قررت اسوي وحده من ثنتين يا ــــــــــ

اسوي شفط دهون وماني عارفة

مستشفى زين بالرياض واسعارة زينة

وهل بطلع بنتيجة حلوة...؟!

وفكرت بالابر الصينية واحترت ابي انحف

وارتاح مليت زوجي مايساعدني اسوي

رجيم كل مابديت في الرجيم غصبني اكل

معه لين صار وزني 80 احسني منهارة

كنت اول متزوجت 55 والحين وصلت

لهذا الوزن شي يقهر تكفون ساعدوني

ولكم مني الدعاء

 

[بنوته وااو]

الحال من بعضه وانابعدابي انحف

 

[جوري التركي]

مشكورة على ردك يابنوتة وين محد يبي دعوة

 

[الهزانيه]

انا بعد ابي انحف
عملية شفط الدهون سمعت ان وحده مسويتها في مستشفى التخصصي بس احس مثل هالعمليات تخوف ووزنك مايحتاج لمثل هذي

انا باديه في رجيم النقاط احسه سهل وماحد يدري انك تسوين رجيم
اتمنى اني اكون افدتك

 

[جوري التركي]

كيف طريقتة رجيم النقاط

 

[الهزانيه]

ادخلي على قوقل ويطلعلك

 

[البسمه الخجوله]

حبيبتي ادخلي نادي تراه يساعدك مررره

 

[ام فهدون]

كثري من اكل الفلفل الحار رح تنحفين وما تستفيدين من اكلك بس كولي بكثره مع كل وجبه

 

[جوري التركي]

حبيبتي ادخلي نادي تراه يساعدك مررره

اختي عندي سير امشي عليه مايحتاج نادي وتسلمين على ردك

 

[جوري التركي]

كثري من اكل الفلفل الحار رح تنحفين وما تستفيدين من اكلك بس كولي بكثره مع كل وجبه

انا اقدس الفلفل الحار انا وززوجي واكلة بجنان حتى اهلي يهاوشوني الرز اطبخة به السلطة عادية خضراء اوحارة لازم فلفل حار سندويشات لازم معه فلفل بس انا ماتغيرت بالعكس ازيد

بس مشكورة على الرد

 

[ام الفيصلي]

ههههه حلوه اقدس الفلفل وانا مثلك اموت فيه روعه حتى مع الزبادي احطه خخخخ

شوفي ياقلبي اهم شي العزيمه والاراده انا قبل رمضان كنت زايده كيلوين وخلال الشهر الفضيل نزلتهم والحمدلله اهم شي الاراده خليك حازمه في الامر بجديه خلي اكلك كله سلطات وفواكه وشاي اخضر مع الزنجبيل ثلاث اكواب في اليوم واكلي زبادي قليل دسم مع خيار تراه ينحف واذا ماتحبي الشاي الاخضر اشربي بردقوش نفس فوايده واشربي نعناع


وسلامتك وشفط الدهون ماعندي عنه خلفيه

موفقه

 

[جوري التركي]

ههههه حلوه اقدس الفلفل وانا مثلك اموت فيه روعه حتى مع الزبادي احطه خخخخ

شوفي ياقلبي اهم شي العزيمه والاراده انا قبل رمضان كنت زايده كيلوين وخلال الشهر الفضيل نزلتهم والحمدلله اهم شي الاراده خليك حازمه في الامر بجديه خلي اكلك كله سلطات وفواكه وشاي اخضر مع الزنجبيل ثلاث اكواب في اليوم واكلي زبادي قليل دسم مع خيار تراه ينحف واذا ماتحبي الشاي الاخضر اشربي بردقوش نفس فوايده واشربي نعناع


وسلامتك وشفط الدهون ماعندي عنه خلفيه

موفقه

اختي بسوي طريقتك مع اني مااحب الالتزام وهذا اخر ر جيم بسوية بس اخاف ان الوزن بسبب الحبوب لان عندي بديات هشاشة وقاعدة اتعالج

 

[ام الفيصلي]

حبيبتي تأكدي انو زياده وزنك مو من العلاج

ونسيت اقول لك قاطعي الكبسه نهائي حتى الرز المسلوق لاتاكليه لانه نشويات تنفخ والمشروبات الغازيه والمقالي كلهاااااا وابعدي عن الحلبه والماش والزبيب والشطه والفلفل ترى كلها تفتح الشهيه انا اول ما اترك هالاشيا ينزل وزني بسرعه خياليه

واكلي شابوره بر واشربي حليب منزوع الدسم وكثري الليمون على السلطه واكلي فجل ابيض مع السلطه تراه يذوب الدهون في منطقه الارداف وترى الخيار والتفاح والجريب فروت والبرتقال والبقدونس كثري منه يذوب الدهون من اهم الخضره اللي تنحف وترى الزبادي ينحف لانه يحرض عمليه الايض اللي هي احراق السعرات الحراريه

وانحاشي عن الموز والعنب والتمر فيها سعرات حراريه عاليه


موفقه

 

[جوري التركي]

حبيبتي تأكدي انو زياده وزنك مو من العلاج

ونسيت اقول لك قاطعي الكبسه نهائي حتى الرز المسلوق لاتاكليه لانه نشويات تنفخ والمشروبات الغازيه والمقالي كلهاااااا وابعدي عن الحلبه والماش والزبيب والشطه والفلفل ترى كلها تفتح الشهيه انا اول ما اترك هالاشيا ينزل وزني بسرعه خياليه

واكلي شابوره بر واشربي حليب منزوع الدسم وكثري الليمون على السلطه واكلي فجل ابيض مع السلطه تراه يذوب الدهون في منطقه الارداف وترى الخيار والتفاح والجريب فروت والبرتقال والبقدونس كثري منه يذوب الدهون من اهم الخضره اللي تنحف وترى الزبادي ينحف لانه يحرض عمليه الايض اللي هي احراق السعرات الحراريه

وانحاشي عن الموز والعنب والتمر فيها سعرات حراريه عاليه


موفقه

الله يحقق لك مرادك يارب ويسعدك متحمسة معي الله يوفقك

 

[كلي ثقة بالله]

السلام عليكم / عزيزتي تفاعلت مع موضوعك ، فلدي نفس المشكلة لكن بفضل الله و بإرادة قوية استطعت تخفيض 10 كغ ، فمن 85 كغ أصبح وزني 75 كغ و هدفي الآن هو تنزيل 7 كغ .
1/ عليك بالاكثار من شرب الماء ففيه فوائد كثيرة يصفي الكلى ، ينقي بشرة الوجه و تحسين بالشبع و بذلك تنقصين كمية الماء.
2/شرب الشاي الأخضر بمعدل أربعة أكواب باليوم فمن فوائده الكثيرة انقاص الوزن تدريجيا.
3/خلط ملعقة أكل خل التفاح مع الماء و شربها على الريق.
4/أكثري من أكل خبز الشعير ، فالشعير يقوم بحرق الدهون .
أنتظر أخبار سارة منك ان شاء الله ، موفقة...........

 

[كلي ثقة بالله]

عزيزتي أريد تصحيح أول نقطة ، عند الاكثار من شرب الماء تحسين بالشبع و بالتالي تنقصين من كمية الأكل المعتادة

 

[ام نوافي]

اختى انصحك في الذهاب الى اخصائية تغذية وراح تعطيك الحمية المناسبة لك وكيفية ممارسة الر ياضية صدقني وزنك مو الصعب ينزل 0ومايحتاج العمليات واالشفط0الله يوفقك

 

[اوراد2008]

والله ان حاسه فيك لاني تعبت ابي انحف بدون مساعدات ( لاني كنت استخدم حبوب رديكتال الصراحه وصلتني لوزن مثالي ما احلم فيه بس اول ماقطعتها رجعت دبل الدبلات )

الله يعينا على الرجيم بس يبي لنا ارادة ورجيم شرايك نبدا مع بعض؟؟؟

 

[الوفـــــاء]

المشي والحركة هي اللي بتنحفك

 

[مرت ريلها]

لا بالعكس الفلفل يفتح الشهيه اكثر
ليش ماتروحين لطبيب تغذيه و يسويلج نظام تتبعينه ولاتنسين شرب الماء بكثره لانه ينزل الدهون و الشاي الاخضر ابتعدي عن النشويات والحلويات و المشروبات الغازيه و الوجبات السريعه زين ولي حسيتي انج جوعانه سوي سلطه و اكلي الخضار ماتسمن بالعكس تشبع وتساعدج على انقاص الوزن وطلعي انتي وزوجج بالليل تمشوا المشي ساعه على الاقل يوم وترك الحركه بركه وموفقه يارب حاسه فيج والله انا كنت اسوي جذي الحمدلله نزلت وصار جسمي متناسق