جاء الصباح وكالعادة ابتسام على الشباك تحتري نواف يخرج من البيت ويوم شافتة حست انها ودها تطير لعنده وصار عندها عزم انها توصل له مشاعرها وفي المدرسة ـ هلا بابتسام .....ها رقدتي اليوم ـ اسكتي ياخلود اليوم شفتة راكب السيارة وكان لابس بدله جنان ـ ماشاء الله ........طيب رنا معه ـ لا والله ما شفتها ـ ياربي وش فيها البنت لها يومين غايبة ـ ابتصل عليها اليوم ـ اية ما تصدقين .....حجة عشان السيد نواف ابتسام ابتسمت بخجل ـ الله الله ....كنها استحت اقول مالت عليكي ليتو داري عنكي ـ الله ياخلود لو يدري عني ـ تخيلي لو ان في باله وحدة ثانية ـ ها....لا ان شاء الله ما يكون ـ انا اقول تخيلي ـ اسمعي انا ابغاه يدري عن حبي من غير رنا ماتحس ـ انا عندي فكرة ـ هاتي ـ يوم قولي عند نا رحلة وبنتاخر واطلبي انك ترجعين مع رنا في الصرفة ـ طيب ـ لا تبلمي ....لو ركبتي السيارة بينتبة انه في بنت جيران حلوة تعيش قدامهم ـ وعسى تبيني اكلمه واقول ...سلام عليكم اخ نواف انا ابتسام بنت الجيران ـ لا يشيخة اقعدي اتريقي.....أركبي وأنطمي ـ طيب ابسوي الحركة والله يعين
رن جرس الهاتف ......ردت رنا ـ الو ـ الو انا احمد ها جاهزه انا قريب البيت ـ طيب....ثواني واخلص رنا "ياربي احس اني مرتبك اخاف يحس علية الله يعدي اليوم على خير " راحت رنا تخلص لبسها وحطت احلي عطر عندها وتهيئة وتجهزت وخرجت من البيت وشافت احمد في السيارة يستناها ........" هذا هو الله يستر " ـ صباح الخير ـ صباح النور ....تأخرتي ـ انا اسفة وحرك السيارة ـ رنا ـ ها ـ انت عارف ايش وظيفتك ـ لا ـ طيب....انا راح اكلمك في موضوع مهم ـ اي موضوع ـ موضوع في الشركة ـ طيب...هات ـ الشركة فيها قسم نسائي وقسم رجالي ...انا اشتغل في القسم الرجالي لكن عندي اشغال عندكم في القسم النسائي ....ابغ منكي شغلة ـ ايش ـ محد يعرف انك تقربيلي ـ يسلام والله انك ذكي .....احمد انت ولد عمي وسم الجد واحد واللقب ـ ادري بس انا ابقول تشابة اسماء وما يعرف إلا مسؤول الملفات والموظفين لا انتي يوم تكتبين اسمك اكتبي اسمك واسم ابوكي والعائلة بس ولا تكتبين اسم جدي خلاص ـ خلاص .......وش وظيفتي ـ بعدين تعرفين ......رنا ابعرفك على وحده رنا سكتت وحست انة بيعرفها على حبيبتة ـ طيب ....من هذي الوحده ـ هذي بتساعدك شوي ـ طيب ووصلوا الشركة ودخلوا السيارة من البوابة ويوم اتجهوا لي بوابات الشركة الأمن منعوا احمد ورنا من الدخول احمد بكل عصبية ـ انا عندي شغل هنا ـ اسف يا اخي ما اقدر ادخلك ـ انا اشتغل هنا ـ وريني بطاقتك ـ منت مصدق ـ لو سمحت البطاقة عشان تدخل ـ هاك البطاقة ـ اسف انت تداوم في الفرع الثاني
احمد عصب
ـ اقولك ابدخل غصب عنك ـ معليش يا استاذ مافي دخول ولو سمحت خرج السيارة ووقفها في الخارج احمد راح وخرج السيارة ورجع ـ اسمع ان اشتغل في الشركة وابدخل غصب ـ اسف مافي خول وبدأ المشاحنة بين الأمن واحمد تقدمت رنا ـ معليش يا أستاذ؟؟؟؟ ـ انا محمد ـ معليش يا أستاذ محمد نحن عندنا في الشركة الرئيسية مقابلة عشان التوظيف ولابد اندخل فلو سمحت خلينا ندخل ـ شف انا ابخلك تدخل عشان الأنسة الحلوه هذي احمد عصب ـ انت بتدخلني عشان بنت رنا همست في اذنة ـ خلاص احمد خلينا ندخل بس لا تضيع علية الوظيفة ـ كله بسببك انا ادخل ولا عمرهم قالوا شي ـ المهم انا دخلنا وخلاص ـ زي ما فهمتك ما ابي احد يعرف انك تقربي لي
تمت المقابلة ويوم خرجت رنا من مكتب السكرتاريه ناداها احمد
ـ رنا انا هنا ..............ها بشري ـ قبلوني والدوام بعد الأختبارات ـ طيب حلو الحين بروح الفرع حقنا واعرفك على الحرمه وهم في السيارة ـ احمد انت سعيد اني معاك في العمل ـ اكيد ابفرح لأن عمي وعدني خير لو وظفتك وفهمت رنا ان احمد مايسر امر الوظيفة إلا عشان الزواج وقالت في نفسها "ياليتهم ما يقبلوني ـ رنا ـ خير ـ ريحت عطرك حلوة ـ مشكور .......هذى هدية من وحدة من صديقاتي ـ ماشاء الله ذوقها رفيع ـ هذا ذوقي هي سألتني عن اسم عطر افضله وانا قلت لها اسمه وبعدين هذي ريحتي وانا ما احب انوع في العطور ويوم حست رنا ان احمد عجبه العطر صارت من غير ما يلاحظ ترش على مقعدها عشان يترك ريحة ويصير يتعلق بريحته ووصلو الشركة ودخلوا على مكتب كانت جالسة في مرأه متوسطة الجمال شعرها اسود قصير وجسمها مليان شوي اول ما شافت احمد قامت ورحبت وهمس في اذنها بكلام حاولت رنا تسمعة بس ما قدرت ـ هذي نوره مسؤولة عن قسم من اقسام الشركة ـ تشرفنا ـ وهذي رنا موظفة جديدة اتمني انك تساعديها في فهم شغلها ـ اهلين ........هي شكلها ذكية وبتفهم بسرعة ـ مشكورة ـ رنا لو سمحتي اخرجي شوي ابتكلم مع نوره على انفراد طلعت رنا وقلبها يدق وفي قلبها احساس انها هي إلي يبي يتزوجها طلع احمد من عندها زعلان ـ رنا يالله اوصلك البيت ـ طيب وهم في السيارة ـ احمد ....ممكن اسألك ـ ايش ـ هي هذي إلي بتتزوجها ناظر فيها وسكت وبعدها لف ـ ايه .....بس كلهم واقفين ضدي
ـ لو مكتوبه لك بتاخذها بتاخذها
ـ ان شاء مكتوبه لي ـ تحبها ـ اموت عليها بلعت رنا القهر في قلبها وقالت الله يهنيك ـ احمد انا حسيتك زعلت يوم خرجت من عندها ـ ايه .......تقول تبي الزواج يتم بسرعة وانتي عافة السالفة قالها بحزن ورنا حست بالحزن عليه ـ دامك متمسك فيها ابساعدك ـ من جد ـ اية انا اشغل معاكم وابحاول عشانك ـ تسلمين يا بنت العم ورجعت البيت شايله الخيبة معاها "والله مدري وش عاجبة فيها لا جمال ولا شي بس الحب اعمى لكن انا ابحاول انسى حبه وبعتبرة اخ وبس "
في العصر هذا اليوم راحت ابتسام عند التلفون وتصلت على رنا وفي نفسها "يارب يرد نواف يارب ـ الو ـ الو مين رنا ـ هلا ابتسام ابتسام في داخلها "الله وش ها الحظ " ـ سلامات ليش الحلوين غايبين ـ ابد كان عندي موعد ـ طيب بكرة بتداومين ـ اية والله رحت علية دروس كثير ـ طيب اجي عندك اعلمك ـ لا خلاص اتفقت مع خلود وانا ابروح عندها بعد المغرب ـ خلاص براحتك .........رنا ممكن ـ اتفضلي ـ يمكن بكرة اروح معاكم في السيارة ابوي عندة شغل وبيتأخر علية ـ عادي تعالي ـ تسلمين وفقلت الخط.........واتصلت على خلود ـ الو ـ هلا ابتسام ..........ها بشري وش سويتي ـ خلاص كلمت رنا والحين ابكلم ابوي ـ طيب يوم تكلمينه خبريني وراحت ابتسام عند ابوها ـ ابوي ـ هلا بسو ها يابابا كيف المدرسة ـ الحمد الله .....وبكرة عندنا رحلة ـ ها رحلة وين ـ ها.....وين ......في ..في مركز العلوم والتكتلوجيا ـ حلو المركز هذا مرة مفيد ـ ايه وبنتأخر ـ يعني متي ترجعون ـ مدري بس ممكن اروح مع بنت الجيران ـ اي جيران ـ إلي قدامنا ........هي معي بنفس الصف ـ خلاص روحي لو صار شي دقي على جوالي.. ـ طيب وقامت من عند ابوها وهي من الفرحة ترقص ودخلت غرفتها وتجهزت وصارت تحلم ببكره وش تسوي
وفي الصباح قامت ابتسام من فراشها وطلت من الشباك وقالت في نفسها اليوم ابشوفه عن قرب واحترت لين خرجوا من البيت وشافته وبعدها راحت وكملت لبسها وفي المدرسه ـ خلود خلود انا هنا ...........هنا ـ وينك ـ عند الكراسي واشارت بيدها ـ وين رحيتي ـ انا هنا ما رحت بعيد خلود خلاص خلاص اليوم ابشوفه ـ اقنعتي ابوكي ـ اية الحمد الله اقتنع ـ طيب ياخبلة ليش ماكلمتيني جلست طوال الليل استناكي ـ والله نسيت ـ اية ماخذا عقلك نواف ـ بس بس رنا جات ـ هلا بنات كيفكم خلود: هلا بطش والرش رنا: ههههههه بس من امس وانتي تهللي ابتسام : يابختك يخلود رنا تزورك رنا : طيب انتي تعالي عندنا واحنا نجيكي خلود : رنوا ابتسام الجديدة المفروض احنا نزورها رنا : صح كلامك وبعدها رن جرس الطوابير وتخرت رنا وخلود وابتسام في الصف جات الوكيلة ـ انتم ما سمعتوا الجرس رنا : إلا ابله والحين راح نصف الوكيلة : اية يارنا ماخربك إلا هذول الثنتين كنتي شاطرة والحين سرتي كسلانة رنا : ابلة والله ما اخروني انا بس كنت ألم اغراضي الوكيلةمها :يالله كلكم اوقفوا ورة وارفعوا اياديكم ابتسام: معليش ابلة مها احنا ما تأخرنا والإيذاعة بعدها ما بدت الوكيلة : نعم نعم انتي تعلمين خلود: معليش ابله مها خلاص بنوقف ورى ونرفع ايادنا وهمست في اذن ابتسام ايخبلة عديها على خير لا تتصل فأمك وتخرب الخطة الوكيلة: وش قالي لها خلود: ولا شي بس قلت هذا انظمة لابد تسمعين كلام الوكيلة الوكيلة :اها هي ارجعوا وراء
ورجعوا كلهم في الخلف وصارت خلود تخاصم ابتسام ـ انتي مجنونه لا تحطين راسك براسها ـ خلود لا تجننيني هى متقصدة تسويها وتتمني علينا الغلطه ....اه بس لو ما خطة اليوم كان وريتها ـ اي خطة ـ ها لا لا تاخذي في بالك ...رنا متي رايحة اليوم ـ على طول يوم يفتح الباب بيجي نواف ويخذنا همست خلود في اذنها" بغيتي تودين نفسك في داهية وطوال اليوم كانت ابتسام تترقب الصرفة وكلها شوق تشوف نواف عن قرب وجات الصرفة وتجهزت ابتسام ولفت طرحتها عدل ولبست عباتها وخرجت مع رنا وشافت نواف واقف قدام السيارة ونقز قلبها فرح وصارت مرتبكة ومتلخبطه وركبت السيارة مع رنا وسأل نواف رنا ـ من هذي ـ هذي زميلتي ـ ليش راكبه معنا ـ ابوها بيتأخر واحنا بنوصلها ـ ليش ما يجون يخذوها .....رنا قولي لها تنزل ـ نواف ما يصير وش انت خسران وصلها ـ ما عندي وقت ادور بيتها ......."رفع صوته " قوليها تنزل ما عندي وقت ابتسام حست بثقل في حلقها وانها ودها تبكي وتصرخ فتحت الباب وخرجت على طول وطلت رنا في نواف ـ والله انك ما تستحي هذي بنت الجيران وساكنة قدام بيتنا ـ طيب قولي من اول ....ليش ماوضحتي ـ اصبر ابرح اناديها ودخلت رنا المدرسة وصارت تدور على ابتسام ولقتها في الحمامات ـ ابتسام ....تعالي ـ لا انا اسفه ....ثقلت عليكم خلاص انا ابكلم ابوي ـ لا والله ما تكلمنة ....ونواف قال خلاص ناديها ما كان يدري انك ساكنة جنبنا سكتت ابتسام وطلت بنظرات الأستغراب ـ طيب ليش رضى ....يوم...عرف ان..ي بنت الجيران (كان في بالها بوصلها عشانها هي ) ـ ياشيخة عنده موعد مع خويه وخاف اننا نعطله بس لما عرف انه ماراح يفلف قال طيب
وركبت السيارة وجلست تناظر في نواف بصمت لين ماوصلوا ونزلت على طول وراحت بيتها ونواف على طول راح لموعدة مع خوية فيصل ـ فيصل خير ان شاء الله ـ نواف انا واقع في ورطه والله يستر ـ خير تكلم ـ مدري وش اقول ـ ياخي تكلم وقفت الدم في عروقي ـ انا في ورطة ـ خير ـ تعرف الجماعة إلي كلمتك عنهم ـ اي جماعة ـ الشباب إلي يبوني اشتغل معهم ـ اية تذكرت ..... ـ رجعوا اتصلوا ـ انا ماخذرتك منهم ........ليش اتصلوا ـ بيوني ارجع معاهم ـ ترجع ليش انت رحت اشغلت معاهم ـ اية والله يانواف اطريت ما كان عندي فلوس ـ فيصل انت مجنون كيف تشتغل معاهم ـ لا تسألني اشتغلت وخلاص الحين انا اوصل البضاعة بس ومالي شغل بالباقي واخذ عمولة على كل توصيلة وبس والله خفت من اني انكشف فقررت اني اوقف ولا اكمل لكنهم طفشوني وما ريحوني كل يوم يغروني بالفلوس وانا والله ياخوي ما ابي اتابع بس اخاف اضعف ـ كم تبي وانا اعطيك ولا تروح سكت الدمار برجلك
ـ المشكله اني متورط واخاف يمسكون علي شي ويهددون ـ لاتخاف انا ابتصرف ـ وش بتسوي ـ ما لك دخل المهم ابعد ـ نواف لا تفكر في الشرطة مرة تراني اخاف انهم وهقوني ـ لاتخاف انا اتصرف بس انت غير كل ارقامك ومكان سكنك خلاص
رجع نواف البيت وهو قلق على صديقه دخل غرفتة من دون ما يسلم حتي على الجالسين في الصله
وكان في الصاله رنا وامها ـ رنا يماما روحي عند اخوكي شوفي اش فيه موعادتة انه يدخل ولا يسلم ـ طيب يمه رحت رنا عند نواف ودقت الباب ـ مين ـ انا رنا افتح الباب ـ وش عندك ـ انت افتح الباب ـ رنا فارقي ابي اريح ـ افتح ابي اعاتبك ـ خير ان شاء الله (وقام وفتح الباب ) ـ ها وش عندك ـ كسفتني اليوم مع زميلتي ـ وانتي محسبه اني سواق الحي ـ لا ...لكن من الذوق انك على الأقل ما ترفع صوتك وتسمعها ـ مشغول وعندي موعد وانتي مسحبة البنات معك وتقولي يالله يانواف وصل ـ اية اقعد تتريق ـ ما اتريق ..على الأقل اعرف انا مشغول ولا فاضي ـ هي البنت زعلت من اسلوبك ولقيتها في الحمامات تبكي ـ ياشخه قومي قالت زعلت ان شاء الله تطق راسها في الجدر ما همي احد ـ الله الله .....استحي هي عاد استحي ـ الحين وش عند ـ انت وش عندك ....داخل لا سلام ولا كلام ـ مافي شي ـ نواف نواف علية ها الحركات ـ والله مافي شي ـ انا متأكدة في شي وشي كبير مرة ـ اقول شافة الباب هذا الباب ـ اية شايفه ـ اذلفي وصك الباب وراكي ابي انام ـ المهم لا تقلق امي عليك لو عندك شي على الأقل سلم وانت داخل زي عادتك ـ ان شاء الله هي اذلفي
راحت رنا عند التلفون واتصلت على ابتسام ـ الو ـ الوهلا رنا ـ كفيك ـ انا الحمد الله ـ عسى زعلتي من نواف ـ لا مازعلت بس حرمت اركب معاكم ـ لا يشخة والله كان مشغول ـ طيب حصل خير ـ اكيد انك زعلتي ـ لا ما زعلت اهم شي وصلت البيت بدري ـ طيب سمعيني ضحكتك ـ ههههههههههه خلاص والله ماني زعلانه ـ الحمد الله ـ طيب اسيبك لان خلود بعد شوي بتجيني ـ خلاص مع السلامة ......ابتسام لحظة...سلمي على خلود ـ يصل ان شاء الله مع السلامه
وماهي ثواني إلا الجرس يدق وفتحت ابتسام الباب ـ هلا خلود ـ سلام كيفك ـ الحمد الله ـ ها بشري وش صار ـ طيب خلينا نطلع الغرفة ـ طيب شوفي طريق وطلعوا غرفت ابتسام وعلى طول راحت ابتسام الشباك ـ يمه يمه ارحمي نفسك من الوقفه ـ خلود يمكن يطلع في اي وقت ـ الحمد الله والشكر....ابتسام انما جلستي ابروح بيتنا ـ خلاص وهذي جلسة ـ ها حكي وشا صار اليوم ـ اها ياخلود لو تدرين اليوم تكسحت كسحه ـ ها ليش وكحتها ابتسام الموقف بالتفصيل ـ مالت عليكي والله لو مكانك ما اركب ـ مدري ركبت وخلاص ـ وبعد تفكرين فيه ـ اية بيجنني ـ اقول انا ابروح بيتنا ابرك لي من ها الخبال ـ خلود اجلسي الله يخليكي ـ طيب انا نفسي اسمع لمحمد عبدو شغلي المسجل وشغلت ابتسام المسجل ـ خلود شكلك رايقة ـ اية رايق اليوم بنروح بيت خوالي في الديرة ـ حركات وين درتكم ـ في الجنوب .....يالله يالله شغلى بسرعة ـ هي وهذي الأغنية ـ الله حلوة ترقص نفسي ارقص ـ يالله ارقصي وانا معك ابرقص
وقامت ابتسام ترقص مع خلود وكان المسجل صوته عالي وسمع ماجد الصوت من غرفتة وراح لغرفت ابتسام وفتح عليها الباب وتفاجاء بوجود خلود خلود كانت ترقص ومو شايفة ماجد لأنها كانت معطيته ظهرها وكان صوت المسجل عالي حتي فتح الباب ماسمعوة ماجد كان متسمر في مكانه وعيونة على خلود وهي ترقص اما ابتسام شافت ماجد من الدهشة تبلمت وخلود مادارية عن الدنيا ترقص وما تدري ان ماجد ياكلها بعيونة
غطت الدهشة عيون ماجد اول مرهيشوف جمال اهل الجنوب, جمال خلاب الشعرها طويل اسود يغطي ظهرها والخصر يتمايل مع الأغنية عندها لفت خلود تبي تدور مع الرقصة إلا عيونها في عيون ماجد ماجد في نفسه "الله وش جمال وش ها العيون ولا قدر يرفع عيونه عنها خلود فتحت عيونها من الدهشة وشهقت وراحت وري الباب ابتسم ماجد وصك الباب.....وناظرت خلود في ابتسام ـ ابتسام ايش هذا كيف اخوكي يدخل علينا ـ والله عمرة ما سواها ـ الحين شافني .....لا وانا ارقص بعد ....والله لو يدرون هلي كان ذبحوني ـ والله ياخلود ما يدري انك هنا ـ انا ابروح بيتنا ـ اجلسي .....والله ما يدري انك هنا ـ لا لا ابروح شوفي طريق ـ طيب ....لكن والله مايدري انك هنا ـ المفروض يوم يشوف وحدة غريبة ما يتسمر ويجلس يطالع ـ والله ماهي عوايد ماجد ماجد خجول ـ اقول شفي طريق ـ طيب استني وخرجت خلود من بيت ابتسام وراحت ابتسام عند اخوها.....وطقت الباب ـ ماجد انا ابتسام نقز من مكانه وفتح الباب ـ هلا بسو ـ ايش إلي سويته كيف تجرئت وانا اقول ماجد خجول ـ ابتسام من هذي ـ ليش تسأل ـ من جد من هذي ـ هذي زميلاتي في المدرسة ـ خلود بنت الجيران ـ كيف عرفت ـ شفتها من الشباك وهي خارجه ـ ماجد وش ها الحركات ـ ابتسام من خلود هذي ـ هذي البنت إلي كلمتك عنها يوم اخذت مكانها ـ اهاااااااااااااء عرفت بس مرة حلوه ـ ماجد استحي ـ لاوالله مرة حلوه
ـ ابتسام هي دايم تزورك
ـ مالك دخل شف ماجدلاتحرجني مع زميلاتي ـ مابسوي شي ـ ماجد عيب ها الحركات ترها بنت قبايل ـ وانا قلت شي بس سؤال ـ خلاص لاتسأل في شي مايخصك وخرجت من عند اخوها وراحت لغرفتها وطلت من الشباك عساها تشوف نواف ولمحت نواف يدخل بيتهم وقالت في نفسها " ابتصل على رنا واسلم يمكن يرد " وراحت لي الصاله واخذت التلفون ـ الو ـ الو "رد نواف " ـ السلام عليكم ـ وعليكم من ـ انا بنت جيرا.......... قاطعها نواف ـ رنا رنا تلفون ـ ياربي وش الحظ حتي على التلفون ـ الو ـ اااااااااااااالو هلا رنا ـ كيفك ابتسام ـ الحمداااااااااااالله ـ اشبك تردين بطفش ـ لا بس حبيت اسلم عليكي ـ الله يسلمك كيف ذاكرتي للأختبار ـ اي اختبار ـ بكرة علينا اختبار تاريخ ـ من جد ـ ايه والله ـ متي من قال ـ اليوم في الحصة الخامسة قالت الأبله انو عندنا اختبار يوم الأربعاء ـ والله ما دريت ـ ايه كنتي انتي وخلود في غرفت ابله مها ـ الله ها الوكيلة اكره سيرتها ـ هههههههاااالله يعينك عليها ـ لكن انا ابوريها والله ما اريحها ـ ابتسام لا تقعدلك ـ خليها تقعد والله انها جالسةو تتصيد لي على اتفه شي ـ طيب اليوم ليش رحتوا عندها ـ عشان يوم دق الجرس ابله مريم قالت لي انا وخلود جيبوا الدفاتر معيا لغرفة المعلمات وشلنها ويوم شفتنا راجعين للفصل جلست تهزئ تقول ليش انتو بره ........اهووووووووو وكيله غبية ـ عشان كذا اقولك انتبهي لا تقعد لك ـ هي قعدت وخلاص....المهم ابسيبك واكلم خلود شكلها ما تدري عن الأختبار ـ طيب مع السلامة
اتصلت ابتسام في خلود ـ الو خلود ـ هلا ابتسام ...خير ـ اسمعي بكرة في اختبار ـ اختبار ايش ـ اختبار تاريخ ـ من قال ـ رنا قالت يوم كنا في الحصة الخامسة عند ابله مها جات ابله منيرة وقالت بكرة في اختبار ـ والله احنا لفينا حوايجنا وسكرنا الشنط والحين بنروح الديرة ـ يعني خلاص بتغيبين ـ اية ما اقدر اقعد لحالي في البيت ـ طيب تعالي باتي عندنا ـ لا والله موقف اليوم خلاني اخاف حتي اجي عندك ـ والله ماكان يدري اسمعي كلمي اهلك تعالي عندنا الأختبار مهم ـ مقدر ـ انتي كلمي اهلك وشوفي ـ طيب لو بغيب ابروح بيت رنا عشان امي تعرفهم ـ لا تعالي عندي الله يخليكي ونامي معي ـ لا والله ـ الله يخليكي والله ماجد ماقصد وجلس يعتذر ـ طيب ابكلم امي
وكلمت خلود امها ورضت وكلمت ام خلود ام ابتسام ووصتها على بنتها وقالت بكرة بيجي ابوها ويخذها في الظهر فرحت ابتسام وجهزت غرفتها وكان ماجد اكثر فرح منها عشان بتلصص ويحاول يشوفها مرة ثانية لكن ما فلح كانت في غرفت ابتسام ولا طلعت منها ابد وفي الصباح قام وتشخص احلى تشخيصة وتعطر وتهندم وراح عند ابوه ـ ابوي ـ هلا بالشبل ـ انا ابوصل ابتسام ـ لايابابا هم على طريقي ـ خلاص اليوم انا ابوديهم عشان على الأقل اعرف وين مدرسة ابتسام يمكن يوم تتأخر وترسلني اجيبها ـ اية والله في هذي انت صادق ـ خلاص اوصلهم اليوم ـ ايه وصلهم وبس تمهل ـ ان شاء الله وراح الصاله وجلس ينادي ـ ابتسام ابتسام يالله بسرعة ونزلت ابتسام ........ ـ خير ليش تصارخ ـ يالله ابوصلكم اليوم ـ من قال ابوي يوصلنا ـ ابوي خلاص راح وقال وصلهم انا تأخرت ـ انت من جدك ـ ايه والله ابوصلكم ـ ماجد بطل حركات انا اعرف وش تبي ـ اقول انا ابروح السيارة بسرعة نادي عليها ـ الله ياخذك ما توقعت انك كذا راعي حركات ادري ياماجد انها لعبة منك ـ بطلي فلسفة ونادي عليها انا تأخرت على المدرسة ـ طيب وراحوا مع ماجد طبعاً ماجد سوى مراية السيارة على خلود ونظراته ماوقفت عنها ويحاول يلفت انتباهها بالتشخصة, لكن خلود ما دارية عنه ونزلت من السيارة وراحت المدرسة وماجد مافلح في خطتته
وكان يومهم في المدرسة جدأ صعب
وكانت الوكيله مها تترصد لابتسام وتحاول تتطلعها غشاشة لكنها مافلحت
ورجعوا من المدرسة مع ماجد وكان ماجد متجهز ومشغل شريط لمحمد عبدو
ماجد صار يردد مع المسجل وخلود حست علية وعرفت انه بكلمات الأغنية تقصدة قامت همست في أذن ابتسام ـ اقول اخويك ما يبي يعديها على البر ـ لاتخافين ابعلم ابوي بعمايله الله يخذة فشلنا ورجعوا البيت وكان نواف توه داخل بيتهم هزت ابتسام خلود ـ شوفي شوفي نواف ـ ادري الخبل نواف ـ لا تقولي كذا ـ لا ابقول خبل التم على خبلة ـ خلود ـ لا تزعلين امزح
دخل نواف على البيت ونادي على رنا ـ رنا رنا ـ ها وش عندك ـ احمد يقول تجهزي بعد شوي بيأخذك ويروح الشركة ـ الحين توي واصله من المدرسة ـ يقول لابد تروحون الشركة عشان تخلصين اوراقك ـ طيب متي بيجي ـ بعد ربع ساعة ـ خلاص ثواني واخلص ووصل احمد واخذ رنا وهم في السيارة ـ رنا ـ نعم ـ الحين خلصي اورقك في قسم الموظفين ولو سألوكي...... ـ ادري ابقول ما يقربلي .....والله طفشتني يا أحمد خلاص حفظنا ـ خلاص لا تزعلين ـ احمد نورة تعرف انك تقربلي ـ ايه بس قلت انك من الجماعة من بعيد ـ وكيف احوالك معها ـ والله احنا في مشاكل كل كلمة والثانية اذا ما تقدر تتزوج خليني اشوف نصيبي ـ افأ ياذا العلم ـ تتريقي ـ لاوالله بس كيف تقولك كذا ـ بس احبها ومااقدر اتركها ـ طيب انا ابكلمها اليوم واحاول اهدي عليها لين ما تقنع اعمامي
دخلت رنا الشركة وراحت عند نورة
ـ سلام ـ وعليكم السلام ـ كيفك يارنا ـ انا الحمد الله ـ خلصتي اورقك ـ كيف عرفتي ـ احمد قالي ـ نورة ليش ما تصبرين على احمد ترى والله متمسك فيكي ـ فكينا الله يخليكي اي متمسك واحد شوره مو عنده وماله شخصيه حتي حياته ما يعرف يديرها واحد ما يمشيه إلا اهلة مو رجال ـ لو سمحتي لا تقولي على احمد كذا ـ زعلتي فيه ـ لا بس انا اعرفه اكثر منكي ـ لا حبيبتي لو ما تصرف وتزوج انا ابتزوج غيرة ليش اضيع عمري على واحد ما عنده شخصيه ـ الحين انتي تحبينه ـ عادي ما احس شي المهم اتزوج ـ وتقولينها قدامي ـ عادي شوفي هو حنون بس ماله شخصيه ـ لا احمد بس يحترم العائلة ولا يقدر يتزوج عشان ابوه وامه ـ على العموم هو بعد شوي جاي نشوف وش عنده ودق الباب احمد ودخل ـ رنا ممكن تطلعين بره عند كلام خاص ـ طيب على امرك وخرجت رنا لكن الباب كان مفتوح نص فتحة قربت تسمع وش يقولون ـ نورة انتي ليش ما تستنين لو بس شهر ـ معليش احمد انا وحدة مطلقة والكلام كثير لو ناوي تزوج ولو ما تقدر خلني اشوف نصيبي ـ ليش متقدم احد ـ لا بس الكل في الشركة عارف انك تبي تتزوجني على الأقل يدرون انك ما تبي ـ لا ابيك والله ابيكي وشوي حضنها وهمس في اذنها والله احبك والله احبك رنا انصدمت من الموقف ومن جرئت احمد وحست الدنيا دايرة فيها وخرجت وراحت لما السيارة
وفي السيارة كان الهدواء رنا ساكته وقلبها واجعها على ما شفته وحست انه احمد عشقان ولا يقدر يتزوج نوره ـ رنا ـ نعم ـ ليش ساكته ـ ابد ماعندي كلام ـ رنا ساعديني اقنعي ابوكي ـ ابوي وعدك خير بس انت اقنع ابوك ـ صعب صعب صعب .....اه صعب"... ونزلت دموع من عين احمد ـ احمد ما عاش من ينزل دموعك صدقني ابحاول انا مع ابوك ودمعت عيون رنا كانت محبوسة من الموقف إلي شافته بس دموع احمد ساعد انها تخرجها راحت غرفتها ونامت على طول كانت تحلم بأحمد هو يحضنها هي وتطل بعيونه وهو مغمضها وتحاول تفتح فيها بس هو مغمضها وقامت من النوم وهي تقول خير اللهم اجعله خير